КАФИСМА ТРИНАДЦАТАЯ
Шрифт
12 кафизмаОглавление14 кафизма
Прииди́те, поклони́мся Царе́ви на́шему Бо́гу.
Прииди́те, поклони́мся и припаде́м Христу́, Царе́ви на́шему Бо́гу.
Прииди́те, поклони́мся и припаде́м Самому́ Христу́, Царе́ви и Бо́гу на́шему.
1Псалом песни в день субботный, 91
2Бла́го есть испове́датися Го́сподеви, и пе́ти и́мени Твоему́, Вы́шний: 3возвеща́ти зау́тра ми́лость Твою́ и и́стину Твою на вся́ку нощь, 4в десятостру́ннем псалти́ри с пе́снию в гу́слех. 5Яко возвесели́л мя еси́, Го́споди, в творе́нии Твое́м, и в де́лех руку́ Твое́ю возра́дуюся. 6Яко возвели́чишася дела́ Твоя́, Го́споди, зело́ углуби́шася помышле́ния Твоя́. 7Муж безу́мен не позна́ет, и неразу́мив не разуме́ет сих. 8Внегда́ прозябо́ша гре́шницы я́ко трава́, и пронико́ша вси де́лающии беззако́ние, я́ко да потребя́тся в век ве́ка. 9Ты же Вы́шний во век, Го́споди. 10Яко се врази́ Твои, Го́споди, я́ко се врази́ Твои́ поги́бнут, и разы́дутся вси де́лающии беззако́ние. 11И вознесе́тся я́ко единоро́га рог мой, и ста́рость моя́ в еле́и масти́те. 12И воззре́ о́ко мое́ на враги́ моя́, и востаю́щыя на мя лука́внующыя услы́шит у́хо мое́. 13Пра́ведник я́ко фи́никс процвете́т, я́ко кедр, и́же в Лива́не, умно́жится. 14Насажде́ни в дому́ Госпо́дни, во дво́рех Бо́га на́шего процвету́т, 15еще́ умно́жатся в ста́рости масти́те, и благоприе́млюще бу́дут. 16Да возвестя́т, я́ко прав Госпо́дь Бог наш, и несть непра́вды в Нем.
В день предсубботный, внегда́ населися земля́, хвала песни Давиду, 92
1Госпо́дь воцари́ся, в ле́поту облече́ся: облече́ся Госпо́дь в си́лу и препоя́сася, и́бо утверди́ вселе́нную, я́же не подви́жится. 2Гото́в Престо́л Твой отто́ле: от ве́ка Ты еси́. 3Воздвиго́ша ре́ки, Го́споди, воздвиго́ша ре́ки гла́сы своя́. 4Во́змут ре́ки сотре́ния своя́, от гласо́в вод мно́гих. Ди́вны высоты́ морски́я, ди́вен в высо́ких Госпо́дь. 5Свиде́ния Твоя́ уве́ришася зело́, до́му Твоему́ подоба́ет святы́ня, Го́споди, в долготу́ дний.
