Молитвы и акафист Архистратигу Михаилу и Святым Бесплотным силам

Тропари и кондаки Молитвы Архистратигу Михаилу Молитвы ангелам, молитвы архангелам на каждый день недели Акафист Архангелу Михаилу Акафист Святым и Бесплотным Силам Величание

ТРОПАРИ И КОНДАКИ

Тропарь Архангела Михаила, глас 4

Небесных воинств Архистратиже, молим тя присно мы недостойнии, да твоими молитвами оградиши нас кровом крил невещественныя твоея славы, сохраняя ны, припадающия прилежно и вопиющия: от бед избави ны, яко чиноначальник Вышних Сил.

Тропарь Собора Архистратига Михаила и прочих Небесных Сил бесплотных, глас 4

Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще ны, припадающия прилежно и вопиющия: от бед избавите ны, яко чиноначальницы Вышних Сил.

Кондак Собора Архистратига Михаила и прочих Небесных Сил бесплотных, глас 2

Архистратизи Божии, служителие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.

МОЛИТВЫ АРХИСТРАТИГУ МИХАИЛУ

Молитва первая

Святый и великий Архангеле Божий Михаиле, неисповедимыя и пресущественныя Троицы первый во Ангелех предстоятелю, рода же человеческаго приставниче и хранителю, сокрушивый с воинствы своими главу прегордаго Денницы на небеси и посрамляяй выну злобу и коварства его на земли! К тебе прибегаем с верою и тебе молимся с любовию: буди щит несокрушим и забрало твердо Святей Церкви и Православному Отечествию нашему, ограждая их молниеносным мечем твоим от всех враг, видимых и невидимых. Не остави же, о Архангеле Божий, помощию и заступлением твоим и нас, прославляющих днесь святое имя твое: се бо, аще и многогрешни есмы, обаче не хощем в беззакониих наших погибнути, но еже обратитися ко Господу и оживленным быти от Него на дела благая. Озари убо ум наш светом лица Божия, иже выну сияет на молниевиднем челе твоем, да возможем разумети, что есть воля Божия о нас, благая и совершенная, и ведети вся, яже подобает нам творити и яже презирати и оставляти. Укрепи благодатию Господнею слабую волю и немощное произволение наше, да, утвердившеся в законе Господнем, престанем прочее влаятися земными помыслы и похотении плоти, увлекающеся по подобию несмысленных детей скорогибнущими красотами мира сего, яко ради тленнаго и земнаго безумне забывати вечная и небесная. Над всеми же сими испроси нам свыше дух истиннаго покаяния, нелицемерную печаль по Бозе и сокрушение о гресех наших, да остающее нам число дний временнаго живота нашего иждивем не во угождении чувств и работе страстем нашим, но во изглаждении зол, содеянных нами, слезами веры и сокрушения сердечнаго, подвигами чистоты и святыми делами милосердия. Егда же приблизится час окончания нашего, освобождения от уз бреннаго сего телесе, не остави нас. Архангеле Божий, беззащитных противу духов злобы поднебесных, обыкших преграждати душе человечестей восход в горняя, да, охраняеми тобою, безпреткновенне достигнем оных преславных селений райских, идеже несть печаль, ни воздыхание, но жизнь безконечная, и, сподобльшеся узрети пресветлое лице Всеблагаго Господа и Владыки нашего, падше со слезами у ног Его, в радости и умилении воскликнем: слава Тебе, дражайший Искупителю наш, Иже за премногую любовь Твою к нам, недостойным, благоволил еси послати Ангелы Твоя в служение спасению нашему! Аминь.

Молитва вторая

О святый Михаиле Архангеле, помилуй нас, грешных, требующих твоего заступления, сохрани нас, раб Божиих (имена), от всех видимых и невидимых враг, паче же подкрепи от ужаса смертнаго и от смущения диавольскаго и сподоби нас непостыдно предстати Создателю нашему в час страшнаго и праведнаго Суда Его. О всесвятый, великий Михаиле Архистратиже! Не презри нас, грешных, молящихся тебе о помощи и заступлении твоем в веце сем и в будущем, но сподоби нас тамо купно с тобою славити Отца и Сына и Святаго Духа во веки веков.

Молитва третья

Господи, Боже Великий, Царю безначальный, пошли Архангела Твоего Михаила на помощь рабам Твоим (имярек). Защити, Архангеле, нас от всяких врагов, видимых и невидимых. О, Господень Великий Архангеле Михаиле! Демонов сокрушитель, запрети всем врагам, борющимся со мною, и сотвори их яко выцы, и смири их злобные сердца, и сокруши их, яко прах перед лицем ветра. О, Господень Великий Архангеле Михаиле! Шестикрылый первый Князь и Воевода Небесных Сил — Херувимов и Серафимов, буди нам помощник во всех бедах, скорбях, в печалях, в пустыни и на морях тихое пристанище. О, Господень Великий Архангеле Михаиле! Избави нас от всякия прелести диавольския, егда услышишь нас, грешных, молящихся Тебе, и призывающих имя Твое Святое. Ускори нам на помощь и побори всех, противящихся нам, силою Честнаго и Животворящего Креста Господня, молитвами Пресвятой Богородицы, молитвами святых Апостолов, Святителя Чудотворца Николая, Андрея, Христа ради, юродивого, св. пророка Илии и всех святых великомучеников: св. мучеников Никиты и Евстафия, и всех преподобных отцов наших, от века Богу угодивших и всех святых Небесных Сил. О, Господень Великий Архангеле Михаиле! Помоги нам грешным (имярек) и избавь нас от труса, потопа, огня, меча и напрасной смерти, от великого зла, от врага льстиваго, от бури поносимой, от лукавого избавь нас всегда, ныне и присно, и во веки веков. Аминь. Святой Архистратиг Божий Михаил, молниеносным мечом Твоим отжени от мене духа лукавого, искушающего и томящего мя. Аминь.

