Описание и текст молитвы праведному царю и пророку Давиду

Описание и смысл молитвы

Для начала давайте выясним, кто же такой царь и пророк Давид. В принципе, это широко известный персонаж, о котором наверняка слышали даже люди, которые не являются христианами по вере.

Давид прославился как великий царь Израиля, хотя до того, как взойти на престол, он был обычным пастухом, которому, однако, Господь вверил целое царство.

Он прославился как великий царь и полководец, чьи военные успехи можно всецело считать выдающимися. К тому же он почитается как великий пророк. Во времена его правления Израиль был одним из самых богатых и процветающих царств, поскольку Давид глубоко почитал Господа и старался во всем следовать его указаниям.

Однако несмотря на свою богоизбранность и богобоязненность, Давид не был безгрешным человеком. К сожалению, такова человеческая природа, поэтому даже великий царь совершал ошибки.

Одной из них можно считать многоженство, которое, как известно, запрещено в христианстве. К этому также можно прибавить прелюбодеяние, поскольку пророку пришлась по душе жена его военачальника Вирсавия. Для того чтобы сделать эту женщину своей, он отправил ее мужа на верную смерть, что, разумеется, шло вразрез с христианским образом жизни.

И хотя как и все люди Давид совершал ужасные ошибки в своей жизни, он имел смелость признать их и раскаяться в содеянном. Так, когда его обличили в том, что он из-за похоти захотел завладеть чужой женой, и избавился от ее супруга, пророк даже не стал оправдываться, а вместо этого незамедлительно покаялся в своих прегрешениях перед Богом.

Как правило, к этому пророку обращаются, если необходима защита от злых людей. Царь Давид прослыл великим военачальником и защитником своего народа, поэтому именно с такими просьбами к нему принято обращаться.

Мы часто сталкиваемся с недоброжелателями, и в этот момент может понадобиться покровительство святого, которым вполне может стать этот великий царь.

Существует несколько ситуаций, в которых будет уместно обратиться к Давиду и попросить о милости и покровительстве:

1. Защита от недоброжелателей.
2. При приступах ярости или гнева, с которыми необходимо совладать.
3. Примирение близких людей, которые на данный момент находятся в ссоре.
4. В тяжелой ситуации, когда человек не может найти выход.
5. Перед каким-либо опасным либо важным событием.

Видео «Псалом пророка и царя Давида»

В видео озвучена молитва «О победе над злом и восторжествовании правды» пророка Давида.

Ио́сиф, Обручник Пресвятой Богородицы

Свя­той Иосиф Об­руч­ник про­ис­хо­дил из ро­да ца­ря Да­ви­да. В пер­вом бра­ке у него бы­ло че­ты­ре сы­на и две до­че­ри. Ов­до­вев, свя­той Иосиф жил в стро­гом воз­дер­жа­нии. Вось­ми­де­ся­ти­лет­ним стар­цем он был из­бран пер­во­свя­щен­ни­ка­ми хра­ни­те­лем дев­ства Пре­свя­той Бо­го­ро­ди­цы, дав­шей обет без­бра­чия. О во­пло­ще­нии через Нее Сы­на Бо­жия ему воз­ве­стил Ан­гел. Свя­той Иосиф при­сут­ство­вал при по­кло­не­нии пас­ты­рей Но­во­рож­ден­но­му Бо­гом­ла­ден­цу и при по­кло­не­нии Ему волх­вов. По ука­за­нию Ан­ге­ла он бе­жал с Ма­те­рью Бо­жи­ей и Бо­гом­ла­ден­цем Иису­сом в Еги­пет, спа­сая Их от гне­ва ца­ря Иро­да. В Егип­те он жил с Де­вой Ма­ри­ей и Бо­гом­ла­ден­цем, за­ра­ба­ты­вая на Их про­пи­та­ние тру­дом плот­ни­ка. Скон­чал­ся свя­той Иосиф в воз­расте око­ло ста лет.
См. так­же: «Па­мять свя­то­го Иоси­фа, об­руч­ни­ка Пре­свя­той Де­вы Бо­го­ро­ди­цы» в из­ло­же­нии свт. Ди­мит­рия Ро­стов­ско­го.

