святым первоверховным апостолам Петру и Павлу
Икона и житие святого апостола Петра
Икона и житие святого апостола Павла
Тропарь, глас 4
Апостолов первопрестольницы, и вселенныя учителие, Владыку всех молите, мир вселенней даровати, и душам нашим велию милость.
АКАФИСТ
Кондак 1
Избраннии проповедницы Агнца Непорочнаго, за ны закланнаго, Христа Бога, преславнии апостоли Петре и Павле! Яко Боговедением концы мира озарившии и обильно струями благодати напоившии, и ныне с любовию призрите на чтущия усердно память вашу. Исполните нас духа премудрости, сердца наша верою утвердите, да непрестанно благодарственная вам поем, со умилением зовуще: Радуйтеся, святии первоверховнии апостоли Петре и Павле.
Икос 1
Ангели благовестницы явистеся на земли, апостоли Петре и Павле блаженнии, зане от Самаго Виновника спасения нашего на делание ваше призвани бывше, широту всея земли обтекосте, иудеом и еллином Христа распятаго, Божию Силу и Божию Премудрость проповедающе. Темже и мы, светом учений ваших озаряеми, сердцем и усты взываем к вам сицевая:
Радуйтеся, звезды светозарныя, от востока возсиявшия и всем людем путь ко Христу показавшия;
радуйтеся, Церкве Христовы утверждение и столпи непоколебимии.
Радуйтеся, власть вязати и решити грехи наша от Христа приимшии;
радуйтеся, во святых писаниих ваших к вере и упованию на Бога вся ны призывающии.
Радуйтеся, в житии вашем образы обращения согрешающим явившии;
радуйтеся, высоту любве истинныя словом и делом нам показавшии.
Радуйтеся, святии первоверховнии апостоли Петре и Павле.
Кондак 2
Видя тя, апостоле Петре, на море Галилейстем вкупе со Андреем, братом твоим, вметающа мрежи, Господь рече вам: грядита по Мне, и сотворю вы ловца человеком. И абие, оставльше мрежи, по Нем идосте. Темже, красото Церкви вселенския, сотвори и нас предстательством твоим скорым быти на делание заповедей Божиих, косны же ко греху, да, злобою младенствующе, достигнем вси в меру возраста мужа совершенна, поюще Богови: Аллилуиа.
Икос 2
Разум Божественный освети тя, Павле, избранный сосуде Божий, егда, ревнуя о отеческих преданиих, шествовал еси в Дамаск гонити Церковь Христову. Тогда бо внезапу сияние Славы Господни облиста тебе и глас бысть с Небесе: Савле, Савле, что Мя гониши? Ты же, аще зрением плотским омрачился еси, но духом узрел еси Силу и Славу Христа распята, тьму просвещающа и любовию Церковь Свою созидающа, и того ради пленился еси духом, покаяние и послушание нося и глаголя: “Господи, что сотворю?”. Посем, восприим жребий апостольства от руки Господни и крещение водою и Духом от Анании блаженнейшаго, явился еси предивно сосуд избранный благодати и свидетель немолчный Спасителя нашего, от Негоже и мы, просвещаемии, пети тебе навыкохом сицевая:
Радуйся, светлосте церковная, от Света Неизреченнаго на пути пречудно во откровение языков возжженная;
радуйся, знамения Силы Божия в житии твоем чудно явивый и тем уста непокоривым на веки заградивый.
Радуйся, сосуде избранный, меньша от апостол и перваго от грешник себе сокрушенно нарекий;
радуйся, якоже Херувим тайнозритель, даже до третияго Небесе верою и любовию вознесенный.
Радуйся, якоже Серафим пламенный, ревностию по Бозе непрестанно снедаемый и истаеваемый;
радуйтеся, Павле и Петре, благовестия трубы громогласныя, основания ветхаго мира, якоже Иерихон вторый сокрушившия.
Радуйтеся, святии первоверховнии апостоли Петре и Павле.
Кондак 3
Сила Вышняго, в немощех познаваемая, излия на тя, Павле, адаманте веры, благодать на благодать, зане неложно исповедал еси: Вся могу о укрепляющем мя Иисусе. И воистинну проповедал еси Евангелие во явлении Духа и силы, творя великая и неизреченная, славная же и ужасная, яко неведущии Бога Боговедению научахуся, сердца ожесточенная елеом милосердия напаяхуся и вся овцы расточенныя во ограду Пастыря Единаго отвсюду стекахуся, Емуже и пети согласно научишася: Аллилуиа.
Икос 3
Имея дерзновенную любовь ко Господу, шествовал еси, Петре, по водам воздвизаемым, яко по суху. Но аще и потоплением был еси устрашаем и сомнением обуреваем, не потопился еси в пучине, понеже простерл еси руце и очи ко Спасу, вопия Ему из глубины сердечныя: Господи, спаси мя. И в той час руку помощи восприял еси от Христа, Избавителя нашего. Тако и мы в сей юдоли земней, бедами устрашаеми и волнами страстей потопляеми, взирающе на течение твое, к тихому пристанищу добре нас наставляющее, благодарственно воспеваем ти сице:
Радуйся, каменю веры многоценный, от Камене Краеугольна избранный и утвержденный;
радуйся, храме Духа Святаго, многоразличными дарованьми от Того преизрядно украшенный.
Радуйся, рыбарю препростый, премудрости Божия исполненный, ейже от человек никтоже противитися может;
радуйся, самовидче величия Божия, паче царей и славных земли от Господа на вся веки прославленный.
Радуйся, хартие одухотворенная, в нюже огненными писмены слово Божие вписася,
радуйся, с Павлом апостолом светило равночестное и незаходимое.
Радуйтеся, святии первоверховнии апостоли Петре и Павле.
Кондак 4
Бурю лютых искушений воздвиже древле человекоубийца, искони иский Церковь Божию потребити и ученики Спасовы, якоже пшеницу, разсеяти: но Господь молися о тебе, Петре, да не оскудеет вера твоя. И тако, от Спаса просвещаем и от Него в немощи укрепляем, воистинну сокрушил еси челюсти вражия и обращся утвердил еси братию твою, поя Богу: Аллилуиа.
