Глас 4
Бо́г Госпо́дь, и яви́ся на́м: на гла́с 4. Та́же тропа́рь: Све́тлую воскресе́ния про́поведь: два́жды. Сла́ва, и ны́не, Богоро́дичен: Е́же от ве́ка утае́ное: Та́же обы́чная стихосло́вия псалти́ра.
По 1-м стихосло́вии седа́льны воскре́сны, гла́с 4:
Воззре́вшя на гро́бный вхо́д, и пла́мене а́нгельскаго не терпя́щя мироно́сицы, с тре́петом дивля́хуся, глаго́лющя: егда́ укра́деся отве́рзый разбо́йнику ра́й; еда́ ли воста́, И́же и пре́жде стра́сти пропове́давый воста́ние; вои́стинну воскре́се Христо́с, су́щым во а́де подая́ живо́т, и воскресе́ние.
Сти́х: Воскресни́, Го́споди Бо́же мо́й, да вознесе́тся рука́ Твоя́, не забу́ди убо́гих Твои́х до конца́.
Во́льным Твои́м сове́том Кре́ст претерпе́л еси́, Спа́се: и во гро́бе но́ве челове́цы положи́ша Тя́ сме́ртнии, сло́вом концы́ соста́вльшаго. Те́мже свя́зан бы́сть чу́ждий: сме́рть лю́то пленя́шеся, и су́щии во а́де вси́ взыва́ху живоно́сному воста́нию Твоему́: Христо́с воскре́се, Жизнода́вец пребыва́яй во ве́ки.
Сла́ва, и ны́не, Богоро́дичен: Удиви́ся Ио́сиф, е́же па́че естества́ зря́, и внима́ше мы́слию и́же на руно́ до́ждь, в безсе́меннем зача́тии Твое́м, Богоро́дице, купину́ огне́м неопали́мую, же́зл Ааро́нов прозя́бший, и свиде́тельствуя обру́чник Тво́й и храни́тель, свяще́нником взыва́ше: Де́ва ражда́ет, и по рождестве́ па́ки Де́ва пребыва́ет.
По 2-м стихосло́вии седа́льны воскре́сны, гла́с 4:
Подо́бен: Ско́ро предвари́:
Воскре́сл еси́ я́ко Безсме́ртный от гро́ба, Спа́се, совоздви́гл еси́ ми́р Тво́й си́лою Твое́ю, Христе́ Бо́же на́ш, сокруши́л еси́ в кре́пости сме́рти держа́ву, показа́л еси́, Ми́лостиве, воскре́сeние все́м: те́мже Тя́ и сла́вим, Еди́не Человеколю́бче.
Сти́х: Испове́мся Тебе́, Го́споди, все́м се́рдцем мои́м, пове́м вся́ чудеса́ Твоя́.
С го́рних высо́т соше́д Гаврии́л, и к ка́меню присту́пль, иде́же Ка́мень жи́зни, белонося́й взыва́ше ко пла́чущым: преста́ните вы́ от рыда́ния во́пля, име́ющыя и ны́не ми́лостивное: Его́же бо и́щете пла́чущя, дерза́йте, я́ко вои́стинну воста́л е́сть. Те́мже возопи́йте апо́столом: я́ко воскре́се Госпо́дь, Воста́вшему поклони́теся ра́дость прие́мшя. Дерза́йте у́бо, да дерза́ет у́бо и Е́ва.
Сла́ва, и ны́не, Богоро́дичен: Удиви́шася, Чи́стая, вси́ а́нгелов ли́цы та́инству Твоего́ рожде́ния стра́шному: ка́ко И́же вся́ содержа́й ма́нием еди́нем, объя́тии Твои́ми я́ко челове́к содержава́ется, и прие́млет нача́ло Преве́чный и млеко́м пита́ется, И́же вся́кое дыха́ние пита́яй неизрече́нною бла́гостию; и Тя́ я́ко вои́стинну Бо́жию Ма́терь хва́ляще сла́вят.
По непоро́чных ипакои́, гла́с 4:
Я́же Твоего́ пресла́внаго воста́ния, предте́кшя мироно́сицы, апо́столом пропове́даху Христе́, я́ко воскре́сл еси́ я́ко Бо́г, подая́ ми́рови ве́лию ми́лость.
Степе́нна, гла́с 4. Антифо́н 1, и́хже стихи́ повторя́юще пое́м:
От ю́ности моея́ мно́зи бо́рют мя́ стра́сти, но Са́м мя́ заступи́, и спаси́ Спа́се мо́й.
Ненави́дящии Сио́на, посрами́теся от Го́спода, я́ко трава́ бо огне́м бу́дете изсо́хше.
Сла́ва: Святы́м Ду́хом вся́ка душа́ живи́тся, и чистото́ю возвыша́ется, светле́ется Тро́ическим Еди́нством священнота́йне.
И ны́не, то́йже.
Антифо́н 2:
Воззва́х Тебе́, Го́споди, те́пле, из глубины́ души́ моея́, и мне́ да бу́дут на послуша́ние Боже́ственная Твоя́ ушеса́.
На Го́спода наде́жду вся́к кто́ стяжа́в, вы́шший е́сть все́х скорбя́щих.
Сла́ва: Святы́м Ду́хом то́чатся благода́тныя струи́, напая́ющя вся́ку тва́рь ко оживле́нию.
И ны́не, то́йже.
Антифо́н 3:
Се́рдце мое́ к Тебе́, Сло́ве, да возвы́сится, и да ничто́же услади́т мя́ от мирски́х красо́т на сла́бость.