МОЛИТВЫ АНГЕЛАМ И МОЛИТВЫ АРХАНГЕЛАМ НА КАЖДЫЙ ДЕНЬ НЕДЕЛИ

Молитва ко святым ангелам

К вам, яко заступником и хранителем живота моего, аз окаянный припадая, молюся: подадите мне молитвами вашими дневное пребывание, богоугодно и неискусно от злых деяний и помышлений прейти. Отверзите слух ушию моею, да услышу и разумею дела и словеса Божия душеполезная, да прозрю внутреннима очима, тьмою греховною обдержимый. Молите за мя, по вся часы согрешающаго, да не пояст мене мечь ярости Господни: зело бо превзыдоша беззакония моя на главу мою, и яко бремя тяжкое отяготеша на мне. Ты же, Господи мой Господи, призри на мя, и помилуй мя, и изведи из темницы греховныя душу мою, прежде даже не отиду отсюду, и не прииду на Страшный оный Суд Твой. Приими молящияся за ны святыя Ангелы Твоя, иже окрест престола Твоего выну со страхом предстоят, и тех молитвами, изряднее же Пречистыя Матере, избави мя Страшнаго онаго и грознаго суда Твоего. Ты бо еси Агнец Божий, вземляй всего мира грехи, распятый на кресте нашего ради спасения; вонми молитве моей , и посли Ангела Хранителя души моей и телу, да тем наставляем, избавлюся от всяких врагов видимых и невидимых, и сподоблюся получити Твою милость, со всеми от века Тебе благоугодившими, яко Ты еси Бог наш, и к Тебе прибегаю, и на Тя надеюся, аще и согреших паче человек, но Тебе не отступих, ни руку моею воздех ко иному богу, Тебе молюся, Господи Иисусе Христе, Тя благословлю, и Тебе покланяюся от Троицы Единому, со Отцем и Святым Духом, ныне и присно, и во веки веков. Аминь.

МОЛИТВЫ СВЯТЫМ АРХАНГЕЛАМ НА КАЖДЫЙ ДЕНЬ

Понедельник

Святый Архангеле Божий Михаиле, отжени от меня молниеносным мечем твоим духа лукаваго, искушающаго мя. О великий Архистратиже Божий Михаиле победитель демонов! Победи и сокруши всех врагов моих видимых и невидимых, и умоли Господа Вседержителя, да спасет и сохранит меня Господь от скорбей и от всякия болезни, от смертоностныя язвы и напрасныя смерти, ныне и присно и во веки веков. Аминь.

Вторник

Святый Архангеле Гаврииле, радость неизреченную с Небес Пречистой Деве принесший, исполни радостию и веселием сердце мое, гордостию преогорченное. О, великий Архангеле Божий Гаврииле, ты еси благовестил Пречистой Деве Марии зачатие Сына Божия. Возвести и мне грешному день страшной смерти Господа Бога за грешную мою душу, да простит Господь грехи мои; и не удержат меня демоны на мытарствах за грехи мои. О великий Архангеле Гаврииле! Сохрани меня от всех бед и от тяжкой болезни, ныне и присно и во веки веков. Аминь.

Среда

О великий Архангеле Божий Рафаиле, приемый дар от Бога целити недуги, исцели неисцельные язвы моего сердца и многие болезни моего тела. О великий Архангеле Божий Рафаиле, ты еси путеводитель, врач и целитель, руководствуй меня ко спасению и исцели все болезни мои душевные и телесные, и проведи меня к Престолу Божию, и умоли Его благоутробие за грешную мою душу, да простит меня Господь и сохранит от всех врагов моих и от злых человек, от ныне и до века. Аминь.

Четверг

Святый Архангеле Божий Урииле, светом Божественным озаряемый и преизобильно исполненный огнем пламенной горячей любви, брось искру огня сего пламенного в мое сердце холодное, и душу мою темную светом твоим озари. О великий Архангеле Божий Урииле, ты еси сияние огня Божественного и просветитель помраченных грехами: просвети ум мой, сердце мое, волю мою силою Святаго Духа, и настави меня на путь покаяния, и умоли Господа Бога, да избавит меня Господь от ада преисподняго и от всех врагов видимых и невидимых, ныне и присно и во веки веков. Аминь.

Пятница

Святый Архангеле Божий Селафииле, даяй молитву молящемуся, научи меня молиться молитвой смиренной, сокрушенной, сосредоточенной и умиленной. О великий Архангеле Божий Селафииле, ты молиши Бога за людей верующих, умоли Его благоутробие за меня, грешного, да избавит меня Господь от всех бед и скорбей, и болезней, и от напрасныя смерти, и от муки вечныя, и сподобит меня Господь Царствия Небесного со всеми Святыми вовеки. Аминь.

Суббота

Святый Архангеле Божий Иегудииле, присный споспешниче всех подвизающихся на пути Христовом, возбуди меня от тяжкой лености и подвигом добрым укрепи меня. О великий Архангеле Божий Иегудииле, ты ревностный защитник славы Божией: ты возбуждаешь прославлять Святую Троицу, пробуди и меня, ленивого, славить Отца и Сына и Святаго Духа, и умоли Господа Вседержителя да созиждет во мне сердце чисто и дух правый обновит во утробе моей, и Духом Владычным утвердит меня и истиною Отцу и Сыну и Святому Духу, ныне и присно и во веки веков. Аминь.

Воскресенье

Святый Архангеле Божий Варахииле, благословение от Господа нам приносящий, благослови мя положить начало благое, исправление нерадивого моего жития, да угожду во всем Господу Спасителю моему во веки веков. Аминь.

АКАФИСТ АРХАНГЕЛУ МИХАИЛУ

Как правильно читать акафист

Кондак 1

Избранный Небесных сил воеводо и рода человеческаго заступниче, сие тебе, иже тобою от скорбных избавляеми, благодарственное приносим пение: ты же, яко предстояй Престолу Царя Славы, от всяких нас бед свобождай, да с верою и любовию в похвалу тебе зовем: Радуйся, Михаиле, великий Архистратиже, со всеми Небесными силами.

Икос 1

Яко ангельских огнезрачных ликов предстоятеля, ангельскими убо и языки подобаше восхвалити тя, Михаиле; но дондеже вразумляемии тобою навыкнем безплотных глаголом, услыши, аще и от человеческих, обаче благодарных устен, сицевая: Радуйся, звездо мира первообразная; Радуйся, свеще истины и правды златозарная. Радуйся, лучей света несозданнаго первый во ангельских ликостояниях приемниче; Радуйся, Ангелов начальниче. Радуйся, в нем же наивящше светлеется слава Творческия Десницы; Радуйся, имже красуются соборы всех существ безплотных. Радуйся, Михаиле, великий Архистратиже, со всеми Небесными силами.