Тексты молитв Праведному царю и пророку Давиду

Молитва первая

О, прехвальный и пречудный пророче Божий Давиде! Услыши нас, грешных и непотребных, в час сей предстоящих пред святою твоею иконою и усердно прибегающих к ходатайству твоему. Моли о нас Человеколюбца Бога, да подаст нам дух покаяния и сокрушения о гресех наших и всесильною Своею благодатию да поможет нам оставити пути нечестия, приспевати же во всяком деле блазе, да укрепит нас в борьбе со страстьми и похотьми нашими; да всадит в сердце наше дух смирения и кротости, дух братолюбия и незлобия, дух терпения и целомудрия, дух ревности к славе Божией и спасению ближних.

Упраздни молитвами твоими, пророче, злыя обычаи мира, паче же погибельный и тлетворный дух века сего, заражающий христианский род неуважением к Божественней Православней вере, к уставам святыя Церкви и к заповедем Господним, непочтением к родителем и влаcтем предержащим, и низвергающий людей в бездну нечестия, развращения и погибели. Отврати от нас, пречудне пророче, предстательством твоим праведный гнев Божий, и избави вся грады и веси царства нашего от бездождия и глада, от страшных бурь и землетрясений, от смертоносных язв и болезней, от нашествия врагов и междоусобныя брани. Укрепи твоими молитвами православных людей, благопоспешествуй им во всех благих деяниих и начинаниях к водворению мира и правды в державе их.

Пособствуй Всероссийкому Христолюбивому воинству во бранех со врагами нашими. Испроси, пророче Божий, от Господа пастырем нашим святую ревность по Бозе, сердечное попечение о спасении пасомых, мудрость в учении и управлении, благочестие и крепость во искушениих, судиям испроси нелицеприятие и безкорыстие, правоту и сострадание к обидимым, всем начальствующим попечение о подчиненных, милость и правосудие, подчиненным же покорность и послушание ко властем и усердное исполнение своих обязанностей; да, тако в мире и благочестии поживше в сем веце, сподобимся причастия вечных благ в Царствии Господа и Спаса нашего Иисуса Христа, Емуже подобает честь и поклонение, со Безначальным Его Отцем и Пресвятым Духом, во веки веков. Аминь.

Молитва вторая

О святый угодниче Божий, царю и пророче Давиде! Подвигом добрым подвизався на земли, восприял еси на Небесех венец правды, егоже уготовал есть Господь всем любящим Его. Темже взирающе на святый твой образ, радуемся о преславнем скончании жительства твоего и чтем святую память твою.

Ты же, предстоя Престолу Божию, приими моления наша и ко Всемилостивому Богу принеси, о еже простити нам всякое прегрешение и помощи нам стати противу кознем диавольским, да избавльшеся от скорбей, болезней, бед и напастей и всякаго зла, благочестно и праведно поживем в нынешнем веце и сподобимся предстательством твоим, аще и недостойни есмы, видети благая на земли живых, славяще Единаго во святых Своих славимаго Бога, Отца и Сына и Святаго Духа, ныне и во веки веков. Аминь.

Молитва третья

Помяни, Господи, царя Давида и всю кротость его, и святыми того молитвами помилуй нас, грешных. Аминь.

Если вы нашли ошибку, пожалуйста, выделите фрагмент текста и нажмите Ctrl+Enter.

Редкие Богослужебные тексты

Преподобному Давиду, игумену Вознесенскому, Серпуховскому Чудотворцу Тропарь, глас 4: Возне́слся еси́ смире́нием свои́м над ми́ром, преподобне, / доброде́тельми победи́в злоко́зненнаго врага́, / чистото́ю жития́, я́ко со́лнце второ́е, просия и / мно́гия лю́ди ко спасе́нию приведе=. / Те́мже моли́ Христа́ Бо́га, отче наш Дави́де, / дарова́ти нам мир, и ве́лию ми́лость, // и спасе́ние душа́м на́шим.

