Преподобный Тихон Калужский и Медынский (память 16/29 июня)
16/29 июня Русская Православная Церковь празднует память преподобного Тихона, Калужского и Медынского чудотворца. Сведений о нем сохранилось очень немного: жизнеописание святого сгорело вместе с монастырем в 1610 году, при набеге польско-литовских интервентов.
Предполагают, что преподобный Тихон происходил из киевских бояр, в юности пришел в Москву, принял монашеский постриг в Чудовом монастыре, какое-то время жил в обители преподобного Пафнутия Боровского, был его учеником; в древних описях некоторых калужских храмов упоминаются иконы с изображением трех преподобных: Пафнутия Боровского, Тихона Медынского и его ученика Никифора.
Желая уединения, святой подвижник избрал пустынное место в дремучем лесу в 17 верстах от Калуги на берегу речки Вепрейки. От непогоды он укрывался в дупле исполинского дерева; этот дуб простоял еще четыре века по смерти преподобного, а в 1830 году был сломлен грозой. В 1838 году игумен Геронтий построил над остатками дуба часовню.
Питался преподобный травами и плодами, воду брал из выкопанного им колодца, за все благодарил Бога. Слава о подвижнике привлекала множество людей, некоторые становились его учениками, постепенно складывалось братство. Жили в бедности, не было даже лошади, чтоб обрабатывать неплодородную землю, преподобному приходилось самому впрягаться в плуг. Удельный князь Боровский Василий Ярославич, как-то охотясь в лесу, встретился с преподобным и, воззрев «ярым оком», дерзнул замахнуться плетью, приказывая немедленно покинуть его владения. Рука, поднятая на святого, тут же онемела и осталась недвижимой. Вразумленный наказанием, князь умолял преподобного о прощении и получил по его молитве исцеление. С этого времени он усердно жертвовал на строительство монастыря и снабжал его насельников всем необходимым. Смирение преподобного Тихона не знало границ: обитель он основал только потому, что о том просили и князь, и приходившие к святому богомольцы.
Первый деревянный храм преподобный Тихон посвятил, как и монастырь, Успению Божией Матери. Он мудро управлял обителью, наставлял братию в духе любви и кротости, кормил голодных, привечал странников, помогал обиженным. О его внешности имеются сведения в «Иконописном подлиннике»: «Преподобный отец наш Тихон, начальник монастыря Богородицына, иже на Калуге, подобием надсед, брада аки Власиева, ризы преподобнические и в схиме».
Преподобный скончался в глубокой старости. В синодике Калужского Лаврентиева монастыря, составленном при царе Феодоре Иоанновиче, отмечено: преподобный Тихон отошел ко Господу в 7000 году от сотворения мира, то есть в 1492 году от Рождества Христова. После московского собора 1549 года ему установлено всецерковное почитание.
Мощи угодника Божия после их обретения почивали открыто в раке, в деревянной церкви Трех Святителей, а затем в Спасо-Преображенском соборе. Служба святому утверждена первым по образовании Калужской епархии архиепископом Феофилактом (Русановым) в 1805 году.
После разорения в Смутное время Тихонову пустынь восстановили, при участии первых Романовых, царей Михаила Феодоровича и Алексея Михайловича. В 1684 году обитель приписали к Московскому Донскому монастырю; утратив самостоятельность, она пришла в упадок и к 1764 году насчитывала всего семерых насельников.
Расцвет начался с 1837 года, когда монастырь возглавляли Оптинские монахи: игумен Геронтий (Васильев), ученик старца Льва (Наголкина), и в особенности архимандрит Моисей (Красильников), управлявший монастырем в течение 37 лет; он ввел оптинский устав и старчество. В эти годы стали записывать чудеса и знамения, совершавшиеся по молитвам к преподобному Тихону. Святая вода из его источника исцеляла от оспы, паралича, туберкулеза, дифтерита, ей поддавались глазные и даже психические болезни.
К началу ХХ века Тихонова пустынь достигла положения одной из крупнейших обителей России; богослужение совершалось в восьми храмах; 236 монахов размещались в пяти братских корпусах, имелись больничный корпус с домовым храмом, трапезная, просфорня, хлебопекарня, свечной завод, хозяйственные здания, скотный и конный дворы, дом для трудников, три гостиницы, два странноприимных дома. В нескольких верстах находился Сретенский скит, основанный в 1867 году.
