История праздника Преображения Господнего
Знаменательный эпизод из жизни Спасителя описали евангелисты Лука, Марк и Матфей. Во время путешествия с учениками Иисус пророчествовал о том, что некоторые из них увидят Царство Божие при жизни. По пути им встретилась гора. Спаситель сказал близким ученикам Петру, Иакову и Иоанну следовать за ним. Вчетвером они поднялись на вершину.
Ученики молились вместе с Иисусом. Вдруг лицо Учителя озарилось Божественным светом, а его одежда засияла ярче и белее снега. Они увидели рядом со Спасителем пророков Илию и Моисея, которые предрекли Ему жертвенное окончание жизни в Иерусалиме.
Восхищенный Петр пожелал поставить в честь явления три кущи — постройки, в которых, по иудейской традиции, отмечали праздник Суккот. В это время над вершиной горы проплывало облако. Из него раздался Глас Божий и велел слушать Сына своего, в котором являет Свою Волю. По пути вниз Иисус запретил ученикам рассказывать об увиденном до дня Его Воскресения.
Событие стали почитать как праздник Преображения Господнего в IV веке. Торжество сначала праздновали только христиане Востока. Византийские императоры способствовали распространению обычая во всем христианском мире. В средиземноморских странах праздник Преображения Господнего заменил прославление в честь окончания сбора урожая языческого бога виноделия Вакха.
Молитвословия
Тропарь, глас 7
Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́, я́коже можа́ху,/ да возсия́ет и на́м, гре́шным, Све́т Тво́й присносу́щный// моли́твами Богоро́дицы, Светода́вче, сла́ва Тебе́.
Кондак, глас тот же
На горе́ преобрази́лся еси́,/ и я́коже вмеща́ху ученицы́ Твои́, сла́ву Твою́, Христе́ Бо́же, ви́деша,/ да егда́ Тя́ у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты́ еси́ вои́стинну О́тчее сия́ние.
Величание
Велича́ем Тя́,/ Живода́вче Христе́,/ и почита́ем пречи́стыя пло́ти Твоея́// пресла́вное преображе́ние.
Значение в православии
Торжество в честь Преображения Господнего входит в состав двенадцати праздников, главных после Пасхи. Его отмечают ежегодно 19 августа (6 августа). Традиционно двунадесятому празднику предшествует день предпразднства, а после него следуют семь дней попразднства. Начало поста перед Успением Богородицы захватывает дату Преображения Господнего.
Главное значение праздника заключается в подтверждении единства Божественной и человеческой природы Спасителя. На горе ученикам открылись все лики Святой Троицы: Иисус — Бог-Сын, голос — Бог-Отец, облако — Святой Дух.
Иоанн Златоуст трактовал евангельское событие как предвещение будущего преображения человеческого естества и воцарение его на облаках вместе со славой ангелов. Также богословы считали, что воплощение Бога в человеческом обличье снимает с людей первородный грех. Власть Спасителя над жизнью и смертью подтверждают пророки: Моисей обрел славу на Небесах после смерти, а Илия вознесся живым, в телесном облике.
Святитель Кирилл Иерусалимский писал о библейских пророках как о свидетелях чуда на Фаворе. Явления законодателя иудейских традиций Илии и главного последователя Моисея отклоняет обвинения фарисейства против Иисуса в нарушении древних законов.
Отдельное значение придается Божественному свету, которым воссиял Христос. Его называют Фаворским Светом, по названию места события. По священному преданию, Иисус привел учеников на вершину горы Фавор в окрестностях Галилеи. Это мнение широко распространилось среди православных верующих. Паломничество к святому месту совершали автор латинской Библии, блаженный Иероним, и мать императора Константина, Елена.
Откуда пошла традиция называть 19 августа Яблочным Спасом
Перенос праздника на конец лета, когда в Греции созревал виноград, способствовал появлению обычая после богослужения святить плоды. Так явление Царства Небесного освящает земные труды людей.
В России, где виноград не растет, его заменили яблоки, поспевающие на территории центральной России как раз к началу августа. Благочестивый обычай запрещал их употребление до праздника, так как начатки урожая должны быть освящены. А вот 6 августа по всей России открывались, часто прямо близ храмов, своего рода яблочные базары. Именно обилие этих плодов, освящаемых после службы, подарило празднику народное название «Яблочный Спас».
Обычай святить яблоки сохраняется доныне, хотя собственные сады есть не у всех, многие покупают яблоки, виноград в магазине. А вот употреблять ли их в пищу до праздника – вопрос, который многие современные священнослужители советуют решать со своим духовником.
