Молитва святому великомученику Феодору Тирону
«О, Преславне, великомучениче Феодоре Тироне. Услыши моление нас верных, величающих тя и в смирении своем взывающих к тебе от всея души. От юности показавый пламенную веру во Христа Господа и ради нея жизнь свою положивый, подаждь и нам молящимся тебе душевныя силы, во еже блюсти во вся дни чистоту правыя веры. Запечатлевый мученичеством исповедание веры в пещи огненней, буди нам образом в ревности проповедывания Истины Христовой. Оградивый верных от греха язычества и отступничества, соблюди и нас чистыми от еретических козней и всякого диавольскаго навождения. О, Преблаженне, великомучениче Феодоре, своим предстательством у Престола Всевышняго умоли Господа Бога, да подаст нам благодатныя силы, во еже направити пути жизни нашея по Слову Божию во спасение душ наших. Яко да твоими молитвами получивше благодать и милость, прославим всех благих Источника и Дароподателя Бога, Единаго, в Троице Святей Славимаго, Отца и Сына и Святаго Духа, ныне и присно и во веки веков. Аминь.»
Пѣ́снь а҃.
І҆рмо́съ:
Во́дꙋ проше́дъ ꙗ҆́кѡ сꙋ́шꙋ, и҆ є҆гѵ́петскагѡ ѕла̀ и҆збѣжа́въ, і҆и҃льтѧнинъ вопїѧ́ше: и҆зба́вителю и҆ бг҃ꙋ на́шемꙋ пои́мъ.
Бжⷭ҇твеннымъ по́двигомъ, мч҃ниче хрⷭ҇то́въ, подви́гсѧ, и҆ тече́нїе сконча́въ, вѣ́рꙋ соблю́лъ є҆сѝ бжⷭ҇твеннꙋю, пра́вды ѡ҆брѣ́лъ є҆сѝ вѣне́цъ.
Преесте́ственнꙋ сла́вꙋ ѿ хрⷭ҇та̀ прїи́мъ, страстоте́рпче, зе́млю всю̀ ѡ҆бхо́диши, и҆збавлѧ́ѧ всѧ̑, вѣ́рою съ благоговѣ́нїемъ къ тебѣ̀ притека́ющыѧ.
Нбⷭ҇ный сла́вне лико́вникъ, со безпло́тными сы́й, на землѝ призыва́ющыѧ тѧ̀ ѿ бѣ́дъ и҆ напа́стей и҆збавлѧ́й.
Бг҃оро́диченъ:
Премꙋ́дрость и҆ сло́во ѻ҆́ч҃ее несказа́ннѡ ро́ждшаѧ, дꙋшѝ моеѧ̀ лю́тꙋю и҆сцѣлѝ ꙗ҆́звꙋ, и҆ се́рдца болѣ́знь ᲂу҆кротѝ.
Пѣ́снь г҃.
І҆рмо́съ:
Ты̀ є҆сѝ ᲂу҆твержде́нїе притека́ющихъ къ тебѣ̀, гдⷭ҇и, ты̀ є҆сѝ свѣ́тъ ѡ҆мраче́нныхъ, и҆ пое́тъ тѧ̀ дꙋ́хъ мо́й.
Ѻ҆́гнь мꙋче́нїй тѧ̀ не ᲂу҆страшѝ, тѣ́мже ѻ҆́гнь напа́стей, къ тебѣ̀ прибѣга́ющымъ, ᲂу҆тиша́еши, ѳео́дѡре.
И҆зба́ви моли́твами твои́ми ѡ҆держа́щїѧ мѧ̀ печа́ли, мꙋ́чениче хрⷭ҇то́въ, всѐ ᲂу҆глажда́ѧ жите́йское стропо́тство.
Всѐ се́рдце моѐ и҆ помышле́нїе простира́ю къ тебѣ̀ и҆ дꙋ́шꙋ, твоеѧ̀, страстоте́рпче, по́мощи тре́бꙋѧ.