Большевистские власти закрыли монастырь в 1918 году. Семерых братий расстреляли, остальные разъехались кто куда, служили на приходах и подвергались репрессиям, как все священники. Обитель разорили, святой источник, к которому посылал болящих преподобный Амвросий Оптинский, завалили бетонной плитой, храмы разграбили, в корпусах поселили мирян. В конце 1920 года разрушили Преображенский собор; мощи преподобного исчезли и до сего дня их местонахождение неизвестно.
Надо считать настоящим чудом возрождение обители, которое началось с 1991 года, когда Калужской епархии передали источник преподобного Тихона и землю вокруг него. Уже через год здесь появились деревянный храм в честь иконы Божией Матери «Живоносный Источник» и братский корпус. Храмы и другие строения восстанавливались или строились заново по мере их поэтапного возвращения Церкви.
Чудеса по молитвам к преподобному Тихону совершаются по сей день.
Калужане почитают также преподобного Никифора, преемника преподобного Тихона в управлении монастырем; на старинных иконах его изображали вместе с преподобными Пафнутием и Тихоном. Сведений о его кончине нет. Погребен, вероятно, в обители своего наставника или в Спасской пустыни в устье Угры, основателем которой он, может быть, являлся. О преподобном Никифоре упоминает также архиепископ Сергий в «Полном месяцеслове Востока».
Преподобный Ти́хон Медынский, Калужский
Возбранный чудотворче и предивный постниче, великий угодниче Христов, преподобне отче Тихоне, граду и стране нашей источаяй многочудесныя цельбы и милости, восхваляем тя любовию, достохвальне; ты же, яко имея дерзновение ко Господу, от всяких нас бед свободи, да зовем ти: Радуйся, преподобне отче наш Тихоне чудотворче.
Икос 1
Ангелов Творец, в Троице Бог славимый, предуведевый чистаго сердца твоего изволение, показа тя мирови истиннаго ревнителя благочестия и добродетелей подвижника, вся земная вменившего в уметы.
Того ради мы, любовию побеждаеми, вопием ти сице: Радуйся, богоносне, небесный человече; Радуйся, земный ангеле. Радуйся, обиталище Пресвятаго Духа; Радуйся, яко Бога ради отечества страну оставил еси. Радуйся, яко в пустыню вселился еси; Радуйся, яко слезами оную напоил еси.
Радуйся, яко теми оную многоплодну сотворил еси; Радуйся, яко Божественными песнопении сию просветил еси. Радуйся, яко в той ученик стадо собрал еси; Радуйся, яко страху Божию тех научил еси.
Радуйся, яко и ныне непрестанно молишися ко Господу о совершающих благочестно память твою; Радуйся, яко и нас соблюдаеши от врагов видимых и невидимых. Радуйся, преподобне отче наш Тихоне чудотворче.
Кондак 2
Видяще, яко дана тебе бысть от Господа, преподобне отче наш Тихоне, благодать подавати скорое вспоможение всем, с верою к святым твоим мощем приходящим, и содевати преславная чудеса, мы, веселящеся, яко имеем таковаго милостиваго помощника, прославляем всесильнаго Бога и вопием Ему: Аллилуиа.
Икос 2
Разум богомудрый стяжав и усмотрев суету мира сего, преподобне отче Тихоне, помышляя о небесном, вселился еси в пустыню, и в ней преславный храм боголепнаго преображения Господня и обитель устроив, собрал еси ту множество ученик.
Сего ради вернии научишася воспевати тебе сице: Радуйся, яко стаду твоему отец и наставник был еси; Радуйся, яко смиренномудрием тех исправлял еси. Радуйся, яко обычай кроток имел еси; Радуйся, яко незлобиво сердце стяжал еси.
Радуйся, яко земная отринув, умом твоим к небесным возшел еси; Радуйся, яко к вышнему течение твое выну исправлял еси. Радуйся, яко в добродетелех преславен обрелся еси; Радуйся, яко кроткому пастырю Христу последовал еси. Радуйся, яко алчущих питал еси; Радуйся, яко жаждущия напоял еси.
Радуйся, яко всегда едино пред очима имел, еже со Христом быти; Радуйся, яко Той тя пресели в вечныя обители блаженства. Радуйся, преподобне отче наш Тихоне чудотворче.
Кондак 3
Силою, данною ти свыше, блаженне Тихоне, долготу летнюю, пустынное озлобление и в потребных скудость пред очима имея, терпел еси благодарно, и тем Христа обрет в души твоей, Тому выну воспевал еси: Аллилуиа.
