Богослужения мирянским чином — Обедница (изобразительные)

ЧАСЫ И ИЗОБРАЗИТЕЛЬНЫ

(ОБЕДНИЦА)

(для келейного чтения
) .
ЧАС ТРЕТИЙ .
Молитвами святых отец наших, Господи Иисусе Христе, Боже наш, помилуй нас. Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас (Трижды с поклонами

) Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

. Господи, помилуй (Трижды

)

Слава, и ныне:

Отче наш, Иже еси на Небесех! Да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

. Господи, помилуй (12 раз

)

Слава, и ныне:

Приидите, поклонимся Цареви нашему Богу (Поклон

) Приидите, поклонимся и припадем Христу, Цареви нашему Богу (
Поклон
) Приидите, поклонимся и припадем Самому Христу, Цареви и Богу нашему (
Поклон
)

.
Псалом 16 .
Услыши, Господи, правду мою, вонми молению моему, внуши молитву мою не во устнах льстивых. От лица Твоего судьба моя изыдет, oчи мои да видита правоты. Искусил еси сердце мое, посетил еси нощию, искусил мя еси, и не обретеся во мне неправда. Яко да не возглаголют уста моя дел человеческих, за словеса устен Твоих аз сохраних пути жестоки. Соверши стопы моя во стезях Твоих, да не подвижутся стопы моя. Аз воззвах, яко услышал мя еси, Боже, приклони ухо Твое мне и услыши глаголы моя. Удиви милости Твоя, спасаяй уповающия на Тя от противящихся деснице Твоей. Сохрани мя, Господи, яко зеницу oка; в крове крилу Твоeю покрыеши мя, от лица нечестивых острастших мя. Врази мои душу мою одержаша, тук свой затвориша, уста их глаголаша гордыню. Изгонящии мя ныне обыдоша мя, oчи свои возложиша уклонити на землю. Объяша мя яко лев готов на лов и яко скимен обитаяй в тайных. Воскресни, Господи, предвари я и запни им; избави душу мою от нечестиваго, oружие Твое от враг руки Твоея. Господи, от малых от земли, раздели я в животе их, и сокровенных Твоих исполнися чрево их. Насытишася сынов, и оставиша останки младенцeм своим. Аз же правдою явлюся лицу Твоему, насыщуся, внегда явити ми ся славе Твоей.

.
Псалом 24 .
К Тебе, Господи, воздвигох душу мою. Боже мой, на Тя уповах, да не постыжуся во век, ниже да посмеют ми ся врази мои. Ибо вси терпящии Тя не постыдятся. Да постыдятся беззаконнующии вотще. Пути Твоя, Господи, скажи ми, и стезям Твоим научи мя. Настави мя на истину Твою, и научи мя; яко Ты еси Бог Спас мой, и Тебе терпех весь день. Помяни щедроты Твоя, Господи, и милости Твоя, яко от века суть. Грех юности моея, и неведения моего не помяни; по милости Твоей помяни мя Ты, ради благости Твоея, Господи. Благ и прав Господь, сего ради законоположит согрешающим на пути. Наставит кроткия на суд, научит кроткия путем Своим. Вси путие Господни милость и истина, взыскающим завета Его, и свидения Его. Ради имене Твоего, Господи, и очисти грех мой, мног бо есть. Кто есть человек бояйся Господа? Законоположит ему на пути, егоже изволи. Душа его во благих водворится, и семя его наследит землю. Держава Господь боящихся Его, и завет Его явит им. Очи мои выну ко Господу, яко Той исторгнет от сети нозе мои. Призри на мя и помилуй мя, яко единород и нищ есмь аз. Скорби сердца моего умножишася, от нужд моих изведи мя. Виждь смирение мое, и труд мой, и остави вся грехи моя. Виждь враги моя, яко умножишася, и ненавидением неправедным возненавидеша мя. Сохрани душу мою, и избави мя, да не постыжуся, яко уповах на Тя. Незлобивии и правии прилепляхуся мне, яко потерпех Тя, Господи. Избави, Боже, Израиля от всех скорбей его.

.
Псалом 50 .
Помилуй мя, Боже, по велицей милости Твоей, и по множеству щедрот Твоих очисти беззаконие мое. Наипаче омый мя от беззакония моего, и от греха моего очисти мя. Яко беззаконие мое аз знаю и грех мой предо мною есть выну. Тебе Единому согреших, и лукавое пред Тобою сотворих, яко да оправдишися во словесех Твоих и победиши, внегда судити Ти. Се бо в беззакониих зачат есмь, и во гресех роди мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссопом, и очищуся, омыеши мя, и паче снега убелюся. Слуху моему даси радость и веселие, возрадуются кости смиренныя. Отврати лице Твое от грех моих, и вся беззакония моя очисти. Сердце чисто созижди во мне, Боже, и дух прав обнови во утробе моей. Не отвержи мене от лица Твоего, и Духа Твоего Святаго не отыми от мене. Воздаждь ми радость спасения Твоего, и Духом Владычним утверди мя. Научу беззаконныя путем Твоим, и нечестивии к Тебе обратятся. Избави мя от кровей, Боже, Боже спасения моего; возрадуется язык мой правде Твоей. Господи, устне мои отверзеши, и уста моя возвестят хвалу Твою. Яко аще бы восхотел еси жертвы, дал бых убо, всесожжения не благоволиши. Жертва Богу дух сокрушен, сердце сокрушенно и смиренно Бог не уничижит. Ублажи, Господи, благоволением Твоим Сиона, и да созиждутся стены Иерусалимския. Тогда благоволиши жертву правды, возношение и всесожегаемая; тогда возложат на олтарь Твой тельцы.