Бг҃оро́диченъ:
Оу҆ста́ви непостоѧ́нное помышле́нїй мои́хъ смꙋще́нїе, мт҃и бж҃їѧ, є҆́же къ сн҃ꙋ твоемꙋ̀ направлѧ́ющи движе́нїе.
Сѣда́ленъ, гла́съ д҃.
Мꙋ́ченическими добро́тами ᲂу҆кра́шенъ, цр҃ю̀ нбⷭ҇номꙋ, мꙋ́чениче, ра́дꙋѧсѧ, вѣнцено́сецъ предстои́ши, ѳео́дѡре, на крⷭ҇тъ бо воздви́женъ бы́лъ є҆сѝ є҆гѡ̀ ра́ди, и҆ гвозде́й пригвожде́нїе, и҆ воло́выхъ жи́лъ, и҆ ногте́й, и҆ ѻ҆чны́хъ зѣ́ницъ и҆звертѣ́нїе претерпѣ́лъ є҆сѝ тве́рдѡ. тѣ́мже тѧ̀ вѣ́рою почита́емъ, превели́кїй.
Сла́ва, и҆ ны́нѣ, бг҃оро́диченъ:
И҆́же на прⷭ҇то́лѣ херꙋві́мстѣмъ сѣдѧ́й, и҆ въ нѣ́дрѣхъ ѻ҆́ч҃ихъ водворѧ́ѧсѧ, ꙗ҆́кѡ на прⷭ҇то́лѣ ст҃ѣ́мъ сѣди́тъ свое́мъ, влⷣчце, въ нѣ́дрѣхъ твои́хъ, вопло́щсѧ бо бг҃ъ вои́стиннꙋ, воцр҃и́сѧ надъ всѣ́ми ꙗ҆зы́ки, и҆ разꙋ́мнѡ ны́нѣ пои́мъ є҆мꙋ̀. є҆го́же ᲂу҆молѝ спасти́сѧ рабѡ́мъ твои̑мъ.
Крⷭ҇тобг҃оро́диченъ:
И҆́же ѿ безнача́льнагѡ ѻ҆ц҃а̀ рожде́ннаго, напослѣ́докъ тѧ̀ пло́тїю ро́ждшаѧ, на крⷭ҇тѣ̀ ви́сѧща зрѧ́щи, хрⷭ҇тѐ, ᲂу҆вы̀ мнѣ̀, любе́знѣйшїй і҆и҃се, вопїѧ́ше: ка́кѡ сла́вимый ꙗ҆́кѡ бг҃ъ ѿ а҆́гг҃лъ, ѿ беззако́нныхъ ны́нѣ человѣ̑къ, сн҃е, хотѧ̀ распина́ешисѧ; пою́ тѧ, долготерпѣли́ве.
Пѣ́снь д҃.
І҆рмо́съ:
Оу҆слы́шахъ, гдⷭ҇и, смотре́нїѧ твоегѡ̀ та́инство, разꙋмѣ́хъ дѣла̀ твоѧ̑, и҆ просла́вихъ твоѐ бжⷭ҇тво̀.
Прави́телѧ тѧ̀ предлага́ю, бж҃їй ᲂу҆го́дниче, ты́ мѧ ᲂу҆пра́ви вѣ́триломъ дх҃а и҆ бжⷭ҇твенными вѣ́тры, пресла́вне.
Ѿ всѧ́кагѡ, мо́лимсѧ, и҆зба́ви преще́нїѧ, всеблаже́нне ѳео́дѡре, тѧ̀ вѣ́рою блажа́щыѧ, и҆ бжⷭ҇твеннꙋю па́мѧть твою̀ почита́ющыѧ.
Ни живо́тъ, ни сме́рть, ни настоѧ̑щаѧ, ни грѧдꙋ̑щаѧ, ни ѻ҆́гнь, ни ра̑ны, ѿ хрⷭ҇та̀, бг҃омꙋ́дре, ѿлꙋчи́ша тебѐ.