Богослужение в церкви
Накануне праздника Преображения Господа в храмах проходит Всенощное бдение. Начало чинопоследования возвещает колокольный звон. Девятый час, посвященный крестной смерти Иисуса Христа, служат в притворах. На Великой Вечерне совершают литию — торжественную молитву, предшествующую литургии. Также во время вечернего богослужения читают паремии — отрывки из Библии с упоминаниями почитаемого события.
В канун праздника Преображения Господнего читают три паремии:
- первая — отрывок из Ветхого Завета об обретении Моисеем Скрижалей на горе Синай;
- вторая — о просьбе пророка Моисея к Господу явить Славу Его;
- третья — ветхозаветный отрывок о явлении пророку Илие ангела Господнего.
Утреня начинается со служения полиелея — чтения псалмов, прославляющих Имя Господа.
Это наиболее важная часть праздничной службы, во время которой священники выходят через Царские Врата к центру храма. При этом горят все масляные светильники, а прихожанам раздают зажженные свечи.
Во время утренней службы читают стихиры, написанные византийскими авторами. Древние гимны повествуют о событии на горе Фавор и излагают связанные с ним пророчества. Также верующие узнают из стихир о значении праздника и толковании Преображения Господнего. Служба создает ощущение сопричастности к великому откровению, которое получили и хранили в тайне трое учеников. Церковные тексты учат стремиться к Божественной славе на Небесах, следуя добродетелям.
Народные традиции и обычаи
В народе Преображение называется Яблочным Спасом
В народе праздник Преображения называется Яблочный Спас. Есть и другие названия:
- Великий Спас;
- Второй Спас;
- Спас на горе;
- Средний Спас;
- Праздник первых плодов;
- Горохов день;
- Первые осенины.
Традиции и обычаи, что можно делать на Яблочный Спас:
- освящать в храмах плоды и фрукты нового урожая, мёд, хлебные колосья;
- готовить блюда из яблок: запекать их, печь блины и пироги (из постного теста);
- незамужние молодые девушки, вкушая первое яблоко в этот день, могут загадать парня, за которого они хотят выйти замуж;
- провожать закат в поле.
Существует трогательное народное поверье, связанное с Яблочным Спасом. На том свете детям, родители которых до этого дня не едят яблок, раздают гостинцы (в том числе и райские яблоки). А тем детям, родители которых не выдержали и уже пробовали яблоки, — нет. Поэтому многие родители, у которых умерли дети, считают великим грехом съесть яблоко до Второго Спаса. Женщины, потерявшие детей, утром этого дня должны были отнести в храм несколько яблок, освятить, занести и положить на могилки умерших детей. В том случае, если могила ребёнка далеко или вовсе неизвестно где, следует освящённое яблоко положить на любую детскую могилу или оставить в храме. Многие крестьяне освящённые яблоки несли на кладбище и клали на могилы всем умершим родственникам.
Что нельзя делать на Яблочный Спас:
- работать по дому;
- убивать насекомых;
- слишком весело развлекаться (ведь идёт Успенский пост).
Поговорки и приметы на Яблочный Спас:
- Какой второй Спас, такой и январь.
- Каков день на второй Спас, таков и Покров.
- Сухой день предвещает сухую осень, мокрый — мокрую, а ясный — суровую зиму.
- Первая встреча осени — первые Осенины.
- На Второй Спас и нищий яблочко съест.
- До Второго Спаса не едят никаких плодов, кроме огурцов.
- Кто когда хочет улететь, а журавль к Спасу.
- Пришёл Спас — всему час. Пришёл Второй Спас, бери рукавицы про запас.
- На Второй Спас бери голицы про запас.
Митрополит Сурожский Антоний так сказал о Преображении в одной из своих проповедей: «Бывают в духовной жизни мгновения, которые так прекрасны, так дивны, что хотелось бы, чтобы время, жизнь, вечность на них остановились и никогда ничего другого не случалось бы».
Тексты молитв на этот день
Праздник Преображения Господнего первыми прославили в канонах богослов Иоанн Дамаскин и церковный поэт Косма Маюмский. Чтение их гимнов входит в чинопоследование праздничной утрени. В современности праздник также прославляют келейно традиционными песнопениями.
Тропарь
Преобразился еси на горе, Христе Боже, показавый учеником Твоим славу Твою, якоже можаху, да возсияет и нам, грешным, Свет Твой присносущный молитвами Богородицы, Светодавче, слава Тебе.
Кондак
На горе преобразился еси, и якоже вмещаху ученицы Твои, славу Твою, Христе Боже, видеша, да егда Тя узрят распинаема, страдание убо уразумеют вольное, мирови же проповедят, яко Ты еси воистинну Отчее сияние.
Величание
Величаем Тя, Живодавче Христе, и почитаем пречистыя плоти Твоея преславное преображение.