К ма́тери свое́й я́коже и́мать кто́ любо́вь, ко Го́споду те́пльше любле́нием до́лжни есмы́.
Сла́ва: Святы́м Ду́хом богове́дения бога́тство, зре́ния, и прему́дрости: вся́ бо в се́м оте́ческая веле́ния сло́во открыва́ет.
И ны́не, то́йже.
Проки́мен, гла́с 4: Воскресни́, Го́споди, помози́ на́м, и изба́ви на́с И́мене твоего́ ра́ди. Сти́х: Бо́же, уши́ма на́шима услы́шахом: Вся́кое дыха́ние: Ева́нгeлие воскре́сно. Воскресе́ние Христо́во: Псало́м 50. И про́чая по обы́чаю.
Кано́н воскре́сeн, творе́ние Иоа́нна Дамаскина́.
Пе́снь 1
Ирмо́с: Мо́ря чермну́ю пучи́ну невла́жными стопа́ми, дре́вний пешеше́ствовав Изра́иль, крестообра́зныма Моисе́овыма рука́ма Aмали́кову си́лу в пусты́ни победи́л е́сть.
Припе́в: Сла́ва, Го́споди, Свято́му Воскресе́нию Твоему́.
Возне́слся еси́ на пречи́стем дре́ве кре́стнем, на́ше отпаде́ние исправля́я, е́же на дре́ве исцеля́я всегуби́тельство, Влады́ко, я́ко Бла́г и Всеси́лен.
Во гро́бе пло́тски, во а́де же с душе́ю, я́ко Бо́г: в раи́ же с разбо́йником, и на Престо́ле бы́л еси́, Христе́, со Отце́м и Ду́хом, вся́ исполня́я, Неопи́санный.
Богоро́дичен: Без се́мене О́тчею во́лею от Боже́ственнаго Ду́ха Бо́жия зачала́ еси́ Сы́на, и пло́тию родила́ еси́: И́же из Отца́ без ма́тере, на́с же ра́ди, из Тебе́ без отца́.
Други́й кано́н крестовоскре́сен. Гла́с 4.
Пе́снь 1
Ирмо́с: Отве́рзу уста́ моя́, и напо́лнятся Ду́ха:
Исцели́л еси́ сокруше́ние челове́чества, Го́споди, Боже́ственною Твое́ю Кро́вию обнови́вый то́: и сокруши́л еси́ си́льнаго в кре́пости, и́же дре́вле сокруши́вшаго Твое́ созда́ние.
Ме́ртвых воста́ние, умерщвле́нием бы́л еси́: кре́пость бо отъя́тся умерщвле́ния, бра́вшися с Жи́знию ве́чною, И́же все́ми влады́чествующу воплоще́нному Бо́гу.
Богоро́дичен: Красе́н превы́шши небе́сных си́л, Боже́ственный Тво́й бы́сть Хра́м Одушевле́нный, во утро́бе Ты́ носи́вши Де́во, горо́ свята́я (я́же во утро́бе Тя́ носи́вшая Де́во, гора́ свята́я Твоя́
), Бо́га на́шего.
И́н кано́н Пресвяте́й Богоро́дице, [его́же краестро́чие: Четве́ртая пе́снь Всесла́вней Отрокови́це.] Гла́с 4.
Пе́снь 1
Ирмо́с: Триста́ты кре́пкия, рожде́йся от Де́вы:
Сотрясо́шася лю́дие, смято́шася язы́цы, Ца́рствия же держа́вная уклони́шася, Чи́стая, от стра́ха рождества́ Твоего́: прии́де бо Ца́рь мо́й, и низложи́ мучи́теля, и ми́р от тли́ изба́ви.
Жили́ще Свое́ живы́й в вы́шних, к челове́ком соше́д, освяти́, Христе́, и непоколеби́мо яви́: Еди́на бо по рождестве́ де́вства сокро́вище, Зижди́теля ро́ждши пребыла́ еси́.
Пе́снь 3
Ирмо́с: Весели́тся о Тебе́ Це́рковь Твоя́, Христе́, зову́щи: Ты́ моя́ кре́пость, Го́споди, и прибе́жище, и утвержде́ние.
Дре́во живо́тное, мы́сленный и́стинный виногра́д, на Кресте́ ви́сит, все́м источа́я нетле́ние.
Я́ко вели́к, я́ко стра́шен, я́ко а́дово низло́жь шата́ние, и я́ко Бо́г нетле́нен, ны́не пло́тски воскре́се.
Богоро́дичен: Ты́ еди́на су́щым на земли́, я́же па́че естества́ благи́х Хода́таица, Ма́ти Бо́жия была́ еси́: те́мже Ти́, ра́дуйся, прино́сим.
И́н Ирмо́с: Твоя́ песносло́вцы, Богоро́дице:
Я́дом испо́лненный мне́ (я́дом испо́лнены в мя́
) зми́й зу́бы вонзе́, Спа́се, я́же Вседержи́телю Влады́ко, гвоздьми́ ру́к Твои́х сокруши́л еси́: я́ко не́сть свя́т во святы́х, па́че Тебе́, Человеколю́бче.
Ви́ден бы́л еси́ Человеколю́бче во́лею во гро́бе ме́ртв, Животво́рче, и врата́ разве́ргл еси́ а́дова, я́же от веко́в душа́м: я́ко не́сть свя́т во святы́х ра́зве Тебе́, Человеколю́бче.