Слава и ныне:

. Аллилуия, аллилуия, аллилуия, слава Тебе, Боже (Трижды с поклонами

)

Господи, помилуй (Трижды

)

.
Тропарь воскресный, глас 6 .
Слава: Ангельския силы на гробе Твоем, и стрегущия омертвеша, и стояше Мария во гробе ищущи Пречистаго Тела Твоего. Пленил еси ад, не искусився от него; сретил еси Деву, даруяй живот. Воскресый из мертвых, Господи, слава Тебе.

И ныне: Богородице, Ты еси лоза истинная, возрастившая нам Плод живота, Тебе молимся, молися, Владычице, со святыми апостолы, помиловати души наша.

Господь Бог благословен, благословен Господь день дне, поспешит нам Бог спасений наших; Бог наш, Бог спасати.

Трисвятое. Пресвятая Троице: Отче наш:

.
Кондак воскресный, глас 6 .
Живоначальною дланию умершия от мрачных удолий Жизнодавец воскресив всех Христос Бог, воскресение подаде человеческому роду: есть бо всех Спаситель, Воскресение и Живот, и Бог всех.

Господи, помилуй (40 раз

)

.
Молитва свт. Василия Великого .
Иже на всякое время, и на всякий час, на Небеси и на земли покланяемый и славимый, Христе Боже, долготерпеливе, многомилостиве, многоблагоутробне, Иже праведныя любяй, и грешныя милуяй, Иже вся зовый ко спасению обещания ради будущих благ, Сам, Господи, приими и наша в час сей молитвы, и исправи живот наш к заповедем Твоим, души наша освяти, телеса очисти, помышления исправи, мысли очисти, и избави нас от всякия скорби, зол и болезней, огради нас святыми Твоими Ангелы, да ополчением их соблюдаеми и наставляеми, достигнем в соединение веры и в разум неприступныя Твоея славы, яко благословен еси во веки веков, аминь.

Господи, помилуй (Трижды

)

Слава и ныне:

. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем (Поклон

)

. Молитвами святых отец наших, Господи Иисусе Христе Боже наш, помилуй нас. Аминь.

.
Молитва св. Мардария
.

Владыко Боже Отче Вседержителю, Господи Сыне Единородный Иисусе Христе, и Святый Душе, едино Божество, едина сила, помилуй мя грешнаго, и имиже веси судьбами, спаси мя, недостойнаго раба Твоего; яко благословен еси во веки веков. Аминь.

.
ЧАС ШЕСТЫЙ .
Приидите, поклонимся Цареви нашему Богу (Поклон

.
Псалом 53 .
Боже, во имя Твое спаси мя, и в силе Твоей суди ми. Боже, услыши молитву мою, внуши глаголы уст моих. Яко чуждии восташа на мя и крепцыи взыскаша душу мою, и не предложиша Бога пред собою. Се бо Бог помогает ми, и Господь Заступник души моей. Отвратит злая врагом моим, истиною Твоею потреби их. Волею пожру Тебе, исповемся имени Твоему, Господи, яко благо. Яко от всякия печали избавил мя еси, и на враги моя воззре око мое.

.
Псалом 54 .
Внуши, Боже, молитву мою и не презри моления моего. Вонми ми и услыши мя; возскорбех печалию моею и смятохся от гласа вражия и от стужения грешнича. Яко уклониша на мя беззаконие и во гневе враждоваху ми. Сердце мое смятеся во мне и боязнь смерти нападе на мя. Страх и трепет прииде на мя и покры мя тьма. И рех: кто даст ми криле, яко голубине, и полещу, и почию? Се удалихся бегая и водворихся в пустыни. Чаях Бога, спасающаго мя от малодушия и от бури. Потопи, Господи, и раздели языки их, яко видех беззаконие и пререкание во граде. Днем и нощию обыдет и по стенам его; беззаконие и труд посреде его и неправда; и не оскуде от стогн его лихва и лесть. Яко аще бы враг поносил ми, претерпел бых убо; и аще бы ненавидяй мя на мя велеречевал, укрыл бых ся от него. Ты же, человече равнодушне, владыко мой и знаемый мой; иже купно наслаждался еси со мною брашен, в дому Божии ходихом единомышлением. Да приидет же смерть на ня, и да снидут во ад живи; яко лукавство в жилищах их, посреде их. Аз к Богу воззвах, и Господь услыша мя. Вечер и заутра, и полудне повем, и возвещу, и услышит глас мой. Избавит миром душу мою от приближающихся мне, яко во мнозе бяху со мною. Услышит Бог и смирит я, Сый прежде век. Несть бо им изменения, яко не убояшася Бога. Простре руку свою на воздаяние, оскверниша завет Его. Разделишася от гнева лица Его, и приближишася сердца их; умякнуша словеса их паче елея, и та суть стрелы. Возверзи на Господа печаль твою, и Той тя препитает, не даст в век молвы праведнику. Ты же, Боже, низведеши я в студенец истления; мужие кровей и льсти не преполовят дней своих. Аз же, Господи, уповаю на Тя.

.
Псалом 90 .
Живый в помощи Вышняго, в крове Бога Небеснаго водворится. Речет Господеви: Заступник мой еси и Прибежище мое, Бог мой, и уповаю на Него. Яко Той избавит тя от сети ловчи, и от словесе мятежна. Плещма Своима осенит тя, и под криле Его надеешися; оружием обыдет тя истина Его, не убоишися от страха нощнаго, от стрелы летящия во дни, от вещи во тьме преходяшия, от сряща, и беса полуденнаго. Падет от страны Твоея тысяща, и тьма одесную Тебе, к Тебе же не приближится. Обаче очима Твоима смотриши, и воздаяние грешников узриши. Яко Ты, Господи, упование мое, Вышняго положил еси прибежище Твое. Не приидет к Тебе зло, и рана не приближится телеси Твоему. Яко Ангелом Своим заповесть о Тебе, сохранити тя во всех путех твоих. На руках возмут тя, да не когда преткнеши о камень ногу твою. На аспида и василиска наступиши, и попереши льва и змия. Яко на Мя упова, и избавлю и; покрыю и, яко позна имя Мое. Воззовет ко Мне, и услышу его; с ним есмь в скорби, изму его, и прославлю его, долготою дний исполню его, и явлю ему спасение Мое.