Икос 4
Слышаще, Павле премудре, о дивнем избрании твоем, во еже возвестити имя Господа Иисуса народом и царем и сыном Израилевым, и видяще тя в слове, в житии, в любви, в дусе, в вере, в чистоте, якоже света языком во спасение их поставлена, невернии верою просвещахуся, вернии же, ликовствующе, Господа прославляху. Темже и мы, сорадоватися заповедь приемше, приносим ти гласом радования таковая:
Радуйся, верный служителю Христов, вся славная мира якоже сор и прах вменивый и всем себе поработивый Христа ради и Евангелиа;
радуйся, добрый воине Христов, во вся оружия Божия облеченный и вся языки в послушание Христово покоривый.
Радуйся, жертво приятнейшая, Христу сораспеншаяся, Христа ради по вся дни умирати приобыкшая;
радуйся, сеятелю слезами многими, узниче и исповедниче преславный, язвы Господа Иисуса Христа на теле твоем радостно носивый.
Радуйся, славо и похвало Церкве Вселенския, позорище мирови бывый, глад, жажду, наготу, биение и поругание за Христа многочастне претерпевый;
радуйтеся, Павле и Петре, апостолов украшение, миру благовестницы, Церкве утверждение.
Радуйтеся, святии первоверховнии апостоли Петре и Павле.
Кондак 5
Боготечная звезда явился еси, Павле, егда течение твое, пресветло начен от Дамаска, даже до Рима простерл еси и якоже прежде звезда от восток научи волхвы кланятися Солнцу Правды, сице и ты, Богомудре, путь ко Христу показал еси всем, хотящим достигнути спасения, взывая со дерзновением многим: подражатели мне бывайте, якоже и аз Христу. Емуже и пети научил еси нас единеми усты: Аллилуиа.
Икос 5
Видев на горе Фаворстей Славу Единороднаго от Отца, одеяна Светом, яко ризою, хотяща же за ны облещися в ризу поругания, глаголал еси, Петре, Иисусови, провидя Славу несказанную искупленных Кровию Агнца Непорочна Христа: Господи, добро есть нам зде быти. Сего ради и мы, роди дальнии, лишени чистоты светозарныя, аще и недостойни суще, обаче твоим ангельским гласом призваннии к наследию нетленну, чисту, неувядаему, соблюдаему на Небесех, якоже общницы хотящей открытися Славе, воспеваем ти сице:
Радуйся, блаженне, от Присносущныя Истины достойно “блажен” нареченный;
радуйся, бисере предобрый, от Господа при езере обретенный и светом от Света осиянный.
Радуйся, от Самаго Искупителя рода человеча на проповедь Евангелия посланный;
радуйся, воистинну ловец человеков явивыйся, ты бо, якоже и прежде, благодатию влечеши души омраченныя в чудный Свет Христа Бога.
Радуйся, источниче животворный, от Источника жизни вечныя истекий и от богатства даров Духа Святаго жаждущия души напояяй;
радуйтеся, Петре и Павле, якоже Серафими шестокрилатии, у Престола Царя Славы парящии и ко свету Тайн Божиих приницающии.
Радуйтеся, святии первоверховнии апостоли Петре и Павле.
Кондак 6
Проповедник немолчен и по смерти твоей, Петре Богоносне, явился еси, зане с неба мысленнаго, якоже гром таинственный, о звании христианстем многоразличне напоминаеши. Мы же, ведяще любовь твою николиже отпадающу и молитву о нас непрестанно у Престола Божия деему, поем сердцем умиленным: Аллилуиа.
Икос 6
Возсиял еси, Павле великоимените, знаменьми и чудесы вскоре, отнележе Дух Святый во Антиохии повеле ти начати превеликое служение апостола языков: таже, достиг Кипра, Елимы волхва зрение омрачил еси и Сергиа проконсула светом истины озарил еси. Сподоби и нас, света сего причащшихся, прославити дивная дела твоя в песнех и пениих духовных и воспевати тебе таковая:
Радуйся, свете сердец кротких и разумных, яже, яко доилица, грееши и пестунствуеши писаньми твоими Богодухновенными;
радуйся, жезле наказания, сосуды лжи и льсти до конца сокрушаяй, сердца же сокрушенная на недвижимый Камень Веры ввоздвизаяй.
Радуйся, Христово Евангелие в себе воплотивый и сего ради превыше видимых вознесенный и прославленный;
радуйся, уста медоточная, радость многую апостолом и верным возвестившая, яко отверзе тобою Господь дверь спасения всем языком.
Радуйся, ревнителю по Бозе, новый Илие, не на чуждем основании созидаяй и ревностию твоею страны дальния обтекаяй;
радуйтеся, Павле и Петре, весь мир между вами разделившии, во еже овому убо быти апостолу языков, другому же проповедати народу избранному.
Радуйтеся, святии первоверховнии апостоли Петре и Павле.
Кондак 7
Хотя истину утвердити и мир Церкви оградити, пришел еси, Павле, поборниче правды, во святый град, в немже на собрании святых апостол и верных свидетельствовал еси вкупе с Петром и Варнавою, яко Дух Святый дышет, идеже хощет, даруя благодать Свою к независтно иудеом и еллином обрезанным и верою вся спасая, а не мертвенными делы ветхаго закона. И тако воистинну вси вернии, свободу и мир получивше, союзом любве связуеми, благодарственно воспевают Богови: Аллилуиа.
Икос 7
Новаго Архангела, провозвестника тайны, от века сокровенныя, избра тя, апостоле Петре, Господь, егда вопроси ученики Своя: вы же кого Мя глаголете быти? Ты же, от Отца Небеснаго просвещаем, возвестил еси несомненное основание нашея веры, глаголя ко Спасу: ты еси Христос, Сын Бога Живаго. Того ради и мы, чтуще тя, яко Надежду нашего спасения неприкровенно исповедавша, взываем ти таковая:
Радуйся, Синаю новый, скрижаль спасения людем ясно показавый и свободу во Христе возвестивый;
радуйся, первоположенный от Архитектона Небеснаго каменю веры и исповедания, на немже Церковь Христова необоримо основася.
Радуйся, первопоставленный вратарю входа райскаго, емуже первее обещася Господь дати ключи Царствия Небеснаго;
радуйся, судие праведный, имый судити с прочими апостолы обеманадесяте коленома Израилевома.
