Икона Божией Матери “Знамение”
В России верующие всегда с особым трепетом и любовью относились к Божьей Матери. Её образы, в том числе икона Божией Матери «Знамение», особо почитаются. Многочисленны примеры чудесного заступничества Богородицы за народ, который молит Ее о помощи. Дева Мария – единственный в мире человек, в которого вошел Сам Бог. Непорочная Дева родила в мир Богочеловека Иисуса Христа.
Икона Божией Матери «Знамение»
“Личная заслуга Пресвятой Девы состоит в том, что она приготовила себя для принятия Спасителя. Таков был ее личный, свободно принятый подвиг. Чистота ее жизни, глубочайшая любовь, полное самоотречение и абсолютная верность Богу – все это не встречалось ни в одном из праведников ветхозаветной древности в такой степени” (святитель Игнатий Брянчанинов).
Поэтому закономерно широкое почитание Царицы Небесной через ее святые образа. Ведь зачастую именно иконы являются зримым свидетельством чудес Богородицы.
Икона называют “живописным Евангелием”, “бессловесной проповедью”, “окном в невидимый мир”. Православные поклоняются самой Богородице, изображенной на иконе, а не доскам и краскам, как считают иконоборцы.
“Когда увидишь икону Пресвятой Богородицы, обрати сердце свое к Ней, Царице Небесной, и возблагодари Ее за то, что Она явилась такой готовой на покорность воле Божией, что родила, вскормила и воспитала Избавителя мира, и что в невидимой брани нашей никогда не оскудевает Ее предстательство в помощь нам” (преподобный Никодим Святогорец).
Одним из таких чудотворных изображений является Икона Божией Матери “Знамение”.
На иконе “Знамение” Богородица изображена с поднятыми и раскинутыми в стороны руками. Это — свидетельство Ее заступнической молитвы. На груди Божьей Матери в медальоне (или в сфере) восседает Богомладенец. Это один из первых иконописных образов Богородицы, берущих свое начало в IV веке. На Руси икона такого иконописного типа получила распространение в XI-XII веках. Она стала называться “Знамение” после чудесного случая, произошедшего в Новгороде.
Икона Богородицы Знамение
Кондак 1
Избранной Воеводе, Владычице нашей Богородице, знамением иконы Ея святыя дивную победу людем Новаграда даровавшей, благодарственное возглашаем пение: Ты же Всеблагая Заступнице наша, яко имущая державу непобедимую, от всяких нас бед свободи и от враг видимых и невидимых защити, да зовем Ти:
Радуйся, Владычице, знамение милости Твоея нам являющая.
Икос 1
Ангелов Царице и всея твари Владычице, Пречистая Дево Богородице, преславным знамением иконы Твоея святыя всю страну Российскую благодатно озарила еси и струи чудес от нея источила еси верным. Темже, со усердием и любовию припадающе ко пречестному Твоему образу, со умилением приносим Ти благохваления сицевая:
Радуйся, освященное селение Бога Слова; радуйся, благодатию Божиею и нас освящающая.
Радуйся, спасению падшаго рода человеческаго непорочно послужившая; радуйся, всех Творца и Господа, Чистая, Духом Божественным в ложеснах заченши, без истления родившая.
Радуйся, Матерним Твоим попечением всех нас объемлющая; радуйся, в бедах и напастех скорая нам Помощнице.
Радуйся, злыя страсти наша невидимо укрощающая; радуйся, в христианских добродетелех преуспевати нам помогающая.
Радуйся, недуги наша безмездно врачующая; радуйся, на стези покаяния нас премудро наставляющая.
Радуйся, Дево, христиан похвало; радуйся, яко блажат Тя вси роди.
Радуйся, Владычице, знамение милости Твоея нам являющая.
Кондак 2
Видев озлобление Новаграда, крепце воюемаго от воев суждальских, святитель Христов Иоанн слезно моляшеся о избавлении и спасении града и услыша Глас свыше, да идет во храм Преображения Господня и, взем тамо икону Пресвятыя Богородицы, да изнесет ю на забрала града противу полчищ, его воюющих. Таковое веление Божие услышав, святитель благодарственно возопи Спасу Христу: Аллилуиа.