Богоро́дичен: Неора́на бразда́ яви́лася еси́, кла́с живо́тный ро́ждши, все́м причаща́ющымся безсме́ртию Хода́тая, во святы́х Свята́го свя́то почива́ющаго.
И́н Ирмо́с: С высоты́ снизше́л еси́ во́лею на зе́млю:
Очища́ется челове́ков существо́, Тобо́ю присовоку́пльшееся нестерпи́мому Боже́ственному Огню́: я́ко сокрове́нный, Пречи́стая Де́во, в Тебе́ хле́б испе́кшееся, И́же и Тебе́ неврежде́нну сохра́ншему.
Ка́я сия́ я́же вои́стинну бли́з Бо́га; я́ко превозше́дши вся́ а́нгельския чи́ны, еди́на добро́тою де́вства, я́ко Ма́ти сия́ющи Вседержи́теля.
Пе́снь 4
Ирмо́с: Вознесе́на Тя́ ви́девши це́рковь на Кресте́, Cо́лнце пра́ведное, ста́ в чи́не свое́м, досто́йно взыва́ющи: сла́ва си́ле Твое́й, Го́споди.
Возше́л еси́, стра́сти моя́ исцеля́я, на Кре́ст стра́стию Пречи́стыя пло́ти Твоея́, в ню́же во́лею обле́клся еси́. Те́мже Ти́ взыва́ем: сла́ва си́ле твое́й, Го́споди.
Безгре́шнаго сме́рть вкуси́вши, Животворя́щаго Те́ла Твоего́, досто́йно Влады́ко умертви́ся: мы́ же вопие́м Ти́, сла́ва си́ле Твое́й, Го́споди.
Богоро́дичен: Неискусобра́чно родила́ еси́ Де́во, и по рождестве́ яви́лася еси́ де́вствующи па́ки: те́мже немо́лчными гла́сы, е́же ра́дуйся Тебе́, Влады́чице, ве́рою несумне́нною взыва́ем.
И́н Ирмо́с: Неизсле́дный Бо́жий сове́т:
Взако́нен сы́й Изра́иль, Тебе́, Христе́, взако́нившаго Бо́га не позна́: но я́ко беззако́нника, законопреступа́я, на Кресте́ пригвозди́, и́же законоположе́нию недосто́йный.
Обоже́на Твоя́, Спа́се, Душа́, а́дова сокро́вища плени́вши, я́же от ве́ка совоскреси́ ду́шы: живоно́сное же Те́ло все́м нетле́ние источи́.
Богоро́дичен: Тебе́, Присноде́ву и и́стинную Богоро́дицу вси́ сла́вим, Ю́же прообразова́ше богови́дцу Моисе́ю неопа́льно, Пречи́стая, купина́, огню́ примеси́вшися.
И́н Ирмо́с: Седя́й в сла́ве:
Поживе́ с челове́ки, ви́димь бы́в Неви́димый, во зра́це сы́й Непостижи́маго Божества́, и вообра́жься из Тебе́, Отрокови́це, в чужде́е, ве́дущих Тя́ чи́стую Богома́терь спаса́ет.
Прия́т в веще́ственне Де́ва Невеще́ственнаго, в прича́стии вещества́, Младе́нца от Нея́ бы́вша. Те́мже во дву́ существу́, Еди́н познава́ется плотоно́сец Бо́г, и Челове́к Пресу́щественный.
По Рождестве́ Тя Де́ву, И́же в Де́ву Тя́ всели́ся, и ро́ждься без се́мене, Сло́во и Бо́г пребы́сть, и в рождестве́ Де́ву сохрани́, я́ко Влады́ка и Зижди́тель всея́ тва́ри.
Пе́снь 5
Ирмо́с: Ты́, Го́споди мо́й, Све́т в ми́р прише́л еси́, Све́т Святы́й, обраща́яй из мра́чна неве́дения ве́рою воспева́ющыя Тя́.
Ты́, Го́споди, к земли́ ми́лостивно соше́л еси́: Ты́ возне́сл еси́ па́дшее челове́ческое существо́, на дре́ве воздвиза́ем.
Ты́ взя́л ми́ еси́, Христе́, прегреше́ний осужде́ние: Ты́ разруши́л еси́ боле́зни сме́ртныя, Ще́дре, Боже́ственным воскресе́нием Твои́м.
Богоро́дичен: Тя́ ору́жие непобеди́мое на враги́ предлага́ем, Тя́ утвержде́ние, и наде́жду на́шего спасе́ния, Богоневе́сто, стяжа́хом.
И́н Ирмо́с: Ужасо́шася вся́ческая о Боже́ственней:
Прия́т Тя́ всего́ усты́ а́д безу́мный: на Кресте́ бо пригвожде́на Тя́ ви́дев, копие́м прободе́на, бездыха́нна, Жива́го Бо́га, про́ста вменя́ше челове́ка. Разуме́ же искуси́вый кре́пость Твоего́ Божества́.
Разруше́ный, Человеколю́бче, Хра́м Твоего́ Телесе́, гро́б раздели́вый и а́д нево́лею о́ба суда́ истязу́еми су́ть (о́ба истязу́етася
): о́в у́бо святы́х Твои́х ду́шы, телеса́ же други́й соотсыла́юще, Безсме́ртне.
Богоро́дичен: Се́ ны́не испо́лнися проро́ческое прорече́ние: Ты́ бо, Неискусобра́чная Де́во, име́ла еси́ во утро́бе над все́ми Бо́га и родила́ еси́ Безле́тнаго Сы́на, все́м воспева́ющым Тя́, ми́р подава́юща.
