Акафист Пресвятой Богородице пред иконой «Иверская»

Аудио:

Кондак 1

Взбранной Воеводе, Владычице нашей Богородице, похвальная пения приносим Ти раби Твои, яко пришествием честнаго образа Твоего стяжавшии щит крепкий, стену необоримую и стража неусыпна. Ты же, яко имущая державу непобедимую, покрый и защити нас, Владычице, от всех врагов видимых и невидимых и избави от всякаго вреда, душевнаго и телеснаго, да зовем Ти:

Радуйся, благая Вратарнице, двери райския верным отверзающая.

Икос 1

Ангел предстатель послан бысть рещи Богородице, егда паде Ей жребий апостольскаго служения в земли Иверстей: «Не разлучайся Иерусалима, жребий же, Тебе падший, просветится в последния дни, Ты же имаши потрудитися в земли, юже Тебе Бог изволит».

Темже радуйся, Еюже Евангелие благовестится; радуйся, Еюже идольская прелесть упразднится.

Радуйся, Еюже власть князя тьмы разрушится; радуйся, Еюже Царство Христово утвердится.

Радуйся, падших во тьму идолослужения к свету Евангелия воззвание; радуйся, от рабства диаволу в свободу славы чад Божиих приведение.

Радуйся, готовая служительнице Сына Своего и Бога; радуйся, послушанием преслушание Евы исцеляющая.

Радуйся, высото добродетелей; радуйся, глубино смиренномудрия.

Радуйся, Еюже невернии познают Творца; радуйся, Еюже вернии усыновляются Отцу.

Радуйся, благая Вратарнице, двери райския верным отверзающая.

Кондак 2

Видящи Святая Дева дивное и новое о Себе промышление Божие, яко раба Господня, присно готовая творити волю Его, возопи: Аллилуиа.

Икос 2

Разум недоразумеваемый глагола ангельскаго разумен Тебе, Пречистая, творя Господь, управи шествие Твое к Горе Афонстей, идеже проповедася Тобою Евангелие, и тако явися жребий Твой. Мы же радостно вопием:

Радуйся, освятившая Афон Своим пришествием; радуйся, низложившая тамо идолов.

Радуйся, насадившая тамо веру истинную; радуйся, неверие отгнавшая.

Радуйся, в жребий Себе Гору сию избравшая; радуйся, благодать сему месту обещавшая.

Радуйся, верным, живущим в ней, подательнице земных благ; радуйся, споручнице вечнаго их спасения.

Радуйся, теплая ходатаице о живущих в жребии Твоем; радуйся, всех врагов их устрашение.

Радуйся, милость Сына Своего до скончания века месту сему обещавшая; радуйся, благодать Его неотступною быти предрекшая.

Радуйся, благая Вратарнице, двери райския верным отверзающая.

Кондак 3

Сила Вышняго заступлением Богоматере осени Святую Гору и удолия и дебри ея, яко село пространное показа всем, в иночестей жизни хотящим жати спасение, внегда пети сице: Аллилуиа.

Икос 3

Имущи промышление о жребии Своем, людех Иверския земли, устроила еси в месте, идеже Сама к Афону пристала еси, обитель роду их, в тихое пристанище ищущим спасения, хотящи даровати ей в щит и ограждение икону Свою, да вси взывают:

Радуйся, пославшая проповедницу Евангелия в землю Иверскую; радуйся, обратившая сию страну от прелести идольстей к свету Христову.

Радуйся, Отрасли неувядаемыя розго, дивную лозу Нине даровавшая; радуйся, от нея произрастившая гроздие чудес и благия веры.

Радуйся, сад духовный на Афоне насадившая; радуйся, струю от него просвещения духовнаго стране Иверстей источившая.

Радуйся, Евфимия златословесная уста; радуйся, Торникия непобедимая крепосте.

Радуйся, всех благочестивых укрепление; радуйся, иноков ограждение.

Радуйся, тихое пристанище ищущих спасение; радуйся, вечный покой им уготовляющая.