Икос 3
Имуще тя воистинну, отче Тихоне, подвижника крепкаго и молитвенника бодраго, и мысленно взирающе на досточудныя твоя подвиги и труды, мы, любовию твоею побеждаеми, умильно вопием ти сице: Радуйся, яко ангельски на земли пожил еси; Радуйся, яко жития чистотою страну нашу просветил еси.
Радуйся, яко тяготу вара дневнаго понесл еси; Радуйся, яко слезными потоки землю сердца твоего напоил еси. Радуйся, яко теми лукавых духов ополчения попрал еси; Радуйся, яко молчанием язык обуздал еси.
Радуйся, яко благою жизнию твоею образ терпения и смиренномудрия нам явил еси; Радуйся, яко высоту добродетелей достигл еси. Радуйся, яко восприял еси Святаго Духа озарение; Радуйся, яко воистинну честна смерть твоя, преподобне.
Радуйся, яко и по смерти с нами пребываеши; Радуйся, яко верно почитающим тя во всяких нуждах помогаеши. Радуйся, преподобне отче наш Тихоне чудотворче.
Кондак 4
Буря недоумения смущает ум наш, како бо возможем исчислити подвиги твоя, блаженне Тихоне: бдение и сухоядение, непрестанныя молитвы и прочия добродетели; но мы дивно Богу, в тебе прославляющемуся, дерзаем воспевати: Аллилуиа.
Икос 4
Слышавше ближнии и дальнии, преподобне отче наш Тихоне, ангелоподобное твое житие, и яко молитвою твоею мнози, с верою притекающии к раце мощей твоих, исцеление приемлют от разнообразных недугов, благодарно воспоминающе о толиких твоих благодеяниих, радостно взывают к тебе таковая: Радуйся, недугующих врачу; Радуйся, скорбным сострадателю. Радуйся, в душевных и телесных немощех скорый целителю; Радуйся, елей милости подающий. Радуйся, светильник, благочестием сияющий; Радуйся, яко древо благорасленное при водах. Радуйся, яко многи ветви добродетелей израстил еси; Радуйся, яко под сень пустыни твоея хотящих спасения приимал еси. Радуйся, яко о тех молитвенник тепл в жизни твоей был еси; Радуйся, яко благими делы душу твою украсил еси. Радуйся, яко велику благодать и силу от Бога приял еси; Радуйся, просящим милости подателю. Радуйся, преподобне отче наш Тихоне чудотворче.
Кондак 5
Боготечная звезда явился еси во стране нашей, наставляя всех на путь спасения; призывающих бо тя вскоре предваряеши и от всяких бед и напастей избавляеши, верныя же научаеши спасающему тобою Богу взывати: Аллилуиа.
Икос 5
Видевши российстии народи богоспасаемыя страны сея пречудное по Бозе житие твое, Тихоне преподобне, яко аще и последи лет нам возсиял еси, но древних отец чести сподобился еси, дарования чудес достойно приим от Бога, того ради научишася пети тебе: Радуйся, великий Богу угодниче; Радуйся, яко во временней жизни, любве ради ко Господу, выну во спасение души твоея трудился еси. Радуйся, яко Его же помощию оставль тленная стяжал еси блага неистленная; Радуйся, яко благодатию Божиею сподобился еси стояти у Престола Владычня. Радуйся, яко тако сподобился еси быти причастником славы вечныя; Радуйся, тамо получивый благодать ходатайствовати о нас. Радуйся, скорый помощниче призывающим тя; Радуйся, готовый пособителю христианом. Радуйся, православному нашему царству защитителю; Радуйся, многая чудеса благодатию Святаго Духа содеявый. Радуйся, тем слепым прозрение подаваяй; Радуйся, хромым хождение исправляяй. Радуйся, преподобне отче наш Тихоне чудотворче.
Кондак 6
Проповедует Калужская наша страна труды твоя и подвиги, богомудре Тихоне, подъятые тобою душевнаго ради твоего спасения, егоже ради прослави тя Господь славою благолепною. Темже в пустыни яко древо благоплодовитое явился еси, от негоже духовно питаемся, благодаряще Бога и вопиюще к Нему: Аллилуиа.
Икос 6
Возсия православней российстей земли нашей просвещение совершенных твоих добродетелей и чудес, преподобне отче Тихоне, о нихже благодаряще Бога, давшаго тебе таковую благодать, к тебе, яко к теплому о нас молитвеннику, радостная воспеваем, глаголюще: Радуйся, живый ангельски на земли; Радуйся, от страстей греховных себе удаливши.