Икос 2
Разумев волю Божию во гласе Небесном, святитель Христов Иоанн прииде ко храму Преображения Господня взяти икону Богоматере и, егда моляшеся пред нею, подвижеся икона от места своего на руце его честныя, и той с пением молебным изнесе ю на забрала града, глаголя народу: дерзайте, Мати Бога нашего с нами есть. Сего ради, видевше Твое к ним благоволение, в пришествии чудеснем иконы Твоея явленное, в песнех возглашаем благохваления сицевая:
Радуйся, Надеждо христиан ненадежных; радуйся, скорбящих Радосте и Заступление.
Радуйся, безпомощным скорую помощь Твою являющая; радуйся, утесняемым ослабу и свободу дарующая.
Радуйся, православным воином Предводительнице к победам; радуйся, ратей неприятельских всекрепкое низложение.
Радуйся, великий Новград благоволением Твоим осенившая; радуйся, на забрала его, яко Взбранная Воевода, во иконе Твоей пришедшая.
Радуйся, ненаказанных милостивая наказательнице; радуйся, неразумных премудрая вразумительнице.
Радуйся, обидящих всегрозная устрашительнице; радуйся, обидимых Всеблагая Заступнице.
Радуйся, Владычице, знамение милости Твоея нам являющая.
Кондак 3
Силою Божиею укреплен, святитель Христов Иоанн вознесе святую икону Твою, Владычице Богородице, посреде самыя брани, идеже стрелы от сопротивных, яко дождь, падаху, и едина от них честный лик Твой на иконе устрели: абие же икона Твоя лик свой от полков враждебных отврати и слезы от очес источи, ихже собирая в фелонь свою, святитель Христов Иоанн народом дерзати повеле, они же, яко крепка некоего хранителя имуще, на сопротивныя устремишася и до конца победиша тех, зовуще Господу Сил: Аллилуиа.
Икос 3
Имеяше Тя воистину великий Новград воительницу державную, Богородительнице Всеблагая, егда паче надеяния, знамением иконы Твоея святыя победити сильныя полки сопротивных людем Новаграда помогла еси. Темже пение победное Тебе приносяще, взываем сице:
Радуйся, умирение миру Святым Рождеством Твоим принесшая; радуйся, средостение вражды древния разрушившая.
Радуйся, неправедно враждующия наказующая; радуйся, знаменьми и чудесы Твоими христолюбивыя люди утешающая.
Радуйся, от стрелы вражия язву на лице иконы Твоея приемшая; радуйся, слезы благодатныя от нея дивно источившая.
Радуйся, вои сопротивных слепотою и бегством поразившая; радуйся, полки крепкия безсильны соделавшая.
Радуйся, во бранех крепкая Помощнице; радуйся, врагов посрамление.
Радуйся, люди Твоя дивною победою увенчавшая; радуйся, Непобедимая Воеводо вождей и воинств христианских.
Радуйся, Владычице, знамение милости Твоея нам являющая.
Кондак 4
Буря недоумения смущает ми ум: како возмогу недостойными усты воспети чудеса Твоя, Богомати Владычице, яже святою иконою знамения Твоего в Новеграде явила еси, даровав ю в помощь и заступление всем православным людем от враг видимых и невидимых? Темже, величающе неизчетныя милости Твоя к нам, смиренномудренне воспеваем прославльшему Тя Сыну Твоему и Богу: Аллилуиа.
Икос 4
Слышавше о дивнем чудеси святыя иконы знамения Твоего в Новеграде, Пречистая Дево, како людие новоградстии, имуще сию, силою Твоею и пособием Божественнаго зрака Твоего преславное одоление на сопротивныя показаша, со благоговением и радостию поклоняемся сему чудному образу Твоему и хвалебне зовем Ти:
Радуйся, Невесто Отца Безначальнаго; радуйся, неискусобрачная Родительнице Предвечнаго Слова.
Радуйся, селение прекрасное Духа Святаго; радуйся, Живоначальныя и Единосущныя Троицы благодатию осененная.
Радуйся, древле пророки многообразне предреченная; радуйся, ангельския соборы чистотою Твоею превозшедшая.