Кондак 2

Провидяще веры очесы величие духовныя красоты и силу молниеносныя десницы твоея, Архангеле Божий, мы, яко земнии и плотию обложеннии, удивлением, радостию и благодарением ко Творцу всяческих исполняемся, зовуще со всеми Небесными силами: Аллилуиа.

Икос 2

Разум чист и свободен от страстей испроси нам, пречудный Михаиле, Небесных чинов начальниче, да, вознесшеся мыслию от земных к Небесным, хвалебную песнь воспоем ти сице: Радуйся, Божия неизреченныя красоты и доброты ближайший зрителю: Радуйся, всеблагих советов Пресвятыя Троицы приискренний таинниче. Радуйся, превечных судеб Троических верный исполнителю; Радуйся, емуже с любовию удивляются Небесная воинства. Радуйся, егоже с верою прославляют земнороднии; Радуйся, егоже трепещут адския силы. Радуйся, Михаиле, великий Архистратиже, со всеми Небесными силами.

Кондак 3

Силу необоримыя ревности по славе Божией в себе являя, стал еси во главе ликов ангельских, Михаиле, противу дышащаго злобою прегордаго Денницы, ему же со темными клевреты его с высоты небесныя в преисподнюю низвержену сущу, воинства Небесная, тобою преславне водимая, с веселием, яко едиными усты, пред Престолом Божиим возгласиша: Аллилуиа.

Икос 3

Имать тебе, Архангеле Михаиле, весь род христианский велика заступника и дивна во бранех с противными помощника; сего ради пречуднаго покрова твоего сподобитися желающе, в день торжества твоего взываем ти сице: Радуйся, имже сатана, яко молния, с небесе низвержеся; Радуйся, имже хранимый род человеческий к небеси восходит. Радуйся, всесветлаго мира Горняго предивное украшение; Радуйся, падшаго мира дольняго преславное заступление. Радуйся, николиже силами зла побежденный; Радуйся, со всеми Ангелы Божиими в истине и правде на веки благодатию Божиею утвержденный. Радуйся, Михаиле, великий Архистратиже, со всеми Небесными силами.

Кондак 4

Бури искушений и бед избави нас, Ангелов первопрестольниче, с любовию и радостию пресветлое торжество твое совершающих; ты бо еси в бедах великий помощник и в час смерти от злых духов хранитель и заступник всех, вопиющих твоему и нашему Владыце и Богу: Аллилуиа.

Икос 4

Видяще твое противу полчищ сатанинских дерзновение, вси чинове ангельскии с радостию подвигошася во след тебе на брань за Имя и славу своего Владыки, вопиюще: кто яко Бог? Мы же, ведуще сатану под ногама твоима повержена, тебе, яко победителю, зовем: Радуйся, имже мир и тишина на небеси водворишася; Радуйся, от негоже духове злобы даже до ада низложишася. Радуйся, ангельския воинства и силы мира невидимаго ко истреблению зла направляяй; Радуйся, прю и возмущение стихий мира видимаго незримо укрощаяй. Радуйся, подъемлющих брань к духовом злобы поднебесным дивным споборниче; Радуйся, изнемогающих во искушениих и напастех века сего крепки и помощниче. Радуйся, Михаиле, великий Архистратиже, со всеми Небесными силами.

Кондак 5

Боготочный источник превеликих чудес явился еси во храме твоем, иже в Хонех; не точию бо змий великий и страшный, на месте том пребывавый, силою твоею потребися, но и струи водныя, всякий недуг телесный врачующия, открышася, да вси прославляющему тя Владыце Ангелов с верою зовут: Аллилуиа.

Икос 5

Слышаще и ведуще тя яко светило великое, посреде ликов ангельских блистающася, пречудный Михаиле, к тебе, по Бозе и Пресвятей Матери Божией, прибегаем: озари лучами света твоего всех нас, вопиющих ти сице: Радуйся, вождю и хранителю в пустыни народа богоизбраннаго; Радуйся, высокий посредниче закона, рукою Моисея на Синаи даннаго. Радуйся, у негоже судии и вожди Израилевы силу и покров обретаху; Радуйся, чрез негоже пророцы и первосвященницы иудейстии дар ведения от Всеведущаго Бога приимаху. Радуйся, богобоязненныя законодавцы тайною премудростию снабдеваяй; Радуйся, суд и правду творящим благость на сердце полагаяй. Радуйся, Михаиле, великий Архистратиже, со всеми Небесными силами.

Кондак 6

Провозвестника тя Божиих судеб егда узре некогда Маное, недоумения и страха исполнися, мня не жити ктому на земли; научен же от жены своея о благости явления и кротости словес твоих, в радости о имевшем родитися, по словеси твоему, сыне своем Сампсоне, благодарне возопи Богу: Аллилуиа.

Икос 6

Возсиял еси пречудно славою, Михаиле, егда во образе человечесте пред Иисусом Навином стал еси, глаголя: иззуй сапог с ногу твоею, — аз есмь Архистратиг силы Господни. Таковому явлению твоему чудящеся, с любовию вопием ти: Радуйся, боговенчанных глав неусыпный охранителю; Радуйся, противляющихся власти, яко Божию повелению противящихся, скорый низложителю. Радуйся, усмирителю народных треволнений; Радуйся, незримый упразднителю злочестивых обычаев. Радуйся, яко ты просвещаеши сомнящихся в час лютых недоумений; Радуйся, яко ты исхищаеши искушаемых от пагубоносных наваждений. Радуйся, Михаиле, великий Архистратиже, со всеми Небесными силами.

Кондак 7

Хотяй Владыка всяческих показати, яко жребии сынов человеческих не самослучайнии суть, но в Деснице Его выну содержатся, даде тя царствам земным заступника и хранителя, да племена и народы к вечному Царствию Божию уготовляеши; сего ради вси, ведущии о велицем служении твоем спасению человеческому, благодарне зовут Богу: Аллилуиа.