Радуйся, яко очеса и утеса твоя блаженная Христа Спаса нашего, Егоже лицезрети пророцы пламенне желаху, во плоти суща на земли видеша и слышаша;
радуйтеся, Петре и Павле, имущии ноги благовествования краснейшия и сердца освященная, вы бо Евангелию послужисте и евангельски пожисте.
Радуйтеся, святии первоверховнии апостоли Петре и Павле.
Кондак 8
Странное чудо и неудобь разумеваемое явился еси, Петре, мудрствующим земная, яко незнатна мира и уничижена избра тя Господь, и посрамил еси мудрыя, одолел еси царства, привел еси сонмы омраченных ко Свету Истины, и доныне, якоже столп огненный, озаряеши вся земнородныя, указуя несомненный путь во блаженное отечество. Сего ради, богатству благодати в тебе дивящеся, поем Богу: Аллилуиа.
Икос 8
Всем был еси вся, Павле, любовию всех объемля, словом спасения дальних и ближних достизая, верою вся превозмогая: зане и в Филиппех, мир благовествуя, аще и палицами биен был еси люте и в темницу во оковах ввержен, но воспел еси тамо вкупе с Силою песнь чудную хвалы и благодарения Богу, Иже и возгреме рабом Своим трусом велиим, яко и основания темничная поколебашася и двери отверзошася. Мы же, видяще тя, премудре, тьму узилища светом Боговедения озаряюща и свободу о Христе узником подающа, воспеваем ти сицевая:
Радуйся, узниче Христов, темницу во храм претворивый и узами твоими демонов цепи людем разрешивый;
радуйся, сильне, немощи немощных понесый, не себе, но ближним угождати иский.
Радуйся, пречудне, узами и скорбьми хваливыйся, радоватися с радующимися и плакати с плачущими научивый;
радуйся, умерый греху, но присно живый Богови, тебе бо жизнь Христос и смерть приобретение.
Радуйся, образе неусыпнаго делания, задняя забываяй, в предняя простираяйся и всем помышлением к почести вышняго звания текий;
радуйтеся, Павле и Петре, даже до смерти мученически Господу послужившии и сею, яко венцем, подвиг ваш венчавшии.
Радуйтеся, святии первоверховнии апостоли Петре и Павле.
Кондак 9
Вся ко Христу приводя, возвестил еси, Павле, во Афинех мнящимся мудрым быти Премудрость, свыше сходящую, да, ведяще суетная, отселе уведят Бога, невидимаго им, и осяжут Его, о Нем бо живем и движемся и есмы. Темже и мы, благодатию неизреченною разум истины восприемще и сердцем неложно, яко благ Господь, постигше, поем Ему верою твердою, якоже перстом от Фомы, осязуему: Аллилуиа.
Икос 9
Ветийствовати не можаше язык человечь, егда Господь Сил нозе рабом Своим умываше и лентием отираше. Ты же, Петре, страхом побеждаем, аще возгласил еси: не умыеши ногу моею во веки, но абие весь в послушание преложился еси, егда услышал еси глагол, реченный от Господа: аще не умыю тебе, не имаши части со мною. И тако всем сердцем возопил еси: Господи, не нозе мои токмо, но и руце, и главу. Мы же, ведяще тя в сих, якоже злато во огни искушения, очищаема и познавающе от смирения к послушанию восхождение твое, таинству Божия Промышления покланяющеся, воспеваем ти сердцем смиренным таковая:
Радуйся, Петре, очеса орля, имиже зрел еси Солнце Правды — Христа Бога, Иуде нозе умывшаго и от него лобзанием лукавым преданнаго;
радуйся, на веки уневестивыйся Христу, ты бо, Агнцу Непорочну, якоже агнец, последуя, до заклания твоего верность соблюл еси.
Радуйся, углю неугасимый, от жертвенника Небеснаго огнем любве Божественныя непрестанно объятый;
радуйся, светильниче горяй и светяй, роды родов светом правды озаряяй.
Радуйся, грозде многообильный винограда Христова, на радость мира многопечальнаго возращенный;
радуйтеся, Петре и Павле, Христа Бога в себе верно вообразившии.
Радуйтеся, святии первоверховнии апостоли Петре и Павле.
Кондак 10
Спасения во Христе неизследимую пучину и покаяния многую силу явил еси в себе, Петре, егда трикраты по предреченному отверглся еси Господа: не вем Человека сего! Егда клялся и ротился еси во дворе архиереа, но абие, воспомянув глагол Иисусов, вне текл еси, плачася горько. Мы же, умильне взирающе на пресветлый сей образ сокрушения, в научение и обличение жестоковыйных сердец наших дарованный, поем Господу, паки дивно возвеличившему тя: Аллилуиа.
Икос 10
Стена и оружие непобедимое был еси, Павле, противу миродержителей тьмы века сего, яко и царство их в Коринфе, Ефесе и инех градех вселенныя сокрушил еси, тьму многобожия разгоняя и разум истины утверждая. Ты бо неложно показался еси Божий слуга в терпении мнозе, в скорбех, бедах, в теснотах, в ранах, темницах, в нестроениих, трудех, во бдениих, в пощениих, яко и ум наш недоумеет изрещи богатство доброты твоея, деннонощныя подвиги со слезами многими. Того ради, зряще море любве твоея, дерзающе молим: услыши нас, убогих грешными усты глаголющих сицевая:
Радуйся, умерый греху благовестниче непобедимый, яко в тебе первее ветхаго человека победив, Христу сораспялся еси;
радуйся, учителю многоплодный и волков хищных обличителю, яко тобою образ верным показал еси, присно бодрствуя и научая вся сугубо: словом и житием по слову.
Радуйся, всех обогатителю, яко, прежде сам обнищав и ничтоже имый, вся содержал еси;
радуйся, о христианех пламенный ревнителю, обручивый я Христу, яко деву чисту непорочную невесту.
Радуйся, утробе многоболезненная бывый о чадех твоих в муках рождения, дондеже вообразится в них Христос;
радуйтеся, Павле и Петре, в Дусе единице согласная во едином граде верность Христу кровию запечатлевшии.
Радуйтеся, святии первоверховнии апостоли Петре и Павле.