И́н Ирмо́с: Ны́не воста́ну:
До́м Тя́ сла́вы, Го́ру Бо́жию Святу́ю, Чи́стая, Неве́сту, Черто́г, Хра́м освяще́ния, Сы́н Бо́жий, в Тя́ всели́вся, и ра́й сла́дости присносу́щныя на́м соде́ла.
Пло́ть от кро́ве Де́вственныя прия́л еси́, Христе́, Безсе́менну, Пречи́сту, Ипоста́сну, и слове́сну и у́мну, одушевле́нну, де́йственну, хоте́тельну, Самовлады́чну и Самовла́стну.
Мучи́телей ра́зум Де́вственное посрами́ чре́во: Младе́нец бо я́зву а́спидную душегу́бную испыта́ руко́ю, и отсту́пника го́рдаго низло́жив, ве́рных под но́зе покори́.
Пе́снь 6
Ирмо́с: Пожру́ Ти со гла́сом хвале́ния, Го́споди, Це́рковь вопие́т Ти́, от бесо́вския кро́ве очи́щшися, ра́ди ми́лости от ре́бр Твои́х исте́кшею Кро́вию.
Возше́л еси́ на Кре́ст, си́лою препоя́сався, и сопле́тся с мучи́телем я́ко Бо́г, с высоты́ све́ргл еси́, Ада́ма же непобеди́мою си́лою воскреси́л еси́.
Воскре́сл еси́ блиста́яйся кра́сный из гро́ба, Христе́, и разгна́л еси́ вся́ враги́ Боже́ственною си́лою Твое́ю, и вся́ я́ко Бо́г, весе́лия испо́лнил еси́.
Богоро́дичен: О чу́до все́х чуде́с нове́йшее! Я́ко Де́ва во утро́бе, вся́ческая обдержа́щаго неискусому́жно заче́нши, не тесновмести́.
И́н Ирмо́с: Приидо́х во глубины́ морски́я:
Отве́рзе горта́нь сво́й а́д, и пожре́ мя, и ду́шу разшири́ безу́мный: но Христо́с соше́д, возведе́ жи́знь мою́, я́ко Человеколю́бец.
Поги́бе сме́ртию сме́рть, уме́рый бо воскре́се, нетле́ние мне́ да́руя: я́влься же жена́м провеща́ ра́дость Безсме́ртный.
Богоро́дичен: Нестерпи́маго Божества́ вмести́лище чи́стое утро́ба Твоя́ яви́ся, о Богоро́дице! Е́же без стра́ха небе́снии чи́нове воззре́ти не возмого́ша.
И́н Ирмо́с то́йже.
Дре́вле у́бо прельсти́ мя зми́й, и умори́ мя, прама́терию мое́ю Е́вою: ны́не же, Чи́стая, Тобо́ю созда́вый мя́ из истле́ния воззва́.
Бе́здна Тя́ бе́здну неизрече́нно благоутро́бия, Отрокови́це, избра́нную показа́ чуде́с: и́бо из Тебе́ мо́лниею Божества́, би́сер Христо́с возсия́.
Конда́к, гла́с 4. Подо́бен: Яви́лся еси́ дне́сь:
Спа́с и Изба́витель мо́й, из гро́ба я́ко Бо́г воскреси́ от у́з земноро́дныя, и врата́ а́дова сокруши́, и я́ко Влады́ка воскре́се тридне́вен.
И́кос: Воскре́сшаго из ме́ртвых, Христа́ Жизнода́вца тридне́вна из гро́ба, и врата́ сме́ртная дне́сь сокру́шшаго си́лою Свое́ю, и а́да умертви́вшаго, и жа́ло сме́ртное сте́ршаго, и Ада́ма со Е́вою свободи́вшаго, воспои́м вси́ земноро́днии, вопию́ще хвалу́ приле́жно: То́й бо я́ко Еди́н Кре́пкий, Бо́г и Влады́ка, воскре́се тридне́вен.
Пе́снь 7
Ирмо́с: В пещи́ Авраа́мстии о́троцы перси́дстей любо́вию благоче́стия па́че, не́жели пла́менем опаля́еми взыва́ху: благослове́н еси́ в хра́ме Сла́вы Твоея́, Го́споди.
К нетле́нию челове́чество призва́ся, Боже́ственною измове́но Кро́вию Христо́вою, благода́рно воспева́ющее: благослове́н еси́ в хра́ме Сла́вы Твоея́, Го́споди.
Я́ко Живоно́сец, я́ко рая́ красне́йший вои́стинну, и черто́га вся́каго ца́рскаго показа́ся светле́йший, Христе́, гро́б Тво́й, исто́чник на́шего воскресе́ния.
Богоро́дичен: Вы́шняго освяще́нное Боже́ственное селе́ние, ра́дуйся, Тобо́ю бо даде́ся ра́дость, Богоро́дице, зову́щым: благослове́на Ты́ в жена́х еси́, Всенепоро́чная Влады́чице.
И́н Ирмо́с: Не послужи́ша тва́ри богому́дрии па́че Созда́вшаго:
Смири́л еси́ на дре́во воздвиза́емь, о́ко высо́кое, и превознесе́нную бро́вь на зе́млю низложи́л еси́, спасы́й челове́ка: Препе́тый отце́в Госпо́дь и Бо́г благослове́н еси́.
Си́лою Твое́ю ро́г на́ш возвы́си служа́щих Ти́, воскресы́й из ме́ртвых, и а́дово истощи́вый пре́жде многочелове́чное бога́тство, Влады́ко: Препе́тый отце́в Госпо́дь и Бо́г благослове́н еси́.