Слава и ныне:

. Аллилуия, аллилуия, аллилуия, слава Тебе, Боже (Трижды с поклонами

) Господи, помилуй (
Трижды
)

.
Тропарь воскресный, глас 6 .
Слава: Ангельския силы на гробе Твоем, и стрегущия омертвеша, и стояше Мария во гробе ищущи Пречистаго Тела Твоего. Пленил еси ад, не искусився от него; сретил еси Деву, даруяй живот. Воскресый из мертвых, Господи, слава Тебе.

И ныне: Яко не имамы дерзновения за премногия грехи наша, Ты иже от Тебе рождшагося моли, Богородице Дево: много бо может моление матернее ко благосердию Владыки; не презри грешных мольбы, Всечистая, яко Милостив есть, и спасти могий, иже и страдати о нас изволивый.

Скоро да предварят ны щедроты Твоя, Господи, яко обнищахом зело; помози нам, Боже Спасе наш, славы ради имене Твоего, Господи, избави нас, и очисти грехи наша, имене ради Твоего.

Трисвятое. Пресвятая Троице: Отче наш:

Господи, помилуй (40 раз

)

Господи, помилуй (Трижды

)

. Слава и ныне:

)

Молитвами святых отец наших, Господи Иисусе Христе Боже наш, помилуй нас. Аминь.

.
Молитва свт. Василия Великого .
Боже и Господи сил, и всея твари Содетелю, иже за милосердие безприкладныя милости Твоея Единороднаго Сына Твоего, Господа нашего Иисуса Христа, низпославый на спасение рода нашего, и честным Его Крестом рукописание грех наших растерзавый, и победивый тем начала и власти тьмы; Сам, Владыко Человеколюбче, приими и нас грешных благодарственная сия и молебныя молитвы, и избави нас от всякаго всегубительнаго и мрачнаго прегрешения, и всех озлобити нас ищущих, видимых и невидимых враг. Пригвозди страху Твоему плоти наша, и не уклони сердец наших в словеса или помышления лукавствия; но любовию Твоею уязви души наша, да к Тебе всегда взирающе, и еже от Тебе светом наставляеми, Тебе неприступнаго и присносущнаго зряще света, непрестанное Тебе исповедание и благодарение возсылаем, Безначальному Отцу со Единородным Твоим Сыном, и Всесвятым, и Благим, и Животворящим Твоим духом, ныне и присно и во веки веков. Аминь.

.
ЧАС ДЕВЯТЫЙ .
Приидите, поклонимся Цареви нашему Богу (Поклон

.
Псалом 83 .
Коль возлюбленна селения Твоя, Господи сил! Желает и скончавается душа моя во дворы Господни; сердце мое и плоть моя возрадовастася о Бозе Живе. Ибо птица обрете себе храмину, и горлица гнездо себе, идеже положит птенцы своя; олтари Твоя, Господи сил, Царю мой и Боже мой. Блажени живущии в дому Твоем, в веки веков восхвалят Тя. Блажен муж, емуже есть заступление его у Тебе, восхождения в сердцы своем положи. Во юдоль плачевную, в место еже положи, ибо благословение даст законополагаяй. Пойдут от силы в силу: явится Бог богов в Сионе. Господи Боже сил, услыши молитву мою, внуши, Боже Иаковль. Защитниче наш, виждь, Боже, и призри на лице Христа Твоего. Яко лучше день един во дворех Твоих паче тысящ; изволих приметатися в дому Бога моего паче, неже жити ми в селениих грешничих. Яко милость и истину любит Господь, Бог благодать и славу даст, Господь не лишит благих ходящих незлобием. Господи Боже сил, блажен человек уповаяй на Тя.

.
Псалом 84 .
Благоволил еси, Господи, землю Твою, возвратил еси плен Иаковль. Оставил еси беззакония людей Твоих, покрыл еси вся грехи их. Укротил еси весь гнев Твой, возвратился еси от гнева ярости Твоея. Возврати нас, Боже спасений наших, и отврати ярость Твою от нас. Еда во веки прогневаешися на ны, или простреши гнев Твой от рода в род? Боже, Ты обращься оживиши ны, и людие Твои возвеселятся о Тебе. Яви нам, Господи, милость Твою, и спасение Твое даждь нам. Услышу, что речет о мне Господь Бог: яко речет мир на люди Своя, и на преподобныя Своя, и на обращающия сердца к Нему. Обаче близ боящихся Его спасение Его, вселити славу в землю нашу. Милость и истина сретостеся, правда и мир облобызастася. Истина от земли возсия, и правда с небесе приниче. Ибо Господь даст благость, и земля наша даст плод свой. Правда пред Ним предыдет, и положит в путь стопы своя.