Бг҃оро́диченъ:
Подъ лѣ́томъ бы́вша, ѿ ѻ҆ц҃а̀ безлѣ́тнѡ возсїѧ́вшаго, бг҃ома́ти, на́мъ родила̀ є҆сѝ: є҆го́же молѝ спастѝ пою́щыѧ тѧ̀.
Пѣ́снь є҃.
І҆рмо́съ:
Оу҆́тренююще вопїе́мъ тѝ, гдⷭ҇и, спаси́ ны: ты́ бо є҆сѝ бг҃ъ на́шъ, ра́звѣ тебє̀, и҆но́гѡ не вѣ́мы.
Мч҃никѡвъ бы́въ ᲂу҆добре́нїе, мч҃ниче хрⷭ҇то́въ, вѣ́рныхъ по́мощь бꙋ́ди, и҆ стѣна̀ нерꙋши́ма.
Є҆дине́нїѧ насла́ждсѧ лꙋ́чшагѡ, ꙗ҆̀же па́че ᲂу҆ма̀ благи́хъ, ѳео́дѡре, тѧ̀ чтꙋ́щыѧ спасѝ.
Побѣжда́емь любо́вїю зижди́телѧ, житє́йскаѧ ѿтрѧ́слъ є҆сѝ пристра̑стїѧ, и҆ бг҃ꙋ благоꙋгоди́лъ є҆сѝ.
Бг҃оро́диченъ:
Є҆го́же родила̀ є҆сѝ, дв҃о всенепоро́чнаѧ, бг҃а сло́ва, прилѣ́жнѡ молѝ ѡ҆ на́съ пою́щихъ тѧ̀.
Пѣ́снь ѕ҃.
І҆рмо́съ:
Ѡ҆чи́сти мѧ̀, сп҃се, мнѡ́га бо беззакѡ́нїѧ моѧ̑, и҆ и҆зъ глꙋбины̀ ѕѡ́лъ возведѝ, молю́сѧ: къ тебѣ́ бо возопи́хъ, и҆ ᲂу҆слы́ши мѧ̀, бж҃е спасе́нїѧ моегѡ̀.
Побо́рникъ сы́й благоче́стїѧ теплѣ́йшїй, и҆ пре́лести ѡ҆бличи́тель і҆́дѡльскїѧ бы́въ, де́мѡнѡвъ мечта̑нїѧ, и҆ страсте́й ѻ҆́бразы дꙋшѝ моеѧ̀ потребѝ.
Оу҆твержде́нїе мѝ бꙋ́ди и҆ стѣна̀, мч҃ниче, непобѣди́ма, не́мощь и҆ гни́лость ᲂу҆ма̀ моегѡ̀ ᲂу҆твержда́ѧ, ѳео́дѡре, твои́ми предста́тельствы, и҆ сохранѧ́ѧ невре́днѡ.
Во́инства тлетво́рнагѡ и҆ тлѣ́ннагѡ ѿре́клсѧ є҆сѝ, во́инство же жи́зни, всеблаже́нне ѳео́дѡре, до конца̀ возлюби́лъ є҆сѝ, въ не́мже побѣдоно́сецъ показа́лсѧ є҆сѝ, досточꙋ́дне.
Бг҃оро́диченъ:
Возсїѧ̀ ѿ сїѡ́на вы́шнѧгѡ благолѣ́пїе, прїѧ́тїемъ пло́ти по соедине́нїю неизглаго́ланномꙋ, и҆зъ тебє̀, неискꙋсобра́чнаѧ, ѡ҆дѣ́ѧвсѧ, и҆ мі́ръ просвѣтѝ.