Икос 7

Новая чудеса показа нам, Архистратиже, тобою на земли всех чудес Творец и Владыка, егда храм, во имя твое созданный, от потопления водами речными дивно спасл еси, струям потока в недра земная устремитися повелевый; еже видя блаженный Архипп с духовными чады своими, благодарне к тебе возопи: Радуйся, святых храмов Божиих несокрушимая оградо; Радуйся, врагом веры Христовы необоримая преградо. Радуйся, егоже велению стихии покоряются; Радуйся, имже вси злобнии замыслы сокрушаются. Радуйся, верным радость от Престола Вседержителя износящий; Радуйся, неверных на стезю правды и истины приводящий. Радуйся, Михаиле, великий Архистратиже, со всеми Небесными силами.

Кондак 8

Странное чудо силы твоея, Архистратиже Божий, уведе на себе Аввакум, егда по манию Божию восхитив, принесл еси его скоротечне от Иудеи в Вавилон, дати пищу Даниилу, в рове со львы заключену; темже удивлься превеликому действию силы твоея, возопи с верою: Аллилуиа.

Икос 8

Весь еси в вышних, Михаиле, Престолу Царя Славы предстояй, не далек еси и от нижних, ратуя выну со врагами спасения человеческаго; темже вси, вожделеннаго Отечества. Небеснаго достигнути хотящии, согласно тебе зовут: Радуйся, начальниче трисвятаго ангельскаго пения; Радуйся, земнородных присно готовый предстателю и хранителю. Радуйся, прегордаго фараона с неверными египтяны поразивый страннообразно; Радуйся, верныя иудеи путеводивый в пустыни преславно. Радуйся, имже угасися пламень пещи вавилонския; Радуйся, Михаиле, великий Архистратиже, со всеми Небесными силами.

Кондак 9

Вси иноцы Святыя Горы Афонския в радостный трепет приидоша, видяще, како богобоязненна отрока, неистовно от нечестивых златолюбцев во глубину морскую с камнем повержена, спасл еси; темже приявшая его обитель, именем твоим красующися, благодарне взывает ко Господу: Аллилуиа.

Икос 9

Витий глаголы и любомудров смыслы не довлеют ко изглаголанию силы твоея, Михаиле, како во едину нощь сто семьдесят и пять тысящ поразил еси от воев царя ассирийска Сеннахирима, да накажется прочее не хулити Имя Господне; мы же, почитающе святую ревность твою о славе Бога Истиннаго, с веселием зовем ти сице: Радуйся, православных воинств непобедимый воеводо; Радуйся, зловерных ратей страх и низложение. Радуйся, правыя веры и богопочитания насадителю; Радуйся, душевредных ересей и расколов искоренителю. Радуйся, благочестивыя Маккавеи на поле брани многажды укрепивый; Радуйся, нечестиваго вождя Антиохова Илиодора в самем храме поразивый. Радуйся, Михаиле, великий Архистратиже, со всеми Небесными силами.

Кондак 10

Спастися хотящим нам буди помощник тверд, Архистратиже Божий, избавляяй и храняй нас от бед и напастей паче же от злых навыков и грехов наших, да, преспевающе в вере, надежде и любви Христове, с радостию о предивнем заступлении твоем ко Владыце Ангелов и человеков благодарне зовем: Аллилуиа.

Икос 10

Стена еси верующим человеком, Архистратиже Божий, и столп крепок во бранех со врагами видимыми и невидимыми; сего ради от сетей бесовских тобою избавляеми, благодарным сердцем и усты зовем сице: Радуйся, врагом веры и сопротивником Святыя Церкве непобедимый противоборниче; Радуйся, смиренным провозвестником Евангелиа неутомимый споспешниче. Радуйся, во тьме зловерия седящих светом веры Христовы просвещаяй; Радуйся, лжемудрием объюродевших на стезю истины и покаяния наставляяй. Радуйся, грозный отмстителю кленущимся Именем Божиим всуе; Радуйся, молниеносный карателю глумящихся безумие о таинствах святыя веры. Радуйся, Михаиле, великий Архистратиже, со всеми Небесными силами.

Кондак 11

Пение всякое хвалебное побеждается множеством чудес твоих, Архистратиже Божий, яко совершена суть тобою не точию на небеси и на земли, но и в темных сенех преисподней, идеже глубиннаго змия связал еси узами силы Господней, да избавляемии от злобы его благословят Владыку небесе и земли, зовуще: Аллилуиа.

Икос 11

Светоносный служитель истины и чистоты богопочитания явился еси, Архистратиже, егда, провидя козни духа тьмы, воспретил еси ему Именем Божиим, да не дерзнет сокровенное тело почившаго вождя Израилева Моисеа явити ко обожению чувственным сыновом Израилевым; сего ради, чтуще ныне благосветлый собор твой, благодарне вопием ти: Радуйся, чистоту боговедения во дни Ветхаго Завета среди иудеев сохранивый; Радуйся, плевелы заблуждений во дни Новыя благодати многажды искоренивый. Радуйся, языческих прорицалищ и кумиров истребителю; Радуйся, христианских подвижников и страстотерпцев укрепителю. Радуйся, немощныя духом силою благодати Божия исполняяй; Радуйся, изнемогающия плотию всеоружием веры облекаяй. Радуйся, Михаиле, великий Архистратиже, со всеми Небесными силами.

Кондак 12

Благодать от Бога с Небесе испроси нам, поющим во славу всечестнаго имене твоего, Михаиле, да, осеняеми твоим заступлением, во всяком благочестии и чистоте поживем, дондеже, отрешеннии смертию от уз плоти, сподобимся предстати огнезрачному Престолу Царя славы и с лики ангельскими возопити: Аллилуиа.

Икос 12

Поюще многообразная твоя чудеса, Михаиле, во спасение наше содеянная, молим Господа и Владыку всяческих, да дух ревности по славе Божией, иже в тебе, николиже оскудеет и в нас, зовущих ти сице: Радуйся, верных рабов Божиих во время благопотребно на высоту власти предивне поставляяй; Радуйся, продерзых и недостойных с высоты силы и славы незримо низлагаяй. Радуйся, в день последний избранных от четырех концов земли имеяй собрати; Радуйся, имже грешныя, яко плевелы, по гласу Божию огню вечному преданы будут. Радуйся, имже сатана со ангелы его во езеро огненное на веки повергнется; Радуйся, имже праведниц во обителех Отца Небеснаго преславне водворятся. Радуйся, Михаиле, великий Архистратиже, со всеми Небесными силами.

