Значение акафиста Честному и Животворящему Кресту Господню
Конда́к 1
О всеспаси́тельный Кре́сте и всечестны́й, тебе́ покланя́емся ве́рнии и велича́ем, ра́дующеся боже́ственному твоему́ воздви́жению: но я́ко побе́ды зна́мение и оружие непреобори́мое, огради́ и покры́й твое́ю благода́тию тебе́ вопию́щия:
- Ра́дуйся, животворя́щий Кре́сте Госпо́день.
И́кос 1
А́нгели с небесе́ неви́димо окружа́ют Крест живоно́сный в стра́се, и светопода́тельную благода́ть оби́льно подаю́ща ны́не ве́рным ви́дяще, ужаса́ются и стоя́т вопию́ще к нему́ сицева́я:
- Ра́дуйся, Кре́сте, вселе́нныя храни́телю;
- ра́дуйся, Це́ркве прославле́ние.
- Ра́дуйся, исцеле́ния изоби́льно источа́яй;
- ра́дуйся, преде́лы ми́ра просвеща́яй.
- Ра́дуйся, дре́во живоблагоуха́нное и чуде́с сокро́вище;
- ра́дуйся, пречу́дный благода́тей пода́телю.
- Ра́дуйся, я́ко еси́ подно́жие боже́ственное;
- ра́дуйся, я́ко положе́н был еси́ всем на поклоне́ние.
- Ра́дуйся, ча́ше, некта́ра испо́лненная;
- ра́дуйся, свети́льниче го́рния све́тлости.
- Ра́дуйся, и́мже вся тварь благословля́ется;
- ра́дуйся, и́мже поклоне́ние Творцу́ возсыла́ется.
- Ра́дуйся, животворя́щий Кре́сте Госпо́день.
Конда́к 2
Ви́дящи Еле́на в себе́ жела́ние обрести́ Крест, глаго́лет царе́ви дерзнове́нно: всевожделе́нное души́ твое́й удо́бнейше моему́ тща́нию явля́ется: и́щущи у́бо держа́внейшее ти побе́ды зна́мение, я́ко глаго́леши, зову́: Аллилу́ия.
И́кос 2
Ра́зум неразумева́емый пре́жде цари́ца разуме́вши, а́бие возопи́ к служи́телем: из боку́ земли́ извлещи́ вско́ре и пода́ти Крест потщи́теся, на него́же воззре́вши рече́ в стра́се, оба́че зову́щи си́це:
- Ра́дуйся, ра́дости и́стинныя зна́мение;
- ра́дуйся, кля́твы дре́вния искупле́ние.
- Ра́дуйся, сокро́вище, в земли́ за́вистию сокрыва́емое;
- ра́дуйся, явле́йся звезда́ми вообража́емый.
- Ра́дуйся, Кре́сте четверолучео́гненный и огнеобра́зный;
- ра́дуйся, ле́ствице высокоутвержде́нная, дре́вле предуви́денная.
- Ра́дуйся, а́нгелов тихообра́зное чу́до;
- ра́дуйся, де́монов многоплаче́вная я́зво.
- Ра́дуйся, кра́сное сло́ва сокро́вище;
- ра́дуйся, пла́мене пре́лести угаше́ние.
- Ра́дуйся, предста́телю неиму́щих;
- ра́дуйся, тве́рдый наста́вниче благотеку́щих.
- Ра́дуйся, животворя́щий Кре́сте Госпо́день.
Конда́к 3
Си́ла дре́ва кре́стнаго яви́ся тогда́ ко увере́нию и́стинному всех, и безгла́сную и ме́ртвую к животу́ возста́ви, и се бы́сть тогда́ стра́шное виде́ние всем име́ющим жа́ти спасе́ние, во е́же пе́ти си́це: Аллилу́ия.