Радуйся, благая Вратарнице, двери райския верным отверзающая.

Кондак 4

Бурю внутрь имущи помышлений сумнительных, честная вдовица, яже в Никеи, смятеся, зрящи копием воина-иконоборца прободену святую и чтимую икону Богоматере и абие источившу кровь и, страхом обдержима, да не поругана будет святая икона, с молитвою слезоточащи вверже ю в море. Увидевши же ю прямо верху воды путь творящу и текущу к западу, возопи с веселием: Аллилуиа.

Икос 4

Видеша иноцы Святыя Горы явльшийся в мори яко пламень, яко столп огнен, егоже верх досязаше небеси, яко солнце сияющее, и в нощи притекоша к краю моря и, видевше святую икону Богоматере, по морю носимою силою свыше, возопиша Благодатней:

Радуйся, Купино, Законоположником предзримая; радуйся, столпе огненный, наставляяй сущия во тьме.

Радуйся, лествице, досязающая до Небес, еюже сниде Бог; радуйся, мосте, преводяй сущих от земли на Небо.

Радуйся, заре таинственнаго дне; радуйся, Звездо, являющая Солнце.

Радуйся, Свет Неизреченный родившая; радуйся, еже како ни единаго же научившая.

Радуйся, облеченная в солнце, сияющая благодатию и славою всей вселенней; радуйся, молние, души просвещающая и верных смыслы озаряющая.

Радуйся, светлосте, во тьме светящая; радуйся, яко многосветлое возсияваеши просвещение.

Радуйся, благая Вратарнице, двери райския верным отверзающая.

Кондак 5

Боготечную икону Свою дати хотящи Иверстей обители, рекла еси, Богомати, преподобному Гавриилу: «Иди с ликом иноков к берегу моря, сниди в пучину и приими икону Мою». Он же, верою и любовию окриляемь, по воде, аки по суху, ходя, прият ю во объятия своя и, достиг сокровища, иным недостижимаго, в достояние иноков рода своего иверскаго, веселяся, пояше: Аллилуиа.

Икос 5

Видеша иноцы иверстии многажды икону Богоматере из храма верху врат монастырских на стену града незримою силою изнесенную, ужасахуся и стояху, зовуще к Ней таковая:

Радуйся, святую икону дати нам изволившая; радуйся, покров ю быти нам обещавшая.

Радуйся, любовь Твою к обители нашей показавшая; радуйся, благое о ней промышление явившая.

Радуйся, помощь наша в чуждей стране; радуйся, в странствии нашем утешение.

Радуйся, Божие к нам благоволение; радуйся, наше к Богу дерзновение.

Радуйся, слез наших избавление; радуйся, сирых нас защитнице.

Радуйся, ограждение наше; радуйся, едина радосте наша.

Радуйся, благая Вратарнице, двери райския верным отверзающая.

Кондак 6

Проповедника творящи Гавриила воли Своея, рекла еси к нему, Владычице: «Не приидох хранима быти от вас, но да буду Аз хранительница ваша не токмо в настоящем, но и в будущем веце. Се даю вам знамение: дондеже зрите в монастыре икону Мою, не оскудеет вам благодать Сына Моего и милость, да вопиют Ему вси: Аллилуиа».

Икос 6

Возсия радость велия слышавшим Твоя, Богомати, обетования, и Тебе, Небесней Вратарнице, храм во вратех обители с веселием иноцы воздвигоша и возопиша тако:

Радуйся, хранительнице наша в настоящем веце; радуйся, предстательнице наша в будущем.

Радуйся, страху Божию нас научающая; радуйся, на путь добродетели наставляющая.

Радуйся, дерзновение наша и надеждо; радуйся, упование наше и покров.

Радуйся, благоутробие Сына Своего к нам преклонившая; радуйся, благодать Его неоскудно пребывати с нами возвещающая.

Радуйся, святую икону залогом милости давшая; радуйся, дар чудодействия ей даровавшая.

Радуйся, прилог всякаго зла от обители отражающая; радуйся, всему благому вход отверзающая.