Псалом Давиду, в четвертый субботы, 93
1Бог отмще́ний Госпо́дь, Бог отмще́ний не обину́лся есть. 2 Вознеси́ся Судя́й земли́, возда́ждь воздая́ние го́рдым. 3Доко́ле гре́шницы, Го́споди, доко́ле гре́шницы восхва́лятся? 4Провеща́ют и возглаго́лют непра́вду, возглаго́лют вси де́лающии беззако́ние? 5 Лю́ди Твоя́, Го́споди, смири́ша и достоя́ние Твое́ озло́биша. 6 Вдови́цу и си́ра умори́ша и прише́льца уби́ша, 7и ре́ша: не у́зрит Госпо́дь, ниже́ уразуме́ет Бог Иа́ковль. 8Разуме́йте же безу́мнии в лю́дех и бу́ии не́когда умудри́теся. 9Насажде́й у́хо, не слы́шит ли? Или́ созда́вый о́ко, не сматря́ет ли? 10Наказу́яй язы́ки, не обличи́т ли, уча́й челове́ка ра́зуму? 11Госпо́дь весть помышле́ния челове́ческая, я́ко суть су́етна. 12Блаже́н челове́к, его́же а́ще нака́жеши, Го́споди, и от зако́на Твоего́ научи́ши его́, 13укроти́ти его́ от дней лю́тых, до́ндеже изры́ется гре́шному я́ма. 14Яко не отри́нет Госпо́дь люде́й Свои́х, и достоя́ния Своего́ не оста́вит, 15до́ндеже пра́вда обрати́тся на суд, и держа́щиися ея́ вси пра́вии се́рдцем. 16Кто воста́нет ми на лука́внующыя? Или́ кто спредста́нет ми на де́лающыя беззако́ние? 17Аще не Госпо́дь помо́гл бы ми, вма́ле всели́лася бы во ад душа́ моя́. 18Аще глаго́лах, подви́жеся нога́ моя́, ми́лость Твоя́, Го́споди, помога́ше ми. 19По мно́жеству боле́зней мои́х в се́рдце мое́м, утеше́ния Твоя́ возвесели́ша ду́шу мою́. 20Да не прибу́дет Тебе́ престо́л беззако́ния, созида́яй труд на повеле́ние. 21Уловя́т на ду́шу пра́ведничу, и кровь непови́нную осу́дят. 22И бысть мне Госпо́дь в прибе́жище, и Бог мой в по́мошь упова́ния моего́. 23И возда́ст им Госпо́дь беззако́ние их и по лука́вствию их погуби́т я́ Госпо́дь Бог.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́, Бо́же. (три́жды)
Го́споди, поми́луй (три́жды)
Сла́ва Отцу́ и Сы́ну и Свято́му Ду́ху.
Поко́й, Го́споди, ду́ши усо́пших раб Твои́х: (имена их), и всех усопших правосла́вных христиа́н (поклон), и ели́ко в житии́ сем я́ко челове́цы согреши́ша, Ты же, я́ко Человеколю́бец Бог, прости́ их и поми́луй (поклон), ве́чныя му́ки изба́ви (поклон), Небе́сному Ца́рствию прича́стники учини́ (поклон) и душа́м на́шим поле́зная сотвори́ (поклон).
И ны́не и при́сно и во ве́ки веко́в. Ами́нь.
Хвала песни Давиду, не надписан у еврей, 94
1Прииди́те, возра́дуемся Го́сподеви, воскли́кнем Богу Спаси́телю на́шему: 2предвари́м лице́ Его во испове́дании, и во псалме́х воскли́кнем Ему. 3Яко Бог Ве́лий Госпо́дь, и Царь Ве́лий по всей земли́, 4я́ко в руце́ Его вси концы́ земли́, и высоты́ гор Того́ суть. 5Яко Того́ есть море, и Той сотвори́ е́, и су́шу ру́це Его созда́сте. 6Прииди́те, поклони́мся и припаде́м Ему, и воспла́чемся пред Го́сподем сотво́ршим нас: 7я́ко Той есть Бог наш, и мы лю́дие па́жити Его, и о́вцы руки́ Его. Днесь а́ще глас Его услы́шите, 8не ожесточи́те серде́ц ва́ших, я́ко в прогне́вании, по дни искуше́ния в пусты́ни, 9во́ньже искуси́ша Мя отцы́ ва́ши, искуси́ша Мя, и ви́деша дела́ Моя́. 10Четы́редесять лет негодова́х ро́да того́, и рех, при́сно заблужда́ют се́рдцем, ти́и же не позна́ша путе́й Мои́х, 11я́ко кля́хся во гне́ве Мое́м, а́ще вни́дут в поко́й Мой.