И́кос 3
Иму́щи Еле́на ору́жие непобеди́мое, востече́ к сы́ну своему́, той же а́бие возра́довася премно́го, позна́в Крест пресла́вный, и в весе́лии душе́внем вопия́ше к нему́ сицева́я:
- Ра́дуйся, Кре́сте, све́та прия́телище;
- ра́дуйся, Кре́сте, жи́зни сокро́вище.
- Ра́дуйся, дарова́ний духо́вных пода́телю;
- ра́дуйся, морепла́вателем необурева́емое приста́нище.
- Ра́дуйся, трапе́зо, я́ко же́ртву нося́щая Христа́;
- ра́дуйся, розго́, грозд иму́щая, вино́ та́инственное источа́ющий.
- Ра́дуйся, я́ко ски́птры царе́й охраня́еши;
- ра́дуйся, я́ко главы́ змие́в сокруша́еши.
- Ра́дуйся, све́тлое ве́ры зна́мение;
- ра́дуйся, всего́ ми́ра избавле́ние.
- Ра́дуйся, сме́ртным Бо́жие благослове́ние;
- ра́дуйся, к Бо́гу о сме́ртных хода́тайство.
- Ра́дуйся, животворя́щий Кре́сте Госпо́день.
Конда́к 4
Ре́вность вну́трь боже́ственную Еле́на прие́мши, взыска́ и обре́те со тща́нием в земли́ Крест сокрыва́емый, и яви́вшийся на небеси́ царе́ви, его́же возвы́си, и ви́девше лю́дие ве́рою реко́ша: Аллилу́ия.
И́кос 4
Солнцезра́чен яви́ся Крест в ми́ре, и вси просвеще́ния испо́лньшеся и прите́кше я́ко ко звезде́, зрят сего́, я́коже до́брых вину́, рука́ма освяще́нныма воздви́жена, его́же пою́ще ре́ша:
- Ра́дуйся, заре́ мы́сленнаго со́лнца;
- ра́дуйся, исто́чниче неистощи́маго ми́ра.
- Ра́дуйся, Ада́ма и Е́вы воззва́ние;
- ра́дуйся, князе́й а́довых умерщвле́ние.
- Ра́дуйся, я́ко воздвиза́емый ны́не нас совоздвиза́еши;
- ра́дуйся, я́ко покланя́емый ду́ши на́ша освяща́еши.
- Ра́дуйся, апо́столов ми́ру пропове́данная сла́во;
- ра́дуйся, страстоте́рпцев благода́тнейшая кре́посте.
- Ра́дуйся, Кре́сте, неве́рных обличе́ние;
- ра́дуйся, ве́рных челове́ков похвало́.
- Ра́дуйся, и́мже низве́ржеся ад;
- ра́дуйся, и́мже возсия́ благода́ть.
- Ра́дуйся, животворя́щий Кре́сте Госпо́день.
Конда́к 5
Богодарова́нное дре́во уви́девше, вси да прибе́гнем ны́не к покро́ву его́, держа́ще сие́ я́ко ору́жие, обрати́м в бе́гство полки́ враго́в, и косну́вшеся устна́ми подно́жия Неприкоснове́ннаго, воззове́м Ему́: Аллилу́ия.
И́кос 5
Ви́де све́т с небесе́ Константи́н Вели́кий, показу́ющий Креста́ зна́мение звезда́ми, и́мже и побежда́я враго́в мно́жество, потща́ся Дре́во яви́ти и возопи́ти к нему́ сицева́я:
- Ра́дуйся, неизрече́ннаго сове́та исполне́ние;
- ра́дуйся, рог люде́й благочести́вых.
- Ра́дуйся, полки́ враго́в в бе́гство обраща́яй;
- ра́дуйся, де́моны я́ко пла́мя сожига́яй.
- Ра́дуйся, небе́сный ски́птре ве́рнаго царя́;
- ра́дуйся, непобеди́мая побе́до христолюби́ваго во́инства.