Кондак 11
Пети и ублажати узы и страдания твоя, Павле многострадальне, достойно есть, яко токмо в терпении мнозе, но и с радостию предреченный ти от Агава пророка узы восприял еси, и Церкви Кесарийстей свидетельствовал еси сице: не точию связан быти готов есмь за имя Господа Иисуса. Емуже и мы, дивному во святых Своих, поем песнь: Аллилуиа.
Икос 11
Светом радости неизреченныя и Божественныя любве осиян был еси, Петре, егда Господь по воскресении первее прочих апостол явися тебе, скорбевшему. По сих же паки явлься, Владыка жизни вопроси тя трикраты: Симоне Ионин, любиши ли Мя? Ты же, огнем Божественныя любве опаляем, отвещал еси тепле: Господи, Ты веси яко люблю Тя. Того ради и мы, обнищавшии духом, помянувше преизобильныя токи слез и любве твоея, ихже ради воззва тя Господь на прежний степень апостольства, благоговейне взываем ти сицевая:
Радуйся, учителю покаяния, слезами горькими высоту смирения стяжавый и Воскресшим от гроба к радости неизглаголанней на веки приобщенный;
радуйся, премудрости глубино, смиренномудрия высото, пламеню любве, образ жития всем верным себе явивый.
Радуйся, друже Господа Иисуса, иго благовестия ревностно понесый, над наследием Божиим господствовати не восхотевый, но послушанию властем научивый;
радуйся, апостоле Христов, мудрость змиину и чистоту голубину в себе сочетавый и образом смерти твоея на кресте крайнее смиренномудрие показавый.
Радуйся, рабе Господа верный, умноживый данный тебе талант и в радость Господа вшедый;
радуйтеся, Петре и Павле, сердца не тесная, весь мир любовию вместившая и концы вселенныя просветившая.
Радуйтеся, святии первоверховнии апостоли Петре и Павле.
Кондак 12
Благодать Духа Утешителя, излиявшаяся на главы верных во образе языков огненных, скоро излияся изо уст твоих, Петре, глаголом огненным, во еже благовестити с силою многою Христа распята не точию погибшим овцам дому Израилева, но и язычестей неплодящей церкви, да плодоносит и сия Богови нетленный крин чистоты и покаяния. Испроси и нам, апостоле достоблаженне, милость Господа, творящаго тобою великая и чудная, рукою твоею мертвыя воскрешающа и смертию твоею на кресте мертвенную любовь нашу воспламеняюща, да непрестанно поем Ему: Аллилуиа.
Икос 12
Поюще пресветлую память твою, Павле, достойно ублажаем неизреченныя подвиги, болезни и труды, яже во бдениих, во алчбе и жажде, в пощениих, в зиме и наготе понесл еси. Кто бо изочтет раны, скорби и беды твоя во градех, в пустыни, в мори, беды от разбойник, беды от сродник, беды от язык и лжебратии? Кто подобен тебе? Паче всех апостол потрудился еси. Темже молим: не возгнушайся нас, грешных, молящихся тебе, но якоже всем был еси вся, и ныне услыши немощным гласом приносимая ти сицевая:
Радуйся, узниче Христов, из темницы свет распространивый, словом и посланием во узах много потрудивыйся, зане воистинну слово Божие не вяжется;
радуйся неизследимая пучино любве, по братии твоей отлучен быти от Христа приискренне восхотевый.
Радуйся, подвижниче предивный, подвигом добрым подвизавыйся, течение совершивый и кровию твоею Церковь украсивый;
радуйся, источаяй море чудес, яко главотяжи и убрусцы твои недуги исцеляху и демоны прогоняху.
Радуйся, любве Божия неразлучный причастниче, Горняя мудрствуяй, а не земная, зане и от плоти разрешитися и со Христом быти возжелал еси;
радуйтеся, Павле и Петре, веры христианския насадители, благочестия водами напоителие и ко пристанищу вечному вернии водителие.
Радуйтеся, святии первоверховнии апостоли Петре и Павле.
Кондак 13
О всехвальнии благовестницы Петре и Павле! Внемлите воздыханием сердец наших, молящиеся за ны, много бо может молитва праведных пред Богом: потщитеся и ныне воспоминати нам о небеснем звании и христианстей кончине жизни нашея, привлецыте нас ко сладости евангельския истины, свяжите узами любве Христовы, да мы вси, отвергшеся нечестия и мирских похотей, внидем в радость Господа нашего, поюще Ему со Ангелы и с лики святых: Аллилуиа.
Этот Кондак читается трижды. Затем читается Икос 1 и Кондак 1.
Каталог статей
Почитание Императора Павла І-го увеличивается. Чудеса по его молитвамъ подтверждаютъ его предстателъство предъ Богомъ за его страждущій народъ, попустившій какъ его мученическую кончину, такъ и 70-лѣтнее мученичество самой Святой Руси. Многострадальна она, т. к. послѣдователъница Самого Христа, умершаго ради насъ, но и воскресшаго «въ третій день по Писаніямъ». Грядетъ и для Руси этотъДень Воскресенія отъ смерти грѣха братоубійства окаяннаго и тлѣтворнаго разложенія Россіи. Поэтому вотъ и взываемъ къ Святому Императору Павлу I спасти любимую имъ Святую Русъ, Христомъ просвѣщенную, но духомъ отступничества соблазненную, дабы заново ее просвѣтитъ:
«Радуйся, святый Царю-Мучениче Павле, скорый помощниче и преславный Чудотворче!»
Ныже помѣщаемъ недавній случай явленой помощи Святого Императора Павла I въ дѣнь возстановленія Святой Руси:
Годъ я точно не помню, навѣрное, 1996 -1995. Въ Колтушахъ Всеволожскаго р-на Санктъ-Петербургской обл., примѣрно въ 15-ти километрахъ отъ города, въ бывшемъ дѣтскомъ саду открыли церковь во имя св. О. Іоанна Кронштадтскаго. Нужно было заплатить огромный налогъ за зданіе, а такихъ средствъ у прихода не было. Пытались собрать средства прихожане, но это могло покрыть лишь маленькую часть долга. Въ случаѣ неоплаты церковь должны были закрыть, и передать зданіе другой организаціи. Пришла одна старушка и сказала, что необходимо отслужить панихиду по Императору Павлу, и онъ пошлетъ средства, чтобы заплатить. Утопающій хватается за соломинку, и тутъ же всѣ очень молились, всѣ просили Императора Павла. Была отслужена панихида. И въ теченіе примѣрно часа пріѣхала шикарная машина. Оттуда вышли люди и просили батюшку, О. Сергія Тарасова, освятить машину, спросивъ сколько это будетъ стоить. Батюшка согласился, сказавъ, что сколько они захотятъ пожертвовать, могутъ положить на аналой. Освятивъ машину, эти люди положили конвертъ на аналой и не назвавъ своихъ именъ, уѣхали въ городъ. Въ конвертѣ оказалась та сумма, которую нало было заплатить. То есть молитва была услышана сразу. И потомъ мы все время молились Св. Муч. Императору Павлу и всегла его поминали, а онъ никогда не оставлялъ насъ своимъ заступничествомъ. Аминь.
