Псалтирь. Кафизма 14
КАФИ́СМА ЧЕТВЕРТАЯНА́ДЕСЯТЬ.
Псалом 101.
1 Моли́тва ни́щаго, егда́ уны́ет, и пред Го́сподем пролие́т моле́ние свое́.
2 Го́споди, услы́ши моли́тву мою́, и вопль мой к Тебе́ да прии́дет. 3 Не отврати́ лица́ Твоего́ от мене́: во́ньже а́ще день скорблю́, приклони́ ко мне у́хо Твое́: во́ньже а́ще день призову́ Тя, ско́ро услы́ши мя. 4 Я́ко исчезо́ша я́ко дым дни́е мои́, и ко́сти моя́ я́ко суши́ло сосхо́шася. 5 Уя́звен бых я́ко трава́, и и́зсше се́рдце мое́, я́ко забы́х сне́сти хлеб мой. 6 От гла́са воздыха́ния моего́ прильпе́ кость моя́ пло́ти мое́й. 7 Уподо́бихся нея́сыти пусты́нней, бых я́ко нощны́й вран на ны́рищи. 8 Бдех и бых я́ко пти́ца осо́бящаяся на зде. 9 Весь день поноша́ху ми врази́ мои́, и хва́лящии мя мно́ю кленя́хуся. 10 Зане́ пе́пел я́ко хлеб ядя́х, и питие́ мое́ с пла́чем растворя́х. 11 От лица́ гне́ва Твоего́ и я́рости Твоея́: я́ко возне́с низве́ргл мя еси́. 12 Дни́е мои́ я́ко сень уклони́шася, и аз я́ко се́но изсхо́х. 13 Ты же, Го́споди, во век пребыва́еши, и па́мять Твоя́ в род и род. 14 Ты воскре́с уще́дриши Сио́на, я́ко вре́мя уще́дрити eго́, я́ко прии́де вре́мя. 15 Я́ко благоволи́ша раби́ Твои́ ка́мение eго́, и персть eго́ уще́дрят. 16 И убоя́тся язы́цы и́мене Госпо́дня, и вси ца́рие зе́мстии сла́вы Твоея́. 17 Я́ко сози́ждет Госпо́дь Сио́на, и яви́тся во сла́ве Свое́й. 18 Призре́ на моли́тву смире́нных, и не уничижи́ моле́ния их. 19 Да напи́шется сие́ в род ин, и лю́дие зи́ждемии восхва́лят Го́спода. 20 Я́ко прини́че с высоты́ святы́я Своея́, Госпо́дь с Небесе́ на зе́млю призре́, 21 услы́шати воздыха́ние окова́нных, разреши́ти сы́ны умерщвле́нных, 22 возвести́ти в Сио́не И́мя Госпо́дне, и хвалу́ Его́ во Иерусали́ме. 23 Внегда́ собра́тися лю́дем вку́пе, и царе́м, е́же рабо́тати Го́сподеви. 24 Отвеща́ eму́ на пути́ кре́пости eго́: умале́ние дней мои́х возвести́ ми. 25 Не возведи́ мене́ в преполове́ние дней мои́х: в ро́де родо́в ле́та Твоя́. 26 В нача́лех Ты, Го́споди, зе́млю основа́л еси́, и дела́ руку́ Твое́ю суть небеса́. 27 Та поги́бнут, Ты же пребыва́еши: и вся, я́ко ри́за обетша́ют, и я́ко оде́жду свие́ши я́ и изменя́тся. 28 Ты же то́йжде еси́, и ле́та Твоя́ не оскуде́ют. 29 Сы́нове раб Твои́х вселя́тся, и се́мя их во век испра́вится.
Псалом 102.
Псало́м Дави́ду.