- Ра́дуйся, горды́ню вра́жию ниспроверга́яй;
- ра́дуйся, о душа́х челове́ческих попече́ние прилага́яй.
- Ра́дуйся, от мно́гих зол защище́ние;
- ра́дуйся, вели́ких благ награжде́ние.
- Ра́дуйся, и́мже христоно́сцы взыгра́ют;
- ра́дуйся, и́мже распина́телие рыда́ют.
- Ра́дуйся, животворя́щий Кре́сте Госпо́день.
Конда́к 6
Ле́ствица, до небе́с досяза́ющая, Крест Госпо́день бысть, вся возводя́ от земли́ к высоте́ небе́сней, с ли́ки а́нгельскими сообита́ти всегда́, оста́вльшия ны́не су́щая я́ко не су́щая, и ве́дущия пе́ти: Аллилу́ия.
И́кос 6
Возсия́в свет всем, Спа́се, су́щим во а́де, просвети́л еси́ до́лу лежа́щия: вра́тницы же а́довы, зари́ не терпя́ще твоея́, я́ко ме́ртви падо́ша. изба́вльшиися же сих, ны́не зря́ще Крест вопию́т:
- Ра́дуйся, уме́рших воскресе́ние;
- ра́дуйся, пла́чущих утеше́ние.
- Ра́дуйся, а́довых храни́лищ истоще́ние;
- ра́дуйся, ра́йския сла́дости вкуше́ние.
- Ра́дуйся, же́зле, во́инство еги́петское потопи́вый;
- ра́дуйся, па́ки изра́ильския лю́ди напои́вый.
- Ра́дуйся, одушевле́нное дре́во, разбо́йника спасе́ние;
- ра́дуйся, ши́пок благово́нный, благочести́вых благоуха́ние.
- Ра́дуйся, пи́ще а́лчущих духо́вно;
- ра́дуйся, печа́те, ю́же прия́ша челове́цы.
- Ра́дуйся, Кре́сте, та́инств отверзе́ние.
- ра́дуйся, источа́яй боже́ственныя струи́.
- Ра́дуйся, животворя́щий Кре́сте Госпо́день.
Конда́к 7
Хотя́щу Моисе́ови изба́вити лю́ди многострада́льныя от гони́теля, дан был еси́ ему́ я́ко жезл, но позна́лся от него́ я́коже Бо́жие зна́мение, сего́ ра́ди изумле́н бысть той могу́ществом Креста́ Госпо́дня и возопи́: Аллилу́ия.
И́кос 7
Зако́н да́вый иногда́ богови́дцу на Сина́и, пригвожде́н бысть во́лею ко Кресту́ за лю́ди беззако́нныя, и упраздни́ зако́на кля́тву дре́внюю, да вси мы, ви́дяще ны́не Креста́ си́лу, воззове́м ему́:
- Ра́дуйся, па́дших челове́ков воста́ние;
- ра́дуйся, ми́ру сему́ покланя́ющихся паде́ние.
- Ра́дуйся, воскресе́ния Христо́ва прославле́ние;
- ра́дуйся, мона́шествующих боже́ственное услажде́ние.
- Ра́дуйся, дре́во благосенноли́ственное, и́мже покрыва́ются ве́рнии;
- ра́дуйся, дре́во, проро́ки глаго́ланное, на земли́ насажде́нное.
- Ра́дуйся, ца́рствию на враги́ поможе́ние;
- ра́дуйся, христоимени́тому жи́тельству держа́вное предста́тельство.
- Ра́дуйся, Судии́ Пра́веднаго явле́ние;
- ра́дуйся, челове́ков согреша́ющих осужде́ние.
- Ра́дуйся, Кре́сте, сиро́т засту́пниче;
- ра́дуйся, Кре́сте, ни́щих богати́телю.
- Ра́дуйся, животворя́щий Кре́сте Госпо́день.