Татьяна Павловна Дъякова Лавловскъ, 4-го Марта 2005 г.
Съ радостъю отзываемся на народный зовъ почитателей умученнаго нашего Царственнаго Праведника, Императора Павла I, имѣтъ акаѳистъ ему, дѣлимся благочестивой попыткой, сочиненной юнымъ церковнымъ писателемъ изъ рода Митрополита Антонія (Храповицкаго), почитателемъ Павла I.
АКАѲИСТЪ ЦАРЮ-МУЧЕНИКУ ПАВЛУ I
Избранный страстотерпче Христовъ и чудотворче предивный, во страданіи твоемъ вѣнецъ пріѣмый отъ руки Вседержителя, и со ангелы предстояй престолу Его, пѣсньми восхваляемъ тя съ любовію и молимтися: молитвами твоими оть всякихъ бѣдъ и скорбей свобождай насъ, тебѣ зовущихъ: «Радуйся, святый Царю-Мучениче Павле, скорый помощниче и преславный Чудотворче!»
Ангеловъ сожитель и человѣковъ заступникъ воистину явился еси, благовѣрный Царю Павле, благоволеніемъ всѣхъ Творца Христа Бога нашего, Его же возлюбилъ еси отъ юности и за Него же претерпѣлъ еси клеветы вражія и кончину мученическую. Нынѣ же престолу Вседержителя со всѣми святыми предстоиши, отраду и вспоможеніе даруеши всѣмъ съ вѣрою и любовію вопіющимъ Ти сице: Радуйся, Христа въ подвигахъ прославленіе! Радуйся, Правды Божіей утвержденіе! Радуйся, нечестія и зловѣрія посрамленіе! Радуйся, престола Россійскаго украшеніе! Радуйся, страждущимъ и скорбящимъ вспоможеніе! Радуйся, унывающихъ всерадостное утѣшеніе! Радуйся, недуговъ тѣлесныхъ и душевныхъ исцѣленіе! Радуйся, бурь общественныхъ благодатное умиреніе! Радуйся, святый благовѣрный Царю-Мучениче Павле, скорый помощниче и преславный Чудотворче!
Видя Благопромыслитель Господь души твоея доброту, направи твой промыселъ ко исканію единаго на потребу. Ты же, сего возжелавше, еще оть юности навыклъ еси Господеви воспѣвати: «Аллилуйя!»
Разумъ богопросвѣщенный стяжалъ еси, угодниче Христовъ, чтеніемъ Писаній Божественныхъ, отъ юности бо твоея напиталъ еси душу твою сладкого пищею словесъ Божіихъ и содѣлался еси вѣрнымъ исполнителемъ заповѣдей Христовыхъ. Тѣмъ же ублажаемъ тя и глаголемъ: Радуйся, царственнаго рода отрасль прекрасная! Радуйся, водительству Духа Святаго издѣтски прилежавшій! Радуйся, добродѣтелямъ великихъ предковъ твоихъ подражавшій! Радуйся, вѣрою твоею праотцу твоему Патріарху Филарету поревновавшій! Радуйся, благочестію и смиренію Царя Алексія послѣдовавшій! Радуйся, твердостію воли Петру Великому уподобившійся! Радуйся, добронравіе Царицы Елизаветы воспринявшій! Радуйся, мудростію государственною матери твоея унаслѣдовавшій! Радуйся, святый благовѣрный Царю-Мучениче Павле, скорый помошниче и преславный Чудотворче!
Сила Христова осѣни тя, благовѣрне Павле, и дарова тебѣ крѣпость мужественно претерпѣти искушенія врага невидимаго, его же стрѣлы разженныя угасилъ еси слезными твоими къ Богу молитвами. Сего ради, яко побѣдитель, воспѣваеши съ безплотными силами пѣснь побѣдную: «Аллилуйя!» Икосъ 3 Имуще умъ и сердце Духомъ Святымъ озаренныя, свято и праведно жительствовалъ еси въ чертозехъ царстіихъ, обиды лукавыми царедворцы матери твоея ти чинимыя кротце терпѣлъ еси, молитвѣ и чтенію писаній святоотеческихъ усердно прилежалъ еси. Мы же, сія нынѣ поминающе, молимъ ти, святый Павле, озари лучами добродѣтелей твоихъ и насъ, многогрѣшныхъ, величающихъ тя сице: Радуйся, теплотою Божественной любви души наша согрѣвающій! Радуйся, во обстояніяхъ скорбныхъ намъ помогающій! Радуйся, свѣтомъ Христовымъ души наша озаряющій! Радуйся, уповати на Творца насъ наставляющій! Радуйся, за вся благодарити Господа подвизающій! Радуйся, въ благочестіи жити насъ научающій! Радуйся, отъ насилія демонскаго свобождающій! Радуйся, огь искушеній и соблазновъ избавляющій! Радуйся, святый благовѣрный Царю-Мучениче Павле, скорый помощниче и преславный Чудотворче!
Буря помышленій лукавыхъ не смути тя, благовѣрне Павле, волны мірскихъ соблазновъ не поколебаша храмины духа твоего, противу козней бѣсовскихъ устоялъ еси, на Господа нашего упованіе возлагая, пѣснопоя Ему: «Аллилуйя!»