Канон, глас 4, егоже краегранесие: Достодолжную похвалу приносит преподобному Давиду недостойный Герман. Песнь 1 Пои́м лю́дие ди́вно чудоде́йствовавшему / в чермне́м мо́ри, Христу́ Бо́гу: / я́ко дре́вле Изра́иля всевооруже́на, / стопа́ми пешеше́ствовати непроходи́мую сотвори́, // и зло́бы делода́теля фарао́на во глубине́ потопи́. Даждь ми, Христе́, мой Спа́се, проще́ние мно́гих мои́х согреше́ний, я́ко да и мы почита́ем па́мять Твоего́ уго́дника, преподо́бнаго Дави́да, его́же моли́твами, Бо́же, спаси́ нас. От младе́нства ты, блаже́нне Дави́де, позна́н бысть Бо́гом и, на Него́ наде́ялся еси, преподо́бным Пафну́тием наставля́емь на спаси́тельная Его́ повеле́ния, Ему́же ны́не предстоя́ со дерзнове́нием, о нас помоли́ся. Священноукра́сил еси́ себе́, о́тче, ра́зумом и де́тельным виде́нием благода́ти, Богоглаго́ливе Дави́де, жела́я венца́ сла́вы Христо́вы, и ве=лию на Него наде́жду имы=й, преблаже́нне, не погреши́л еси́. Тму и мрак любостра́стнаго ми́ра любо́вию ко Христу́ пыла́ющею непреткнове́нно преше́д и све́тлости А́нгельскаго о́браза исполнися, а́ки вне пло́ти был еси, сего́ ра́ди пое́ши Пода́вшему ти си́лу. Дово́льно исто́чника пив Ева́нгельскаго вод оби́льных, из чре́ва ны́не ре́ки чуде́с источа́еши, преподо́бне Дави́де, и напая́еши ве́рою к тебе́ притека́ющия. Богородичен: От скве́рных усте́н хвале́ние приими́, Всенепоро́чная, я́коже пре́жде Сын Твой, Бог же мой и Госпо́дь, прия́т две ле́пте вдови́цы, и разреше́ние прегреше́ний мои́х пода́ждь, я́ко по до́лгу почита́ю Тя. Песнь 3. Да не хва́лится мудр хваля́йся, / но о сем е́же разумева́ти: / я́ко несть свят, я́ко Бог наш / вознося́й рог наш, // дая́й кре́пость царе́м на́шим. Любо́вь немощны́м вы́ну явля́я, о́тче преподо́бне Дави́де, от Бо́га прия́л еси́ благода́ть мно́гу стра́сти цели́ти неисце́льныя. Живоно́сный Крест на ра́мо взем, преподо́бне, распе́ншемуся на нем Христу́ после́довал еси́, о́тче Дави́де, и вра́жия полки́ прогна́л еси́, и нам проси́ ми́лости, торжеству́ющим твое́ пра́зднство, Богоно́се. На Го́спода всю, преподо́бне, возложи́в наде́жду, ника́коже поколеба́вшися, е́же отпа́сти от лу́чшаго стоя́ния, но зако́нно соверши́л еси́ Боже́ственное тече́ние ума́ пра́востию. Юдо́ль сия́, гроб твой иму́щая, иде́же лежи́т честно́е те́ло твое́, благово́ние источающее, я́коже рай Бо́жий процвете=, облагоуха́я ве́рныя и служа́щия в оби́тели твое́й, те́мже, ра́дуяся, пресла́вне, не забу́ди и нас, о́тче Дави́де. Умертви́в я́же на земли́ мудрова́ния, преподо́бне Дави́де, умертви́вшемуся тебе́ ра́ди Сло́ву му́жественно после́довал еси́ и Жи́зни неги́бнущей преподо́бно дости=гл еси́. Ум твой бе, а́ки лук напряже́н, о́тче, жи=вый бо во юдо́ли сей плаче́вней, восхожде́ние име́л еси́ в се́рдце свое́м вы́ну к Бо́гу, и мне у́бо, жизнь