Конда́къ, гла́съ и҃:
Вѣ́рꙋ хрⷭ҇то́вꙋ, ꙗ҆́кѡ щи́тъ, внꙋ́трь прїи́мъ въ се́рдцѣ твое́мъ, проти̑вныѧ си̑лы попра́лъ є҆сѝ, многострада́льче: и҆ вѣнце́мъ нбⷭ҇нымъ вѣнча́лсѧ є҆сѝ вѣ́чнѡ, ѳео́дѡре, ꙗ҆́кѡ непобѣди́мый.
І҆́косъ:
На престо́лѣ свѣ́та носи́маго, благода́рственнѡ вѣ́рою воспѣва́емъ тѧ̀: ꙗ҆́кѡ дарова́нїе бжⷭ҇твенное дарова́лъ є҆сѝ, до́блѧго во страда́нїи ѳео́дѡра, въ житїѝ треблаже́ннаго, ꙗ҆́кѡ побо́рника сꙋ́щаго и҆́стины, благочести́вымъ по́мысломъ тѧ̀ жела́юща, хрⷭ҇тѐ, крѣ́пка побѣди́телѧ на льсти́ваго, ꙗ҆́кѡ непобѣди́мый.
Пѣ́снь з҃.
І҆рмо́съ:
Ѿ і҆ꙋде́и доше́дше ѻ҆́троцы въ вавѷлѡ́нѣ и҆ногда̀, вѣ́рою трⷪ҇ческою пла́мень пе́щный попра́ша, пою́ще: ѻ҆тцє́въ бж҃е, благослове́нъ є҆сѝ.
Тѧ̀ живота̀ моегѡ̀ предста́телѧ, и҆ застꙋ́пника и҆́мамъ спасе́нїѧ моегѡ̀, и҆ храни́телѧ, бг҃омꙋ́дре, ᲂу҆твержде́нїе даю́ща вѣ́рою зовꙋ́щымъ: ѻ҆тє́цъ на́шихъ бж҃е, бл҃гослове́нъ є҆сѝ.
Ꙗ҆́кѡ красно̀ заколе́нїе, са́мъ себѐ гдⷭ҇еви, и҆ свѧще́ннѣйшее приве́лъ є҆сѝ, всеблаже́нне: и҆ ѻ҆гне́мъ мꙋче́нїй всесоже́глсѧ є҆сѝ, сла́вне, вопїѧ̀: ѻ҆тє́цъ на́шихъ бж҃е, бл҃гослове́нъ є҆сѝ.
Живо́тнагѡ вдохнове́нїѧ насыща́ѧсѧ, блаже́нне, бжⷭ҇твеннагѡ дх҃а, дꙋ́хи ѿгонѧ́еши, недꙋ́ги и҆сцѣлѧ́еши, и҆ зове́ши ра́дꙋѧсѧ: ѻ҆тє́цъ на́шихъ бж҃е, бл҃гослове́нъ є҆сѝ.
Бг҃оро́диченъ:
И҆зъ ᲂу҆тро́бы твоеѧ̀ про́йде, вопло́щсѧ всѧ́ческихъ, дв҃о, гдⷭ҇ь. тѣ́мъ тѧ̀ бцⷣꙋ мꙋ́дрствꙋюще правосла́внѡ, сн҃ꙋ твоемꙋ̀ взыва́емъ: ѻ҆тє́цъ на́шихъ бж҃е, бл҃гослове́нъ є҆сѝ.
Пѣ́снь и҃.
І҆рмо́съ:
Седмери́цею пе́щь халде́йскїй мꙋчи́тель бг҃очести̑вымъ неи́стовнѡ разжжѐ, си́лою же лꙋ́чшею спасє́ны сїѧ̑ ви́дѣвъ, творцꙋ̀ и҆ и҆зба́вителю вопїѧ́ше: ѻ҆́троцы, бл҃гослови́те, свѧще́нницы, воспо́йте, лю́дїе, превозноси́те во всѧ̑ вѣ́ки.