Радуйся, благая Вратарнице, двери райския верным отверзающая.

Кондак 7

Хотящу иногда злочестивому Амире обитель Иверскую разорити и стадо иноков, тамо собранное разсеяти, скоро позна крепкое обители заступление от Богоматере, увидев корабли своя в пучине моря погрязшия и ратники изгибшия. И пришед со смирением, сребро и злато в обитель даяше, молитвы прося. Иноцы же, видевше сия, возопиша к Богу: Аллилуиа.

Икос 7

Новыя и безчисленныя чудеса показа Богомати, в обители оскудение вина, муки и елеа восполняющи, бесныя исцеляющи, хромым хождение дарующи, слепым прозрение и всяк недуг врачующи, да, видяще чудеса сия, воспевают Тебе:

Радуйся, взбранная Воеводо, враги побеждающая; радуйся, скорая на помощь призывающим Тя.

Радуйся, не презирающая моления нашего; радуйся, обещания Своего не отступающая.

Радуйся, скорбь обители в радость претворяющая; радуйся, оскудение обители восполняющая.

Радуйся, слепых прозрение; радуйся, хромых хождение.

Радуйся, всех немощных целительнице; радуйся, всех скорбных утешительнице.

Радуйся, яко не престаеши промысляющи и спасающи нас; радуйся, яко от толиких бед избавляеши нас.

Радуйся, благая Вратарнице, двери райския верным отверзающая.

Кондак 8

Странно покрываемую от иконы Богоматере обитель Иверскую слышав Патриарх Никон, вожделе и Российстей стране благодати Ея стяжати причастие; сего ради, создав обитель в честь славнаго образа, со тщанием испроси изображение чудотворнаго образа Богоматере, да, покровом Ея защищаеми, вопиют Богу: Аллилуиа.

Икос 8

Вся сущи в Вышних, но и нижних не отступающи, благоизволила еси, Богомати, якоже древле преподобному Антонию даровася благословение Горы Афонския на утверждение обители Печерския, даровати и новой обители в стране Российстей благодать Свою, еюже благословила еси Афон, в подобии честнаго образа Твоего. Темже взываем Ти:

Радуйся, страны Российския покрове, ширший облака; радуйся, православныя веры в ней ограждение и утверждение.

Радуйся, Православныя Церкве непоколебимый столпе; радуйся, ересей и расколов обличение.

Радуйся, светлыми лучами чудотворных икон всю страну озаряющая; радуйся, дары исцелений и милостей от них источающая.

Радуйся, врагов устрашение; радуйся, святителей веселие.

Радуйся, иереев похвало; радуйся, иноков наставнице.

Радуйся, всего рода нашего спасение; радуйся, верных утверждение.

Радуйся, благая Вратарнице, двери райския верным отверзающая.

Кондак 9

Всяко тщание имуще о написании честнаго образа милостивыя Вратарницы, сонм постников иверских молебная пения совершает, водою от чудныя иконы омывает дску, на нейже имать изобразитися честный образ, и преподобнаго Иамвлиха освящает, иже, подвизався в посте, молитве и бдении со всею братиею, списа вапы, святою водою и мощами освященными, честное изображение Богоматере, выну моляся и вопия Богу: Аллилуиа.

Икос 9

Вития многовещанныя, яко рыбы безгласныя, видим о Тебе, Богородице: недоумеют бо, како по достоинству похвалити вся чудеса Твоя, явленная роду нашему от святыя Твоея иконы, еще бо на пути в Российскую страну сия чудодействоваше, благочестивому Мануилу повелевая выкуп дати неверным, возбраняющим шествие святыя иконы в страну Русскую, и сугубо ему послежде отдавши. Мы же, дивящеся, верно вопием Ти:

Радуйся, источниче чудес неисчерпаемый; радуйся, всякия милости подательнице.

Радуйся, всегда теплая о нас ходатаице к Богу; радуйся, промышления Его о нас сокровище.

Радуйся, сущим в бедах прибежище; радуйся, скорбящих утешение.