Молитва
Господи Иисусе Христе, Боже наш, во Свете живый неприступнем, Сияние сый Славы Отчия и Образ Ипостаси Его!
Егда прииде исполнение времен, Ты за милосердие неизреченное к падшему роду человеческому Себе умалил еси, зрак раба приял еси, смирил еси Себе, послушлив бысть даже до смерти. Обаче прежде Креста и вольныя страсти Твоея на горе Фаворстей преобразился еси в Божественней Славе Своей пред святыми Твоими ученики и Апостолы, мало скрыв плоти восприятие, да егда Тя узрят распинаема, и смерти предаваема, уразумеют убо страдание Твое вольное и Божество.
Даруй же и нам всем, пречистыя Плоти Твоея Преображение празднующим, чистым сердцем и нескверными умы взыти на Святую гору Твою, в селения святыя славы Твоея, идеже глас чист празднующих, глас несказаннаго радования, да тамо купно с ними лицем к лицу узрим Славу Твою в невечернем дни Царствия Твоего, и со всеми святыми, от века Тебе благоугодившими прославим Всесвятое имя Твое со Безначальным Твоим Отцем и Пресвятым и Благим и Животворящим Твоим Духом ныне и присно и во веки веков.
Акафист
Кондак 1
Возбранный Воеводо и Царю славы, Тебе небеси и земли Создателя, зрящи на горе Фаворстей преобразившася со славою, вся тварь удивися, небеса вострепеташа, и вси земнороднии возрадовашася, мы же недостойнии Твоему нас ради Преображению благодарственно поклонение приносяще, с Петром от души вопием Ти:
Иисусе, Превечный Боже, добро нам всегда быти под кровом благодати Твоея.
Икос 1
Ангелом недоведомое и человеком неприступное Твое, Светодавче Христе, Божество, незаходительными молниями и лучами Невечерняго Света Твоего, явил еси на горе Фаворстей начальнейшим учеником Твоим, тии же Божественным изменишася ужасом, облаком осиявшеся светлым и глас Отечь слышавше, разумеша Твоего вочеловечения таинство, вопиюще Тебе таковая:
Иисусе, Сыне Божий Безсмертный, просвети нас светом Лица Твоего осияннаго.
Иисусе, Благий Боже Всесильный, возбуди нас спящих из глубины тьмы сна греховнаго.
Иисусе, во свете живый неприступнем, из области темныя изведи нас.
Иисусе, Славою Твоею исполнивый весь мир, во обители райския введи нас.
Иисусе, Свете мира, от мира лукавого свободи нас во тьме седящих.
Иисусе, Солнце Правды, силою и правдою облеки нас, в сени смертней спящих.
Иисусе, Превечный Боже, добро нам всегда быти под кровом благодати Твоея.
Кондак 2
Видя, яко ученицы Твои, Человеколюбче Господи, непросвещенни еще суще, не разумеют, яко подобает Тебе идти во Иерусалим и тамо много пострадати и убиену быти, Ты оттоле начал еси сказовати им, яко вся сия належит Тебе волею претерпети нашего ради спасения. Обаче тии не возмогоша еще мыслити, яже суть Божия, но яже суть человеческая, сего ради по днех шестих поял еси Петра, Иакова и Иоанна и возвел еси я на гору Фаворскую показати им прежде Креста Божественную Славу Твою, да и во время страданий Твоих разумно воспоют Тебе: Аллилуиа.
Икос 2
Разума неуразуменна вольнаго Твоего страдания не разумеша ученицы Твои, Господи. Сего ради прежде Креста Твоего нощию глубокою возвел еси на гору высоку лучшия ученики Твоя, да видят чудо страшнаго Преображения Твоего и нестерпимое Божественного пришествия Твоего издалеча присносущное благолепие, да егда Тя узрят распинаема, страдание убо Твое, да уразумеют вольное. Сего ради вопием Тебе сице:
Иисусе, от удолий на гору высоку возведый Твоя ученики, возведи и нас горе, да горних научимся искати наслаждений.
Иисусе, от житейских попечений и множества народнаго отлучивый Петра и Зеведеовых, отлучи наш ум от благ земных, да дольных навыкнем избегати пристрастий.
Иисусе, многими труды на превелию высоту вознесый други своя, и нас многими труды и поты научи по вся дни подвизатися.
Иисусе, в молчании ночныя молитвы Преображение Твое учеником показавый, и ныне верным Твоим сподоби сладостию словес Твоих в нощи просвещатися.
Иисусе, трех точию свидетелей славы Твоея в тишине Фаворстей явивый, и ныне безмолвным и пустынным даждь славу Твою всегда созерцати.