Слышавше многую хвалу твоему великому къ страждущимъ и обездоленнымъ милосердію, стекахуся къ тебѣ мнозіи въ бѣдахъ и злостраданіяхъ сущіи и вся потребная обрѣтаху. Мы же нынѣ, дивныя твоя благодѣянія воспоминающе, смиренно молимъ тя, не остави и насъ милостію твоею, испроси намъ у Христа-Царя вся къ живому временному и вѣчному потребная и прими величанія сія: Радуйся, во мнозехъ благотвореніяхъ любовь къ людямъ показавшій! Радуйся, состраданіемъ скорби бѣдствующихъ утолявшій! Радуйся, нищія питавшій и убогія призеравшій! Радуйся, сирыя и вдовицы заступавшій и всѣмъ просящимъ помощи помогавшій! Радуйся, яко мудре расточалъ еси богатство тленное, текущее къ тебѣ! Радуйся, примѣнившій оное на нетленныя блага вѣчныя! Радуйся, наслаждаяйся блаженства праведныхъ! Радуйся, ликовствуяй въ селеніяхъ праведныхъ! Радуйся, святый благовѣрный Царю-Мучениче Павле, скорый помощниче и преславный Чудотворче!
Божественную благодать пріяти сподобился еси, егда соборомъ архипастырей въ Успенстемъ соборѣ града Москвы вѣнчанъ былъ еси на царствіе Россійское. Тою же благодатію просвѣщаемъ и укрѣпляемъ, мудро управлялъ еси народомъ твоимъ, за вся Творца и Спаса нашего благодаряще, въ сердцѣ своемъ пѣлъ еси Ему; «Аллилуйя!»
Виѣвше тя Россійстіи людіе боговѣнчаннаго монарха на прародительстій престолъ грядущаго, возрадовашася зело. Ты же, святый Царю, мнозіе труды твоя положилъ еси на благо народа и державы твоея, нравовъ и обычаевъ вредоносныхъ искоренителъ явился еси, сокрушеннымъ же сердцемъ твоимъ Давиду уподобился еси и мудрости Соломоновой поревновалъ еси. Сего ради и Господь въ лики святыхъ Своихъ тя вчини. Мы, сія вѣдуще, таковая похвалы приносимъ ти: Радуйся, скипетръ царскій достойно носивый! Радуйся, царское служеніе со страхомъ совершивый! Радуйся, могущество и славу державы Россійской укрѣпивый! Радуйся, насадителю въ ней истиннаго просвѣшенія и благочестія! Радуйся, крестоношеніемъ священническій санъ почтивый! Радуйся, попеченіе веліе о Церкви Христовой явивый! Радуйся, православныя вѣры великій ревнителю! Радуйся, закона и правды твердый хранителю! Радуйся, святый благовѣрный Царю-Мучениче Павле, скорый помощниче и преславный Чудотворче!
Проповѣдника добрыхъдѣлъ явилъ еси себѣ, богоблаженне Царю Павле, ты бо ревнуя о благочестіи, украшалъ еси храмы и обители, страждущимъ христіанамъ былъ еси покровитель, алчущимъ питатель и угнетеннымъ защитникъ. Сего ради надѣющися на твое милосердное о насъ попеченіе, усердно прибѣгаемъ къ твоему заступленію, взывающе благодарственно Богу дивному во святыхъ Своихъ: «Аллилуйя!»
Возсіялъ еси державною мудростію твоею, благовѣрный Царю, егда богоборному мятежу злочестивыми во странѣ гальстей воздвигнутому, противодѣтель явился еси. Тѣмъ же и благовѣрному воеводѣ твоему Князю Александру реклъ еси: «Гряди престолы царстіи спасати». Мы же, сія поминающе, величаемъ тя, яко христіанской государственности ревнителя и покровителя, и таковыя похвалы приносимъ ти: Радуйся, сердца жестокія благодатію преображающій! Радуйся, огнь вѣры истинныя и любве нелицемѣрныя возгрѣвающій! Радуйся, оть тлетворнаго безбожія страну нашу очищающій! Радуйся, къ земнымъ богатствамъ сердцемъ не прилѣплятися научающій! Радуйся, власть придержащихъ служити народу понуждающій! Радуйся, отъ похоти себялюбія насъ отвращающій! Радуйся, страны твоея похвало и утвержденіе! Радуйся, православному воинству ея сила и укрѣпленіе! Радуйся, святый благовѣрный Царю-Мучениче Павле, скорый помощниче и преславный Чудотворче!
Хотяй невозбранно духомъ въ горняя селенія возноситися, благовѣрньш Царю, въ бушующемъ мірѣ душею надмірно пожилъ еси, подвигомъ добрымъ до конца подвизаясь, труды къ трудомъ прилагая неустанно и праведно Боту поя: «Аллилуйя!»
Новый прозорливецъ, древлимъ пророкомъ и великимъ старцемъ подобный бе, вѣщій инокъ Авель его же пріялъ еси, богомудрый Царю, въ палатехъ твоихъ. Той бо прорѣче ти о кончинѣ мученистей и грядущихъ судьбахъ Отечества нашего. Ты же, угодниче Христовъ, молитвъ его просяще, въ руце Божіи животъ твой предалъ еси. Мы же, вся сія нынѣ поминаюше, таковыя похвалы приносимъ ти: Радуйся, имѣяй сердце, всецѣло къ Богу устремленное! Радуйся, вѣры непоколебимыя явленіе многочудесное! Радуйся, злато въ горнилѣ искушенія очищенное! Радуйся, древо при источникахъ водъ насажденное! Радуйся, скорби и испытанія въ богатства духа обративый! Радуйся, дѣланіемъ заповѣдей Евангельскихъ внутренняго человѣка обновивый! Радуйся, въ сердцѣ твоемъ образъ Христа носивый! Радуйся, страданіями за Него мзду многу на небесехъ получивый! Радуйся, святый благовѣрный Царю-Мучениче Павле, скорый помощниче и преславный Чудотворче!
Странно бысть маловѣрнымъ людемъ Россійскимъ чудное житіе твое, боговѣнчанный Царю Павле, яко не о славѣ, но о Бозѣ и блазѣ державы твоея помышляя еси, и заповѣди Божіи съ любовью творилъ еси, сего ради и ополчился есть на тя врагъ рода человѣческаго со приспѣшниками своима, злобно клеветаху на тя и понашаху имя твое честное, ты же по заповѣди Христовой за злохулителей твоихъ молился еси Господеви, пѣснопоя Ему: «Аллилуйя!»