.
Псалом 85 .
Приклони, Господи, ухо Твое, и услыши мя, яко нищ и убог есмь аз. Сохрани душу мою, яко преподобен есмь: спаси раба Твоего, Боже мой, уповающаго на Тя. Помилуй мя, Господи, яко к Тебе воззову весь день. Возвесели душу раба Твоего, яко к Тебе взях душу мою. Яко Ты, Господи, благ и кроток, и многомилостив всем призывающим Тя. Внуши, Господи, молитву мою, и вонми гласу моления моего. В день скорби моея воззвах к Тебе, яко услышал мя еси. Несть подобен Тебе в бозех, Господи, и несть по делом Твоим. Вси языцы, елики сотворил еси, приидут и поклонятся пред Тобою, Господи, и прославят имя Твое, яко велий еси Ты, и творяй чудеса, Ты еси Бог един. Настави мя, Господи, на путь Твой, и пойду во истине Твоей: да возвеселится сердце мое боятися имене Твоего. Исповемся Тебе, Господи Боже мой, всем сердцем моим, и прославлю имя Твое в век, яко милость Твоя велия на мне, и избавил еси душу мою от ада преисподнейшаго. Боже, законопреступницы восташа на мя, и сонм державных взыскаша душу мою, и не предложиша Тебе пред собою. И Ты, Господи Боже мой, щедрый и милостивый, долготерпеливый, и многомилостивый и истинный, призри на мя и помилуй мя, даждь державу Твою отроку Твоему, и спаси сына рабы Твоея. Сотвори со мною знамение во благо, и да видят ненавидящии мя, и постыдятся, яко Ты, Господи, помогл ми и утешил мя еси

Слава и ныне:

Аллилуия, аллилуия, аллилуия, слава Тебе, Боже (Трижды с поклонами

)

Господи, помилуй (Трижды

)
Тропарь воскресный, глас 6
Слава: Ангельския силы на гробе Твоем, и стрегущия омертвеша, и стояше Мария во гробе ищущи Пречистаго Тела Твоего. Пленил еси ад, не искусився от него; сретил еси Деву, даруяй живот. Воскресый из мертвых, Господи, слава Тебе.

И ныне: Иже нас ради рождейся от Девы, и распятие претерпев, Благий, испровергий смертию смерть, и воскресение явлей яко Бог, не презри, яже создал еси рукою Твоею; яви человеколюбие Твое, Милостиве, приими рождшую Тя, Богородицу, молящуюся за ны, и спаси, Спасе наш, люди отчаянныя.

Не предаждь нас до конца, имене Твоего ради, и не разори завета Твоего, и не отстави милости Твоея от нас, Авраама ради возлюбленнаго от Тебе, и за Исаака, раба Твоего, и Израиля святаго Твоего.

Трисвятое. Пресвятая Троице: Отче наш:

Господи, помилуй (40 раз

)

Господи, помилуй (Трижды

)

Слава и ныне:

Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем (Поклон

)

. Молитвами святых отец наших, Господи Иисусе Христе Боже наш, помилуй нас. Аминь.
Молитва свт. Василия Великого .
Владыко Господи Иисусе Христе Боже наш, долготерпевый о наших согрешениих, и даже до нынешняго часа приведый нас, воньже на Животворящем Древе вися, благоразумному разбойнику иже в рай путесотворил еси вход, и смертию смерть разрушил еси, очисти нас грешных и недостойных раб Твоих. Согрешихом бо и беззаконновахом, и несмы достойни возвести очеса наша и воззрети на высоту небесную, зане оставихом путь правды Твоея, и ходихом в волях сердец наших. Но молим Твою безмерную благость, пощади нас, Господи, по множеству милости Твоея, и спаси нас имене Твоего ради Святаго, яко исчезоша в суете дние наша, изми нас из руки сопротивнаго, и остави нам грехи наша, и умертви плотское наше мудрование, да ветхаго отложивше человека, в новаго облецемся; и Тебе поживем, нашему Владыце и Благодетелю, и тако Твоим последующе повелением, в вечный покой достигнем, идеже есть всех веселящихся Жилище, Ты бо еси воистинну истинное веселие и радость любящих Тя, Христе Боже наш, и Тебе славу возсылаем, со Безначальным Твоим Отцем, и Пресвятым и Благим и Животворящим Твоим Духом, ныне и присно и во веки веков. Аминь.

.
ИЗОБРАЗИТЕЛЬНЫ . Псалом 102 .
Благослови, душе моя, Господа, и вся внутренняя моя имя святое Его; благослови, душе моя, Господа, и не забывай всех воздаяний Его, очищающаго вся беззакония твоя, изцеляющаго вся недуги твоя, избавляющаго от истления живот твой, венчающаго тя милостию и щедротами, исполняющаго во благих желание твое: обновится яко орля юность твоя. Творяй милостыни Господь и судьбу всем обидимым. Сказа пути Своя Моисеови, сыновом Израилевым хотения Своя. Щедр и милостив Господь, долготерпелив и многомилостив. Не до конца прогневается, ниже во век враждует: не по беззаконием нашим сотворил есть нам, ниже по грехом нашим воздал есть нам. Яко по высоте небесней от земли, утвердил есть Господь милость Свою на боящихся Его: елико отстоят востоцы от запад, удалил есть от нас беззакония наша. Якоже щедрит отец сыны, ущедри Господь боящихся Его. Яко той позна создание наше, помяну, яко персть есмы. Человек, яко трава дние его, яко цвет сельный, тако оцветет; яко дух пройде в нем, и не будет, и не познает ктому места своего. Милость же Господня от века и до века на боящихся Его, и правда Его на сынех сынов, хранящих завет Его и помнящих заповеди Его творити я. Господь на Небеси уготова Престол Свой, и Царство Его всеми обладает. Благословите Господа вси Ангели Его, сильнии крепостию, творящии слово Его, услышати глас словес Его. Благословите Господа вся силы Его, слуги Его, творящии волю Его. Благословите Господа вся дела Его, на всяком месте владычествия Его, благослови, душе моя, Господа.

Слава Отцу и Сыну и Святому Духу.