Радуйся, человеческаго рода возвышение; радуйся, падших сынов Адамлих благодатное возстание.
Радуйся, яко из Тебе в плоть облечеся Одеваяй небо облаки; радуйся, яко млеком Твоим питала еси Питателя вселенныя.
Радуйся, Всеблагословенная Богородице, Чистая Приснодево; радуйся, Радосте наша и спасение душ наших.
Радуйся, Заступнице наша, от Бога нам дарованная; радуйся, всех верных ограждение и священное прибежище.
Радуйся, Владычице, знамение милости Твоея нам являющая.
Кондак 5
Богосветлая звезда, икона знамения Твоего, Богородице Дево, великий Новград сиянием многих чудес духовно просвети, неоскудно источающи благодатная исцеления всем верным, со усердием к Ней притекающим. Не лиши и нас благодатнаго Твоего озарения и милосердных щедрот Твоих, боголепным поклонением чествующих чудотворную икону Твою, да благодарственно воспеваем Богу: Аллилуиа.
Икос 5
Видевше чудеса преславная, от иконы знамения Твоего бывшая, Владычице Преблагая, людие Новаграда со усердием к ней притекаху и в недузех своих исцеления благодатная от нея приимаху. К нейже ныне приходяще, поклоняемся, и чествуем, и от желания сердца целуем, исцелений благодать почерпающе, и недуг телесных, и душевных страстей свобождаемся, зовуще Ти и глаголюще:
Радуйся, скорбящих Радосте и обидимых Заступнице; радуйся, печальных Утешение и бедствующих Помощнице.
Радуйся, болящих немздоприимная Целительнице; радуйся, нищих и убогих некрадомое богатство.
Радуйся, терпеливых страдальцев дарами благодатными ущедряющая; радуйся, отчаянных и безнадежных от рова погибели избавляющая.
Радуйся, вдовиц и сирых благосердая Попечительнице; радуйся, целомудрия и воздержания юных Наставнице.
Радуйся, старцев благоговейных сладкое успокоение; радуйся, стариц боголюбивых тихое прибежище.
Радуйся, кающихся грешников верная Споручнице; радуйся, даров духовных щедрая подательнице.
Радуйся, Владычице, знамение милости Твоея нам являющая.
Кондак 6
Проповедует Новград преславное заступление Твое, Пречистая Владычице, како во дни нашествия врагов сильных и вооруженных от святыя иконы знамения Твоего помощь Твою благодатную людем Твоим даровала еси, враждебныя полки со студом вспять обратила еси, град же Твой цел и невредим от них сохранши, да вси поют Спасителю Богу: Аллилуиа.
Икос 6
Возсияла еси лучами великих чудес в Новеграде, Богородице Дево, и икону знамения Твоего благодатным источением слез дивно прославила еси, неизчетная милости от нея щедро подавающи всем скорбящим и обремененным. Посети убо и души наша, недугующия страстьми греховными, Госпоже Всеблагая, и буди нам Помощница во спасение, да благодарственно Тебе зовем:
Радуйся, Молитвеннице благоприятная за нас к Богу; радуйся, Предстательнице всемощная, гнев Божий на милость прелагающая.
Радуйся, руце Твои богоносне на умоление ко Творцу выну простирающая; радуйся, яко Мати Сына, Судию Праведнаго, о всем мире умоляющая.
Радуйся, покровом Матерняго Твоего заступления всех нас покрывающая; радуйся, сущих в бедах и скорбех благодатию смирения и терпения снабдевающая.
Радуйся, страждущия и безпомощныя невидимо укрепляющая; радуйся, болящия и безнадежныя от одра болезни возставляющая.
Радуйся, верою молящимся Тебе великия милости являющая; радуйся, во благих прошения наша дивно исполняющая.
Радуйся, струи благодатных исцелений обильно нам источающая; радуйся, всем вся полезная дарующая.
Радуйся, Владычице, знамение милости Твоея нам являющая.
Кондак 7
Хотящи явити, Владычице, не токмо великому Новуграду, но и всему православному российскому жительству преславная чудеса Твоя от иконы знамения Твоего, сию во многих градех, обителех и весех от лет древних до дний наших дивными чудесы прославила еси, слепым прозрение, разслабленным укрепление и многим болящим исцеление милостивно от нея дарующи и сим подвизающи люди величати Тя, возвеличившую род наш, и пети Христу Богу: Аллилуиа.