Весь исполненъ былъ еси любве къ Богу и ближнимъ твоимъ, благовѣрне Царю Павле, правленіемъ богомудрымъ, дѣлы милосердія, молитвою и кончиною мученическою угодилъ еси Христу Спасу нашему. Сего ради дерзновеніе веліе ко Господу имѣя, молишися за христіаны во всемъ мірѣ живушія и всѣмъ, съ вѣрою и любовію тя призывающимъ, помощь, отраду и утѣшеніе даруеши. Тѣмъ же молимъ тя, не остави убо и насъ безъ твоего благодатнаго заступленія, да благодарственне зовемъ ти: Радуйся, отъ райскихъ обителей въ юдоль плачевную нисходящій! Радуйся, молитвы наша къ стопамъ Вседержителя и Богородицы возносящій! Радуйся, бѣднымъ отраду и вспоможеніе дарующій! Радуйся, богатыхъ къ милосердію и благотворенію подвизающій! Радуйся, яко тобою бездну милосердія Божія призываемъ! Радуйся, яко тобою спасеніе вѣчное улучити чаемъ! Радуйся, кающихся грѣшниковъ отъ сѣтей діавольскихъ избавляющій! Радуйся, милость и утѣшеніе всѣмъ вѣрнымъ являющій! Радуйся, святый благовѣрный Царю-Мучениче Павле, скорый помощниче и преславный Чудотворче!
Всякъ возрастъ и всяко сословіе видя ревность и труды твоя, благовѣрне Царю Павле, молить тя отъ всякія бѣды, скорби и напасти избавити ны въ нынѣшнемъ вѣцѣ. И въ будущемъ любовію твоею побѣждаемы чаемъ въ селеніяхъ праведныхъ купно съ тобою пѣти Богу: «Аллилуйя!»
Витійство наше пѣсенное не довлѣетъ къ достойному прославленію чудесъ мнозихъ твоихъ, благовѣрный Царю-Мучениче Павле, обаче ты, яко благъ и милосердъ, не возгнушайся нашихъ недовлѣющихъ похвалъ, но милостивно услыши всѣхъ, съ любовію тебѣ зовущихъ сице: Радуйся, унылыхъ и отчаявающихся утѣшителю! Радуйся, усыпленныхъ совѣстей возбудителю! Радуйся, путей покаянія и спасенія мудрый сказателю! Радуйся, сердецъ мятущихся успокоителю! Радуйся, злыхъ начинаній разорителю! Радуйся, благихъ помысловъ насадителю! Радуйся, святыхъ желаній внушителю! Радуйся, отъ прилоговъ діавола защитителю! Радуйся, святый благовѣрный Царю-Мучениче Павле, скорый помошниче и преславный Чудотворче!
Спасеніе вѣчное унаслѣдовалъ еси, Страстотерпче святый Царю Павле, во страданіи животъ твой скончавше. Сего ради освятился еси и неизрѣченныя милости сподобился еси со ангелы и всѣми святыми въ небеснемъ царствіи пѣти Богу: «Аллилуйя!»
Стѣна крѣпкая, козньми врага неодолѣнная, пребылъ еси до конца, благовѣрный Царю-Мучениче Павле, егда отъ обезумѣвшихъ подданныхъ твоихъ избіеніе тяжкое и смерть лютую пріялъ еси. Мы же ублажаемъ мученическую кончину твою и почитаемъ тя, яко молитвенника и покровителя не токмо страны Россійскія, но и всего міра христіанскаго, и любовію къ тебѣ подвизаемы, таковыя похвалы приносимъ ти: Радуйся, царстій вѣнецъ на терновый смѣнивый! Радуйся, за вѣру и Отечество животъ свой положивый! Радуйся, до смерти вѣренъ Господу пребывый! Радуйся, царскую порфиру кровію своею обагривый! Радуйся, во Отечествѣ небеснемъ нынѣ пребывающій! Радуйся, царствія земнаго твоего не оставляющій! Радуйся, во смиреніи и терпѣніи насъ утверждающій! Радуйся, милосердіе Творца нашего къ намъ приклоняющій! Радуйся, святый благовѣрный Царю-Мучениче Павле, скорый помощниче и преславный Чудотворче!
Пѣніе молебное и похвалу сію смиренную не презри, Святый Царю, се бо вѣрою и любовію къ тебѣ подвизаемы, ублажаемъ тя, заступника нашего, и молимся; молися за насъ вѣчно ко Господу, вѣмы бо къ Нему твое невозбранное дерзновеніе и твоихъ молитвъ благодатное дѣйство, и имуще таковаго предстателя, благодарно зовемъ дивному во святыхъ Своихъ Богу: «Аллилуйя!»
Свѣтодателя свѣща явился еси намъ, святый благовѣрный Царю-Мучениче Павле, разгоняяй нощь нечестія и освѣщаяй путь во тьмѣ грѣховъ и заблужденій ходяшихъ. Нынѣ же убо умоляти не престай Христа Спаса и Владыку нашего, да не дастъ намъ уклонитися отъ стези ко спасенію ведущей, и сподобитъ нынѣ чистымъ сердцемъ приносити ти похвалы сія: Радуйся, свѣтильниче Господень, державу твою озаряющій! Радуйся, омраченныя умы наши просвѣщающій! Радуйся, къ покаянію всѣхъ насъ нынѣ призывающій! Радуйся, обычаевъ душетленныхъ отвращатися насъ подвизающій! Радуйся, нравы добрыя въ насъ насаждающій! Радуйся, другь друга тяготы носити насъ научающій! Радуйся, окамененныя сердца наша оживляющій! Радуйся, въ вѣрѣ и благочестіи насъ утверждающій! Радуйся, святый благовѣрный Царю-Мучениче Павле, скорый помошниче и преславный Чудотворче!
Благодать данную ти отъ Бога вѣдуще, святый Царю-Страстотерпче Павле, къ тебѣ, яко усердному молитвеннику и ходатаю спасенія нашего притекаемъ нынѣ и молимъ тя; испроси у Всемилостиваго Бога нашего даровати намъ согрѣшеній оставленіе, вѣры Православной утвержденіе, во всякомъ благомъ дѣлѣ вспоможеніе, странѣ нашей, градомъ и весямъ ея благословеніе, да въ радости поемъ прославившему Господу и Богу нашему: «Аллилуйя!»