Всѧ́ческими, прехва́льне, треволнє́нїи ѻ҆крꙋжа́еми, и҆ напа́стьми жите́йскими содержи́ми, предста́телѧ скорѣ́йша, и҆ помо́щника, и҆ спобо́рника, всѝ вѣ́рнїи тѧ̀ моли́твенника влⷣцѣ приво́димъ, вопїю́ще: не преста́й моли́ти ѡ҆ воспѣва́ющихъ всечестнꙋ́ю твою̀ па́мѧть.
Грѣхо́вными вери́гами свѧ́занъ, пребога́те, и҆ прегрѣше́нїй мои́хъ плени́цами ѡ҆ко́ванъ, прибѣга́ю къ покро́вꙋ твоемꙋ̀, вѣнцено́сче, разрѣше́нїѧ просѧ̀: но ꙗ҆́кѡ чꙋ́дно ко влⷣцѣ всѣ́хъ, бг҃омꙋ́дре, дерзнове́нїе и҆мѣ́ѧ, молѝ спасти́сѧ хрⷭ҇та̀ пою́щымъ во вѣ́ки всѧ̑.
Мꙋ́ченическими свѣтлостьмѝ просвѣще́нъ, всехва́льне, а҆́гг҃льскимъ счи́слилсѧ є҆сѝ чинѡ́мъ: съ ни́миже ра́дꙋѧсѧ, и҆ сликꙋ́ѧ, мч҃ниче, при́снѡ, чꙋдотво́рными и҆сцѣлє́нїи ᲂу҆ѧснѧ́еши, любо́вїю тѧ̀ чтꙋ́щыѧ, и҆ вѣ́рнѡ пою́щыѧ: лю́дїе, превозноси́те хрⷭ҇та̀ во вѣ́ки всѧ̑.
Бг҃оро́диченъ:
Пло́тїю приѡбщи́сѧ къ человѣ́кѡмъ, ꙗ҆́кѡ бл҃гоꙋтро́бенъ, содѣ́тель и҆ творе́цъ тва́ри, и҆зъ тебє̀, неискꙋсобра́чнаѧ бг҃ороди́тельнице, сїю̀ прїе́мъ: тѣ́мже бцⷣꙋ вѣ́рнїи тѧ̀ и҆́стиннѡ сла́вимъ, вопїю́ще, и҆ вѣ́рнѡ пою́ще: лю́дїе, превозноси́те хрⷭ҇та̀ во вѣ́ки всѧ̑.
Пѣ́снь ѳ҃.
І҆рмо́съ:
Тѧ̀ неискꙋсобра́чнꙋю мт҃рь бг҃а вы́шнѧгѡ, тѧ̀ па́че ᲂу҆ма̀ ро́ждшꙋю сло́вомъ вои́стиннꙋ бг҃а, вы́шшꙋю пречⷭ҇тыхъ си́лъ, немо́лчными славословлє́нїи велича́емъ.
Бо́дра тѧ̀ храни́телѧ, великомꙋ́чениче, стѧжа́вше, врагѡ́въ ѕлоꙋ́мїе ᲂу҆до́бь ѿгонѧ́ща, и҆ цр҃квамъ подаю́ща ми́ръ, страстоте́рпче, непреста́ннѡ ᲂу҆блажа́емъ.
Крѣ́пость тебѣ̀ на де́мѡны дарова̀ влⷣка, стра̑сти же дꙋшѝ и҆ тѣлесѐ и҆сцѣлѧ́ти, бл҃же́нне, всеблагочести́вѣйшимъ дерзнове́нїемъ, молѧ́сѧ сп҃сꙋ: тѣ́мже тѧ̀ всѝ ᲂу҆блажа́емъ.
Зарю̀ трисо́лнечнꙋю и҆ є҆ди́нственнꙋю созерца́ѧй, є҆ди́но въ тре́хъ бж҃ество̀, и҆ нача́ло пренача́льное, и҆ и҆сто́чникъ бла́гости, страстоте́рпче, тѧ̀ пою́щыѧ сохранѧ́й.