Радуйся, образ истиннаго терпения бывый; Радуйся, совершенное смирение нам в себе явивый. Радуйся, наставниче спасению; Радуйся, грешных приводяй ко исправлению. Радуйся, Христовых заповедей исполнителю; Радуйся, душ немощных целителю. Радуйся, лукавых духов прогонителю; Радуйся, благочестия ревнителю. Радуйся, неоскудный милости подателю; Радуйся, благих желаний исполнителю.
Радуйся, преподобне отче наш Тихоне чудотворче.
Кондак 7
Хотя избран дом Духу Святому себе сотворити, потщался еси тесным и прискорбным путем, ведущим в жизнь вечную, ити, еже благодатию Божиею от юности твоея совершив непорочно, тем достигл еси в небесном всерадостном пребывании воздаяния, и тамо благодарственно поеши Богу: Аллилуиа.
Икос 7
Новую благодать показа всех Владыка тебе, богомудре Тихоне: многая бо и преславная чудеса в мире живущим людем действуеши и скорым твоим ходатайством пособствуеши. Темже вопием тебе таковая: Радуйся, иноком добрый наставниче; Радуйся, пустыню имевый яко тихое пристанище. Радуйся, яко в той аки безплотен пожил еси; Радуйся, аки многомятежие мира презрел еси.
Радуйся, непостоянную суету яко прах вменивый; Радуйся, яко к премирным ум твой возвел еси. Радуйся, яко безмолвием воздержал еси телесныя чувства; Радуйся, яко тем Богу угодил еси. Радуйся, ангельскую жизнь стяжавый; Радуйся, яко ко отшествию от мира сего всегда себе готовил еси. Радуйся, яко благими делы душу твою украшал еси; Радуйся, о людех неложный молитвенниче.
Радуйся, преподобне отче наш Тихоне чудотворче.
Кондак 8
Странное чудо и выше ума: ты бо преславную от Бога прием благодать, с верою прибегающим к тебе источаеши дарования исцелений, преподобне отче Тихоне; сего ради славит тя священная твоя обитель, идеже положено святое твое тело, и мы, усердное моление зде приносяще, благодарим прославльшаго тя Господа и выну вопием Ему: Аллилуиа.
Икос 8
Весь еси и всем воистинну, преподобне отче Тихоне, дивен явился еси: аще бо и плоть в мире носил еси, но вся плотская мудрования презрев, ангельски на земли пожил еси. Мы же, видевше толикия твоя подвиги, благодарными устнами вопием ти: Радуйся, собеседниче ангелов; Радуйся, украшение праведных.
Радуйся, ластовице сладкопеснивая; Радуйся, органе Духа Святаго. Радуйся, цевнице духовная; Радуйся, отче чадолюбивый. Радуйся, стада твоего пастырю добрый; Радуйся, благий и верный рабе. Радуйся, делателю винограда Христова; Радуйся, данный тебе талант от Бога усугубивый. Радуйся, неподвижимый благочестия столпе; Радуйся, непоколебимое ограждение веры.
Радуйся, преподобне отче наш Тихоне чудотворче.
Кондак 9
Всякия болезни наша и печали утоли, великий наш заступниче, преподобне отче Тихоне, и подаждь нам последовати твоему житию, славу земную ни во чтоже вменяти и честь временную презирати; тоя бо ради добродетели прослави тя Бог на небеси, идеже ныне Ему ты предстоиши и непрестанно воспеваеши: Аллилуиа.
Икос 9
Вития многовещанныя недоумеют достойно славити тя, преподобне отче Тихоне, ибо многая и преславная чудодействия источаеши благодатию Божиею. Мы же, любовию побеждаеми, дерзаем пети тебе сице: Радуйся, слепых просветителю; Радуйся, хромых исправителю. Радуйся, разслабленных целителю; Радуйся, злых помыслов прогонителю.
Радуйся, скорбящих утешение; Радуйся, яко хульныя уста вражия заградил еси. Радуйся, яко ослабленная сердца к вере и упованию наставил еси; Радуйся, яко твоими молитвами тех спасл еси. Радуйся, яко тьму суеверия прогнал еси; Радуйся, яко к небесному свету многих направил еси. Радуйся, светильниче, сияющий добродетельми; Радуйся, единаго Бога истинный исповедниче.
Радуйся, преподобне отче наш Тихоне чудотворче.