Икос 7
Новград и всю землю Российскую дивная икона знамения Твоего, Богородице Дево, чудесы благодатными осия, милости Твоя богатыя верным проявивши. Сию убо боголепным поклонением чествующе, хвалебно Тебе, Владычице, взываем:
Радуйся, скоропредстательная Помощнице усердно к Тебе притекающих; радуйся, благосердая Услышательнице молений наших.
Радуйся, великий Новград благословением Твоим осенившая; радуйся, в пределех его икону Знамения Твоего чудесы прославльшая.
Радуйся, дев ликостояния прославлением иконы Твоея духовно возвеселившая; радуйся, всесильными Твоими к Богу молитвами и нас ко блаженству райскому возводящая.
Радуйся, за всех нас милостивая к Сыну Твоему и Богу Ходатаице; радуйся, ведущим брань противу мира, плоти и диавола добрая Споспешнице.
Радуйся, вся страны православныя покровом милости Твоея осеняющая; радуйся, многих мест и обителей сокровище исцелений неоскудное.
Радуйся, иноков и инокинь благоподвизающихся всемощная Покровительнице; радуйся, и в миру благочестиво живущих усердная Заступнице.
Радуйся, Владычице, знамение милости Твоея нам являющая.
Кондак 8
Странствующе в юдоли сей земной, многоскорбней и многомятежней, горняго града, Иерусалима Небеснаго, взыскуем и Тебе, Владычице, молим: путеводствуй нам по стези заповедей Христовых и сохрани нас от падений греховных, удиви на нас милость Твою и осени нас Твоим заступлением, да, Твоею помощию спасаеми, сподобимся купно со всеми святыми воспевати Богу: Аллилуиа.
Икос 8
Всех скорбящих Утешительнице и бедствующих Помощнице, Всеблагая Богородительнице, не презри нас, припадающих к Тебе пред пречистым образом Твоим, но посети нас милостивно щедротами Твоими: и, якоже древле отцем нашим помощь Твою державную явила еси, тако и нас, смиренных, не лиши Твоего заступления во время благопотребно, да не постыдимся во уповании нашем, еже по Бозе крепко на Тя возлагаем, и зовем Ти:
Радуйся, Богосветлая свеще, светом Христовым озаряющая верныя души; радуйся, многоценный алавастр, миром Божия благодати умащаяй боголюбивыя сердца.
Радуйся, умнаго Солнца Мати, верныя просвещающаго, неверныя же помрачающаго; радуйся, славо небесных и упование земных.
Радуйся, Надеждо наша и Заступнице всех притекающих к Тебе с верою; радуйся, любящия и чтущия Тя от всяких бед избавляющая.
Радуйся, обетовании благими души верных благодатно веселящая; радуйся, девственных ликов славо и похвало.
Радуйся, подвижников благочестия к горнему Сиону путеводствующая; радуйся, верных к Небесному Иерусалиму приводящая.
Радуйся, омраченная сердца светом истиннаго Боговедения просвещающая; радуйся, и всех нас благодатными лучами великия Своея милости покрывающая.
Радуйся, Владычице, знамение милости Твоея нам являющая.
Кондак 9
Вся ангельская воинства благоговейно Тебе служат, Небесе и земли Царице, человеческий же род немолчныя хвалы Тебе приносит, горних и дольных Владычице, и Твою святую икону поклонением досточестным почитает. Сию бо во отраду и утешение нам даровала еси, Всеблагая, и знамения Матерния любве Твоея оною нам присно являеши, да поем Тобою благодеющему нам Богу: Аллилуиа.
Икос 9
Витии суемудреннии человечестии не могут постигнути Божественную тайну приснодевства Твоего, Марие Богородице, како в рождестве и по рождестве ключи девства Твоего целы сохранила еси, ангелов и человеков удививши. Темже Тя благочестно Матерь и Деву исповедующе, присно Тя ублажаем и хвалебно Тебе воспеваем:
Радуйся, возвеличившая род человеческий непорочною Твоею чистотою; радуйся, освятившая землю всесвятым Твоим рождеством.