.
Псалом 145 .
Хвали, душе моя, Господа. Восхвалю Господа в животе моем, пою Богу моему, дондеже есмь. Не надейтеся на князи, на сыны человеческия, в нихже несть спасения. Изыдет дух его и возвратится в землю свою; в той день погибнут вся помышления его. Блажен, емуже Бог Иаковль Помощник его, упование его на Господа Бога своего, сотворшаго небо и землю, море и вся, яже в них; хранящаго истину в век, творящаго суд обидимым, дающаго пищу алчущим. Господь решит окованныя, Господь умудряет слепцы; Господь возводит низверженныя, Господь любит праведники. Господь хранит пришельцы, сира и вдову приимет и путь грешных погубит. Воцарится Господь во век, Бог твой, Сионе, в род и род.

И ныне и присно и во веки веков. Аминь.

.
Песнь Господу Иисусу Христу .
Единородный Сыне, и Слове Божий, безсмертен Сый и изволивый спасения нашего ради воплотитися от святыя Богородицы и Приснодевы Марии, непреложно вочеловечивыйся; распныйся же, Христе Боже, смертию смерть поправый, Един сый Святыя Троицы, спрославляемый Отцу и Святому Духу, спаси нас.

.
БЛАЖЕННЫ .
Во Царствии Твоем помяни нас, Господи, егда приидеши во Царствии Твоем. Блажени нищии духом, яко тех есть Царство Небесное. Блажени плачущии, яко тии утешатся. Блажени кротции, яко тии наследят землю. Блажени алчущии и жаждущии правды, яко тии насытятся. Блажени милостивии, яко тии помилованы будут.

Помяни мя, Боже Спасе мой, егда приидеши во Царствии Твоем, и спаси мя, яко Един Человеколюбец.

. Стих:

Блажени чистии сердцем, яко тии Бога узрят.

. Древом Адама прельтившагося, древом крестным паки спасл еси и разбойника, вопиюща: помяни мя, Господи, во Царствии Твоем.

. Стих:

Блажени миротворцы, яко тии сынове Божии нарекутся.

. Адова врата и вереи сокрушивый, Жизнодавче, воскресил еси вся, Спасе, вопиющия: слава востанию Твоему

Стих:

Блажени изгнани правды ради, яко тех есть Царство Небесное.

. Помяни мя, иже смерть пленивый погребением Твоим, и Воскресением Твоим радости вся исполнивый, яко Благоутробен.

. Стих:

Блажени есте, егда поносят вам, и изженут, и рекут всяк зол глагол на вы, лжуще Мене ради.

. Мироносицы ко гробу пришедша, Ангела зовуща слышаху: Христос воскресе, просветивый всяческая.

. Стих: Радуйтеся и веселитеся, яко мзда ваша многа на Небесех.

. На древе крестнем пригвоздившагося, и мир от прелести избавльшаго, согласно вси Христа воспоим.

. Слава: Отца, и Сына славословим, и Духа Святаго, глаголюще: Троице Святая, спаси души наша. И ныне: Неизреченно в последняя зачеши, и рождши создателя Твоего, Дево, спасай Тя величающия.

.
Трисвятое .
Святый Боже, Святый Крепкий, Святый Безсмертный, помилуй нас (Трижды

без поклонов)

. Слава, и ныне: Святый Безсмертный, помилуй нас.

. Святый Боже, Святый Крепкий, Святый Безсмертный, помилуй нас.

.
Прокимен перед Апостолом ,
Прокимен, глас 6

: Спаси, Господи, люди Твоя, и благослови достояние Твое.

. Припев: Спаси, Господи, люди Твоя, и благослови достояние Твое.

. Стих: К Тебе, Господи, воззову, Боже мой, да не премолчиши от мене.

. Припев: Спаси, Господи, люди Твоя, и благослови достояние Твое.

. Стих: Спаси, Господи, люди Твоя

. Припев: и благослови достояние Твое.

.
АПОСТОЛ .
К Коринфяном послания святаго апостола Павла чтение:

Братие, сказую вам благовествование, еже благовестих вам, еже и приясте, в немже и стоите, имже и спасаетеся, кацем словом благовестих вам, аще содержите: разве аще не всуе веровасте. Предах бо вам исперва, еже и приях, яко Христос умре грех наших ради, по писанием, и яко погребен бысть, и яко воста в третий день, по писанием, и яко явися Кифе, таже единонадесятим, потом же явися боле пяти сот братиям единою, от нихже множайшии пребывают доселе, нецыи же и почиша: потом же явися Иакову, таже апостолом всем: последи же всех, яко некоему извергу, явися и мне. Аз бо есмь мний апостолов, иже несмь достоин нарещися апостол, зане гоних церковь Божию. Благодатию же Божиею есмь, еже есмь: и благодать Его, яже во мне, не тща бысть, но паче всех их потрудихся: не аз же, но благодать Божия, яже со мною. Аще убо аз, аще ли они, тако проповедуем, и тако веровасте.

.
Аллилуарий перед Евангелием .
Глас 6

: Аллилуия

. Припев:

Аллилуия, аллилуия, аллилуия.
Стих:
Живый в помощи Вышняго, в крове Бога Небеснаго водворится.
Припев:
Аллилуия, аллилуия, аллилуия.
Стих:
Речет Господеви: Заступник мой еси, и Прибежище мое, Бог мой, и уповаю на него.
Припев:
Аллилуия, аллилуия, аллилуия.