Радуйся, больных исцеление; радуйся, немощных укрепление.

Радуйся, вдов заступление; радуйся, сиротствующих милосердая Мати.

Радуйся, заблуждающих на путь истины обращение; радуйся, грешников к покаянию воззвание.

Радуйся, благая Вратарнице, двери райския верным отверзающая.

Кондак 10

Спасти хотящи многия люди от бед и скорбей, источаеши, Богомати, неоскудный источник милости от Своея иконы роду нашему: се бо и в стольном граде Москве благая Вратарница являешися всем поклоняющимся Тебе, скорое вспоможение подавающи, и в новой обители Иверстей благодати струи от иконы Твоея испущаеши, и во иных градех, обителех и весех чтущим Тя полезное прошение исполняющи. Темже, прославляя Бога, давшаго нам благодать таковую, вопием Ему: Аллилуиа.

Икос 10

Стена еси иноческому чину, Богородице, и всем, к Тебе прибегающим, ибо Небесе и земли Творец, вселься в девственней утробе Твоей, научи всех чистоты и целомудрия ревнителей возглашати Тебе:

Радуйся, девства сосуде избранный; радуйся, чистейший образе целомудрия.

Радуйся, чертоже безсеменнаго уневещения; радуйся, Невесто неневестная.

Радуйся, Сеятеля чистоты рождшая; радуйся, верных Господеви сочетавшая.

Радуйся, в буре искушений скорая помощнице; радуйся, прилоги врага отражающая.

Радуйся, мглу душевредных страстей отгоняющая; радуйся, помыслы очищающая.

Радуйся, земныя сласти презирати научающая; радуйся, к горнему умы и сердца направляющая.

Радуйся, благая Вратарнице, двери райския верным отверзающая.

Кондак 11

Пение всякое побеждается, спростретися тщащееся ко множеству многих щедрот Твоих; равночисленныя бо песка песни аще приносим Ти, Владычице наша Богородице, ничтоже совершаем достойно, яже подаваеши нам, о Тебе вопиющим: Аллилуиа.

Икос 11

Светоприемную свещу, сущим во тьме бед явльшуюся, зрим святую икону Богоматере; невещественный бо огнь благодати приемлющи, лучами чудес всех озаряет, научающи сице взывати Благословенней:

Радуйся, во всяких нуждах скорое вспоможение; радуйся, в печалех быстрое услышание.

Радуйся, от огня, меча и нашествия иноплеменных нас избавляющая; радуйся, от глада и напрасныя смерти нас свобождающая.

Радуйся, от язвы и всегубительства смертнаго нас соблюдающая; радуйся, бедствующим в пути, на суше и на водах внезапное вспоможение.

Радуйся, язв душевных и телесных врачевание; радуйся, оставленных врачми в Свои руце приемлющая.

Радуйся, милосердая утешительнице всех скорбящих и обремененных; радуйся, не отвергающая всех презренных и отверженных.

Радуйся, самых отчаянных из рова погибели исхищающая; радуйся, и мене, обнаженнаго добрых дел, не оставляющая Своим покровом и заступлением.

Радуйся, благая Вратарнице, двери райския верным отверзающая.

Кондак 12

Благодати дати восхотев, долгов древних, всех долгов Решитель человеком, прииде Собою ко отшедшим Того благодати и, раздрав рукописание, дарова нам крепкое Богоблагодатное ходатайство, да вопием вси молитвами Ея: Аллилуиа.

Икос 12

Поюще Твоя чудеса, являемая нам в жизни сей, хвалим Тя, Богородице, яко милости источник неисчерпаемый. Но, припадающе к Тебе пред чудотворною иконою Твоею, молим Тя смиренно: буди нам покров и защищение и в день кончины нашея, и егда имамы предстати на суд страшному престолу Сына Твоего, да вопием Ти:

Радуйся, во славе приседящая престолу Сына Твоего и тамо нас воспоминающая; радуйся, с Сыном Твоим и Богом вечно царствующая и о нас ходатайствующая.