Бг҃оро́диченъ:
И҆зми́ мѧ, всенепоро́чнаѧ, мы́сленнагѡ плѣне́нїѧ, и҆збавле́нїе воздаю́щи, влⷣчце, сн҃а твоегѡ̀ распѧ́тїе, є҆́же за всѣ́хъ бы́вшее и҆збавле́нїе, и҆ ми́ръ, и҆ спасе́нїе пою́щымъ тѧ̀.
Свѣти́ленъ.
И҆скꙋси́всѧ ꙗ҆́коже зла́то ѻ҆гне́мъ и҆ мꙋ́ками, досто́инъ ꙗ҆ви́лсѧ є҆сѝ да́ръ бг҃а вы́шнѧгѡ, ѳео́дѡре страстоте́рпче, ѡ҆ на́съ ны́нѣ моли́сѧ.
Сла́ва, и҆ ны́нѣ, бг҃оро́диченъ:
Держа́внымъ твои́мъ покро́вомъ, ѿ врагѡ́въ навѣ́та на́съ, чⷭ҇таѧ, твоѧ̑ рабы̑ сохранѝ всѧ̑ невреди̑мы: тѧ́ бо стѧжа́хомъ є҆ди́нꙋ прибѣ́жище въ нꙋ́ждахъ.
5-й день Великого поста. Духовное чтение
Мир Вам, дорогие посетители православного сайта “Семья и Вера”!
В пятницу 1-й седмицы Великого поста после совершения Литургии Преждеосвященных Даров в храмах поется молебный канон великомученику Феодору Тирону и освящается в его память коливо (вареный рис с медом).
Ниже мы приводим стихиры канона великомученику Феодору, и описание чуда явления сего святого во время царствования императора Юлиана Отступника.
Тропарь великомученику Феодору Тирону
Велия веры исправления, во источнице пламене, яко на воде упокоения, святый мученик Феодор радовашеся: огнем бо всесожегся, яко хлеб сладкий Троице принесеся. . Того молитвами, Христе Боже, спаси душы наша.
Кондак великомученику Феодору Тирону
Веру Христову яко щит внутрь приим в сердце твоем, противныя силы попрал еси многострадальче: и венцем небесным венчался еси вечно Феодоре, яко непобедимый.
Стихиры великомученику Феодору Тирону
Святый великомучениче Феодоре, моли Бога о нас.
Богодарованную благодать чудес твоих, мучениче Феодоре, всем простираеши, верою к Тебе притекающим, еюже хвалим тя, глаголюще: плененныя избавляеши, исцеляеши болящия, нищия обогащаеши: и спасаеши плавающия, суетное течение удержаваеши рабов, и тщеты явление твориши восхищения огребатися, младенцем даруеши милостивно прошения, теплый обретаешися предстатель творящим твою священную память, с нимиже и нам страдальче священнейший, воспевающим твое мучение, проси у Христа велию милость.
[В квадратных скобках перевод с Церковно-славянского на русский язык]
[На всех с верою притекающих к тебе распространяешь ты, мученик Феодор, данную тебе от Бога благодать чудес; почему восхваляем тебя, говоря: пленных ты освобождаешь, болящих врачуешь, бедных обогащаешь и спасаешь плавающих, задерживаешь напрасный побег рабов, и открываешь убыток потерпевших покражу, мученик, и воинов научаешь ты удерживаться от грабежа; сострадательно исполняешь прошения юных; теплым являешься заступником для совершающихсвященную память твою. С ними, святейший страстотерпец,и нам, воспевающим твое мучение, испроси у Христа великую милость.]
Святый великомучениче Феодоре, моли Бога о нас.
Дар Божий, превышший показался еси мучениче Феодоре: зане и по кончине яко жив притекающим даеши прошения. Темже сыну восхищенну жены иногда, плененну иноверными воины, представши вдовица слезами храм твой мочаше: ты же яко милостив на коне белом нашед, сея отрока представил еси невидимо: и по сем и с сим действуяй чудесы, не престал еси. Но моли Христа Бога, спастися душам нашим.