Радуйся, девство и рождество в Себе дивно сочетавшая; радуйся, во обою непорочно Себе сохраньшая.
Радуйся, велие вселенныя чудо; радуйся, непостижимая человеческими умы тайно.
Радуйся, ангельских ликов удивление; радуйся, святых Божиих угодников присное радование.
Радуйся, мира горняго первейшее украшение; радуйся, мира дольняго благонадежное заступление.
Радуйся, демонов низложение; радуйся, ада попрание.
Радуйся, Владычице, знамение милости Твоея нам являющая.
Кондак 10
Спасителя падшему человечеству родила еси, Пречистая Дево, и Сего яко Младенца во объятиих Твоих носила еси, Егоже Божественное изображение и на иконе знамения Твоего нам являеши и многая милости и щедроты Твоя нам даруеши. Сего ради со благоговением и верою чествуем образ чудотворный Твой, Владычице, и молимся Тебе прилежно: буди нам Покров и защита в день Судный, да Твоим Матерним предстательством помилует нас Судия Праведный, Сын Твой и Бог, и сподобит нас деснаго стояния и пения Ему со избранными: Аллилуиа.
Икос 10
Стена необоримая и источник чудес икона Твоя святая явися, Богородице Дево, не токмо великому Новуграду, но и всей стране Российстей. Сию, яко знамение победное, имуще, воинства православныя врагов побеждают, царие и святителие ею благоукрашаются, и всяк возраст верных утешение благодатное от нея приемлет. Утеши и нас Твоим, всемилостивая Владычице, благоволением и милостию, да хвалебно взываем к Тебе:
Радуйся, крепкое наше Упование; радуйся, несумненная наша Надеждо.
Радуйся, великаго Новаграда многопетая славо; радуйся, страны нашея благодатное ограждение.
Радуйся, во дни брани победительная на враги Помощнице; радуйся, во дни мира ко благочестию добрая Наставнице.
Радуйся, иноческих обителей покров и снабдение; радуйся, благочестивых домов и супружеств благословение.
Радуйся, девства и чистоты поборнице; радуйся, обидимых и гонимых предстательнице.
Радуйся, нагих одеяние; радуйся, болящих исцеление.
Радуйся, Владычице, знамение милости Твоея нам являющая.
Кондак 11
Пение наше смиренное не презри, Всемилостивая Царице, и утробу щедрот Твоих не затвори нам, Всещедрая Владычице: се бо, обнищавше в добрых делех, к сокровищнице милости Твоея, чудотворней иконе Твоей, со усердием притекаем, Всеблагая, и, припадающе, молимся: озари нас светом Божественным благодати Твоея и научи нас верно исполняти заповеди Сына Твоего и Бога, да достойно возможем пети Ему: Аллилуиа.
Икос 11
Света невечерняго приятелище, светлыми лучами чудес Твоих просвещаеши нас, помраченных греховною мглою, Богородительнице Пречистая, и приводиши к немолчному славословию Твоего пресвятаго имене. Знамением иконы Твоея святыя воистину явила еси воеводство Твое державное, Госпоже Всеблагая, егоже светло празднующе, радостно зовем Ти:
Радуйся, возвеличенная Богом паче земных и небесных; радуйся, едина Чистая и Благословенная в женах.
Радуйся, Царице и Владычице Небесе и земли; радуйся, порфиро Царя царей.
Радуйся, чертоже безсеменнаго уневещения; радуйся, главизно спасения человеческаго.
Радуйся, уповающия на Тя не срамляющая; радуйся, просящим Твоея святыя помощи от бед избавляющая.
Радуйся, столпе и утверждение девства; радуйся, щите и ограждение веры православныя.
Радуйся, боголепное украшение святыя Христовы Церкве; радуйся, покрывающая всех нас Матерним Твоим покровом.
Радуйся, Владычице, знамение милости Твоея нам являющая.
Кондак 12
Благодать и милость Свыше подаждь нам, Владычице, от иконы Твоея святыя, юже в знамение заступления Твоего нам даровала еси, чудесы от нея бывающими, православную веру в нас утверждающи, неверие же посрамляющи. Темже поклоняемся Тебе и молимся: в Православии соблюди нас, Всеблагая, и сподоби до конечнаго дыхания нашего верно пети Богу: Аллилуиа.