Хвала песни Давиду, внегда́ дом созидашеся по пленении, не надписан у еврей, 95
1Воспо́йте Го́сподеви песнь но́ву, воспо́йте Го́сподеви вся земля́, 2 воспо́йте Го́сподеви, благослови́те и́мя Его, благовести́те день от дне спасе́ние Его. 3Возвести́те во язы́цех сла́ву Его, во всех лю́дех чудеса́ Его. 4 Яко Ве́лий Госпо́дь и хва́лен зело́, стра́шен есть над все́ми бо́ги. 5Яко вси бо́зи язы́к бе́сове: Госпо́дь же небеса́ сотвори́. 6Испове́дание и красота́ пред Ним, святы́ня и великоле́пие во святи́ле Его. 7 Принеси́те Го́сподеви оте́чествия язы́к, принеси́те Го́сподеви сла́ву и честь. 8Принеси́те Го́сподеви сла́ву и́мени Его, возми́те же́ртвы, и входи́те во дворы́ Его. 9 Поклони́теся Го́сподеви во дворе́ святе́м Его, да подви́жится от лица́ Его вся земля́ 10Рцы́те во язы́цех, я́ко Госпо́дь воцари́ся, и́бо испра́ви вселе́нную, я́же не подви́жится: су́дит лю́дем пра́востию. 11Да возвеселя́тся небеса́, и ра́дуется земля́, да подви́жится мо́ре и исполне́ние его. 12Возра́дуются, поля́, и вся я́же на них, тогда́ возра́дуются вся древа́ дубра́вная от лица́ Госпо́дня, 13 Яко гряде́т, я́ко гряде́т суди́ти земли́, суди́ти вселе́нней в пра́вду, и лю́дем и́стиною Свое́ю.
Псалом Давиду, егда́ земля́ его устрояшеся, не надписан у еврей, 96
1Госпо́дь воцари́ся, да ра́дуется земля́, да веселя́тся о́строви мно́зи. 2Облак и мрак о́крест его, пра́вда и судьба́ исправле́ние Престо́ла Его. 3Огнь пред Ним предъи́дет, и попали́т о́крест враги́ Его. 4Освети́ша мо́лния Его вселе́нную: ви́де, и подви́жеся земля́. 5Го́ры я́ко воск раста́яша от лица́ Госпо́дня, от лица́ Го́спода всея́ земли́. 6Возвести́ша небеса́ пра́вду Его, и ви́деша вси лю́дие сла́ву Его. 7Да постыдя́тся вси кла́няющиися истука́нным, хва́лящиися о и́долех свои́х, поклони́теся Ему вси Ангели Его. 8Слы́ша и возвесели́ся Сио́н, и возра́довашася дще́ри Иуде́йския, суде́б ра́ди Твои́х, Го́споди, 9я́ко Ты Госпо́дь Вы́шний над все́ю земле́ю, зело́ превозне́слся еси́ над все́ми бо́ги. 10Лю́бящии Го́спода, ненави́дите зла́я, храни́т Госпо́дь ду́шы преподо́бных Свои́х, из ру́ки гре́шничи изба́вит я́. 11Свет возсия́ пра́веднику, и пра́вым се́рдцем весе́лие. 12Весели́теся, пра́веднии, о Го́споде и испове́дайте па́мять Святы́ни Его.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́, Бо́же. (три́жды)
Го́споди, поми́луй (три́жды)
Сла́ва Отцу́ и Сы́ну и Свято́му Ду́ху.
Поко́й, Го́споди, ду́ши усо́пших раб Твои́х: (имена их), и всех усопших правосла́вных христиа́н (поклон), и ели́ко в житии́ сем я́ко челове́цы согреши́ша, Ты же, я́ко Человеколю́бец Бог, прости́ их и поми́луй (поклон), ве́чныя му́ки изба́ви (поклон), Небе́сному Ца́рствию прича́стники учини́ (поклон) и душа́м на́шим поле́зная сотвори́ (поклон).
И ны́не и при́сно и во ве́ки веко́в. Ами́нь.