[Высочайшим даром Божиим оказался ты, мученик Феодор, потому что и по смерти, как живой, исполняешь прошения притекающих к тебе. Потому, когда однажды похищен был сын одной женщины, будучи пленен иноверным войском, вдова, пришедши, слезами омочала храм твой; а ты, как сострадательный, сидя на белом коне, невидимо привел дитя ее, и после сего, действуя с ним, не оскудел в чудесах. Но моли Христа Бога, чтобы спасены были души наши.]
Чудо святого великомученика Феодора Тирона
После сына Константина Великого Констанция на царский престол вступил Юлиан Отступник. Он отрекся от Христа, стал поклоняться идолам и воздвиг на христиан великое гонение. Юлиан преследовал христиан не столько открыто, сколько тайно; ибо он не решался явно подвергать жестоким и бесчеловечным мучениям всех христиан, так как боялся, чтобы многие из язычников, видя мужественное терпение мучимых христиан, не обратились бы сами ко Христу. Посему сей нечестивый царь замыслил тайно осквернить христиан. Он знал, что в первую седмицу великого поста христиане соблюдают особенную чистоту и каются в своих согрешениях. И вот он призвал к себе константинопольского градоначальника и повелел ему ежедневно в продолжение первой седмицы, осквернять припасы, продаваемые на торжищах, кровью идольских жертв, от которых христиане всегда обязаны воздерживаться (Деян.25:29). Приказание царя было исполнено, и на всех торжищах были положены яства, оскверненные неверующими. Но Всеведущий Господь, посрамляя язычников и заботясь об истинных рабах Своих, разорил сие тайное коварство. Он послал к константинопольскому архиепископу Евдоксию, святого страстотерпца Своего Феодора, за много лет пред тем пострадавшего за Христа и пребывавшего во славе в небесном Царствии. Святой Феодор явился Евдоксию не во сне, но наяву и сказал ему:
– Собери немедленно Христово стадо и прикажи всем православным, чтобы никто из них не покупал на торжищах яств, ибо они, по приказанию нечестивого царя, осквернены идоложертвенной кровью.
Архиерей в недоумении стал спрашивать, чем же заменить покупаемые на торжищах яства людям бедным, имеющим недостаток в домашних запасах:
Святой отвечал:
– Дав им коливо, ты избавишь их от затруднений!
Но епископ продолжал выказывать недоумение, так как, не знал, что такое коливо. Тогда святой Феодор сказал:
– Коливо – это вареная с медом пшеница. Так называется это кушанье в Евхаитах. Тогда епископ спросил святого:
– Кто ты и почему так заботишься о православных христианах?
На сие святой отвечал:
– Я – мученик Христов Феодор; я, по Божию повелению, послан вам на помощь.
Сказав это, святой стал невидим. Епископ тотчас же собрал всех христиан и рассказал им, что видел и слышал. Приготовив коливо, он сохранил свое стадо от вражеского коварства. Нечестивый царь, видя, что козни его разрушены, весьма устыдился и приказал доставлять на торжища неоскверненные яства. А христиане, благодаря Господа за его неизреченное милосердие и восхваляя Христова великомученика святого Феодора, в субботу первой седмицы великого поста совершили празднование святому великомученику, благословив в честь и память его коливо в пищу для употребление верным. И с того времени даже до ныне Церковь творит в первую субботу великого поста освящение колива в память бывшего при архиепископе Евдоксии чуда и прославляет страстотерпца Христова Феодора, чтобы дать верующим постоянное напоминание о милостивом Промысле Божием о рабах Своих – и о помощи святого великомученика Феодора христианам.
Кутья (коливо) – рецепт традиционного постного блюда
Литургия Преждеосвященных Даров. – аудио-запись постовой службы