Конда́к 8
Стра́нное чу́до ви́девше, стра́нное житие́ поживе́м, ум на не́бо возвыша́юще: сего́ бо ра́ди на Кресте́ Христо́с пригвозди́ся и пло́тию пострада́, хотя́ привлещи́ к высоте́ Ему́ вопию́щия: Аллилу́ия.
И́кос 8
Весь прии́де с высоты́, Бог сый, еди́ное предве́чное Сло́во, и рожде́йся от Де́вы Ма́тере, и явле́йся ми́рови смире́н Челове́к, Крест восприе́мый, оживи́ ему́ вопию́щия:
- Ра́дуйся, Кре́сте, ору́жие ми́ра;
- ра́дуйся, путеше́ствующим огражде́ние.
- Ра́дуйся, спаса́ющимся прему́дрость и утвержде́ние;
- ра́дуйся, погиба́ющим безу́мие и сокруше́ние.
- Ра́дуйся, благопло́дное, безсме́ртное и живоно́сное произрасте́ние;
- ра́дуйся, цве́те, процве́тший на́ше спасе́ние.
- Ра́дуйся, я́ко су́щая на земли́ с го́рними соединя́еши;
- ра́дуйся, я́ко сердца́ до́льних просвеща́еши.
- Ра́дуйся, и́мже тле́ние изгна́ся;
- ра́дуйся, и́мже печа́ль исчезе́.
- Ра́дуйся, неизмери́мое блаже́нство до́брых;
- ра́дуйся, многоиме́нная сла́во ве́рных.
- Ра́дуйся, животворя́щий Кре́сте Госпо́день.
Конда́к 9
Паде́ де́монов всескве́рный полк, и род распина́телей устыде́ся, ви́дяще ны́не Крест от всех с любо́вию покланя́емый, при́сно же источа́ющий исцеле́ния вопию́щим: Аллилу́ия.
И́кос 9
Пото́цы преста́ша помышле́ний злосла́вных, распе́ншуся ти, Христе́, на дре́ве: недоумева́ют бо, е́же ка́ко и Крест претерпе́л еси́, и тле́ния избежа́л еси́. мы же воскресе́ние сла́вяще возопии́м:
- Ра́дуйся, прему́дрости Бо́жия высото́;
- ра́дуйся, промышле́ния его́ глубино́.
- Ра́дуйся, безу́мным суесло́вцем неве́домый;
- ра́дуйся, неразу́мных прорица́телей погубле́ние.
- Ра́дуйся, я́ко воскресе́ние Христо́во явля́еши;
- ра́дуйся, я́ко страда́ния Его́ обновля́еши.
- Ра́дуйся, преступле́ние первозда́нных разреши́вый;
- ра́дуйся, рая́ вхо́ды отве́рзый.
- Ра́дуйся, Кре́сте, все́ми почита́емый;
- ра́дуйся, язы́ком неве́рным сопроти́вниче.
- Ра́дуйся, Кре́сте, неду́гующим врачу́;
- ра́дуйся, при́сный вопию́щим помо́щниче.
- Ра́дуйся, животворя́щий Кре́сте Госпо́день.
Конда́к 10
Спасти́ хотя́ мир, и́же ми́ра Украси́тель, сни́де к нему́ неизрече́нно, и Крест претерпе́, Бог сый: нас ра́ди вся я́же по нам прие́млет, те́мже и избавле́й нас, слы́шит от всех: Аллилу́ия.
И́кос 10
Сте́ну неруши́мую боже́ственную вселе́нней почита́ем тя, живоно́сный Кре́сте, зане́ соде́лавый тя Творе́ц не́ба и земли́ ру́це на тебе́ распростре́, о стра́ннаго слы́шания! научи́в всех возглаша́ти:
- Ра́дуйся, основа́ние благоче́стия;
- ра́дуйся, побе́до насле́дствующих.
- Ра́дуйся, мы́сленнаго Амали́ка прогоня́яй;
- ра́дуйся, рука́ма Иа́ковлевыма прообразова́нный.