Псалом Давиду, 97
1Воспо́йте Го́сподеви песнь но́ву, я́ко ди́вна сотвори́ Госпо́дь. Спасе́ Его десни́ца Его, и мы́шца свята́я Его. 2Сказа́ Госпо́дь спасе́ние Свое́, пред язы́ки откры́ пра́вду Свою́. 3Помяну́ ми́лость Свою Иа́кову, и и́стину Свою до́му Изра́илеву, ви́деша вси концы́ земли́ спасе́ние Бо́га на́шего. 4Воскли́кните Бо́гови вся земля́, воспо́йте, и ра́дуйтеся, и по́йте. 5По́йте Го́сподеви в гу́слех, в гу́слех и гла́се псало́мсте. 6В труба́х ко́ваных и гла́сом трубы́ ро́жаны воструби́те пред Царе́м Го́сподем. 7Да подви́жится мо́ре и исполне́ние его, вселе́нная и вси живу́шии на ней. 8Ре́ки воспле́щут руко́ю вку́пе, го́ры возра́дуются. 9От лица́ Госпо́дня, я́ко гряде́т, я́ко и́дет суди́ти земли́, суди́ти вселе́нней в пра́вду, и лю́дем пра́востию.
Псалом Давиду, 98
1Госпо́дь воцари́ся, да гне́ваются лю́дие: седя́й на Херуви́мех, да подви́жится земля́. 2Госпо́дь в Сио́не Вели́к, и Высо́к есть над все́ми людьми́. 3Да испове́дятся и́мени Твоему́ вели́кому, я́ко стра́шно и свя́то есть. 4И честь царе́ва суд лю́бит: Ты угото́вал еси́ правоты́, суд и пра́вду во Иа́кове Ты сотвори́л еси́. 5Возноси́те Го́спода Бо́га на́шего, и покланя́йтеся подно́жию но́гу Его, я́ко свя́то есть. 6Моисе́й и Ааро́н в иере́ех Его, и Самуи́л в призыва́ющих и́мя Его: призыва́ху Го́спода, и Той послу́шаше их. 7В столпе́ о́блачне глаго́лаше к ним: я́ко храня́ху свиде́ния Его и повеле́ния Его, я́же даде́ им. 8Го́споди Бо́же наш, Ты послу́шал еси́ их: Бо́же, ты Ми́лостив быва́л еси́ им, и мща́я на вся начина́ния их. 9Возноси́те Го́спода Бо́га на́шего, и покланя́йтеся в горе́ святе́й Его, я́ко Свят Госпо́дь Бог наш.
Псалом Давиду, во исповеда́ние, 99
1Воскли́кните Бо́гови вся земля́, 2рабо́тайте Го́сподеви в весе́лии, вни́дите пред Ним в ра́дости. 3Уве́дите, я́ко Госпо́дь той есть Бог наш: Той сотвори́ нас, а не мы, мы же лю́дие Его и о́вцы па́жити Его. 4Вни́дите во врата́ Его во испове́дании, во дворы́ Его в пе́ниих: испове́дайтеся Ему, хвали́те и́мя Его. 5Яко благ Госпо́дь, в век ми́лость Его, и да́же до ро́да и ро́да и́стина Его.
Псалом Давиду, 100
1Ми́лость и суд воспою́ Тебе́, Го́споди. 2Пою́ и разуме́ю в пути́ непоро́чне, когда́ прии́деши ко мне? Прехожда́х в незло́бии се́рдца моего́ посреде́ до́му моего́. 3Не предлага́х пред очи́ма мои́ма вещь законопресту́пную: творя́щыя преступле́ние возненави́дех. 4Не прильпе́ мне се́рдце стропти́во, уклоня́ющагося от мене́ лука́ваго не позна́х. 5Оклевета́ющаго тай и́скренняго своего́, сего́ изгоня́х: го́рдым о́ком, и несы́тым се́рдцем, с сим не ядя́х. 6Очи мои́ на ве́рныя земли́, посажда́ти я́ со мно́ю: ходя́й по пути́ непоро́чну, сей ми служа́ше. 7Не живя́ше посреде́ до́му моего́ творя́й горды́ню, глаго́ляй непра́ведная, не исправля́ше пред очи́ма мои́ма. 8Во у́трия избива́х вся гре́шныя земли́, е́же потреби́ти от гра́да Госпо́дня вся де́лающыя беззако́ние.