Иисусе, Фавор и Ермон о Имени Твоем возвеселивый, даждь нам призыванием сладчайшаго Имени Твоего восход горе совершати.
Иисусе, Превечный Боже, добро нам всегда быти под кровом благодати Твоея.
Кондак 3
Силою свыше избранныя Твоя Апостолы облекий, Иисусе, на Фавор возвел еси я, да навыкнут вышних искати и горняя мудрствовати, а не земная, облецы и нас, долу поникших и немощию плоти всегда побеждаемых, силою и славою Твоею, да сила Твоя в немощи нашей совершится, чесо ради с любовию воспоем Тебе: Аллилуиа.
Икос 3
Имеяй прежде Креста и вольнаго страдания Твоего явити учеником отчасти Божества Славу Твою, Христе Спасе наш, Ты трех точию от живущих на земли избираеши, да зрителие Божественныя Твоея славы будут, ибо тии три пред очима Твоима лучши бяху паче всех народов и язык: Петр, яко паче иных Тебе возлюбивый, и яко первый от всех Сына Божия Тебе исповедавый, Иаков, яко первый во Апостолех надежды ради будущих благ под меч главу свою преклонивый и тако начало мучеником Твоим положивый, Иоанн же, яко девственник и паче всех чистоту плоти и духа целомудренно сохранивый и сего ради благодать особную паче иных получивый к зрению неизреченных откровений и Божественныя Славы Твоея. С нимиже приими и от нас похвалы Тебе сицевыя:
Иисусе, от Петра прежде Преображения Твоего исповедание веры приемый, приими и мое теплое исповедание.
Иисусе, тому же Петру на Фаворе дерзновение даровавый глаголати с Тобою, возглаголи благая и мирная в сердце моем.
Иисусе, сынов Зеведеевых за пламень любви их сынами громовыми нарекий, громом гнева Твоего не порази мя.
Иисусе, тем же учеником огнь с небесе на Самарян низвести не попустивый, огнь страстей угаси во мне.
Иисусе, с девственным Иоанном в чистоте плоти и духа на Фавор горний возведи мя.
Иисусе, с мужественным Иаковом, первее чашу Твою испившим, в рай введи мя.
Иисусе, Превечный Боже, добро нам всегда быти под кровом благодати Твоея.
Кондак 4
Буря Богоявления Твоего на горе Синайстей бысть, егда во громех и молниях даровал еси закон угоднику Твоему Моисеови, такожде и на горе Хориве бысть дух крепок, разоряяй горы, трус и огнь, егда Илия пророк хотяше зрети Тя, обаче не в вихре бурне, не в трусе и не во огне Господь, но во гласе хлада тонка Ты показал еси им Лице Свое и славу Божества Своего, егда на горе Фаворстей Ты предстал еси им, с радостию вопиющим Тебе: Аллилуиа.
Икос 4
Слышавше Моисей и Илия на Фаворе глаголы Твоя о исходе Твоем, егоже хотяше скончати во Иерусалиме, быша всему миру свидетелие Твои, Господи, яко Ты еси воистину Сын Божий на спасение людей от Бога Отца посланный и гласом с небесе Тем показанный. Моисей убо от мертвых призван бысть да свидетельствует во аде держимым Твое в мир пришествие. Илия же от рая призван бысть, да скажет Еноху Славу Твою в Преображении пречистыя Плоти Твоея виденную. Мы же, чудящеся тайне пророк Твоих на Фаворе явления, со умилением зовем Тебе:
Иисусе, Боговидцу Моисею, Лице Твое узрети восхотевшему, на Фаворе Лицем к лицу явивыйся, яви нам в грядущем веце Лица Твоего сладость превожделенную.
Иисусе, в боговидении задних Твоих древле Моисею сияние Славы Твоея Показавый, покажи нам во Царствии Твоем лицем к Лицу Зрака Твоего доброту неизреченную.
Иисусе, в тишине и гласе хлада тонка Илию откровением Своим наставивый, настави мя чудно в тишине безстрастия божественнаго.
Иисусе, на огненней колеснице неопальнаго небошественника Твоего Илию в рай возведый, возведи мя дивно на высоту жития совершеннейшаго.
Иисусе, древле с пророки многообразно глаголавый, и на Фаворе исход Свой им возвестивый, глаголами живота вечнаго напитай алчущую душу мою.
Иисусе, при устех двою свидетелей Тайну Преображения учеником Твоим открывый, воздыханьми неизглаголанными Святаго Духа воспламени хладную веру мою.
Иисусе, Превечный Боже, добро нам всегда быти под кровом благодати Твоея.