- Ра́дуйся, ты бо возобрази́л еси́ древне́йшия се́ни;
- ра́дуйся, ты бо испо́лнил еси́ пророкоглаго́ланныя гла́сы.
- Ра́дуйся, Спаси́теля всех носи́вый;
- ра́дуйся, губи́теля душ упраздни́вый.
- Ра́дуйся, и́мже со а́нгелы соедини́хомся;
- ра́дуйся, его́же ра́ди све́том озари́хомся.
- Ра́дуйся, я́ко почита́юще покланя́емся тебе́;
- ра́дуйся, я́ко восклица́юще взыва́ем к тебе́:
- Ра́дуйся, животворя́щий Кре́сте Госпо́день.
Конда́к 11
Пе́ние вся́кое умаля́ется, после́довати хотя́щее изоби́лию мно́гому чуде́с твои́х: и́бо похва́л мно́жество а́ще принесе́м ти, о Кре́сте честны́й, ничто́же соверша́ем досто́йно, я́же дал еси́ нам: но у́бо возопии́м Бо́гу: Аллилу́ия.
И́кос 11
Светопода́тельную зарю́ су́щим во тьме́ да́рует Крест живодарова́тельный сей: невеще́ственный бо прия́т свет, и к ра́зуму боже́ственному наставля́ет вся, возвыша́ет же, ны́не возвыша́емь, ум наш воспева́ти сия́:
- Ра́дуйся, свети́ло, су́щим во тьме сия́ющее;
- ра́дуйся, звездо́, мир озаря́ющая.
- Ра́дуйся, мо́лние, христоуби́йцы ослепля́ющая;
- ра́дуйся, гро́ме, неве́рныя ужаса́яй.
- Ра́дуйся, я́ко ли́ки правосла́вных украси́л еси́;
- ра́дуйся, я́ко тре́бища и́дольская сокруши́л еси́.
- Ра́дуйся, его́же о́браз с небесе́ яви́ся;
- ра́дуйся, его́же благода́тию лука́вство прогна́ся.
- Ра́дуйся, умерщвле́ние пло́ти зна́менуяй;
- ра́дуйся, воста́ние страсте́й убива́яй.
- Ра́дуйся, на не́мже Христо́с распя́ся;
- ра́дуйся, и́мже весь мир спасе́ся.
- Ра́дуйся, животворя́щий Кре́сте Госпо́день.
Конда́к 12
Благода́ть дарова́ти челове́ком восхоте́в, Христо́с ру́це на Кресте́ распростре́, призыва́яй вся язы́ки, и да́рует Ца́рство Небе́сное всем пою́щим ему́ песнь досто́йно, и с ве́рою вопию́щим: Аллилу́ия.
И́кос 12
Пою́ще песнь сию́, Крест восхваля́ем с любо́вию, я́ко дре́во Госпо́дне одушевле́нное: на нем бо распе́нся пло́тию Влады́чествуяй го́рними си́лами, освяти́ ны, просла́ви и научи́ вопи́ти тому́ сицева́я:
- Ра́дуйся, Кре́сте, мы́сленный мечу́;
- ра́дуйся, святы́х свято́е созерца́ние.
- Ра́дуйся, проро́ков и пра́ведных предвозвеще́ние;
- ра́дуйся, Христо́во светоно́сное во́инствование.
- Ра́дуйся, добро́то и ве́нче царе́й благочести́вых;
- ра́дуйся, держа́во и кре́посте иере́ев благогове́йных.
- Ра́дуйся, и́стины украше́ние благосла́внейшее;
- ра́дуйся, спасе́ния приста́нище благоприя́тнейшее.
- Ра́дуйся, всех све́тлое удобре́ние;
- ра́дуйся, сыно́в неве́рных прогна́ние.
- Ра́дуйся, све́та непоро́чнаго свети́льниче;
- ра́дуйся, души́ моея́ ра́дование.