Кондак 13

О пречудный Архангелов и Ангелов начальниче, за предивное служение твое спасению рода человеческаго приими от нас возносимый к тебе ныне глас хвалы и благодарения и, яко исполнь силы Божией, покрый нас невещественныма крилома твоима от всех враг видимых и невидимых, да прославляемому тобою и прославившему тя Господу выну зовем: Аллилуиа.

(Этот кондак читается трижды, затем икос 1 и кондак 1)

Икос 1

Кондак 1

АКАФИСТ СВЯТЫМ И БЕСПЛОТНЫМ СИЛАМ

Как правильно читать акафист

Кондак 1

Святии Безплотнии силы, у Престола Вседержителя предстоящии и непрестанно трисвятую песнь Ему вопиющии, достойно ублажим и восхвалим вас, скорых молитвенников и заступников наших во всяких нуждах и печалях, и с благодарением вопием вам сице: Радуйтеся, вси святии Безплотнии силы.

Икос 1

Святии Серафимы, Херувимы, Престолы и Власти, Господствия, Силы и Начала, Архангелы и Ангелы, любовию ко Господу и Творцу непрестанно горящии, и всем нам спастися хотящии, сего ради мы вам, грешнии, воспевати дерзаем: Радуйтеся, преславные Серафимы и Херувимы; Радуйтеся, победоносные Престолы, Господствия и Силы. Радуйтеся, богомудрые Власти и Начала; Радуйтеся, пресветлые Архангелы и Ангелы сущии от начала. Радуйтеся, слуги Божии непоколебимии; Радуйтеся, Владыки Христа други вернии. Радуйтеся, святии посланницы Божии; Радуйся, и ты, святый Ангеле-Хранителю мой. Радуйтеся, вси святии Безплотнии силы.

Кондак 2

«Станем добре, станем со страхом Божиим!» — возгласил еси, Архистратиже Михаиле, увлекая за собою воинство Небесное противу падшаго Денницы и сокрушил еси гордаго, сего ради вопием Богу: Аллилуиа.

Икос 2

Добрый и бесстрашный Воеводо воинства Небеснаго, Архангеле Михаиле, се бо непоколебимо предстоиши пред Престолом Царя царей горя любовию ко Господу и помогаеши нам низлагати всякое малодушие и гордость, сего ради вопием ти сице: Радуйся, о силе Божией громогласно возвещающий; Радуйся, от страхований вражиих избавляющий. Радуйся, мечом ревности по Богу на дьявола, яко льва рыкающего, вооружающий; Радуйся, сатану страхом яко громом поражающий. Радуйся злословящим Имя Господне и рабов Божиих грозное отмщение; Радуйся, мучеников и исповедников Христовых утверждение. Радуйся, изгнанных правды ради благословение; Радуйся, Архистратиже Михаиле, наше умиление. Радуйтеся, вси святии Безплотнии силы.

Кондак 3

Шестокрилатые Серафимы, яко звезды лучезарные пламенем любве к Создателю неустанно горящии, попалите наши страсти, да вопием Богу: Аллилуиа.

Икос 3

Иже Серафимы, скверны греховные наши еще издалеча пожигающии и любовию к Богу сердца исполняющии, сего ради вопием вам сице: Радуйтеся, от жестосердия избавляющии; Радуйтеся, любовь и милосердие источающии. Радуйтеся, всепрощением Божиим кающихся грешников укрепляющии; Радуйтеся, духовные раны их исцеляющии. Радуйтеся, яко стражи в пламенных доспехах любви Божией на тверди Небесной незыблимо пребывающии; Радуйтеся, о мире и благоденствии на земле Бога молящии. Радуйтеся, шестокрилатые Серафимы; Радуйтеся, сокрушители адской силы. Радуйтеся, вси святии Безплотнии силы.

Кондак 4

Многоочитые Херувимы, силы и мудрости Божией исполненные, научите нас истинному покаянию, да вопием Богу: Аллилуиа.

Икос 4

Иже Херувимы, тайнам Пресвятой Троицы служащии и богопознанию нас научающии, сего ради вопием вам сице: Радуйтеся, лжемудрования яко грозными секирами правдой Божией отсекающии; Радуйтеся, смиренномудрие насаждающии. Радуйтеся, премудрости Божией научающии; Радуйтеся, душевные очи незримо хранящии. Радуйтеся, яко Небесные колесницы к познанию Бога возносящии; Радуйтеся, «Свят,Свят,Свят Господь Саваоф» немолчно вопиющии. Радуйтеся, многоочитые Херувимы; Радуйтеся, усмирители всякой гордыни. Радуйтеся, вси святии Безплотнии силы.

Кондак 5

Огненные Престолы, непостижимо Самого Бога носящии и раболепно Ему служащии, утвердите нас во исповедании святой веры православной, да вопием Богу: Аллилуиа.

Икос 5

Иже Престолы, Небесные Умы, велие дерзновение ко Господу Вседержителю имущии и правосудию Его вершиться помогающии, сего ради вопием вам сице: Радуйтеся, от лености и нерадения охраняющии; Радуйтеся, лукавство истребляющии. Радуйтеся, спасительному страху Божию научающии; Радуйтеся, твердою божественною ревностию яко грозным всеоружием пылающии. Радуйтеся, яко огненные столпы для судов Божиих поставленные; Радуйтеся, всеми верными прославляемые. Радуйтеся, могущественные Престолы; Радуйтеся, победители всякой злобы. Радуйтеся, вси святии Безплотнии силы.

Кондак 6

«Радуйся Благодатная, Господь с Тобою!» — благовествовал еси, Архангеле Гаврииле, Владычице Богородице тайну воплощения Сына Божия, сего ради вопием Богу: Аллилуиа.