Кондак 5
Боготечней звезде в нощи возсиявшей, уподобися, Светодавче Господи, неизреченное осияние пречистыя Плоти Твоея, егда учеником спящим и нощи, уже ко утру приближающейся, Ты возносил еси Отцу Твоему на высоте горы премирную молитву Свою. Тогда просветися Лице Твое, яко солнце, и ризы Твоя быша блещащяся, белы зело, яко снег. Апостоли же от нашедшия Божественный силы убудившеся, увидеша Славу Твою, яко Единороднаго от Отца, исполнь благодати и истины, и стояху трепетни, поюще Тебе: Аллилуиа.
Икос 5
Видевше Апостоли Тя на Фаворе во образе человечестем сущаго, славою же Божественною Преобразившася и с Моисеом и Илиею о исходе Твоем беседующа, разумеша присносущную силу Твою и Божество под покровом плоти сокрываемо, и ужасни быша, послушающе глаголемых и наслаждающеся зрения Твоея Божественныя славы, юже толико видеша, елика телесных очес зрение их вместити можаше. С нимиже и мы поем Тебе таковая:
Иисусе, возсиявый учеником Твоим неизреченную и Богосиянную Славу Твою, возсияй в душах наших Свет Твой присносущный.
Иисусе, причастивый первостоятели закона и благодати премирнаго Света Твоего, причащением Того собери ум наш приснозаблудший.
Иисусе, сокровенную во плоти молнию Божества Твоего на Фаворе мало обнаживый, обнажи сокровенныя грехопадения в убогой совести моей,
Иисусе, несозданнаго Света Твоего лучами из Плоти Твоея Святую гору озаривый, озари свет заповедей Твоих во мрачней души моей.
Иисусе, Преображением причистыя Плоти Твоея просветивый мира концы, просвети и украси нас помраченных.
Иисусе, блистанием Фаворскаго Света Твоего очистивый, яко снег, твоя ученики, очисти и обнови нас потемненных.
Иисусе, Превечный Боже, добро нам всегда быти под кровом благодати Твоея.
Кондак 6
Видевше преблагостное и спасительное собеседование Твое, Христе Боже наш, со Моисеом и Илиею на горе Фаворстей, возрадовашеся зело ученицы Твоя: Петр, Иаков и Иоанн. Петр же гласом любве божественней исполненным рече: «Господи, добро есть нам зде быти: аще хощеши, сотворим зде три сени, Тебе едину, и Моисеови едину, и едину Илии». Мы же недостойнии, не дерзаем прямо Тебе вопрошати, обаче смиренно о помиловании молим Тя и гласом трепетним вопием Ти: Аллилуиа.
Икос 6
Возсия на Фаворе во знамение всей вселенней облак светел, Петру о сенях вопрошающу, откровение гласа Отеческаго возвещающ и Духа Святаго пришествие, и егда осени Апостолы, верх горы окружающе, тии паче убояшася и во облак со страхом вступивше, ощутиша Твое неприступное Божество, и со дерзновением многим возопиша к Тебе таковая:
Иисусе, Израиля древле столпом облачным в пустыне путеводивый, Сам и ныне путь во Царствие Твое нам укажи.
Иисусе, Апостолы Твоя во облаце светле на Фаворе осенивый, росою Духа Твоего Святаго нас осени.
Иисусе, во Храме нерукотвореннем Живый на небеси, храм световиден и сень пречистую покажи ми Твоего Божества.
Иисусе, скиний рукотворенных не восхотевый на земли, внутреннюю благообразную скинию Духа Твоего сотвори мя, во еже взыти на небеса.
Иисусе, одеяйся светом, яко ризою, облеки мя обнаженнаго в боготканныя ризы целомудрия и чистоты.
Иисусе, простираяй небо, яко кожу, одени мя острупленнаго в снегосветлыя одежды Твоея небесныя красоты.
Иисусе, Превечный Боже, добро нам всегда быти под кровом благодати Твоея.
Кондак 7
Хотя открыти сокровенную от века тайну Твоего, Христе, Божества, Отец Твой Небесный паки якоже прежде на Иордане во время Крещения Твоего, Богосыновство Твое возвести и тако гласом из облака бывшим свидетельствова, глаголя: «Сей есть Сын Мой Возлюбленный, Того послушайте». Апостоли же от великаго ужаса крепости своея лишившися, падоша ниц на землю, вопиюще Тебе: Аллилуиа.
Икос 7
Новая видевше и преславная на Фаворе бывшая, Словесе Твоего, Владыко Господи, самовидцы и слуги, и глас Отеческий и шум из облака слышавше, ужасни быша и новым светолитием внезапу освещахуся, друг друга зряху, удивляющеся и к земли падше ниц, Тебе Владыце всяческих поклонишася, похвалы Тебе возсылая таковыя:
Иисусе, Образе Пресветлыя Ипостаси Отчия, преобрази мрачное и нечистое житие мое.