свою́ пребывающему вы́ну в печа́лех, Дави́де, помози́, моля́ся о мне, да возвесели́тся о Го́споде се́рдце мое́. Богородичен:Отцу́ Собезнача́льнаго Сы́на пло́тию родила́ еси́, Пренепоро́чная Де́во, Его́же моли́ с преподо́бным Дави́дом, да сотвори́т ны сы́ны Своего́ Ца́рствия и насле́дники обетова́ния ве́чнаго. Седален, глас 8: Храни́телю Боже́ственных повеле́ний Влады́ки, сла́вне, чи́стое житие́ твое́ показа́ тя священноде́теля Боже́ственна, яко ка́плями пото́в твои́х пре́лести лю́тое у́глие погаси́л еси́ и в ти́хое приста́нище дости́гл еси, зри́ши, блаже́нне, Его́же возжеле́л еси́. Те́мже вопие́м ти: моли́ Христа́ Бо́га грехо́в оставле́ние пода́ти чту́щим любо́вию святу́ю па́мять твою́. Сла́ва, и ны́не: Богородичен: Вои́стину Де́ву и Еди́ну в жена́х, Тя, без се́мени ро́ждшую Бо́га пло́тию, вси ублажа́ем, ро́ди челове́честии: Огнь бо всели́ся в Тя Божества́ и, я́ко Младе́нца, млеко́м пита́еши Зижди́теля и Го́спода. Тем А́нгельский и челове́ческий род досто́йно сла́вим пресвято́е Рождество́ Твое́ и согла́сно вопие́м Ти: моли́ Христа́ Бо́га согреше́ний оставле́ние дарова́ти покланя́ющимся ве́рою пресвято́му Рождеству́ Твоему́. Песнь 4. Услы́шах Твое́ Христе́, вои́стинну пресла́вное, / я́ко безсме́ртен Сый Бог, / уподо́бися сме́ртным челове́ком, / и пребы́сть е́же бе: // и того́ ра́ди Твою́ сла́влю си́лу. А́нгелом Небе́сным был еси́ собесе́дник, о́тче преподо́бне, смире́ние, бде́ние, и спротяже́нную моли́тву, и любо́вь нелицеме́рну, и ве́ру, и наде́жду стяжа́в. Лик страстоте́рпческий весели́тся, и лику́ет святи́телей собо́р и пра́ведных, совсе́льника тя прие́мше, блаже́нне, с ни́миже в Невече́рнем Све́те лику́еши, венце́м преподо́бия све́тло украша́емь, моли́ о воспева́ющих ве́рою святу́ю па́мять твою́. Умиле́нием мно́зем и стена́нием се́рдца жития́ по́прище преше́д, му́дре, в страну́ безстра́стия пресели́ся, в не́йже, свет прие́м в се́рдце твое́м, непреста́нно весели́шися, неизрече́ннаго Све́та Христова наслаждаяся. Почте+ до́брыми твои́ми нра́вы Бо́га Преблага́го, Дави́де. Те́мже исцеле́ний исто́чник излива́еши, зной отгоня́я боле́зней же и печа́лей, му́дре. Ре́ки сле́зными пусты́ни напои́л еси́, блаже́нне, се́мя трудо́в твои́х се́я в них; те́мже и стори́чный плод ра́достно пожа́л еси́, вопия́: сла́ва си́ле Твое́й, Го́споди. Имы=й во уме́ свое́м час сме́ртный, и неумы́тное Суди́ще, и му́ки гре́шников, вы́ну от о́чию свое́ю сле́зы излива=ше и моли́твы возсыла=ше к Бо́гу, преподо́бне, да изба́вит ду́ши гре́шных ве́чнаго муче́ния и сподо́бит их Ца́рствия Своего́. Богородичен:Отрокови́ца Неискусому́жная ражда́ет Творца́ всех и Го́спода, и к Рожде́нному мо́лится о душа́х на́ших, му́дре пасо́мых па́стырем и по исхо́де свое́м вы́ну с на́ми в неистле́нии свята́го телесе́ своего́ пребыва́ющим.