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Аллилу́иа, аллилу́иа, аллилу́иа, сла́ва Тебе́, Бо́же. (три́жды)
Святы́й Бо́же, Святы́й Кре́пкий, Святы́й Безсме́ртный, поми́луй нас. (три́жды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
Пресвята́я Тро́ице, поми́луй нас; Го́споди, очи́сти грехи́ на́ша; Влады́ко, прости́ беззако́ния на́ша; Святы́й, посети́ и исцели́ не́мощи на́ша, и́мене Твоего́ ра́ди.
Го́споди, поми́луй (три́жды)
Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.
О́тче наш, И́же еси́ на небесе́х! Да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный даждь нам днесь; и оста́ви нам долги́ на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.
Поко́й, Го́споди, ду́ши усо́пших раб Твои́х: (имена их), и всех усопших правосла́вных христиа́н (поклон), и ели́ко в житии́ сем я́ко челове́цы согреши́ша, Ты же, я́ко Человеколю́бец Бог, прости́ их и поми́луй (поклон), ве́чныя му́ки изба́ви (поклон), Небе́сному Ца́рствию прича́стники учини́ (поклон) и душа́м на́шим поле́зная сотвори́ (поклон).
Таже тропари, глас 8:
Оком благоутро́бным, Го́споди, виждь мое́ смире́ние, я́ко пома́ле жизнь моя́ иждива́ется, и от дел несть мне спасе́ния. Сего́ ра́ди молю́ся: о́ком благоутро́бным, Го́споди, виждь мое́ смире́ние и спаси́ мя.
Слава: Яко Судии́ предстоя́щу, попецы́ся, душе́, и стра́шнаго дне час помышля́й, суд бо неми́лостив есть не сотво́ршым ми́лости. Возопи́й у́бо Христу́ Бо́гу: Сердцеве́дче, согреши́х, пре́жде да́же не осу́диши, поми́луй мя.
И ныне: Стра́шнаго Твоего́ и гро́знаго, и неумы́тнаго суда́, Христе́, во уме́ прие́м день и час, трепе́щу, я́ко злоде́й, студа́ дела́ и дея́ния име́яй лю́тая, я́же еди́н аз соде́ях приле́жно. Те́мже стра́хом припа́даю Тебе́, вопия́ боле́зненно: моли́твами ро́ждшия Тя, Многоми́лостиве, спаси́ мя.
Го́споди, поми́луй (40) и молитва:
Го́споди Святы́й, И́же в вы́шних живы́й, и всеви́дяшим Твои́м о́ком призира́яй на всю тварь. Тебе́ приклони́хом вы́ю души́ и телесе́, и Тебе́ мо́лимся, Святы́й святы́х: простри́ ру́ку Твою́ неви́димую от свята́го жили́ща Твоего́, и благослови́ вся ны: и а́ще что к Тебе́ согреши́хом во́лею и нево́лею, я́ко Благ и Человеколю́бец Бог прости́, да́руяй нам и ми́рная блага́я Твоя́. Твое́ бо есть, е́же ми́ловати и спаса́ти, Бо́же наш, и Тебе́ сла́ву возсыла́ем, Отцу и Сыну и Свято́му Духу, ны́не и при́сно, и во ве́ки веко́в, аминь.
12 кафизмаОглавление14 кафизма
Кафизма 13 Псалом 91
Псалом 91
Этот псалом не имеет надписания имени автора. При общности же его содержания нет точных данных, по которым можно было бы его отнести с положительностью к какому-либо времени, почему о последнем можно только догадываться.
Псалом указывает на гибель многочисленных врагов (8-10), на спасение от них праведника и его возвышение (11-13), и на чудесный характер этой защиты (14). Такие указания псалма и радостно-благодарное чувство к Богу, проникающее его, очень сближает псалом с 90, где высказывается то же самое (см. XC:1, 7-10, 16), почему можно думать, что и написан он по тому же поводу и в то же время, как и 90 псалом, т. е. во время Езекии, по поводу, чудесного уничтожения под Иерусалимом войск Сеннахерима. Кто был его писателем, точно указать нельзя, может быть и сам Езекия.