.
ЕВАНГЕЛИЕ .
От Матфея Святаго Евангелия чтение

Слава Тебе, Господи, слава Тебе (Поклон

)

Рече Господь притчу сию: уподобися Царствие Небесное человеку царю, иже восхоте стязатися о словеси с рабы своими. Наченшу же ему стязатися, приведоша ему единаго должника тмою талант: не имущу же ему воздати, повеле и господь его продати, и жену его, и чада, и вся, елика имеяше, и отдати. Пад убо раб той, кланяшеся ему, глаголя: господи, потерпи на мне, и вся ти воздам. Милосердовав же господь раба того, прости его и долг отпусти ему. Изшед же раб той, обрете единаго (от) клеврет своих, иже бе должен ему стом пенязь: и емь его давляше, глаголя: отдаждь ми, имже (ми) еси должен. Пад убо клеврет его на нозе его, моляше его, глаголя: потерпи на мне, и вся воздам ти. Он же не хотяше, но вед всади его в темницу, дондеже воздаст должное. Видевше же клеврети его бывшая, сжалиша си зело и пришедше сказаша господину своему вся бывшая. Тогда призвав его господин его, глагола ему: рабе лукавый, весь долг онь отпустих тебе, понеже умолил мя еси: не подобаше ли и тебе помиловати клеврета твоего, якоже и аз тя помиловах; И прогневався господь его, предаде его мучителем, дондеже воздаст весь долг свой. Тако и Отец Мой Небесный сотворит вам, аще не отпустите кийждо брату своему от сердец ваших прегрешения их.

.
Молитвы после чтения Евангелия
. Слава Тебе, Господи, слава Тебе (Поклон

)

. Помяни нас, Господи, егда приидеши во Царствии Твоем (Поклон

) Помяни нас, Владыко, егда приидеши во Царствии Твоем (
Поклон
) Помяни нас, Святый, егда приидеши во Царствии Твоем (
Поклон
) . Лик небесный поет Тя, и глаголет: Свят, Свят, Свят Господь Саваоф, исполнь Небо и земля славы Твоея. .
Стих: Приступите к Нему и просветитеся, и лица ваша не постыдятся.
. Лик Небесный поет Тя, и глаголет: Свят, Свят, Свят Господь Саваоф, исполнь Небо и земля славы Твоея. . Слава: Лик святых Ангел и Архангел, со всеми Небесными силами поет Тя, и глаголет: Свят, Свят, Свят Господь Саваоф, исполнь Небо и земля славы Твоея . И ныне: Верую во единаго Бога Отца Вседержителя, Творца Небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, не сотворенна, единосущна Отцу, Имже вся быша. Нас ради человек, и нашего ради спасения сшедшаго с Небес, и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша, и погребена. И воскресшаго в третий день по Писанием. И возшедшаго на Небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую Соборную и Апостольскую Церковь. Исповедую едино крещение, во оставление грехов. Чаю воскресения мертвых, и жизни будущаго века. Аминь. .
Прошение .
Ослаби, остави, прости, Боже, прегрешения наша, вольная и невольная, яже в слове, и в деле, яже в ведении и не в ведении, яже во дни и в нощи, яже во уме и в помышлении: вся нам прости, яко Благ и Человеколюбец.

. Отче наш, Иже еси на Небесех! Да святится имя Твое, да приидет Царствие Твое, да будет воля Твоя, яко на Небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

.
Кондак воскресный . глас 6 .
Живоначальною дланию умершия от мрачных удолий Жизнодавец воскресив всех Христос Бог, воскресение подаде человеческому роду: есть бо всех Спаситель, Воскресение и Живот, и Бог всех.

Господи, помилуй (12 раз

) . Всесвятая Троице, единосущная державо, нераздельное царство, всех благих вина, благоволи же и о мне грешнем, утверди, вразуми сердце мое, и всю мою отыми скверну. Просвети мою мысль, да выну славлю, пою и покланяюся, и глаголю: Един Свят, Един Господь, Иисус Христос, во славу Бога Отца. Аминь. . Буди имя Господне благословено отныне и до века (
Трижды с поклонами
) .
Слава, и ныне:Псалом 33 .
Благословлю Господа на всякое время, выну хвала Его во устех моих. О Господе похвалится душа моя, да услышат кротцыи и возвеселятся. Возвеличите Господа со мною, и вознесем имя Его вкупе. Взысках Господа, и услыша мя, и от всех скорбей моих избави мя. Приступите к Нему и просветитеся, и лица ваша не постыдятся. Сей нищий воззва, и Господь услыша и, и от всех скорбей его спасе и. Ополчится Ангел Господень окрест боящихся Его, и избавит их. Вкусите и видите, яко благ Господь: блажен муж, иже уповает Нань. Бойтеся Господа, вси святии Его, яко несть лишения боящимся Его. Богатии обнищаша и взалкаша: взыскающии же Господа не лишатся всякаго блага. Приидите чада, послушайте мене, страху Господню научу вас. Кто есть человек хотяй живот, любяй дни видети благи? Удержи язык твой от зла, и устне твои, еже не глаголати льсти. Уклонися от зла и сотвори благо, взыщи мира и пожени и. Очи Господни на праведныя, и уши Его в молитву их. Лице же Господне на творящия злая, еже потребити от земли память их. Воззваша праведнии, и Господь услыша их, и от всех скорбей их избави их. Близ Господь сокрушенных сердцем, и смиренныя духом спасет. Многи скорби праведным, и от всех их избавит я Господь. Хранит Господь вся кости их, ни едина от них сокрушится. Смерть грешников люта, и ненавидящии праведнаго прегрешат. Избавит Господь души раб Своих, и не прегрешат вси уповающии на Него.

.
ОКОНЧАНИЕ ИЗОБРАЗИТЕЛЬНЫХ .
Достойно есть яко воистину блажити Тя Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем (Поклон

Слава (Поклон

),
и ныне: (Поклон
). Господи помилуй. (
Трижды
). Господи, благослови (
Поклон
)

. Воскресый из мертвых, Господи, Иисусе Христе Сыне Божий, молитвами Пречистыя Твоея Матери, святых славных и всехвальных апостол, преподобных и богоносных отец наших, святаго (Имена святых, указанных на данный день в Православном церковном календаре)

и всех святых помилуй и спаси нас, яко благ и Человеколюбец. Аминь.