Песнь 5. Све́те И́стинный / Просвеща́яй вся́каго челове́ка, / Возсия́й в нас заре́ю за́поведей Твои́х, / и отжени́ от нас нощь страсте́й, // я́ко ра́зве Тебе́ ино́го бо́га не ве́мы. Обле́кся в Христо́во смире́ние и, я́ко а́гня незло́биво, Тому́ принесе́ себе́, тем и зе́млю кро́тких насле́дова, иде́же водворя́яся, сла́виши Го́спода. Стра́сти попали́л еси́ огнем воздержа́ния, ду́шу озари́в Боже́ственными сия́нии, де́монов прогони́тель яви́лся еси́, Боже́ственным Ду́хом просвеща́емь. И́же в жи́зни сей упа́сл еси́ благоче́стно, не забу́ди ста́да твоего́, е́же, му́дре, собра́л еси́, и ны́не потщи́ся, о́тче наш Дави́де, да привлече́ши во огра́ду Небе́сную. Процве́л еси́, преподо́бне, в пусты́ни дави́дски, я́коже фи́никс, сия́я доброде́тельми, отону́дуже и позна́н был еси́ приходя́щими ревнова́ти твоему́ е́же по Бо́гу житию́. Ра́зныя боле́зни исцеля́я, Бо́га приле́жно моля́, Бо́жиим Про́мыслом больна́го нога́ма сотвори́л еси́ це́ла и здра́ва и чадородны безча=дныя показа=, преподо́бне Дави́де, и за нас моли́ся приле́жно. Богородичен:Еди́на Еди́наго от Тро́ицы Ви́димаго родила́ еси́ во дву существу́, Ипоста́си же еди́ней, Де́во, Ему́же песнопое́м: благослове́н еси́, Пра́ведный отце́в Бо́же. Песнь 6. Морско́е рыда́ние Христе́ Ио́нино / Подража́яй зову́ Ти: / Живо́т мой от а́да прегреше́ний возведи́, / да во хра́ме сла́вы Твоея́ // со гла́сом хвале́ния пожру́ Ти. Па́стырь сый, от Ду́ха Свята́го науче́нный, блаже́нне, наставля́л еси́ ста́до твое́ Небе́сная разумева́ти и страсте́й наше́ствия отгоня́ти, Ца́рствия же Бо́жия и пра́вды Его́ иска́ти. Дави́де преподо́бне, ты я́звы Го́спода Иису́са и Крест Его́, я́ко вене́ц злат, с ра́достию прии́м, услы́шал еси́ вожделе́нный глас: до́брый ра́бе, благи́й и ве́рный, вни́ди в ра́дость Го́спода твоего́. От ю́ности, блаже́нне, име́л еси́ житие́ свое́ чи́сто и того́ ра́ди Пречи́стому Влады́це прилепил́ся еси, темже, предстоя= Тому= ны́не со а́нгельскими ли́ки, при́сно источа́еши пресла́вная чудеса́ и исцеле́ния с ве́рою приходя́щим к тебе́. О́бщник сый ада́мскаго ро́да и порожде́ние, бе́здны греха́ избе́гл еси́, не оскверни́вся, крест бо на ра́мо взем не в мо́ри наслаждений греховных погря́з, но на го́ру Вознесе́ния возше́л еси́. Нощь, я́ко день, и день, я́ко нощь, тебе́ вменя́шеся, Дави́де о́тче наш: не дал бо еси́, по проро́ку, сна очи́ма твои́ма, ни ве́ждома твои́ма дрема́ния, ниже́ поко́я телеси́ твоему́, до́ндеже сие́ чи́сто с душе́ю Бо́гу предста́вил еси́. Благода́ть твоя́, преподо́бне Дави́де, озаря́ет ве́рныя, яко излия́нием чуде́с от Бо́га обогати́лся еси́, о́тче, те́мже приходя́щих облегча́еши боле́зни. Утверди́ у́бо и на́ша мы́сли приноси́ти Христу́ же́ртву хвале́ния. Богородичен:Непло́дствующия мы́сли моея́ непло́дие вся́кое отжени́ и плодоно́сну доброде́тельми ду́шу мою́ покажи́, Всесвята́я Богоро́дице, ве́рных По́моще.