Тро́ичен: Рече́нием Боже́ственным после́дующе, сла́вим Еди́но Божество́, я́ко в Трие́х Све́тех Неслия́нно, Непресеко́мо, пла́мень ве́чный просвеща́ющий всю́ тва́рь, зову́щую: Бо́же, благослове́н еси́.
И́н Ирмо́с: Ю́ношы три́ в Вавило́не:
Привлачи́т мя́ к пе́нию любо́вь де́вственная, о́гнь (любве́ де́вственныя о́гнь
), и́же в се́рдцы, вопи́ти Ма́тери и Де́ве: Благослове́нная, Госпо́дь си́лам с Тобо́ю.
Превы́шши тва́ри яви́лася еси́, я́ко Творца́ ро́ждши и Го́спода. Те́мже Ти́ вопию́, Богоро́дице: Благослове́нная, Госпо́дь си́лам с Тобо́ю.
Тро́ичен: Госпо́дьство Тя́ Еди́но чты́й, в Трие́х Свяще́ниих Неразде́льно, воспева́ю Триипоста́сное Естество́, Благослове́нная, взыва́я Тебе́, Я́же вся́ управля́ющая.
Пе́снь 8
Ирмо́с: Ру́це распросте́р Дании́л, льво́в зия́ния в ро́ве затче́: о́гненную же си́лу угаси́ша, доброде́телию препоя́савшеся, благоче́стия рачи́тели о́троцы, взыва́юще: благослови́те вся́ дела́ Госпо́дня Го́спода.
Ру́це распросте́р на Кресте́, язы́ки вся́ собра́л еси́, и еди́ну яви́л еси́, Влады́ко, Це́рковь воспева́ющую Тя́, земну́ю и небе́сную (земны́м и небе́сным
), согла́сно пою́щым: благослови́те вся́ дела́ Госпо́дня Го́спода, по́йте и превозноси́те Его́ во ве́ки.
Белообра́зен яви́ся жена́м, непристу́пным све́том воскресе́ния блиста́яйся а́нгел, что́ Жива́го во гро́бе, вопия́, и́щете я́ко ме́ртва; вои́стинну воста́ Христо́с, Ему́же вопие́м: вся́ дела́ по́йте Го́спода, и превозноси́те во вся́ ве́ки.
Богоро́дичен: Ты́ Еди́на во все́х ро́дех, Де́во Пречи́стая, Ма́ти яви́лася еси́ Бо́жия: Ты́ Божества́ была́ еси́ жили́ще Всенепоро́чная, не опа́льшися огне́м Непристу́пнаго Све́та. Те́мже вси́ Тя благослови́м, Мари́е Богоневе́сто.
И́н Ирмо́с: О́троки благочести́выя в пещи́:
Непра́ведное ви́дящи заколе́ние Твое́ тва́рь, омрача́ющися рыда́ше: земли́ бо смуща́ющейся, во мра́к я́ко в ри́зу че́рну со́лнце облече́ся: мы́ же Тя́ непреста́нно пое́м, и превозно́сим, Христе́, во ве́ки.
Сше́дый ко мне́ да́же до а́да, и все́м путесотвори́вый воскресе́ние, па́ки возше́л еси́, взе́м мя́ на ра́му Твое́ю, и Отцу́ приве́л еси́. Те́мже зову́ Ти: Го́спода по́йте дела́, и превозноси́те во вся́ ве́ки.
Тро́ичен: Ума́ Пе́рваго и вино́внаго все́х, Отца́ Еди́наго Безвино́внаго сла́вим, Сло́ва же Безнача́льнаго, и Ду́ха Уте́шителя, Еди́наго Бо́га все́х, Тро́ице сра́сленней покланя́ющеся, и превознося́ще во вся́ ве́ки.
И́н Ирмо́с: Изба́вителю все́х Всеси́льне:
От ребра́ Ада́мова созда́вый Тя́, от Твоего́ де́вства воплоти́ся, И́же все́х Госпо́дь, Его́же пою́ще, вопие́м: вся́ дела́ благослови́те, по́йте Го́спода, и превозноси́те Его́ во ве́ки.
В се́ни Авраа́м узре́, е́же в Тебе́, Богоро́дице, та́инство, Сы́на бо Твоего́ Безпло́тнаго прия́т, поя́: вся́ дела́ благослови́те, по́йте Го́спода, и превозноси́те Его́ во ве́ки.
Равночи́сленныя Тро́ицы спасло́ е́сть Твоего́ Де́вства проображе́ние: в де́вственных бо телесе́х попира́ху пла́мень Отрокови́це, вопию́ще: благослови́те, по́йте Го́спода, и превозноси́те Его́ во ве́ки.
Пе́снь 9
Ирмо́с: Ка́мень нерукосе́чный, от несеко́мыя горы́ Тебе́, Де́во, краеуго́льный отсече́ся, Христо́с, совокупи́вый разстоя́щаяся естества́. Те́м веселя́щеся Тя́, Богоро́дице, велича́ем.
Всего́ мя восприя́л еси́ ве́сь в совокупле́нии несли́тно, всему́ ми дая́, Бо́же мо́й, спасе́ние стра́стию Твое́ю, ю́же на Кресте́ претерпе́л еси́ теле́сне, благоутро́бия ра́ди мно́гаго.
Твои́ ученицы́ зря́ще отве́рзен гро́б Тво́й, и богоно́сныя плащани́цы испражне́ны воскресе́нием Твои́м, со а́нгелом глаго́лаху: вои́стинну воста́ Госпо́дь.