Радуйся, уповающим на Тя конец живота непостыден дарующая; радуйся, безболезненную и мирную кончину устрояющая.

Радуйся, мытарств горьких избавление; радуйся, от власти князя воздушнаго освобождение.

Радуйся, грехов наших непоминовение; радуйся, по Господе упование нам блаженныя жизни.

Радуйся, уповающим на Тя одесную Сына Твоего стояние устрояющая; радуйся, блаженнаго гласа Онаго, Небеснаго Царствия наследие обещающаго, слышати сподобляющая.

Радуйся, благая Мати, всех, чтущих Тя, жити с Собою вселяющая; радуйся, крепкая надеждо вечнаго спасения всем христианом.

Радуйся, благая Вратарнице, двери райския верным отверзающая.

Кондак 13

О, Всепетая Мати, Пресвятая Госпоже Дево Богородице! Призри на нас, приносящих смиренно со слезами малыя сия молитвы пред пречистым Твоим образом и все упование и надежду возложивших на Тя, и избави нас всех бед и напастей в животе сем и будущия изми муки, да, спасаемии Тобою, вопием выну: Аллилуиа.

Этот кондак читается трижды, затем 1-й икос «Ангел предстатель…» и 1-й кондак «Взбранной Воеводе…».

Молитва

О, Пресвятая Дево, Мати Господа, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся пречистому образу Твоему. Се бо, грехми погружаемии и скорбьми обуреваемии, взирающе на Твой образ, яко живей Ти сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о, Мати всех скорбящих и обремененных! Помози нам немощным, утоли скорбь нашу, настави на путь правый нас, заблуждающих, уврачуй и спаси безнадежных, даруй нам прочее время живота нашего в мире и тишине проводити, подаждь христианскую кончину и на Страшнем Суде Сына Твоего явися нам милосердая заступница, да всегда поем, величаем и славим Тя, яко благую заступницу рода христианскаго, со всеми угодившими Богу. Аминь.

Молитва

Краткая история почитания Вратарницы

Иверская икона Божией Матери

Её узнают по характерной детали – кровавый след на лике Матери Божией. Считается, кровь, выступившая от копья фанатика-иконоборца – первое чудо, совершившееся от этой поистине уникальной иконы. Чудотворения не перестают истекать от нее и сейчас.

По преданию, изображение Богородицы, называемое Иверской, восходит к IX в. Оно находилось в домашней церкви одной благочестивой вдовицы близ византийского города Никеи. Шел смутный период иконоборчества. Священные изображения выбрасывались из храмов, уничтожались. Пришли императорские воины и к благочестивой женщине.

Видя большую красивую икону, они потребовали уничтожить святыню, либо заплатить им деньги. Один из солдат, глумясь, ударил образ копьем. Кажется, его даже не смутила кровь, выступившая из сухого дерева. Спасая священное изображение Матери Господа от кощунников, женщина пустила его по воде, предавая судьбу святыни на волю Божию.

Следующее появление чудотворной святыни связано с горой Афон. Близ Иверской обители, основанной монахами из Грузии (Иверии) иноки однажды увидели столп света, поднимавшийся от моря. Внутри него сияла большая икона Богоматери. Взяв лодки, монахи попытались добраться до святыни, однако не смогли, сколько ни старались.

Принять святыню смог только Гавриил, монах из Грузии. Сделать это ему повелела Сама Матерь Божия. Подвижник вошел в воду, но она вдруг сделалась под ним твердой, как суша. Икона же сама оказалась на руках Гавриила.

Потрясенные иверские монахи поместили новообретенную святыню на почетном месте собора. Но прошло небольшое время, и икона исчезла. А вскоре была найдена над вратами обители. Так повторилось не раз, пока Пречистая не явилась Гавриилу со словами:

«Передай братии: Я не хочу, чтобы Меня охраняли, но Сама буду вашей Хранительницей в этой жизни и в будущей. Я испросила вам у Бога Мою милость, и до тех пор, пока будете видеть Мою икону в обители, благодать и милость Сына Моего к вам не оскудеет».