Икос 6

Сокровенные тайны Божии, Архангеле Гаврииле, человеческому роду открываеши и сердца наши святым смирением и веселием духовным исполняеши, сего ради вопием ти сице: Радуйся, в смирение яко в панцырь облекающий; Радуйся, к благородству духовному причащающий. Радуйся, в небесные своды путем смирения восходить указующий; Радуйся, роду людскому благовестием о воплощении Бога-Слова к Приснодеве Марии послуживший. Радуйся, к созерцанию Нетварнаго света привлечение; Радуйся, апостолов Христовых укрепление. Радуйся, миротворцев благословение; Радуйся, Архангеле Гаврииле, наше умиление. Радуйтеся, вси святии Безплотнии силы.

Кондак 7

От Бога, для явления Его любви и милосердия к людем послан был еси, Архангеле Рафаиле, к Товии, да исцелиши отца его Товита и Сарру от недугов телесных и душевных, сего ради вопием Пресвятой Животворящей Троице: Аллилуиа.

Икос 7

Архангеле Рафаиле, от болезней душевных и телесных нас исцеляеши и ожесточенные сердца милосердием исправляеши, сего ради вопием ти сице: Радуйся, благочестивых браков устроитель чудный; Радуйся, исцеление от болезней и недугов дарующий. Радуйся, делам милосердия помогающий; Радуйся, яко пламенным щитом от самолюбия и сладострастия ограждающий. Радуйся, воздержанию научающий; Радуйся, безмездников Христовых радование. Радуйся, милостивых благословение; Радуйся, Архангеле Рафаиле, наше умиление. Радуйтеся, вси святии Безплотнии силы.

Кондак 8

«Какой сосуд вместит в себя путь Всевышняго?» — тако, Архангеле Урииле, вразумлял еси Ездру, да познает премудрость Божию, сего ради вопием Богу: Аллилуиа.

Икос 8

Светом Божиим, Архангеле Урииле, от тьмы ересей нас просвещаеши и познанию истины во Христе, Господе нашем, научаеши, сего ради вопием ти сице: Радуйся, всякое лукавство якоже из лука стрелами света истины и правды Божией поражающий; Радуйся, верных в житии честном и целомудренном созидающий. Радуйся, всякий блуд телесный и духовный яко молнией истребляющий; Радуйся, победу над неверием дарующий. Радуйся, в истинном православии утверждение; Радуйся, святителей Христовых умудрение. Радуйся, чистых сердцем благословение; Радуйся, Архангеле Урииле, наше умиление. Радуйтеся, вси святии Безплотнии силы.

Кондак 9

Богом к погибающим от зноя в пустыне безводней Агари и отроку послан был еси, Архангеле Селафииле, да к колодезю путь им покажеши и спасеши от лютой смерти, сего ради вопием Богу: Аллилуиа.

Икос 9

Чистой молитве к Богу, Архангеле Селафииле, нас научаеши и ближнего по заповеди Господней прощати призываеши, сего ради вопием ти сице: Радуйся, в латы кротости сопротив князя тьмы облекающий; Радуйся, страстный огнь памятозлобия угашающий. Радуйся, образ Божий в ближнем показующий; Радуйся, к состраданию, долготерпению и прощению тем преклоняющий. Радуйся, покров от браней и упокоение; Радуйся, преподобных Христовых утешение. Радуйся, кротцых благословение; Радуйся, Архангеле Селафииле, наше умиление. Радуйтеся, вси святии Безплотнии силы.

Кондак 10

Рече Господь Саваоф, рабу Своему Моисею: «Имя Мое на нем» — тако ты Архангеле Иегудииле, сугубо от Него прославлен еси, сего ради величаем тя и почитаем служение твое народу Израильскому, яко шествовал пред ним для покорения земли Ханаанской и вопием Богу: Аллилуиа.

Икос 10

Неутомимый ревнителю славы Божией, Архангеле Иегудииле, от страсти уныния и лености избавляеши и праведно славити Господа Иисуса Христа научаеши, сего ради вопием ти сице: Радуйся, яко звезда утренняя, от тьмы уныния просвещающий; Радуйся, маловерие и безволие от рабов Божиих яко острым копием прободающий и отгоняющий. Радуйся, тобою, в мужественное трезвение облекаемся; Радуйся, тобою, от лукавых внушений и прелести духовной очищаемся. Радуйся, от духов злобы поднебесных охранитель славный; Радуйся, праведных защититель сильный. Радуйся, алчущих и жаждущих правды благословение; Радуйся, Архангеле Иегудииле, наше умиление. Радуйтеся, вси святии Безплотнии силы.

Кондак 11

Благословение от Бога, Архангеле Варахииле, всем верным на всякое дело благое посылаеши, да научимся делам богоугодным и вопием Богу: Аллилуиа.

Икос 11

Пред Господом Вседержителем, Архангеле Варахииле, предстоиши и на всех путех спасения нас защищаеши, сего ради вопием ти сице: Радуйся, богопротивнаго златаго тельца сокрушающий; Радуйся, в светлую броню нестяжания облекающий. Радуйся, за усопших молиться напоминающий; Радуйся, всем верным радость духовную дарующий. Радуйся, великодушных странноприимцев покровителю чудный; Радуйся, о Христа ради юродивых попечителю дивный. Радуйся, нищих духом благословение; Радуйся, Архангеле Варахииле, наше умиление. Радуйтеся, вси святии Безплотнии силы.

Кондак 12

«Всевышний на весах взвесил век сей» — тако умудрял еси, Архангеле Иеремииле, Ездру, да познает суетность мира сего, и вопиет Богу: Аллилуиа.

Икос 12

К покаянию сердца наши хладные, Архангеле Иеремииле, приклоняеши, — да омоемся, яко дождем покаянными и сокрушенными слезами о содеянных грехах и удалимся от печали по тленному миру сему, сего ради вопием ти сице: Радуйся, к отверзающему Небеса покаянному и спасительному плачу о грехах, преклоняющий; Радуйся, от геенны огненной спасающий. Радуйся, безумие мира сего, палицей ведения промысла Божия сокрушающий; Радуйся, мудростью духовной разум напояющий. Радуйся, стезей ко Господу исправление; Радуйся, пророков Божиих возвышение. Радуйся, плачущих благословение; Радуйся, Архангеле Иеремииле, наше умиление. Радуйтеся, вси святии Безплотнии силы.