.
Многолетие .
Великаго Господина и Отца нашего (имярек

), Святейшего Патриарха Московскаго и всея Руси [и господина нашего (высоко)преосвященнейшаго (
имярек
), митрополита
или
(архи)епископа (
титул
)], отцев наших духовных и вся православныя христианы, Господи, сохрани их на многая лета.

. .Господи, помилуй (Трижды

)

Глава седьмая. Изобразительные (обедница)

По своему составу последование изобразительных совпадает с внешней, певческой стороной литургии; вследствие чего и объяснение этого последования должно сводиться собственно к объяснению песнопений литургии. Но литургийные песнопения неразрывно связаны с молитвами. «По древнему уставу (песненного последования), – говорит Симеон Солунский, – по которому соблюдается чин собственно священной литургии, – – возносимые к Богу чрез священника молитвы поют певцы; «и тогда как иерей, посредствуя, тайно молится внутри алтаря, возносятся к Богу прошения народа»422. Литургийные песнопения и молитвы взаимно дополняют и поясняют друг друга. – Отсюда ясно, что для правильного истолкования изобразительных молитвословий необходимо сопоставлять их не только с литургийными песнопениями, но и с молитвами. Такое сопоставление, помогая всестороннему раскрытию содержания рассматриваемой нами службы, в то же время может принести пользу и в деле изъяснения полной литургии.

Перед совершением таинства евхаристии священнодействующий творил в древности поминовение живых и умерших, вознося молитвы о принесших дары для таинства и о тех, ради кого они приносились, а также о всех людях423. Соответственно этому, и изобр-ные начинаются молением: «Помяни нас, Господи, егда приидеши во царствии Твоем». Это моление затем многократно повторяется, с присоединением евангельских «блаженств». Молитвенное воззвание «Помяни нас, Господи» может, в частности, напоминать общую церковную молитву, стоящую в начале литургии верных, по VIII книге Апостольских Постановлений424, и – сходную с ней по содержанию ектению из литургии aп. Иакова – «Спаси, помилуй»425. Но там раздельно возносятся прошения о плавающих, путешествующих, о страждущих, плененных и больных, о благотворителях и милостивых, о мире всего мира и о всякой душе христианской; – здесь же все эти частные прошения объединяются в одном общем возгласе: «Помяни нас, Господи», отвечающем собственно лишь ектенийному припеву «Господи, помилуй». Впрочем, положенные на-ряду «заповеди блаженства» так же, как и ектения, упоминают в отдельности о миротворцах и милостивых, о кротких и плачущих, о непоколебимых исповедниках имени Христова и мужественных поборниках правды. Всех их церковь ублажает, как доблестных воинов своих, которым, по неложному обетованию Спасителя, уготована «мзда многа на небесех».

Вслед за «блаженнами» на изобразительных, по замечанию Симеона Сол., «читают то, что читается всеми вне алтаря и на литургии: троичное славословие ангелов – Свят, свят, свят, – символ веры» и проч.426. Таким образом, от «юдоли плача», от земли, сердца наши возносятся «горе», к небесам, в «церковь торжествующих», к престолу Всевышнего, и мы вместе с ангельскими ликами воспеваем «победную песнь». С этой песнью иаобр-ные, подобно некоторым древним литургиям427, соединяют малое славословие: «Слава Отцу и Сыну и Св. Духу».

Произносимый затем символ веры и по содержанию, и по положению следует сопоставлять с евхаристическими молитвами, на основе которых, по всей вероятности, он и развился.

Как видно из Постановлений Апостольских, евхаристическое благодарение имело в древности такое же значение, какое впоследствии приобрел символ веры, и являлось свидетельством правоверия: «кто из приходящих благодарит так (правильно), – говорится в Постановлениях, – того принимайте, как ученика Христова»428. Этим объясняется, почему в древности каждая церковь имела свой символ: их первоначально могло быть столько же, сколько было евхаристических молитв. Позднее, естественно, установилась одна определенная формула исповедания веры, которая вместе с тем служила образцом и для предстоятелей церкви при импровизации евхаристических молитв.

Евхаристические молитвы прежде всего выясняют побуждения к прославлению Бога всею тварию, при чем пользуются выражениями до буквальности сходными с символом веры. «Поистине достойно и справедливо, говорится в них, – прежде всего воспевать Тебя, Сущий, Владыка Господи Боже Отче Вседержитель – – Господь неба и земли и всей твари видимой и невидимой, – – Отец Единороднаго Сына Твоего Господа нашего Иисуса Христа, сущаго в недрах Твоих, который есть истинный Бог, истинный свет»429. Далее идет речь о явлении Христа Спасителя в мир, о Его крестных страданиях, смерти и погребении, о воскресении в третий день, вознесении на небо и славном втором пришествии430; упоминается о ниспослании Св. Духа, Духа истины, животворящей силы431.

В символе, как известно, раскрываются такие же мысли и почти в тех же выражениях. В частности, выражения о Св. Духе в греческой литургии ап. Иакова обнаруживают такую близость к тексту символа веры, которая только и может объясняться заимствованием432.

После символа веры в нынешнем чине изобр-ных положена молитва «Ослаби, остави». В древнейшем последовании изобр-ных – Син. 863 – этой молитвы нет; а в древнеславянских памятниках она заменяется сходной по мыслям молитвой после Oтчe наш; «Господи Боже наш, Иже преславную Матерь Свою яви». Нынешняя наша литургия тоже не имеет молитвы «Ослаби, остави»; и только в литургиях ап. Иакова и Петра она приводится, как «молитва прежде причащения»433. В настоящее время почти дословно сходны с нею 7-я и 9-я молитвы «последования ко св. причащению», а равно 2-я молитва «чина исповедания» («Господи И. X., Сыне Бога живаго»).