1 Благослови́, душе́ моя́, Го́спода, и вся вну́тренняя моя́ и́мя свя́тое Его́. 2 Благослови́, душе́ моя́, Го́спода, и не забыва́й всех воздая́ний Его́, 3 очища́ющаго вся беззако́ния твоя́, исцеля́ющаго вся неду́ги твоя́, 4 избавля́ющаго от истле́ния живо́т твой, венча́ющаго тя ми́лостию и щедро́тами, 5 исполня́ющаго во благи́х жела́ние твое́: обнови́тся я́ко о́рля ю́ность твоя́. 6 Творя́й ми́лостыни Госпо́дь, и судьбу́ всем оби́димым. 7 Сказа́ пути́ Своя́ Моисе́ови, сыново́м Изра́илевым хоте́ния Своя́: 8 Щедр и Ми́лостив Госпо́дь, Долготерпели́в и Многоми́лостив. 9 Не до конца́ прогне́вается, ниже́ во век вражду́ет, 10 не по беззако́нием на́шим сотвори́л есть нам, ниже́ по грехо́м на́шым возда́л есть нам. 11 Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. 12 Ели́ко отстоя́т восто́цы от за́пад, уда́лил есть от нас беззако́ния на́ша. 13 Я́коже ще́дрит оте́ц сы́ны, уще́дри Госпо́дь боя́щихся Его́. 14 Я́ко Той позна́ созда́ние на́ше, помяну́, я́ко персть есмы́. 15 Челове́к, я́ко трава́ дни́е eго́, я́ко цвет се́льный, та́ко оцвете́т, 16 я́ко дух про́йде в нем, и не бу́дет, и не позна́ет ктому́ ме́ста своего́. 17 Ми́лость же Госпо́дня от ве́ка и до ве́ка на боя́щихся Его́, 18 и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. 19 Госпо́дь на Небеси́ угото́ва Престо́л Свой, и Ца́рство Его́ все́ми облада́ет. 20 Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. 21 Благослови́те Го́спода вся си́лы Его́, слуги́ Его́, творя́щии во́лю Его́. 22 Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.
Слава:
Псалом 103.
Псало́м Дави́ду, о мирсте́м бытии́.
1 Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. 2 Одея́йся све́том, я́ко ри́зою, простира́яй не́бо, я́ко ко́жу. 3 Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. 4 Творя́й А́нгелы Своя́ ду́хи и слуги́ Своя́ пла́мень о́гненный. 5 Основа́яй зе́млю на тве́рди ея́, не преклони́тся в век ве́ка. 6 Бе́здна, я́ко ри́за, одея́ние ея́, на гора́х ста́нут во́ды, 7 от запреще́ния Твоего́ побе́гнут, от гла́са гро́ма Твоего́ убоя́тся. 8 Восхо́дят го́ры и нисхо́дят поля́ в ме́сто, е́же основа́л еси́ им. 9 Преде́л положи́л еси́, eго́же не пре́йдут, ниже́ обратя́тся покры́ти зе́млю. 10 Посыла́яй исто́чники в де́брех, посреде́ гор про́йдут во́ды. 11 Напая́ют вся зве́ри се́льныя, ждут она́гри в жа́жду свою́. 12 На ты́х пти́цы небе́сныя привита́ют, от среды́ ка́мения дадя́т глас. 13 Напая́яй го́ры от превы́спренних Свои́х, от плода́ дел Твои́х насы́тится земля́. 14 Прозяба́яй траву́ ското́м, и злак на слу́жбу челове́ком, извести́ хлеб от земли́. 15 И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. 16 Насы́тятся древа́ польска́я, ке́дри Лива́нстии, и́хже еси́ насади́л. 17 Та́мо пти́цы вогнездя́тся, ероди́ево жили́ще предводи́тельствует и́ми. 18 Го́ры высо́кия еле́нем, ка́мень прибе́жище за́яцем. 19 Сотвори́л есть луну́ во времена́, со́лнце позна́ за́пад свой. 20 Положи́л еси́ тму, и бысть нощь, в не́йже про́йдут вси зве́рие дубра́внии. 21 Ски́мни рыка́ющии, восхи́тити и взыска́ти от Бо́га пи́щу себе́. 22 Возсия́ со́лнце и собра́шася и в ло́жах свои́х ля́гут. 23 Изы́дет челове́к на де́ло свое́ и на де́лание свое́ до ве́чера. 24 Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. 25 Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, 26 та́мо корабли́ препла́вают, змий сей, eго́же созда́л еси руга́тися eму́. 27 Вся к Тебе́ ча́ют, да́ти пи́щу им во бла́го вре́мя. 28 Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, 29 отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. 30 По́слеши Ду́ха Твоего́, и сози́ждутся, и обнови́ши лице́ земли́. 31 Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, 32 призира́яй на зе́млю, и творя́й ю́ трясти́ся, прикаса́яйся гора́м, и дымя́тся. 33 Воспою́ Го́сподеви в животе́ мое́м, пою́ Бо́гу моему́, до́ндеже есмь, 34 да услади́тся Ему́ бесе́да моя́, аз же возвеселю́ся о Го́споде. 35 Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.