Кондак, глас 4: Ми́ра мяте́ж и сла́ву вре́менную оста́вив, Богому=дре, / во оби́тель святаго Пафну́тия Бо́ровскаго восте́кл еси́, / и мона́хов лико́м причтен, / преподобному Ио́сифу Во́лоцкому собесе́дник был еси́, / с ни́миже моли́ Всеми́лостиваго Спа́са, о́тче наш Дави́де, / мир ми́рови пода́ти // и спасти́ся душа́м на́шим моли́твами твои́ми. Икос: Уясни́ ми язы́к и укрепи́ ми ум, Всеми́лости=ве Спа́се, моли́твами Пречи́стыя Твоея́ Ма́тере. Язы́к ми благ глаго́лати пода́ждь на похвалу́ и на умоле́ние Твоего́ уго́дника. Свещу́ души́ моея́ уны́лую, ю́же, воздрема́вся, угаси́х, моли́твами преподо́бнаго Дави́да возжжи́ и не отлучи́ мене́, Христе́, многогре́шна, ли́ка преподо́бных Твои́х. Все у́бо упова́ние на Тя возлага́ю: Ты бо и оби́тель на́шу сохраня́еши моли́твами преподо́бнаго. Песнь 7. Тя живопису́ющий ассири́йский пламень, / ю́ноши три спасе́, Го́споди, / я́коже и Де́ву не опали́ Отрокови́цу / в Боже́ственном Рождестве́ Твое́м, Боже́ственная И́скра: // Препе́тый отце́в Бо́же благослове́н еси́. Да́ры светода́тельными озаре́н, преподо́бне, де́монский мрак всеце́ло отгна́л еси́ и свет возсия́л еси́ в се́ни сме́ртней седя́щим, те́мже тя, Дави́де, почита́ем. Преподобных Анто́ния и Феодо́сия, общежи́тия нача́льников, христоподража́тельному житию́ поревнова́л еси́ и, благослове́нием преподо́бнаго Пафну́тия укрепле́н, оби́тель созда́л еси́, в не́йже и́мя Госпо́дне непреста́нно сла́вится, блаже=нне. В поще́ниих непрекло́нное, во искуше́ниих неосла́бное, в терпе́ниих неотсту́пное име́л еси́ стяжа́ние, тем нетле́нными венцы́ от Бо́га увенча́н еси́. Истиннаго Бо́га песносло́вил еси́, Отца́, и Сы́на, и Ду́ха Всесвята́го, Тро́ицу Неразде́льную, от Нея́же де́йство прия́л еси́, е́же исцеля́ти неду́ги разли́чныя, прогоня́ти ду́хи лука́выя; те́мже па́мять твою́ почита́ем, досточу́дне. Днесь мо́лим тя: непреста́нно моли́, Дави́де о́тче наш, о ста́де свое́м, его́же трудолю́бно собра́л еси́, и спаси́ и́же тя на моли́тву призыва́ющих и плоды́ принося́щих любо́вию. У́треневав ко Христу́, от Него́ светлостьми́ озари́вся бога́тно, и све́та напо́лнился еси́ Боже́ственнейша, и просвеща́еши ве́рно чту́щия тя всегда́. Богородичен:Неи́стовство жен испра́вила еси́, Де́во Преблагослове́нная, Сло́во ро́ждши, я́ко Бла́га и Держа́внаго Сил, Его́же Дави́д преподо́бный вожделе́в усе́рдно, в след Тебе́ потече, ра́дуяся восклицая.