- Ра́дуйся, животворя́щий Кре́сте Госпо́день.
Конда́к 13
О всепе́тое Дре́во, носи́вшее всех святы́х святе́йшее Сло́во! Си́лою на тебе́ Распя́таго от вся́кия изба́ви напа́сти всех, и ве́чныя изми́ му́ки Тому́ вопию́щия: Аллилу́ия.
Сей конда́к глаго́лется три́жды. И па́ки чте́тся 1-й и́кос и 1-й конда́к.
Моли́тва
Да воскре́снет Бог, и расточа́тся врази́ Его́, и да бежа́т от лица́ Его́ ненави́дящии Его́. Я́ко исчеза́ет дым, да исче́знут; я́ко та́ет воск от лица́ огня́, та́ко да поги́бнут бе́си от лица́ лю́бящих Бо́га, и зна́менующихся кре́стным зна́мением, и в весе́лии глаго́лющих: ра́дуйся, пречестны́й и животворя́щий Кре́сте Госпо́день, прогоня́яй бе́сы си́лою на тебе́ пропя́таго Го́спода на́шего Иису́са Христа́, во ад сше́дшаго и попра́вшаго си́лу диа́волю, и дарова́вшаго нам тебе́, Крест Свой честны́й, на прогна́ние вся́каго супоста́та. О пречестны́й и животворя́щий Кре́сте Госпо́день, помога́й ми со свято́ю Госпоже́ю Де́вою Богоро́дицею, и со все́ми святы́ми во ве́ки. Ами́нь.
Портал «Дивное Дивеево»
Святой Крест, благоговейно чествующий св. Церковью, особенно много говорит нашему сердцу – мы в нем видим не только напоминание о давно прошедшем, но и указание для личной жизни каждого из нас. Кто не желает погрязнуть в мутной тине низких страстей, кого разум влечет на иной, высший путь жизни, кто не может относиться к делу искупления и освящения человечества как холодный посторонний зритель, лишь «покивающий головою своею» перед голгофской картиной, кто хочет идти во след Христу, тот «да отвержется себе и возьмет крест свой и последует Ему».
27 сентября св. Церковь празднует Воздвижение честного животворящего Креста Господня. Этот очень древний праздник и обычай, по-особому отмечать субботу и воскресенье перед Воздвижением, связаны с двумя большими событиями в истории христианской Церкви.
Во времена гонений на Церковь римские императоры-язычники пытались полностью уничтожить в человечестве воспоминания о священных местах, где пострадая за людей и воскрес Господь наш Иисус Христос. Император Адриан (117—138) приказал засыпать землей Голгофу и Гроб Господень и на искусственном холме поставить капище языческой богини Венеры и статую Юпитера. На это место собирались язычники и совершали идольские жертвоприношения.
Однако через 300 лет Промыслом Божиим великие христианские святыни — Гроб Господень и Животворящий Крест были вновь обретены христианами и открыты для поклонения. Это произошло при равноапостольном императоре Константине Великом (память 21 мая), первом из римских императоров, прекратившем гонения на христиан. Святой равноапостольный Константин Великий (306—337) после победы в 312 году над Максентием, правителем Западной части Римской империи, и над Ликинием, правителем Восточной ее части, в 323 году сделался единодержавным правителем огромной Римской империи. В 313 году он издал так называемый Миланский эдикт, по которому была узаконена христианская религия и гонения на христиан в Западной половине империи прекратились.
Равноапостольный император Константин, содействием Божиим одержавший в трех войнах победу над врагами, видел на небе Божие знамение— Крест с надписью «Сим победиши». Горячо желая отыскать Крест, на котором был распят Господь наш Иисус Христос, равноапостольный Константин направил в Иерусалим свою мать, благочестивую царицу Елену (память 21 мая), снабдив ее письмом к Патриарху Иерусалимскому Макарию.