Тро́ичен: Еди́нице у́бо Боже́ственнаго Существа́, но Ипоста́сьми Тро́ице, вси́ ве́рнии покланя́ющеся, в неслия́нных Ипоста́сех Равноси́льную Единоче́стную ны́не благочту́ще велича́ем.
И́н Ирмо́с: Вся́к земноро́дный:
Льсти́вно попо́лз зми́й, из Еде́ма поя́т мя́ плене́на: на кра́ниевем же тве́рдем ка́мени разби́ сего́ Вседержи́тель Госпо́дь, я́коже младе́нца: и сла́дости па́ки мне́ вхо́д дре́вом кре́стным отве́рзе.
Положи́л еси́ кре́пкия вра́жия тверды́ни ны́не в запусте́ние: всеси́льнейшею же руко́ю бога́тство его́ расхи́тил еси́ из истоща́ний а́довых совоскреси́вый мя́ Христе́, и дре́вле безме́рно хва́лящагося я́ко сме́х руга́ема яви́л еси́.
Прииди́, ни́щих люде́й Твои́х озлобле́ние посеща́я, ми́лостивною же и держа́вною Твое́ю руко́ю укрепи́ крестоно́сныя лю́ди, Твое́ изря́дное достоя́ние, Христе́, я́ко Человеколю́бец.
И́н Ирмо́с: Сокрове́нное Бо́жие неизрече́нное в Тебе́:
Зри́м я́ко кри́н Тя́ ри́зою обагре́ною укра́шену, Пречи́стая, Боже́ственнаго Ду́ха, посреде́ те́рния сия́ющу, и благоуха́ния исполня́ющу, и́же Тебе́ и́скренно велича́ющих.
Тле́нное прии́м челове́ческое естество́ из Твоего́, Всенепоро́чная, чре́ва Нетле́нный. В Себе́ показа́ нетле́нно, за благоутро́бие: те́мже Тя́ я́ко Богоро́дицу велича́ем.
Я́же все́ми влады́чествующи тва́рьми, лю́дем Твои́м да́руй побе́дное одоле́ние, врага́ полага́ющи примири́тельна це́ркви: да Тя́ я́ко Богоро́дицу велича́ем.
По катава́сии ектениа́, и Свя́т Госпо́дь Бо́г на́ш: Посе́м свети́лен. Сла́ва, и ны́не, Богоро́дичен.
На хвали́тех стихи́ры воскре́сны, гла́с 4:
Сти́х: Сотвори́ти в ни́х су́д напи́сан: сла́ва сия́ бу́дет все́м преподо́бным Его́.
Кре́ст претерпе́вый и сме́рть, и воскресы́й из ме́ртвых, Всеси́льне Го́споди, сла́вим Твое́ Воскресе́ние.
Сти́х: Хвали́те Бо́га во святы́х Его́, хвали́те Его́ во утверже́нии си́лы Его́.
Кресто́м Твои́м, Христе́, от дре́вния кля́твы свободи́л еси́ на́с, и сме́ртию Твое́ю естество́ на́ше му́чащаго диа́вола упраздни́л еси́: воста́нием же Твои́м ра́дости вся́ испо́лнил еси́. Те́мже вопие́м Ти́: воскресы́й из ме́ртвых, Го́споди, сла́ва Тебе́.
Сти́х: Хвали́те Его́ на си́лах Его́, хвали́те Его́ по мно́жеству вели́чествия Его́.
Твои́м Кресто́м, Христе́ Спасе́, наста́ви на́с на и́стину Твою́, и изба́ви на́с от се́тей вра́жиих, воскресы́й из ме́ртвых, возста́ви ны́ па́дшыяся грехо́м, просте́р ру́ку Твою́, Человеколю́бче Го́споди, моли́твами святы́х Твои́х.
Сти́х: Хвали́те Его́ во гла́се тру́бнем, хвали́те Его́ во псалти́ри и гу́слех.
Оте́ческих Твои́х не́др не разлучи́вся, Единоро́дный Сло́ве Бо́жий, прише́л еси́ на зе́млю за Человеколю́бие, челове́к бы́в непрело́жен, и кре́ст и сме́рть претерпе́л еси́ пло́тию, безстра́стный Божество́м: воскре́с же из ме́ртвых, безсме́ртие по́дал еси́ ро́ду челове́ческому, я́ко Еди́н Всеси́лен.
И́ны стихи́ры Анато́лиевы, гла́с то́йже.
Сти́х: Хвали́те Его́ в тимпа́не и ли́це, хвали́те Его́ во стру́нах и орга́не.
Сме́рть прия́л еси́ пло́тию, на́м безсме́ртие хода́тайствуя, Спа́се, и во гро́б всели́лся еси́, да на́с от а́да свободи́ши, воскреси́в с Собо́ю: пострада́ у́бо я́ко челове́к, но воскре́с я́ко Бо́г. Сего́ ра́ди вопие́м: сла́ва Тебе́, Жизнода́вче Го́споди, Еди́не Человеколю́бче.
Сти́х: Хвали́те Его́ в кимва́лех доброгла́сных, хвали́те Его́ в кимва́лех восклица́ния: вся́кое дыха́ние да хва́лит Го́спода.
Ка́мение распада́шеся, Спа́се, егда́ на ло́бнем Кре́ст Тво́й водрузи́ся, устраши́шася а́довы вра́тницы, егда́ во гро́бе я́ко ме́ртв положе́н бы́л еси́: и́бо сме́ртную упраздни́вый кре́пость, уме́ршым все́м нетле́ние по́дал еси́ воскресе́нием Твои́м, Спа́се, Жизнода́вче Го́споди, сла́ва Тебе́.