Итак, в чине изобр-ных опущены лишь песнопения, соответствующие молитвам об освящении Даров. Но таких песнопений нет даже в полной литургии; а в чине изобр-ных их и не должно быть.

За молитвой «Ослаби, остави» в чине изобр-ных следует молитва «Отче наш». Она издревле поставляется в связь с причащением; а именно, прошение – «хлеб наш насущный даждь нам днесь», по древнему толкованию, относится к Вкушению Хлеба, сшедшего с небес, т. е. тела и крови Христовых434. Поэтому молитва Господня и входит неизменно в состав не только «обедни», но и обедницы.

Дальше, по нынешнему чину, положено чтение кондаков праздничных и дневных в честь Спасителя, Божией Матери, ангелов и святых, а также в память усопших и мучеников. Они по смыслу своему соответствуют молитвам поминовения и должны были бы, поэтому, стоять раньше «Отче наш», наряду с молитвой «Ослаби, остави»; тогда кондак Преображения435 или какой-либо иной в честь Спасителя напоминал бы о времени таинственного пресуществления св. Даров. Почему-то из кондаков в честь и славу Господа отдается предпочтение именно кондаку Преображения, – не потому ли, что преображение Господне с особенной живостью и наглядностью может напоминать об акте пресуществления, как явлении подобном?…

В древнейшем чине изобр-ных – Син. 863 – кондаков нет. Они введены были, по всей вероятности, в подражание тому, удержанному и доселе, последованию литургийных молитв, в котором ходатайственные молитвы помещаются после евхаристических. На обеднице уже раз происходило поминовение, – при чтении «блаженств», с припевом «Помяни нас, Господи». Здесь оно повторяется. Такое повторение допускается и на литургии: там первое поминовение бывает на великом входе и на проскомидии, а второе – после пресуществления св. Даров. Повторение это можно понимать в том смысле, что сначала речь идет, главным образом, о церкви земной – воинствующей, и мы взываем: «да помянет нас Господь Бог во царствии Своем» (= «Помяни нас, Господи») и «сподобит неосужденно причаститися Святынь Своих» (= «Приступите к Нему и просветитеся, и лица ваша не постыдятся»). А после освящения Даров, когда на престоле предлежит уже Небесный Хлеб, мы, отложив житейские попечения, как бы восхищаемся на самое небо, «в церковь торжествующих, на небесех написанных», и вместе с ними «приносим словесную службу», снова поминая при этом всех живых и мертвых. Впрочем, на литургии ап. Иакова, употребляемой у иаковитов, после освящения Даров, перед причащением, положены особые антифонные песнопения, на подобие наших кондаков в честь Богородицы, святых и в память усопших436.

В чине «на причащение» (Син. 863) после молитвы Господней непосредственно следует троекратное «Господи, помилуй». Такое «Господи, помилуй» в литургии св. Марка составляет заключение молитвы священника перед возгласом: «Святая святым»437; а 12 раз, как и ныне на обеднице, «Господи, помилуй» произносится народом на литургии ап. Иакова, после «Един свят»438. Самый же возглас «Един свят» находится неизменно как в чине обедницы, так и во всех литургиях. В нынешнем чине изобр-ных возглас этот предваряется еще молитвенным обращением к Пресвятой Троице: «Всесвятая Троице, единосущная державо». То же мы встречаем в грузинских списках литургии ап. Иакова439.

Дальнейший причастный стих – «Вкусите и видите, яко Христос Господь, Аллилуиа» (Син. 863) – упоминается уже св. Кириллом Иерусалимским в 5-м тайноводственном поучении; встречается он и в литургии ап. Иакова. На той же литургии, а равно на литургии Апостольских Постановлений во время причастия полагается чтение псалма 33-го440.

Приведенные в Син. 863 молитвы причащения по общему содержанию своему сходны с такими же литургийными молитвами. Две из них и по началу совпадают с молитвами, находящимися в литургии ап. Иакова, – именно: «Исполни уста моя хваления, Господи» (Пс. 70:8) и «Благодарим Тя, Христе Боже наш, яко сподобил еси нас причаститися». Есть в литургии ап. Иакова и возглас: «Буди имя Господне», произносимый прежде и после преподания св. Даров верующим441.

Что касается нынешнего начала изобр-ных (и литургии), состоящего из исалмов 102-го и 145-го и песни «Единородный Сыне», то хотя оно, сравнительно, и позднего происхождения (в Син. 863 его нет), тем не менее нисколько не противоречит характеру остальных молитвословий; благодарственно-хвалебное содержание его вполне применимо к последованию «на причащение». То же нужно сказать и о псалме 141-м, который, по некоторым памятникам, читается в конце изобр-ных, наряду с псалмом 33-м442. Относительно псалмов 144-го и 145-го известно, между прочим, что они исполнялись в древности на литургии во время причащения; при чем начальные слова пс. 144-го возглашал иногда сам священник перед выносом св. Даров для причащения мирян443.

Сопоставление изобр-ных с литургийными молитвословиями наглядно показывает, что изобразительные подлинно изображают, или отображают литургию. Но так как литургия, будучи таинством причащения, совершается, по заповеди Спасителя, «в Его воспоминание» и должна напоминать о совершенном Им деле искупления, то в молитвословиях ее выражается, поэтому, вся сущность христианского вероучения. Являясь подлинным отображением литургии, изобр-ные и здесь остаются верными своему первообразу. Содержание их представляет хотя и краткое, но вполне законченное изложение основных истин веры и нравственности: в «заповедях блаженства» и молитве Господней дается живое и образное изложение наших нравственных обязанностей; в символе веры предлагается раздельное и точное раскрытие христианской догматики. Словом, исчерпывается все содержание христианского катехизиса.