Кондак 13

О святое Небесное воинство, просим вас мы, грехми отягченные, да не погибнем в беззакониях наших, но молите Господа за нас, да пощадит, и помилует, и спасет нас по велицей Своей милости, сего ради вопием Ему: Аллилуиа

(Этот кондак читается трижды, затем икос 1 и кондак 1)

Икос 1

Кондак 1

Об Архангеле Михаиле

Обитатели небес имеют собственную иерархию. По версии святых отцов, они сотворены Богом раньше людей. И хотя в данное время человек намного слабей их, это последствия греха. Ведь изначально именно Адам и Ева были венцом творения, но утеряли свое положение. И теперь молитва к архангелу Михаилу дает смертным очень сильную защиту от врагов.

Итак, кто же такой этот небесный заступник? Имя его известно из Священного Писания, известна и роль. Архангел Михаил является начальником небесного воинства, состоящего из ангелов. Он будет возглавлять войска во время последней битвы с диаволом и его слугами. Во времена до появления на свет Иисуса, он помогал израильтянам, показывая им дорогу во время бегства из Египта. Как ангел, он обладает сверхъестественными способностями.

Именно поэтому, призывая его дать очень сильную защиту, человек может быть уверен, что его недоброжелатели будут повержены.

Когда читать молитву о защите

Ангелы являются защитниками людей, поэтому молитва им должна быть ежедневной. Помимо архангелов, существуют еще личные ангелы-хранители, которые даются во время крещения — такого мнения придерживается православная церковь. Они могут подсказывать, как правильно поступить — не в буквально смысле, но в душе человек будет знать ответ на свои вопросы, он их осознает в своей душе.

Просить защиты нужно особенно сильно во время искушений. Ангелы способны видеть зло и противостоять ему, ведь их духовность намного больше человеческой. Вот почему только самые избранные святые удостаивались личной встречи с этими Божиими помощниками — например, отец Иоанна Крестителя, праведный Серафим Саровский и сама Пречистая Дева.

Архангелу Михаилу молятся о защите от недугов тела, о преодолении жизненных сложностей. Во время начала нового дела, чтобы дать сильнейшую защиту своему жилищу. В качестве оберега многие вещают над входом иконы и распятие. Но надо понимать, что это лишь символы, которые не действуют сами по себе. Это как бы проводники духовной энергии, они помогают верующему сосредоточиться во время прошения.

Тропарь, кондак, величание

Тропарь Архангелу Гавриилу, глас 4 Небе́сных во́инств Архистрати́же,/ мо́лим тя при́сно мы недосто́йнии,/ да твои́ми моли́твами огради́ши нас/ кро́вом крилу́ невеще́ственныя твоея́ сла́вы,/ сохраня́я нас, припа́дающих приле́жно и вопию́щих:/ от бед изба́ви нас,// я́ко чинонача́льник Вы́шних сил.

Кондак Архангелу Гавриилу, глас 8 Пресве́тлыя и Честны́я, и Вседе́тельныя,/ пренеисче́тныя и стра́шныя Тро́ицы,/ ты еси́, Архистрати́же, сла́вный служи́телю и моли́твенниче,/ ны́не непреста́нно моли́/ изба́витися нам от вся́ких бед и мук, да зове́м ти́:// ра́дуйся, покро́ве рабо́м твои́м.

Ин кондак Архангелу Гавриилу, глас 2 Архистрати́же Бо́жий, служи́телю Боже́ственныя сла́вы,/ А́нгелов нача́льниче, и челове́ков наста́вниче,/ поле́зное нам проси́, и ве́лию ми́лость,// я́ко Безпло́тных Архистрати́г.

Ин кондак Архангелу Гавриилу, глас 2 На Небесе́х зря Бо́жию сла́ву/ и на земли́ с высоты́ подая́ благода́ть,/ нача́льниче А́нгелов, му́дре Гаврии́ле, Бо́жия сла́вы служи́телю/ и ми́ра Боже́ственный побо́рниче,/ спаса́й, соблюда́й вопию́щия ти:// сам бу́ди помо́щник, и никто́же на ны.

Величание Небесным Чинам Бесплотным Велича́ем вас,/ Арха́нгели и А́нгели/ и вся во́инства,/ Херуви́ми и Серафи́ми,// сла́вящия Го́спода.

Как изображают на иконах

Иконография: Гавриил, архангел. Датировки: XIV в. 1387–1395.Иконописная школа или художественный центр: Константинополь. Происхождение: Из храма Зачатия Богородицы Высоцкого монастыря в Серпухове, куда были присланы в 1380-1390-х из Константинополя. Материал: дерево, темпера. Размеры иконы: высота 146 см, ширина 106 см. Изображение поясное, фигура обращена влево. Архангел слегка склоняет голову, в правой руке у него мерило, с красным древком, левая рука молитвенно обращена к Спасу. Инв. № 12729. © Государственная Третьяковская галерея, Москва

Первые образы Архангела известны еще по римским катакомбам. Тогда христиане писали его как юношу. Лишь позже, с V в., к изображению добавились крылья, нимб.

Большинство из известных икон представляют его юным, облаченным хитоном, поверх которого – накидка-гиматий. Иногда же облачение Ангела – так называемое «лоратное», то есть дополнено лором, широкой лентой, опоясывающим по талии и груди. Так пишутся обычно особо значимые Ангелы.

Обязательный элемент образа – лента на власах. Ее приподнятые концы по русской традиции именуются «слухами», символизируя постоянную готовность исполнить волю Божию.

В руках служителя Господня может быть:

жезл – символизирует ангельское достоинство, а также – посланничество;
сфера – символ мироздания;
райская ветвь;
свиток; такой образ характерен для храмовых фресок; на развернутом листе написаны поучения входящим в церковь.