Песнь 8. Песнь но́вую пои́м лю́дие, / Соше́дшему на зе́млю спасти́ ны: / во́лею бо на Кресте́ пригвозди́ся Госпо́дь, / показа́вый язы́ком, / я́ко Ада́ма ра́ди / в ра́бий зрак облече́ся, // в вы́шних живы́й во ве́ки. Ду́хом Святы́м укрепи́вся, духо́в зло́бы победи́л еси́ жезло́м ве́ры, жезло́м бо игу́менства твоего́ исцеля́ше неду́жныя, де́монское каменомета́ние му́жески отража́я, храня́ше бо тя И́же жезло́м мо́ре лю́дем раздели́вый. Обре́те оби́тель Вознесе́нская тя пра́вило и изве́стнейший о́браз, всяк проше́дша доброде́тельных дея́ний вид, преподо́бных похвало́, му́дре Дави́де; те́мже пожи́вше Боже́ственне, с тобо́ю лику́ют во ве́ки. Стяжа́л еси́, преподо́бне Дави́де, воздержа́ние ди́вное и моли́тву непреста́нную, вознося́ смире́ние, и любо́вь и́стинную, и безстра́стие, о́тче; сего́ ра́ди Христо́с благода́ть тебе́ подаде́ чуде́с во ве́ки. Твоя́ по́двиги воспе́ша Ангельския Си́лы, Дави́де, и житие́ твое́ лик преподо́бных похвали́, све́тлое и украше=нное мона́хов ра́дование, тем и ны́не, сра́дуяся ему́, весели́шися, Христа́ поя́ во ве́ки. Соверши́в де́ло свое́ на земли́ мно́гими ле́ты, я́ко клас зре́лый, пожа́т был еси руко=ю А́нгела Бо́жия, и прия́ тя, я́ко стори́чный плод, в жи́тницу ве́чнаго воздая́ния Христо́с, препе́тый и превозноси́мый во ве́ки. Богородичен: Иису́са моего́ Ма́ти Богоблагода́тная, в мо́ри страсте́й обурева́емых спаси́ ны, да све́тло воспое́м си́лы Твоя́ и Сы́нови Твоему́ благода́рственная воздади́м, Пречи́стая. Песнь 9. Пое́м Тя Пресвята́я Ма́ти Де́во сла́вная, / я́ко прозябла́ еси́ небе́сный Клас – Христа́ Бо́га, / па́че вся́кия мы́сли, / от Тебе́ Хлеб бысть Живоно́сный ве́рным. / Тем Ти зове́м: / ра́дуйся, Непоро́чная, // пребы́вшая Де́ва по Рождестве́ Чи́стая. Ни́жняя оста́вль, отше́л еси́ к Вы́шним, те́ло же твое́ пренесе́но бысть в це́рковь собо́рную, иде́же пе́ньми и пе́сньми духо́вными почто́ша тя, о́тче преподо́бне, вопию́ще: се бо де́ти твои́, любо́вию к тебе́ горя́щии, при́сно тя помина́ем и велича́ем. И́же оте́чествия твоего́ лю́дие, к ра́це моще́й твои́х святы́х прихо́дим и от се́рдца зове́м: поми́луй ча́да своя́ и от печа́ли избавля́й, ви́диши бо вся печа́льны и уны́лы, но моли́ Всеми́лостиваго Бо́га изба́вити нас вско́ре моли́твами твои́ми. Исцеле́ния соде́лывают честны́я мо́щи твоя́, Дави́де преподо́бне, и отго́няют разли́чныя неду́ги от челове́к, и укрепля́ют ум их восхвали́ти труды́ твоя́, всече́стне. Го́ры и хо́лми да взыгра́ют, и все мно́жество мона́шествующих да воспле́щет днесь, я́ко наста́ нам светоно́сный твой пра́здник, преподо́бне Дави́де, испо́лнь ра́дости и весе́лия духо́внаго. И ны́не, иму́ще тя поще́ния пра́вило и законополо́жника, ра́дуемся. Ено́ха Бог просла́ви, и сей преста́вися во сла́ве еди́ножды; ты