Икос 12
Поюще чудеса Твоя от иконы знамения Твоего явленная, Богородице Дево, хвалим, славим и величаем Тя, честнейшую воистину Херувим и славнейшую без сравнения Серафим. Ты же, Всеблагая Заступнице наша, покрый нас державным Твоим покровом и избави нас от всяких бед и искушений вражиих, да воспеваем Тебе непрестанно гласом хваления:
Радуйся, Богообрадованная и Непорочная Приснодево; радуйся, нетленная и неискусобрачная Агнца и Пастыря Мати.
Радуйся, увенчанная диадимою царскою от Триединаго Бога; радуйся, святолепная и светоносная палато святых святейшаго Слова.
Радуйся, одесную стоящая Сына Твоего и Господа; радуйся, всегда молящаяся Ему за род христианский.
Радуйся, Виновнице благодатнаго человеков обновления; радуйся, кающихся грешных к Богу примирение.
Радуйся, страждущих от бед Избавление; радуйся, Взыскание погибших.
Радуйся, телес наших врачевание; радуйся, душ наших спасение.
Радуйся, Владычице, знамение милости Твоея нам являющая.
Кондак 13
О Всепетая Мати Сладчайшаго Спасителя нашего, Господа Иисуса Христа! Нынешнее наше приемши приношение, от всякия избави нас напасти и скорби и вечныя изми муки всех пред святою иконою Твоею с верою и любовию поклоняющихся и о Тебе благодарно зовущих Богу: Аллилуиа.
Этот кондак читается трижды, затем икос 1- й «Ангелов Царице…» и кондак 1-й «Избранной Воеводе…».
Молитва
О Пресвятая и Преблагословенная Мати Сладчайшаго Господа нашего Иисуса Христа! Припадаем и поклоняемся Тебе пред святою чудотворною иконою Твоею, воспоминающе дивное знамение Твоего заступления, великому Новуграду от нея явленное во дни ратнаго на сей град нашествия. Смиренно молим Тя, Всесильная рода нашего Заступнице: якоже древле отцем нашим на помощь ускорила еси, тако и ныне нас, немощных и грешных, сподоби Твоего Матерняго заступления и благопопечения. Спаси и сохрани, Владычице, под покровом милости Твоея Церковь Святую, град Твой (обитель Твою), всю страну нашу православную и всех нас, припадающих к Тебе с верою и любовию умиленно просящих со слезами Твоего заступления. Ей, Госпоже Всемилостивая! Умилосердися на ны, обуреваемыя грехи многими, простри ко Христу Господу Богоприемнеи руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем Суде Его, да, спасаеми всесильными Твоими к Нему молитвами, блаженство райское унаследуем и со всеми святыми воспоем Пречестное и Великолепое Имя Достопоклоняемыя Троицы, Отца и Сына и Святаго Духа, и Твое велие к нам милосердие, во веки веков. Аминь.
Чудесный случай в Великом Новгороде
В 1170 году Богородица помогла победить новгородцам суздальского князя Андрея Боголюбского. По преданию, объединенное войско нескольких княжеств под предводительством суздальского княжича Мстислава окружило Великий Новгород. Войско многократно превосходило новгородцев, неминуемая гибель ждала город и его жителей. Верующие вместе с архиепископом Иоанном день и ночь молились Богу и Его Матери. Через некоторое время ночью архиепископ Иоанн услышал голос:
“Иди в церковь святого Спаса на Ильину улицу, и возьми икону Святой Богородицы, и вынеси её на острог, воздвигнутый против супостатов”.
Когда утром новгородцы проносили иконы крестным ходом, войска Мстислава обстреляли их из луков. Одна из стрел вонзилась в лик Богородицы. Из глаз Царицы Небесной покатились слезы и она обернулась к молящимся новгородцам. Тем самым Она показала свое заступничество перед верующими. Среди осаждавших началось смятение. Они бросали оружие, били друг друга и в конце концов обратились в бегство. Новгородцы устремились за врагом и одержали победу.