Иисусе, Славы Отчия Сияние, просвети падшую и во тьму воглубльшуюся душу мою.
Иисусе дивный и страшный во славе Божественнаго зрака Твоего, тлением растленный душевный наш зрак обнови.
Иисусе тихий, любви полный, неизреченною светлостию Плоти Твоея всю нечистоту плоти моея паче снега убели.
Иисусе, Свете Безначальный, во свете Твоем, на Фаворе явленном, Свет покажи нам Отца.
Иисусе, Свете неизменный, в незримом Свете Царства Твоего, Свет покажи нам и Духа.
Иисусе, Превечный Боже, добро нам всегда быти под кровом благодати Твоея.
Кондак 8
Дивно и странно явистася Тебе Моисей и Илия на Фаворе, Владыко Господи, начертание Божественныя Ипостаси видевше, и глаголаста о вольном страдании Твоем, священнолепно предстояще Тебе. Осенившу же их облаку светлу и гласу с небесе бывшу, взятся Слава Господня от видения ученик Твоих, взяшася же и пророцы во своя места, поюще Тебе: Аллилуиа.
Икос 8
Весь был еси от вышних, Неисчетный Слове Божий, егда пречистая Плоть Твоя преображашася на Фаворе, но и от нижних никакоже отступил еси, егда отшедшим пророком и видению уже скончавшуся, Ты приступил еси к лежащим страха ради на земли Твоим учеником, и рукою коснувся их, глаголал еси им: «востаните, не бойтеся». Ученицы же, возведше очи свои и никогоже видевше, точию Тебе Единаго с ними сущаго, возрадовахуся зело и возблагодариша Бога, поюще Тебе таковая:
Иисусе, имеяй глаголы Живота вечнаго, всегда пребуди с нами во странствии земном.
Иисусе, насытивый нас зраком Твоего Божества, не остави нас сирых на служении Твоем.
Иисусе, прежде Креста Твоего Тайну вольнаго страдания уяснивый, подаждь нам всегда памятовати Твое нас ради истощание.
Иисусе, прежде еже умрети, нам славу Твою Показавый, подаждь нам всегда да разумети Твоея Плоти обожение.
Иисусе, образе непременный Сущаго, обнови в души моей вожделеннаго зрака Твоего образ и подобие.
Иисусе, печате равнообразная Отца, запечатлей во плоти моей неизреченныя доброты Твоея благообразие.
Иисусе, Превечный Боже, добро нам всегда быти под кровом благодати Твоея.
Кондак 9
Все естество смятеся, зря Твое преславное на Фаворе Преображение, Христе Спасе: Ангели, незримо предстояще, со страхом и трепетом служаху Тебе, небеса убояшася, подвижеся и трепетна бысть вся земля, видящи славу Господа, «гора Фавор, прежде мрачна и дымна», светлым облаком покрывашеся, «на нейже» пречистии «нозе Твои стоясте», ученицы же Твои, Господи, не терпяще зрети нестерпимаго зрака Твоего, повергоша себе долу на землю, лица покрывающе, дондеже Ты Сам, видению скончавшуся, воздвигл еси я, Тебе вопиющих: Аллилуиа.
Икос 9
Витии суемудреннии, благодатиею непросвещеннии, не могут разумети Твоего преславнаго Преображения таинства, Господи. Сего ради, егда со ученики сходил еси с горы, дню возсиявати начинающу, Ты заповедал еси другом Твоим, да никомуже поведят видения бывшаго, дондеже по приятии страдания и смерти воскреснеши в третий день от гроба. И тии умолчаша, и никомуже возвестиша в тыя дни ничесоже от тех, яже видеша и слышаша, обаче точию в сердце своем вопияху Тебе сице:
Иисусе, во всего Адама оболкийся, очерневшее древле естество человече просвети.
Иисусе, во облаце, огни и мраце носимый, Твоею светлостию весь мрак душевный в нас потреби.
Иисусе, сиянием Божественного шума Апостолы Твоя усладивый, услаждай нас всегда глаголами Божественного Твоего откровения.
Иисусе, росодательным облаком ученики Твои Просветивый, просвещай нас всегда зарями преславнаго Твоего Преображения.
Иисусе, пречистыми ногами Твоими гору Фаворскую освятивый, направи нозе наша на присное служение Тебе.
Иисусе, с неповинными руками на гору Твою восходити повелевый, возбуди руце наши на молитвенное воздеяние горе.
Иисусе, Превечный Боже, добро нам всегда быти под кровом благодати Твоея.