Слава:
Псалом 104.
Аллилу́иа.
1 Испове́дайтеся Го́сподеви, и призыва́йте и́мя Его́, возвести́те во язы́цех дела́ Его́. 2 Воспо́йте Ему́ и по́йте Ему́, пове́дите вся чудеса́ Его́. 3 Хвали́теся о и́мени святе́м Его́, да возвесели́тся се́рдце и́щущих Го́спода. 4 Взыщи́те Го́спода, и утверди́теся, взыщи́те лица́ Его́ вы́ну. 5 Помяни́те чудеса́ Его́, я́же сотвори́, чудеса́ Его́, и судьбы́ уст Его́. 6 Се́мя Авра́амле раби́ Его́, сы́нове Иа́ковли избра́ннии Его́. 7 Той Госпо́дь Бог наш, по всей земли́ судьбы́ Его́. 8 Помяну́ в век заве́т Свой, сло́во, е́же запове́да в ты́сящы родо́в, 9 е́же завеща́ Авраа́му, и кля́тву Свою́ Исаа́ку. 10 И поста́ви ю́ Иа́кову в повеле́ние, и Изра́илю в заве́т ве́чен, 11 глаго́ля: тебе́ дам зе́млю Ханаа́ню, у́же достоя́ния ва́шего, 12 внегда́ бы́ти им ма́лым число́м, мале́йшым и прише́льцем в ней. 13 И преидо́ша от язы́ка в язы́к, и от ца́рствия в лю́ди и́ны. 14 Не оста́ви челове́ка оби́дети их, и обличи́ о них цари́. 15 Не прикаса́йтеся пома́занным мои́м, и во проро́цех мои́х не лука́внуйте. 16 И призва́ глад на зе́млю, вся́ко утверже́ние хле́бное сотры́. 17 Посла́ пред ни́ми челове́ка: в раба́ про́дан бысть Ио́сиф. 18 Смири́ша во око́вах но́зе eго́, желе́зо про́йде душа́ eго́, 19 до́ндеже прии́де сло́во Его́, сло́во Госпо́дне разжже́ eго́. 20 Посла́ царь и разреши́ eго́: князь люде́й, и оста́ви eго́. 21 Поста́ви eго́ господи́на до́му своему́, и кня́зя всему́ стяжа́нию своему́, 22 наказа́ти кня́зи eго́ я́ко себе́, и ста́рцы eго́ умудри́ти. 23 И вни́де Изра́иль во Еги́пет, и Иа́ков прише́льствова в зе́млю Ха́мову. 24 И возрасти́ лю́ди своя́ зело́, и укрепи́ я́ па́че враго́в их. 25 Преврати́ се́рдце их возненави́дети лю́ди Его́, лесть сотвори́ти в рабе́х Его́. 26 Посла́ Моисе́а раба́ Своего́, Ааро́на, eго́же избра́ Себе́. 27 Положи́ в них словеса́ зна́мений Свои́х, и чуде́с Свои́х в земли́ Ха́мове. 28 Посла́ тму и помрачи́, я́ко преогорчи́ша словеса́ Его́. 29 Преложи́ во́ды их в кровь, и измори́ ры́бы их. 30 Воскипе́ земля́ их жа́бами в сокро́вищницах царе́й их. 31 Рече́, и приидо́ша пе́сия му́хи, и скни́пы во вся преде́лы их. 32 Положи́ дожди́ их гра́ды, огнь попаля́ющ в земли́ их, 33 и порази́ виногра́ды их и смо́квы их, и сотры́ вся́кое дре́во преде́л их. 34 Рече́, и приидо́ша пру́зи и гу́сеницы, и́мже не бе числа́. 