Кондак 10
Спасти хотя душу твою, преподобне отче Тихоне, в юности возраста своего оставя отечество твое и страну, достигл еси царствующаго града Москвы, и конечнаго ради смирения своего восприяв иноческий образ, вселился еси в пустыне, идеже устроив храм боголепнаго преображения и собрав ученик множество, богоугодно подвизался еси в посте и воздержании, терпя различная искушения благодарно и работая Господеви, Емуже на небесех предстоя, ныне вопиеши: Аллилуиа.
Икос 10
Стена твердая явился еси всем человеком, к заступлению твоему прибегающим, преподобне отче Тихоне, темже и нас, к тебе притекающих и твоея святыя помощи просящих, от всяких бед и напастей заступай и ограждай, за еже мы вопием к тебе таковая: Радуйся, богатства мира сего возненавидевый; Радуйся, нетленная сокровища на небесех возлюбивый. Радуйся, единаго безценнаго бисера Христа Бога приобретый; Радуйся, иноческую нищету возлюбивый. Радуйся, яко с тою во все дни иноческия жизни твоея пребыл еси неразлучно; Радуйся, яко тою стяжал еси богатая сокровища на небеси. Радуйся, яко ангельския достигл еси чины, ихже житию непорочно поревновал еси; Радуйся, яко уневестил еси душу твою жениху Христу. Радуйся, яко от Него на небесех обрел еси мзду трудов твоих; Радуйся, яко вшел еси в радость Господа твоего. Радуйся, яко тамо наслаждаешися вечныя славы Его; Радуйся, преподобне отче наш Тихоне чудотворче.
Кондак 11
Пение благодарственное Христу Богу, тя, преподобне отче Тихоне, прославляющему, вси православнии возсылают, яко Господь даровал есть ти многих чудес силу всякия недуги исцеляти. Ему же ты предстоиши у Престола Его на небесех, нас же земных всех научаеши в Троице Единому Богу воспевати: Аллилуиа.
Икос 11
Светозарным светом блистает преславный храм твой, преподобне отче Тихоне чудотворче, имея цельбоносный твой гроб, яко светильник пресветлый, да входяще видим, и благоговейно чествуя тя, дерзаем глаголати тебе: Радуйся, светильниче света небеснаго; Радуйся, яко лучами святыни твоея нас озаряеши.
Радуйся, яко блистанием чудес твоих нашу страну просвещаеши; Радуйся, яко притекающих к тебе утешаеши. Радуйся, врачу душ наших благоприятнейший; Радуйся, скорбящих грехами всерадостное утешение. Радуйся, отчаянных надежда спасения; Радуйся, обидимых скорый заступниче. Радуйся, правды истинный хранителю; Радуйся, крепкий наш столпе и забрало.
Радуйся, пламень, пожигаяй злочестие; Радуйся, росоносный облак благодати, возращаяй благочестие. Радуйся, преподобне отче наш Тихоне чудотворче.
Кондак 12
Благодать, данную тебе от Бога, преподобне отче Тихоне, сведуще, тебе нашего милостиваго отца прилежно просим: пролей ныне теплую твою молитву о нас грешных ко Господу, да утвердит и укрепит нашу страну российскую, церковь же святую и веру православную да сохранит и вся православныя христианы помилует, всегда вопиющия Ему: Аллилуиа.
Икос 12
Поюще дивнаго во святых Своих Бога нашего, преподобне отче наш Тихоне, и почитающе всечестное твое успение, яко и по преставлении твоем не оставляеши нас благодатными чудес даровании, скорое твое нам во всяких нуждах и печалех поможение прославляем, и вопием к тебе сице: Радуйся, великий наш молитвенниче; Радуйся, известный Бога умилостивителю. Радуйся, всех православных скорый помощниче; Радуйся, в бедах всем скорый заступниче. Радуйся, сильный в напастех защитниче; Радуйся, алчущим кормителю. Радуйся, скорый врачу всем к тебе прибегающим; Радуйся, всяких исцелений источниче. Радуйся, люте страждущим помощниче; Радуйся, везде и всем скорый предстателю. Радуйся, страны нашея похвало и утверждение; Радуйся, православному воинству нашему сила и укрепление. Радуйся, преподобне отче наш Тихоне чудотворче.
Кондак 13
О великий и преславный чудотворче и заступниче наш, Тихоне блаженне! Приими сие приносимое тебе моление и благоприятным твоим ходатайством умоли Господа Сил всем нам избавитися от всяких скорбей, бед и напастей, и грядущая в небесных благая улучити вопиющим Ему: Аллилуиа.
(Этот кондак читается трижды, затем икос 1 и кондак 1)