Кондак 10
Спасти хотяй мир, на Фаворе преобразился еси нас ради, Господи, да сотвориши ны достойны уготованныя избранным Твоим небесныя славы и да преобразиши тело смирения нашего, яко быти ему сообразну телу Славы Твоея во общее всех воскресение и в безконечном Твоем Царствии, еже уготовал еси от сложения мира любящим Тя, в немже да сподобиши и нас, яко Моисея и Илию на Фаворе лицем к лицу лицезрети Тя и со всеми святыми воспевати Тебе вечную песнь: Аллилуиа.
Икос 10
Царю Превечный! Вся твориши нашего ради спасения. Мене ради восприял еси плоть пречистую от Пресвятыя Девы Марии и в зраце раба пришел еси в мир сей. Такожде и преобразился еси на святей горе, не Себе угождая, не требует бо Свет просвещения, но нас ради осужденных, да нашу просветиши тьму и нас, во тьме седящих и среди сени смертныя, от сынов гнева в возлюбленныя чада Твоя да преобразиши. Сего ради благодарственно вопием Тебе таковая:
Иисусе, зрак рабий на Фаворе преобразивый, да нас из рабов греха чада Божия сотвориши.
Иисусе, даже до плоти Себе истощивый, да наше падшее естество с Собою преобразиши.
Иисусе, неизреченное благолепие Царства Твоего на Фаворе явивый, радость, мир и правду о Дусе Святе в нас утверди.
Иисусе, Божественным блистанием плоти Твоея всю тварь обоживый, обожением плоти во Втором пришествии Твоем нас обнови.
Иисусе, огнь Божества Твоего на Фаворе явивый, огнем невещественным грехи моя попали.
Иисусе, сладчайшею беседою Твоею тамо ученики Своя напитавый, Святыми Тайнами Твоими гладную душу мою освяти.
Иисусе, Превечный Боже, добро нам всегда быти под кровом благодати Твоея.
Кондак 11
Пение всеумиленное приношу Ти недостойный, Твоего Преображения совершая светлое торжество и вопию Тебе: высоту небеснаго жития и славы присносущныя Божественное сияние даруй ныне рабом Твоим, сердцем же чистым сподоби нас мысленно взыти на гору святую Твою, видети разумными очесы преславное Преображение Твое, да светло воспоем Тебе: Аллилуиа.
Икос 11
Свет Сый Неприступен и Света Податель, Иисусе, Безначальный и Присносущный Свете, Свет Твой в мир принесл еси, егда с пречистою плотию Твоею вшел еси на гору Фаворскую и тамо Несозданный и Божественный Свет явил еси учеником Твоим, Славы Отчия показуя образ. Сего Света Твоего преестественнаго причастники быти желающе, из глубины души вопием Тебе таковая:
Иисусе Христе Свете Истинный, помыслы добрыми душу мою живи во вся дни земнаго странствия моего.
Иисусе Царю, Свете Безначальный, угасший светильник души моея паки возжги до дне скончания моего.
Иисусе, Свете тихий, живот даяй, свет и живот низпосли души моей в час ужасный смерти моея.
Иисусе, Свете Святый, светяй и горяй, из огня неугасимаго и тьмы кромешныя изхити мя тогда.
Иисусе, Сладчайший и Святейший Свете, к свету небеснаго чертога Твоего среди горьких мытарств воздушных проведи мя.
Иисусе, солнца всякого Светлейший Свете, во светлостях святых Твоих в невечернем дни Царствия Твоего просвети мя.
Иисусе, Превечный Боже, добро нам всегда быти под кровом благодати Твоея.
Кондак 12
Благодать Твою подаждь мне, Иисусе Боже мой, юже на Фаворе даровал еси избранным учеником Твоим Петру, Иоанну и Иакову, и приими нас, якоже оных, да облеченнии силою Твоею свыше и Духом Святым просвещеннии, сердце же чисто имущи и дух обновлен, взыдем на мысленный Фавор, восходяще от силы в силу, наипаче же в посте и молитве подвизающеся, в целомудрии же и в чистоте пребывающе, и тамо да воспоем Тебе: Аллилуиа.
Икос 12
Поюще пречистыя Плоти Твоея преславное Преображение, прославляем Божественную Славу Твою на Фаворе явленную, поклоняемся присносущней Силе Твоей и Божеству, Егоже зарю малую тамо обнажил еси, Христе, и веруем с Петром, яко Ты еси воистину Христос, Сын Бога Живаго, пришедый в мир грешныя спасти, тем же и вопием с ним из глубины души: добро нам зде быти с Тобою. Сего ради не посрами нас в Тя право верующих, обаче немощных и плотию обложенных и покрый нас Светом Богосиянныя Плоти Твоея, с любовию зовущих Тебе сице:
Иисусе, Солнце Незаходимое, на Фаворе возшедшее. Твоим Божественным сиянием осияй мя,
Иисусе, Свете несокрываемый в Преображении явленный, Твоея благодати причащением согрей мя.