35 И снедо́ша вся́ку траву́ в земли́ их, и поядо́ша всяк плод земли́ их. 36 И порази́ вся́каго пе́рвенца в земли́ их, нача́ток вся́каго труда́ их, 37 и изведе́ я́ с сребро́м и зла́том, и не бе в коле́нах их боля́й. 38 Возвесели́ся Еги́пет во исхожде́нии их, я́ко нападе́ страх их на ня. 39 Распростре́ о́блак в покро́в им и огнь, е́же просвети́ти им но́щию. 40 Проси́ша и приидо́ша кра́стели, и хле́ба небе́снаго насы́ти я́, 41 разве́рзе ка́мень и потеко́ша во́ды, потеко́ша в безво́дных ре́ки, 42 я́ко помяну́ сло́во свято́е Свое́, е́же ко Авраа́му, рабу́ Своему́. 43 И изведе́ лю́ди Своя́ в ра́дости, и избра́нныя Своя́ в весе́лии. 44 И даде́ им страны́ язы́к, и труды́ люде́й насле́доваша, 45 я́ко да сохраня́т оправда́ния Его́ и зако́на Его́ взы́щут.
Слава:
По 14-й кафисме, Трисвятое по Отче наш: Таже тропари, глас 8:
Я́ко блудни́ца припа́даю Ти, да прииму́ оставле́ние, и вме́сто ми́ра сле́зы от се́рдца приношу́ Ти, Христе́ Бо́же: да я́ко о́ную уще́дриши мя, Спа́се, и пода́си очище́ние грехо́в. Я́ко о́ная бо зову́ Ти: изба́ви мя от тиме́ния дел мои́х.
Слава: Почто́ не помышля́еши, душе́ моя́, сме́рти? Почто́ не обраща́ешися про́чее ко исправле́нию, пре́жде трубы́ глаше́ния на суде́? Тогда́ несть вре́мя покая́ния. Приими́ во уме́ мытаря́ и блудни́цу зову́щыя: согреши́х Ти, Го́споди, поми́луй мя.
И ныне: Я́ко превосходя́щая вои́стинну рождество́м Твои́м си́лы Небе́сныя, Присноде́во Богоро́дице, и́же Тобо́ю Божество́м обогати́вшеся, непреста́нно Тя велича́ем.
Го́споди, поми́луй (40) и молитва:
Благодари́м Тя, Го́споди Бо́же спасе́ний на́ших, я́ко вся твори́ши во благодея́ния жи́зни на́шея, я́ко упоко́ил еси́ нас в преше́дшем нощно́м вре́мени, и воздви́гл еси́ нас от ло́жей на́ших, и поста́вил еси́ нас в поклоне́ние честна́го и сла́внаго и́мене Твоего́. Те́мже мо́лимся Тебе́, Го́споди: даждь нам благода́ть и си́лу, да сподо́бимся Тебе́ пе́ти разу́мно, и моли́тися непреста́нно: и вы́ну к Тебе́ зре́ти, Спаси́телю и Благоде́телю на́ших душ, стра́хом и тре́петом свое́ спасе́ние де́йствующе. Услы́ши у́бо и поми́луй, Благоутро́бне, нас: сокруши́ под но́ги на́ша неви́димыя ра́тники и враги́: приими́ я́же по си́ле на́шей благодаре́ния: даждь нам благода́ть и си́лу во отверзе́ние уст на́ших, и научи́ нас оправда́нием Твои́м. Я́ко что помо́лимся, я́коже подоба́ет, не ве́мы, а́ще не Ты, Го́споди, Ду́хом Твои́м Святы́м наста́виши ны. А́ще же что согреши́хом да́же до настоя́щаго часа́, сло́вом, или́ де́лом, или́ помышле́нием, во́лею, или́ нево́лею, осла́би, оста́ви, прости́. А́ще бо беззако́ния на́зриши, Го́споди, Го́споди, кто постои́т? Я́ко у Тебе́ очище́ние есть, у Тебе́ избавле́ние. Ты еси́ Еди́н Свят, Помо́щник Кре́пкий, и Защи́титель жи́зни на́шея, и Тя благослови́м во вся ве́ки, ами́нь.