Сти́х: Воскресни́, Го́споди Бо́же мо́й, да вознесе́тся рука́ Твоя́, не забу́ди убо́гих Твои́х до конца́.
Возжеле́ша жены́ ви́дети Твое́ воскресе́ние, Христе́ Бо́же, прии́де предва́рши Мари́а Магдали́на, обре́те ка́мень отвале́н от гро́ба, и а́нгела седя́ща, и глаго́люща: что́ и́щете жива́го с ме́ртвыми: воскре́се я́ко Бо́г, да спасе́т вся́ческая.
Сти́х: Испове́мся Тебе́, Го́споди, все́м се́рдцем мои́м, пове́м вся́ чудеса́ Твоя́.
Где́ е́сть Иису́с, Его́же вмени́сте стрещи́, рцы́те иуде́и; где́ е́сть, Его́же положи́сте во гро́бе, ка́мень запечатле́вше; дади́те ме́ртва, и́же живота́ отве́ргшиися: дади́те погребе́ннаго, или́ ве́руйте воскре́сшему. А́ще и вы́ умолчите́ Госпо́дне воста́ние, ка́мение возопие́т, па́че же отвале́нный от гро́ба. Вели́кая Твоя́ ми́лость, ве́лие та́инство смотре́ния Твоего́, Спа́се на́ш, сла́ва Тебе́.
Сла́ва, стихи́ра у́тренняя ева́нгельская. И ны́не, Богоро́дичен: Преблагослове́нна еси́: Славосло́вие вели́кое. По славосло́вии тропа́рь воскре́сен:
Воскре́с из гро́ба, и у́зы растерза́л еси́ а́да, разруши́л еси́ осужде́ние сме́рти, Го́споди, вся́ от сете́й врага́ изба́вивый: яви́вый же Себе́ апо́столом Твои́м, посла́л еси́ я́ на про́поведь, и те́ми ми́р Тво́й по́дал еси́ вселе́нней, еди́не Многоми́лостиве.
Та́же ектении́, и отпу́ст. Посе́м ча́с пе́рвый, и про́чее обы́чное, и коне́чный отпу́ст.
LiveInternetLiveInternet
Denis_DK
все записи автора
Светлая проповедь воскресения. Глас четвертый
В субботу вечером, в воскресенье утром
Богородичен Догматик: «Иже Тебе ради богоотец пророк Давид песненно о Тебе провозгласи, величия Тебе сотворшему: предста царица одесную Тебе. Тя бо Матерь, ходатаицу живота показа, без отца из Тебе вочеловечитися благоволивый Бог, да Свой паки обновит образ, истлевший страстьми, и заблуждшее горохищное обреет овча, на рамо восприим, ко Отцу принесет, и своему хотению, с небесными совокупит силами, и спасет, Богородице, мир, Христос, имеяй велию и богатую милость». — Пророк Давид, ставший через Тебя, Богородица, богоотцом (т.е. предком Спасителя, т.к. Дева Мария происходила из рода Давида), возвеличил Тебя и песненно (греч. «мелодикос») провозгласил (в 44-м псалме) о Тебе: «стала Царица одесную Тебя» (Пс. 44, 10). Ибо Тебя явил ходатаицей жизни Бог, Который изволил без отца вочеловечиться от Тебя, чтобы обновить Свой образ (т.е. человека, который создан по образу и подобию Бога), истлевший (букв. «разложившийся») страстями, и потерявшуюся похищенную в горах (т.е. украденное или съеденное дикими хищниками в горах, где на востоке нередко пасли домашний скот) овцу (т.е. человека, отпавшего от Бога грехами), взяв на плечи, принесет к Отцу и к Себе, соединит с небесными силами (ангелами), и спасет, Богородице, мир, Христос, обладающий огромным богатством милости.
Стихира на стиховне. «Господи, восшед на Крест, прадеднюю нашу клятву потребил еси, и сошед во ад, вечныя узники свободил еси, нетление даруя человеческому роду, сего ради поющее славим животворящее и спасительное Твое восстание». — Господи, взойдя на Крест, Ты уничтожил проклятие наших прародителей (Адама и Евы), а сойдя в ад, Ты освободил заключенных там навечно, даруя человечеству нетление, поэтому мы поя славим Твое спасительное восстание (Воскресение).
Тропарь воскресный
«Светлую воскресения проповедь от ангела уведевша Господни ученицы, и прадеднее осуждение отвергша, апостолом хвалящееся глаголаху: испровершжеся смерть, воскресе Христос Бог, даруяй мирови велию милость». — Светлую (блистательную) проповедь (весть, греч. «киригма») о воскресении, ученицы Господа (жены-мироносицы), узнав от ангела и отвергнув праотеческое осуждение, возвестили апостолам: уничтожена смерть, воскрес Христос Бог, дарующий миру великую милость.