После чудесного случая икону назвали “Знамение”, был установлен праздник в честь иконы Божьей Матери “Знамение”. Он празднуется до сих пор 10 декабря.
Чудеса по молитвам перед иконой Божией Матери “Знамение”
В чем помогает икона Знамение Пресвятой Богородицы? Перед иконой молятся о примирении враждующих, во время пожаров, эпидемий, войн. Во всех обстоятельствах, когда требуется преодолеть непримиримые разногласия и вражду, молятся Богородице перед ее иконой “Знамение”.
В 1356 году загорелся деревянный Преображенский храме Новгорода. Прихожане, понимая, что пламя невозможно остановить, встали на колени и начали горячо молиться. Через некоторое время огонь потух без какого-либо вмешательства.
В 1636 году ювелир Лука разорился и принял решение ограбить храм. Когда Лука украл все драгоценные священные сосуды и пожертвования, то решил содрать серебряную ризу с иконы “Знамения”. Но не успел он подойти к образу, как невидимая рука оттолкнула его от иконы. Утром его обнаружили в храме почти без сознания. Придя в себя, Лука раскаялся и рассказал о случившемся.
Ольга Николаевна Куликовская-Романова (племянница Николая II) рассказывала, что икона “Знамение” всегда оберегала ее от болезней и бед.
“Я была между жизнью и смертью. В детстве у меня было запущенное воспаление уха, врачи отказывались делать операцию, я умирала. Отец потащил меня на руках к иконе, перед ней был отслужен молебен. После этого он повелел врачам делать операцию. На их “Мы не ручаемся”, он твердо ответил: “Зато я ручаюсь!”. Операция прошла успешно».
После установления советской власти в 1917 году икону “Знамение” поместили в Новгородский музей. 15 августа 1991 года она вернулась в Софийский собор. Тогда верующие наблюдали чудесное явление. Когда икону передавали в храм, на небе появилась радуга и окружила купол Софийского собора. Затем радужное свечение стало подниматься ввысь и бесследно исчезло в безоблачном небе.
Многие списки “Знамения” начинают мироточить. Так в тульском селе Урусово находится разрушенный храм в честь Архангела Михаила. Один из жителей села 30 лет назад нашел старинный образ Богородицы на чердаке дома. И из глаз Богородицы начало истекать миро. Это было зафиксировано благочинным Веневского округа протоиереем Николаем Дудиным.
Чудотворная икона «Знамение» и ее списки
Весьма почитаемы православными христианами являются и списки святого образа, которые не менее чудотворны. Списки получили свои названия по месту явления чудес иконы «Знамение»:
Алабацкая – после написания списка был исцелен от паралича некий Ефремий, а после помещения образа в храм получили исцеление от него еще многие прихожане.
- Курская-Коренная – этот список связывают с самим Серафимом Саровским; прославился образ по всей Америке и Европе своими чудесами.
- Царскосельская – список был помещен в золотой оклад и украшен драгоценными камнями по указу императрицы Елизаветы; многие исцелились от чумы и холеры по молитвам к святому образу.
- Албазинская «Слово плоть бысть» — назван список в честь крепости на Амуре Албазин; помог образ в битвах с захватчиками крепости, а затем, при перенесении в Благовещенск, не давал прорваться врагам в течение 19 дней до полного их отступления.
- Серафимо-Понетаевская – этот список назван в честь женской обители, где проявлял много чудес.
Лучшая статья для Вас, переходите: Преподобный Иаков Железноборовский
Храни Вас Господь!
Смотрите и видео об этой иконе:
Молитвы перед иконой “Знамение” Пресвятой Богородицы
Тропарь Пресвятой Богородице, глас 4
Я́ко необори́мую сте́ну и исто́чник чуде́с/ стяжа́вше Тя, раби́ Твои́,/ Богоро́дице Пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак Пресвятой Богородице, глас 4
Честна́го о́браза Твоего́ зна́мение/ пра́зднующе, лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н Похвало́.
Величание Пресвятой Богородице
Вели́чаем Тя,/ Пресвята́я Де́во,/ и чтим о́браз Твой честны́й,/ и́мже побе́ду на враги́ дарова́// гра́ду на́шему.