Трисвятое по Отче наш:
Тропари, глас 8: Как блудница, я повергаюсь пред Тобою, чтобы получить прощение, и вместо мира слёзы от сердца приношу Тебе, Христе Боже, дабы, как её, Ты пожалел меня, Спаситель, и даровал мне очищение от грехов. Ибо, как она, я взываю к Тебе: «Извлеки меня из тины дел моих!»
Слава: Что не помышляешь ты, душа моя, о смерти? Что не обращаешься наконец ко исправлению, прежде трубы, возвещающей о Суде? Тогда не будет времени для покаяния. Представь в уме мытаря и блудницу, взывающих: «Согрешил я пред Тобою, Господи, помилуй меня!»
И ныне: Воистину превосходящая Силы небесные рождением от Тебя Спасителя, Приснодева Богородица! Мы, обогатившись через Тебя приобщением к Божеству, непрестанно Тебя величаем.
Господи, помилуй (40) и молитва: Благодарим Тебя, Господи Боже спасения нашего, ибо всё творишь во благо жизни нашей! Ты дал нам покой в прошедшее время ночи, и поднял нас с лож наших, и поставил нас для поклонения священному и славному имени Твоему. Поэтому молимся Тебе, Господи: даруй нам благодать и силу, дабы нам удостоиться воспевать Тебя разумно, и молиться непрестанно, и всегда взирать к Тебе, Спасителю и Благодетелю наших душ, со страхом и трепетом своё спасение совершая. Услышь же и помилуй нас, Милосердный! Сокруши под ноги наши невидимых противников и врагов, прими наши посильные благодарения, даруй нам благодать и силу для отверзения уст наших и научи нас повелениям Твоим. Ибо о чём молиться, мы и не знаем, как должно, если, Господи, Духом Твоим Святым Ты не научишь нас. Если же чем мы согрешили даже до нынешнего часа, словом, или делом, или помышлением, вольно или невольно, ослабь, оставь, прости. Ведь если Ты, Господи, будешь замечать беззакония, Господи, кто устоит? Ибо у Тебя умилостивление, у Тебя избавление. Ты – Один Святой, Помощник крепкий и Защитник жизни нашей, и мы благословляем Тебя во все века. Аминь.
История написания
Историки утверждают, что псалом 14 написан царем Давидом. Он был вторым по счету царем Израиля. Написан текст во время перенесения Кивота Завета из дома Аведдарова. Перенесли его в новый отстроенный храм на Сионе. Давид до этого момента был огорчен, ведь ему постоянно напоминался случай с Озою. Тогда на дом Аведдаров снизошла благодать Божья и Давид решил, что благоволение Всевышнего возвращается.
Толкование псалма 14
- Стихи 1-3: Только вера может спасти человека. Автор утверждает, что истинная вера в Господа спасает, а видно ее только по добрым искренним делам. Здесь же описывается гора Сион. Обитатель Сиона должен быть непорочен, добродетелен и чист.
- Стихи 4-5: Описывается настоящий праведный человек. Это тот, кто ни словом, ни делом никогда не обидит ближнего своего. Такой человек боится Господа, боится злых мыслей и деяний. Злые люди нечестивы. Они далеки от Творца. Такие злоумышленники предстанут перед Всевышним судом.