Иисусе, Храме Предвечный Небеснаго Иерусалима, в скинию Божию с человеки всели мя.
Иисусе, Цвете Благовонный Рая Всесвятаго, небесными ароматами святыни и чистоты облагоухай мя.
Иисусе, Огню чистительный, небо и землю от всякия скверны очистити хотяй, от скверны плоти и духа очисти мя.
Иисусе, Каменю вседрагий, Горний Сион вместо солнца красотою Божественною освещати имеяй, от зрения иныя красоты паче Тебе избави мя.
Иисусе, Превечный Боже, добро нам всегда быти под кровом благодати Твоея.
Кондак 13
О, Пресладкий и Всещедрый Иисусе, на Фаворе Божественною славою просиявый! Приими ныне малое моление сие наше, и якоже приял еси от ученик Твоих на святей горе поклонение, тако и нас сподоби преславному Преображению Твоему поклонитися, во свете добрых дел сияюще, да просветится Тобою тьма греховная в нас живущая, и да явимся достойны быти наследники безконечнаго Царствия Твоего на небеси, идеже со всеми святыми сподоби и нам воспевати Тебе: Аллилуиа. (Трижды).
(Этот кондак читается трижды, затем икос 1 и кондак 1).
Литургические особенности в этот день
Главные отличия службы на Преображение Господне — пение особых гимнов и освящение первых в году плодов. В праздничный день вспоминают события и пророчества Старого Завета, которые нашли продолжение в Новом Завете. Священнослужители проводят литургию, одевшись в белые одежды — символ Божественного Фаворского света.
На праздник Преображения славят Господа, показавшего свой Божественный свет всем желавшим и тем, кто мог засвидетельствовать чудо. Моисей и Илия встретились с Господом, получили ответ на просьбы увидеть лик Его. Ученик Петр стал апостолом и призывал людей идти вслед за Христом к бессмертию через праведность.
После окончания службы священник и прихожане переходят в притвор или выходят на паперть для обряда освящения урожая. Верующие подносят корзины с яблоками или батюшка сам обходит толпу, окропляет святой водой и просит Господа благословить плоды.
Преображенское кладбище
Преображенское кладбище находится в Москве, на , 17а. Это бывшее старообрядческое Основали его во время эпидемии.
В 1764 году монастырь упразднили, и церковь стала приходской. В те годы к ней пристроили многоярусную колокольню. Со временем первое каменное здание храма оказалось под угорозой: на речном берегу постепенно оседал грунт. В 1886-ом построили и освятили в честь Преображения Господня новую церковь.
После революции Тушино стало крупным промышленным центром. В селе построили заводы и аэродром. Храм закрыли в
В советские годы здание храма использовалось под клуб. В 1956 году местные жители обращались с просьбой вернуть святыню Церкви, но им отказали. Только в 1990-ом в церкви начали возрождать приходскую жизнь возобновилась. В 1994 году к храму пристроили колокольню.
Иконография празднества
Икона «Преображение Господне» относится к праздничным образам. Традиции ее написания сформировались в IV веке:
- Спаситель — центральная фигура;
- в левой части изображается Илия, в правой — Моисей;
- у ног Спасителя — коленопреклоненные ученики;
- фон — скалистый пейзаж.
Особенности изображения Христа:
- ослепительно белые одежды;
- ореол святости вокруг головы;
- благословляющий жест;
- голубой ореол с золотыми вкраплениями звезд окружает Христа.
Ученики одеты в обычные хитоны. Они в изумлении и благоговении протягивают руки к Иисусу, ослепленные Его Божественным сиянием. Пророка Илию изображают седовласым старцем. Моисей на образе «Преображения Господнего» предстает в облике юноши. Он держит в руках Скрижали с десятью заповедями. На некоторых иконах встречаются дополнительные персонажи — ученики, которые остались у подножия горы.
Голубой ореол, окружающий Спасителя, символизирует Фаворский свет. Иногда Божественное сияние, исходящее от Христа, изображают более детально и геометрично — разделяют внутреннее пространство окружности белыми лучами, образующими треугольник.
Древние иконописцы выделяли фигуру Спасителя алым свечением, концентрическими кругами, пересекающимися квадратами, а ореол писали зеленым цветом. Обозначение внешней границы света темным тоном отсылает к указанию в Библии на обитание Бога в неприступном свете.
На иконе «Преображение Господне» Христос благословляет людей следовать за ним по пути к вечной жизни в Царствии Небесном и творить добро на земле.