Надписание «песнь на день субботний» указывает на время богослужебного исполнения псалма в храме по субботам. Такое назначение псалма сохраняется у евреев и доныне.
Как отрадно славить Господа и весь день воспевать его милости (2-4)! Ты наполнил меня весельем от Твоих дивных дел, которые часто недоступны пониманию человека (5-6). Нечестивые умножаются и цветут, но для того, чтобы погибнуть, а праведника Ты возносишь, подобно пальме и кипарису (7-13). Как эти деревья плодовиты и сочны даже в старости, так и праведник, насажденный в доме Господнем, всегда будет восхвалять Тебя.
1 Псалом. Песнь на день субботний. 2 Благо есть славить Господа и петь имени Твоему, Всевышний, 3 возвещать утром милость Твою и истину Твою в ночи,
2-3. «Благо есть славить». Прославление Бога, составление и воспевание Ему хвалебно-благодарственных песней, доставляет писателю душевную отраду. Он полон религиозно-восторженного чувства, и выражение последнего в словах и песнях — есть его жизнь и счастье. «Возвещать утром… и… в ночи» — постоянно, целый день быть полным такого настроения.
4 на десятиструнном и псалтири, с песнью на гуслях. 5 Ибо Ты возвеселил меня, Господи, творением Твоим: я восхищаюсь делами рук Твоих. 6 Как велики дела Твои, Господи! дивно глубоки помышления Твои! 7 Человек несмысленный не знает, и невежда не разумеет того. 8 Тогда как нечестивые возникают, как трава, и делающие беззаконие цветут, чтобы исчезнуть на веки,- 9 Ты, Господи, высок во веки! 10 Ибо вот, враги Твои, Господи,- вот, враги Твои гибнут, и рассыпаются все делающие беззаконие; 11 а мой рог Ты возносишь, как рог единорога, и я умащен свежим елеем; 12 и око мое смотрит на врагов моих, и уши мои слышат о восстающих на меня злодеях. 13 Праведник цветет, как пальма, возвышается подобно кедру на Ливане.
5-13. Такое чувство и настроение писателя питается величием и недосягаемостью для человеческого понимания дел, совершаемых Богом. Многие события по естественному человеческому пониманию могут вселять в него опасения и тревогу, тогда как они приводит к иному результату и концу. Так, напр., умножение и процветание нечестивых является угрозой праведнику, на самом же деле они гибнут по воле Божией, а праведник возносится, чем ясно указывается, как неведомы и глубоки дела и помышления Господа. Писатель здесь разумеет, вероятно, те опасения и тот страх, который навели на евреев и Езекию многочисленные и богохульствующие над его верой в Бога полчища Сеннахерима. По естественному соображению гибель Езекии и Иерусалима казалась неминуемой, по Божественному же определению и воздействию погибли враги, а «рог праведника» вознесся, и через это нападение врагов, значение Езекии не только не умалилось, но имя его сделалось настолько известным среди других народов и положение Еврейского государства так упрочилось, как славна на Востоке за свою плодовитость пальма или как прочен кедр, краса и гордость лесов Ливана.
14 Насажденные в доме Господнем, они цветут во дворах Бога нашего;
14. «Насажденными в доме Господнем» являются праведники, живущие верой в Иегову и цветущие от этой веры. Здесь указание на то, что каждый праведник, как в данном случае Езекия, прибегающий искренне к Божественной помощи, не бывает оставлен Им, а получает от Него неожиданную и сверхъестественную помощь. Так было с ассириянами, в одну ночь по воле Бога погибшими в количестве 185 тысяч.
15 они и в старости плодовиты, сочны и свежи, 16 чтобы возвещать, что праведен Господь, твердыня моя, и нет неправды в Нем.