С тех пор образ остался там, где изволила Богородица, и получил наименование «Вратарницы». Иверон, как именуют место пребывания святыни, бережно хранит память о давних событиях. На месте, где Гавриил вышел с иконой на берег, стоит часовня.

Первые списки святыни для России датируются XVII в. С просьбой к афонитам обратился сам патриарх Никон. Известны образы:

для Новодевичьего монастыря Москвы (1648 г.);

для обители на Валдае, посвященной чтимому образу (1656 г.)

В Новодевичьем икона была келейной у постриженной здесь царевны Софии Алексеевны (инокини Сусанны). После революции она находилась в Государственном историческом музее. Валдайский образ с началом революции утрачен.

Интересный факт

Всего же по России за все время, что здесь известна Вратарница, возведено 170 церквей и часовен чудотворного образа, большинство из них сейчас действующие.

Некоторые города России сделали Иверскую своей «Вратарницей», когда на въезде строилась часовня в честь иконы. Среди таких городов:

Москва; часовня на Красной Площади восстановлена к 1995 г.;
Томск; в восстановленной копии Московской часовни находится список образа, специально сделанный монахами-афонитами в 2000-е гг.

Дни празднования Иверской Богородицы

Особые дни праздников связаны с судьбой иконы:

второй день после Пасхи – когда она прибыла на Иверон;
12 (25) февраля – прибытие списка на Валдай (1656);
13 (26) октября – дата, когда список образа встречал царь Алексей Михайлович в столице (1648);
23 апреля (6 мая) – недавно установленное празднование.

Май

2012 года

Список Иверской иконы, выполненный на Афоне и принесенный на Русь в 1648 году, возвращен из фондов Государственного исторического музея в Новодевичью обитель.

О чем молятся перед этим образом Богоматери

об укреплении веры;
о помощи ближним;
о устроении семьи;
об исцелении болезней;
в любой нужде, печали, скорбных обстоятельствах.

Иверская –икона надежды, наверное, как никакая другая. Может быть, потому, что непростой была ее судьба. Едва не уничтоженная, избежавшая потопления, она – символ силы Божией, ведущей к спасению. Победной песнью звучат слова:

«Радуйся, благая Вратарнице, двери райския верным отверзающая».

Наталья Сазонова.

Правила чтения

Молиться Иверскому образу Богородицы и читать акафист можно как в стенах православного храма, так и дома. Можно также заказать молебен в церкви. Для домашней молитвы приобретают копию Иверской иконы и размещают ее на иконостасе. Перед тем, как обращаться к Богоматери, читая акафист, рекомендуется пойти на исповедь, покаяться в грехах и причаститься.

Прочтение акафиста требует неспешности и размеренности. Дома выбирают уединенное место, где молящийся не станет отвлекаться. Традиционно молятся стоя, но если физические возможности человека ограничены, можно читать акафист сидя или лежа.

Перед иконописным ликом Богородицы зажигают свечу или лампаду. Созерцая горящее пламя, человеку легче успокоиться и сосредоточиться на тексте. Читают акафист неторопливо, вдумчиво, с пониманием смысла произнесенных слов. Нельзя во время молебна отвлекаться даже мысленно. Все внимание молящегося должно быть сфокусировано на произносимых словах.

Многократно усилит молебен сорокадневный цикл прочтения акафиста. В этом случае молиться нужно ежедневно, а также посещать службы в храме. Перед началом чтения рекомендуется принять причастие и заручиться благословением священнослужителя. Православным христианам следует вести богоугодную жизнь и отказаться от пагубных пристрастий. Желательно соблюдать пост.

Читать акафист Иверскому образу Богоматери нужно с искренней верой, чистыми помыслами и сопровождать молитвы благодатными мирскими деяниями. Молящийся должен следовать Закону Божию, чтить православные традиции и вести праведный образ жизни. Молитва, преисполненная истинной верой, будет услышана в Царствии Небесном.