Поюще всечестное житіе твое, благовѣрный Царю Павле, восхваляемъ пречестное имя твое, почитаемъ за Христа страданія твоя, удивляемся духовней твоей крѣпости, торжествуемъ многія чудеса, тобою во славу Божію сотворенныя, и съ любовію вспоминающе о подвизехъ твоихъ, восписуемъ ти сице: Радуйся, вѣнцемъ побѣднымъ паче звѣздъ на небеси блистаяй! Радуйся, тимпане сладкозвучный, славу Божію бряцаяй! Радуйся, несокрушимый щите, защищаяй благочестіе! Радуйся, мечу побѣдный, посѣцаяй злочестіе! Радуйся, милованія источниче неоскудѣваемый! Радуйся, благодати Духа Святаго кладезю неисчерпаемый! Радуйся, чтущихъ память твою предъ Богомъ поминающій! Радуйся, о прославляющихъ тя Господа умоляющій! Радуйся, святый благовѣрный Царю-Мучениче Павле, скорый помощниче и преславный Чудотворче!
О блаженный Царю-Мучениче Павле, страны Россійскія небесный покровитель и заступниче, пріими малое сіе моленіе и призри на ны, прилежно просящія твоего молитвеннаго у Бога предстательства, испроси намъ у Христа Бога нашего чистоту тѣлесную и душевную, да въ мирѣ и покаяніи прочее время живота нашего поживемъ, достигнемъ небесныхъ обителей, идеже съ тобой и всѣми святыми сподобимся воспѣвати въ Троицѣ славимому Богу: «Аллилуйя!»
Ангеловъ сожитель и человѣковъ заступникъ воистину явился еси, благовѣрный Царю Павле, благоволеніемъ всѣхъ Творца Христа Бога нашего, Его же возлюбилъ еси оть юности и за Него же претерпѣлъ еси клеветы вражія и кончину мученическую. Нынѣ же престолу Вседержителя со всѣми святыми предстоиши, отраду и вспоможеніе даруеши всѣмъ съ вѣрою и любовію вопіющимъ Ти сице: Радуйся, Христа въ подвигахъ прославленіе! Радуйся, Правды Божіей утвержденіе! Радуйся, нечестія и зловѣрія посрамленіе! Радуйся, престола Россійскаго украшеніе! Радуйся, страждущимъ и скорбящимъ вспоможеніе! Радуйся, унывающихъ всерадостное утѣшеніе! Радуйся, недуговъ тѣлесныхъ и душевныхъ исцѣленіе! Радуйся, бурь общественныхъ благодатное умиреніе! Радуйся, святый благовѣрный Царю-Мучениче Павле, скорый помощниче и преславный Чудотворче!
Избранный страстотерпче Христовъ и чудотворче предивный, во страданіи твоемъ вѣнецъ пріѣмый отъ руки Вседержителя, и со ангелы предстояй престолу Его, пѣсньми восхваляемъ тя съ любовію и молимтися: молитвами твоими оть всякихъ бѣдъ и скорбей свобождай насъ, тебѣ зовущихъ: «Радуйся, святый Царю-Мучениче Павле, скорый помощниче и преславный Чудотворче!»
Молитвы святым первоверховным апостолам Петру и Павлу
Молитва первая
О преславнии апостоли Петре и Павле, души за Христа предавшии и кровию вашею пажить Его удобрившии! Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и Брака Агнца Своего, Емуже честь и слава, и благодарение и поклонение, во веки веков. Аминь.
Молитва вторая
О святии апостоли Петре и Павле, не отлучайтеся духом от нас, грешных раб Божиих (имена), да не разлучимся вконец от любве Божия, но крепким заступлением вашим нас защитите, да помилует Господь всех нас молитв ваших ради, да истребит же рукописание безмерных грехов наших, и да сподобит со всеми святыми блаженнаго Царствия и брака Агнца Своего, Емуже честь и слава, и благодарение и поклонение во веки веков.
Молитва третья
О верховнии Апостоле: Петре, веры Христовой твердый изобразителю, и Павле, сладковещательная ластовица учения Господня! Зрим вас, аки многотекущую реку сказаний Христовых словес, истекающую от истинных недр Божиих и всю глубину кладезя истин богооткровенных пред нами, жаждущими их, открывающую. Зрим вас, аки светила, с небесе токи теплоты любве божественныя нам уясняющия: ублажаем вас, приемших труды и поты, во еже всеяти учений божественных семена: целуем стопы ваша, обтекавшия вся концы земли, и в трепете греховнем зрим главы ваша, смиренно преклоненныя к пречистым стопам Господним: единаго крестным путем (повешением) и другаго мечным усечением. Умильно просим вас, святии Апостоли, сотворите и нас в буести греховней преклоненными пред Учителем нашим Господом, сотворите гордости нашей главы усекновение учением богооткровенным: глад душевный наш да утолит Господь брашном, указуемым с самаго неба, якоже Петру: — ты же, Павле, богонасыщенный Христовых словес, потщися и нас до третьяго небесе возвести твоими непрестанными о нас ко Господу молитвами, да и мы тамо прославим с лики ангельскими и апостольскими дивнаго во святых своих Отца всяческих и Его же послал в мир спасаяй и наставляяй к жизни вечной, Господа Иисуса Христа, и единосущнаго Им Святаго Духа. Аминь.
Молитва четвертая
Святый верховный Апостоле Петре, каменю веры, на Христе, краеугольном камени, в Церковь исповеданием назданный! Моли, да и аз, умными помышлении и плотскими похотении всегда колеблемый, на тоемжде Христе, Камени живом, избранном, честном, верою наздан всегда совершаюся любовию в храм духовен, в священство свято, вознесити жертвы духовныя Богови Иисусу Христу. Святый верховный Апостоле Павле, сосуде избранный Христов, благодати и славы Божия преисполненне! Моли имущаго власть над тварию Творца, да мя, ныне сосуд погубленный, сотворит Себе сосуд в честь, освящен и благопотребен, на всякое благое уготован. Аминь.
Молитвы
>> Архив молитв Как действует молитва? Как правильно молиться? Словарь церковнославянского языка Кому и для чего молиться Молитвы Архангелам на каждый день Именной указатель святых
Главная | Карта сайта >> Христианство >> Религия Христианство Молитвы Иконы и святые Ангелы Христианство и ведовство Литература