Канон на утрени. Ирмос 1-й песни: «Моря чермную пучину невлажными стопами, древний пешешествовав Израиль, крестообразными моисеовыма рукама амаликову силу в пустыни победил есть». — Древние израильтяне перешли по суху пучину Красного моря и тем, что Моисей сложил крестообразно руки победили силу амаликитян в пустыни. — В этом ирмосе вспоминается сражение евреев под предводительством Моисея с племенем амаликитян в Рефедиме (Исх. 17, 8-16), во время сорокалетнего странствования в пустыне. Во время этой битвы Моисей взошел на вершину холма, и когда он поднимал руки «одолевал Израиль, а когда опускал руки свои, одолевал Амалик» (Исх. 17, 11). Тропарь 2-й. «Во гробе плотски, во аде же с душею, яко Бог, в раи же с разбойником, и на престоле был еси Христе, со Отцем и Духом, вся исполняя неописанный». — В этом тропаре исповедуется тайны вездеприсутствия Бога Богочеловечества Спасителя. Господь Иисус Христос страдал на кресте и был погребен как Человек и как Бог пребывал в вечности как Второе Лицо Святой Троицы с Богом Отцом и Святым Духом и сошел в ад для освобождения всех прежде умерших праведников.
Тропарь 3-й песни: «Змей вонзил в меня свои зубы исполненные яда, но Ты, Вседержитель Владыка, сокрушил их Своими ранами от гвоздей распятия, потому что нет Святого среди святых, более Тебя, Человеколюбец».
Ирмос 6-й песни: «Пожру Ти со гласом хваления Господи, Церковь вопиет Ти, от бесовския крове очищшися, ради милости от ребр Твоих истекшею кровию». — «Я принесу Тебе жертву с гласом хваления, Господи» — взывает Тебе Церковь, очистившаяся от демонской крови (букв. — кровь из раны, зараженная кровь), милостью истекшей из Твоих ребр кровью (после смерти Спасителя на Кресте один из воинов пронзил Его копьем и из раны истекла кровь и вода).
Ирмос 8-й песни: «Руце распростер Даниил, львов зияния в рове затче: огненную же силу угасиша добродетелию препоясавшееся благочестия рачители отроцы взывающее: благословите вся дела Господня Господа». — Во рву Даниил движением руки заткнул пасти львов, а отроки, рачители благочестия, препоясавшись добродетелью, угасили силу огня взывая: благословите все дела Господня Господа. — Здесь вспоминаются события, описанные в книге святого пророка Даниила в третьей главе.
Ирмос 9-й песни: «Камень нерукосечный от несекомыя горы, Тебе Дево, краеугольный отсечеся, Христос, совокупивый разстоящаяся естества. Тем веселящееся Тя, Богородице, величаем». — От неделимой горы (т.е. от Девы Марии, «несекомая гора» — метафора, указывающая на невозможность деторождения для Девы) отделился нерукотворный (указание на безмужное рождение Спасителя и краеугольный (т.е., самый важный) Камень — Христос, соединивший в Своей богочеловеческой личности прежде далекие (в духовном смысле) человеческое и божественное существа. Поэтому, мы веселясь, величаем Тебя, Богородица!
В воскресенье вечером, в понедельник утром
Ирмос 1-й песни канона на утрени: «Тристаты крепкия, рождейся от Девы, безстрастия во глубине, души тричастное потопи, молюся, да Тебе яко в тимпане, во умерщвлении телесе победное воспою пение». — Тристаты — слово из греческого перевода Библии, вошедшее и в ее церковнославянский перевод. Этим словом обозначались команды боевых колесниц, состоявших из трех бойцов: кучера, стрелка и щитоносца. Именно такие колесницы гнались за евреями и были потоплены божественной силой на дне Красного моря (Исх. 15). В данном ирмосе события перехода евреев через Красное море лишь подразумеваются. С «крепкими тристатами» здесь сравниваются недуги души — «тричастное души» — очевидно, намек на мысль святого апостола Иоанна Богослова о трех главных пороках души: похоть плоти, похоть очей и гордость житейская (1 Ин. 2,16). В этом ирмосе мы призываем «Рожденного от Девы» (т.е. Господа Иисуса Христа) утопить наши пороки души в «глубине бесстрастия», чтобы, имея умерщвленную плоть (и похоть плоти), как на тимпане (музыкальный инструмент), мы воспели Богу песнь.
В понедельник вечером, во вторник утром.
Покаянная стихира на Господи воззвах: «Душа моя! Поревнуй хананеянке, прикоснись Христу и часто взывай: Помилуй меня, о Владыка! Имею детище — бесчинную беснующуюся плоть. Отними от нее разжение, молюсь, и утолив бесчинные взыграния, соделай мертвой Твоим страхом молитвами пречисто Родшей Тебя, Христе и всех святых, Многомилостивый Благодетель!
Во вторник вечером, в среду утром
На утрени, тропарь 6-й песни канона Божией Матери: «Поле возрастившее божественный Колос, не презри мою душу, ослабленную и изнемогшую от голода по божественным делам, но напитай божественной благодатью Твоего Сына».
В среду вечером, в четверг утром.
На утрени тропарь 6-й песни канона святым апостолам: «Доброго пастыря богоизбранные овечки, рассеянные по миру, верой всякое зверство волков претворили в кротость агнцев».
В четверг вечером, в пятницу утром
На утрени тропарь 8-й песни канона мученикам: «Всекрасные мученики! Как на колесницу вы воссели на кровь свою, и были взяты в премирные (обители), принимая от Христа достойные почести, «Господа пойте» — вопиюще — «и превозносите во все века!».
В пятницу вечером, в субботу утром
На утрени стихира на стиховне: «Для верующих в Тебя смерть — это сон, потому что Ты, положен в гробе, владеющий всем, разорил власть смерти и упразднил ее многолетнее насилие. Мы молимся Тебе: умерших учини в радости Твоих святых и в светлости праведных!».
Диакон Павел Бубнов, кандидат богословия