Помощник в деле нашего спасения

Иконография: Благовещение Пресвятой Богородицы. Датировки: XII в. 30-40-е годы XII векаИконописная школа или художественный центр: Новгородская школа. Происхождение: Из Георгиевского собора Юрьева монастыря в Новгороде, откуда была привезена среди других икон Иваном Грозным в успенский собор Московского Кремля.Материал: Дерево, темпераРазмеры иконы: высота 238 см, ширина 168 см. Богоматерь изображена стоящей, с чуть склоненной влево головой. В лоне ее изображен Христос Эммануил. Он представлен фронтально, сидящим в торжественной позе, с благословляющей правой рукой, левая отведена в сторону (кисть не сохранилась). Богоматерь как бы осеняет его правой рукой, пальцы которой почти касаются плеча Младенца и заходят на нимб. В ее левой руке моток красной пряжи. Слева – архангел Гавриил, обращенный к Марии и благословляющий ее. В левой руке он держит мерило. Вверху, в центре, в синем полукруге неба с золотыми звездами, представлен сидящий на красном престоле «Ветхий Деньми». У подножия престола – красные херувимы; чуть выше, справа и слева, — красные серафимы с золотыми рипидами. Вокруг «Ветхого Деньми» голубая слава. В левой руке его свиток, правая рука – благословляющая, и от нее идет синий луч к фигуре Богоматери. Инв. № 25539 © Государственная Третьяковская галерея, Москва Литература: Государственная Третьяковская Галерея. Каталог собрания. Древнерусское искусство X — начала XV века. Том I. № 7

Собеседник пророка Даниила, вестник Рождества св. Иоанна Предтечи, Воплощения Спасителя, Хранитель Матери Божией, сопровождавший Пречистую всю земную жизнь– все это, может быть, самый часто упоминаемый Писанием Архангел Гавриил.

Греческое «Γαβριήλιος» и еврейское «Габриэль» означают «Божию силу» или «мужа Божия». Предание Церкви говорит, что это – один из 7 Архангелов. Они относятся к 8 из 9 Ангельских чинов, то есть после Ангелов наиболее близки к людям.

Ангелов и Архангелов Библия упоминает, как возвестителей воли Божией. Но если Ангелы хранят верующих на их жизненном пути, руководя, наставляя, то миссия Архангелов – сообщение особых тайн Божиих, касающихся важнейших для человечества событий, прежде всего – спасения. По неисповедимым Божиим судьбам, именно Гавриилу выпало не раз возвещать Божии слова в переломные моменты человеческой истории.

Вестник Воплощения и Воскресения

О «муже Гаврииле», который возвестил точное время Рождения Мессии, упоминает Книга пророка Даниила, написанная за 600 лет до Рождества Христова. Архангел возвестил:

«Семьдесят седмин определены для народа твоего и святаго города твоего, чтобы покрыто было преступление, запечатаны были грехи и заглажены беззакония, и чтобы приведена была правда вечная, и запечатаны были видение и пророк, и помазан был Святый святых».

70 седмин составляли 490 лет, именно в это время народ иудейский ожидал Мессию.

По исполнении времени тот же служитель Божий непосредственно готовил людей к Воплощению Спасителя. Предание утверждает, что:

Гавриил возвестил прав. Иоакиму и Анне, бездетным, гонимым соплеменниками, о рождении Дочери – Пречистой Богородицы;
он же стал ее Хранителем, когда Мария жила при Иерусалимском храме;
от него священник Захария узнал о будущем рождении сына, св. Иоанна Предтечи; им же, по воле Божией, иерей был наказан за маловерие, так что до Рождества Иоанна не мог произнести ни слова;
а спустя полгода после этих событий Гавриил возвестил о Рождестве Сына скромной Марии, мнимой жене старца Иосифа из Назарета, посвятившей Себя Богу;
описывая Рождество Иисуса, св. Лука говорит об Ангельском воинстве, возвестившем пастырям овец о событии; Гавриил не назван здесь по имени, однако Предание считает, что хор Сил Небесных, воспевающих «Слава в вышних Богу…» возглавлял именно он;
предание считает также, что именно Гавриил явился Господу накануне Распятия, когда Христос молился в Гефсимании;
спустя три дня женщины, пришедшие на гроб, от Архангела услышали о Воскресении Иисуса.

Хранитель Богородицы

В последующие годы Гавриил, судя по всему, был наиболее близок к Пречистой Богородице как Её Хранитель еще с детских лет:

когда Пречистой выпал жребий проповедовать Своего Сына в Иверии, он, явившись Ей, повелел Марии остаться в Иерусалиме, говоря, что ей будет дан иной удел;
за 3 дня до кончины служитель Божий, придя к Богородице, сообщил эту радостную для Неё весть, вручив цветущую ветвь из Райского сада.

Почитание на Руси

А вот русичи Гавриила прочно связывали с Богородицей. Известно, что в XII в. Новгородский архиепископ, тезоименитый Архангелу, а потому особо его почитавший, построил храм, но не «мужа Божия», а Благовещения.

Считается, что первый храм Гавриила появился только с 1413 г. в Новгороде. А с 1584 г. при Благовещенском соборе Москвы известен придел Гавриила.

Имя Архангела считалось одним из тех, которые нередко давали в Крещении князьям. Среди таких правителей известны:

князь Всеволод (XI в.), святой защитник Пскова;
сын Всеволода Большое Гнездо Святослав (XII в.);
Василий III (XVI в.); интересно, что, будучи крещен как Василий, он также именовался «по первому имени» Гавриилом, так как родился на день памяти Архангела.

Образ Архангела есть на гербе Российской империи, утвержденном Александром III 3 ноября 1882 г. По центру герба – щит, который держат арх. Михаил и Гавриил.

Дни памяти

С первых веков Церковь неоднозначно относилась к особому культу Небесных Сил, так как уже с этого времени известны еретические движения, для которых молитвы Ангелам были выше обращения к Творцу мира. Видимо, по этой причине особые службы арх. Гавриилу, дни его памяти появились не ранее VIII-IX вв. А храмов, посвященных ему, на территории Византии насчитывалось около 5, включая церковь на месте Благовещения (Назарет).

Архангела особо почитали:

на другой день после Благовещения;
8 ноября вместе с другими Небесными Силами;
11 июня (с конца X в.).

В этот день произошло чудесное явление одному из иноков Афонской горы; на ночлег в его келью попросился незнакомый монах. Во время молитвенного правила, когда начали петь славословие Богородице «Честнейшую Херувим…», незнакомый монах вдруг начал воспевать со слов «Достойно есть…». Умиленный, хозяин кельи попросил записать песнопение. Лишь увидев, что явившийся записывает слова перстом на камне, точно на воске, афонский инок понял, что принял под свой кров Ангела. Считается, что это был Гавриил, великий почитатель Пречистой.

Молитвы и акафист Архистратигу Михаилу и Святым Бесплотным силам