же преподо́бне, ки́йждый день преставля́лся еси́, сме́ртный час во уме́ помышля́я, и сло́вом Бо́жиим спаса́лся еси́. Та́кожде и нас помышля́ти вразумля́й, да сла́вим тя по до́лгу че́стно. Распросте́р преподо́бнеи твои́ ру́це, принеси́ моле́ние ко Всеми́лостивому Спа́су, о́тче Богому́дре Дави́де, сохрани́ти оби́тель твою́ невреди́му от ва́рварскаго наше́ствия и междоусо́бныя бра́ни и спасти́ нас, тебе́ велича́ющих. Богородичен:Ма́тернее дерзнове́ние, е́же к Сы́ну Твоему́, иму́ще, Пречи́стая, сро́днаго промышле́ния, е́же о нас, не пре́зри, мо́лимся, я́ко Тебе́ и Еди́ну, христиа́не, ко Влады́це очище́ние ми́лостивное предлагаем. Светилен: А́нгел был еси́ во пло́ти земны́й и Небе́сный челове́к, доброде́тельным житие́м на земли́ просияв, по преставле́нии же чудесы́, от моще́й твои́х быва́ющими, ве́рныя удиви́л еси́; мы же непреста́нно мо́лим тя, о́тче наш Дави́де, непресту́пно пребыва́ти от ме́ста сего́ и ста́до, тобо́ю собра=нное, покрыва́ти моли́твами твои́ми. Сла́ва, и ны́не, Богородичен: На Богома́терь упова́ние возложи́в, преподо́бне, Зна́мения Ея́ честна́го ико́ною ме́сто сие́ освятив, в зало́г спасе́ния о́браз сей оста́вив; мы же пред ним моля́щеся, про́сим усе́рдно: поми́луй нас, Пречи́стая, преподо́бнаго Дави́да о нас усе́рдными мольба́ми. Молитва О до́брый наш па́стырю и богому́дрый наста́вниче, преподо́бне о́тче наш Дави́де! Услы́ши ны́не к тебе́ приноси́мое моле́ние на́ше; ве́мы бо, я́ко ду́хом с на́ми пребыва́еши. Ты у́бо, преподо́бне, я́ко име́яй дерзнове́ние ко Всеми́лостивому Влады́це Иису́су Христу́, Бо́гу на́шему, и ко Пречи́стей Богома́тери, бу́ди хода́тай и моли́твенник те́плый о оби́тели сей, ю́же возгради́л еси́, и о нас, недосто́йных рабе́х, живу́щих в ней, ея́же ты просвети́тель еси́ и нача́льник, Богособра=нному же твоему́ бра́тству помо́щник и засту́пник при́сно явля́ешися, я́ко да твои́м предста́тельством и моли́твами невреди́мы на ме́сте сем пребу́дем, от бесо́в же и злых челове́к ненаве́тованы и от всех бед и напа́стей свобо́дны сохрани́мся. Всем же отвсю́ду приходя́щим во святу́ю оби́тель твою́ и моля́щимся тебе́ с ве́рою и покланя́ющимся ра́це моще́й твои́х, ко е́же изба́витися от вся́кия ско́рби, боле́зни и напа́сти, ми́лостивно поспеши́, дарова́ти же правосла́вным мир, тишину́, благоде́нствие и изоби́лие плодо́в земны́х, и о всех нас те́плый предста́тель ко Го́споду и помо́щник душа́м на́шим бу́ди, е́же отпусти́тися нам согреше́нием на́шим и моли́твами твои́ми, свя́те, изба́витися нам от ве́чнаго муче́ния и сподо́битися Небе́снаго Ца́рствия со все́ми святы́ми, да сла́ву, благодаре́ние и поклоне́ние возсыла́ем Еди́ному Бо́гу, в Тро́ице сла́вимому, Отцу́, и Сы́ну, и Свято́му Ду́ху, ны́не, и при́сно, и во ве́ки веко́в. Ами́нь.