Хотя святая царица Елена к этому времени была уже в преклонных годах, она с воодушевлением взялась за исполнение поручения. Языческие капища и идольские статуи, наполнявшие Иерусалим, царица повелела уничтожить. Разыскивая Животворящий Крест, она расспрашивала христиан и иудеев, но долгое время ее поиски оставались безуспешными. Наконец, ей указали на одного старого еврея по имени Иуда, который сообщил, что Крест зарыт там, где стоит капище Венеры. Капище разрушили и, совершив молитву, начали копать землю. Вскоре были обнаружены Гроб Господень и неподалеку от него три креста, дощечка с надписью, сделанной по приказанию Пилата, и четыре гвоздя, пронзившие Тело Господа.
Чтобы узнать, на котором из трех крестов был распят Спаситель, Патриарх Макарий поочередно возложил кресты на покойника. Когда был возложен Крест Господень, мертвец ожил. Увидев воскресшего, все убедились, что найден Животворящий Крест. Христиане, в бесчисленном множестве пришедшие поклониться Святому Кресту, просили святителя Макария поднять, воздвигнуть Крест, чтобы все могли, хотя издали, благоговейно созерцать Его. Тогда Патриарх и другие духовные лица начали высоко поднимать Святой Крест, а народ, взывая: «Господи, помилуй», благоговейно поклонялся Честному Древу. Это торжественное событие произошло в 326 году. При обретении Животворящего Креста совершилось и другое чудо: тяжело больная женщина, при осенений ее Святым Крестом, сразу исцелилась (* Никифор Каллист, кн. VIII, гл. 29). Старец Иуда и другие иудеи уверовали во Христа и приняли святое Крещение. Иуда получил имя Кириак и впоследствии был рукоположен во епископа Иерусалимского.
Святая царица Елена ознаменовала места, связанные с земной жизнью Спасителя, основанием более 80 храмов, воздвигнутых в Вифлееме — месте Рождества Христова, на горе Елеонской, откуда Господь вознесся на небо, в Гефсимании, где Спаситель молился перед Своими страданиями и где была погребена Божия Матерь после успения. В Константинополь святая Елена привезла с собой часть Животворящего Древа и гвозди. Равноапостольный император Константин повелел воздвигнуть в Иерусалиме величественный и обширный храм в честь Воскресения Христова, включавший в себя и Гроб Господень, и Голгофу. Храм строился около 10 лет. Святая Елена не дожила до освящения храма; она скончалась в 327 году. Храм был освящен 13 сентября 335 года. На следующий день, 14 сентября (по ст. стилю), установлено было праздновать Воздвижение Честного и Животворящего Креста. Тогда же и возникло чудесное, соединяющее Крест и Воскресение, песнопение: «Кресту Твоему поклоняемся, Владыко, и святое Воскресение Твое славим». Это было историческое, но вместе с тем и глубоко символическое соединение креста, страдания, уничижения — и воскресения, торжества и победы.
В VII веке, в 614 году, с Византией, христианским государством, в обладании которого находился Иерусалим, воевал персидский царь Хозрой – язычник, огнепоклонник и враг христиан. Царь завоевал Ближний Восток, Сирию, Палестину, Египет, Малую Азию и Иерусалим. Он пленил христианское население Иерусалима и выселил его во главе с патриархом в глубину Персии. Отвез он в Персию и пречистое древо животворящего Креста Господня. Для христиан это было большое горе.
В 628 году византийский император Ираклий после многочисленных походов и многих лет борьбы победил персидского царя и разгромил персидскую державу. Он освободил из плена христиан, патриарха Иерусалимского и честное древо креста Господня. Радостно, торжественно и в то же время смиренно взял император крест Господень на свои плечи и понес его в Иерусалим, где 14 сентября водрузил его на прежнее свое место.
После этого события, с VII века до настоящего времени Православная Церковь празднует Воздвижение именно в этот день – 27 сентября по новому стилю. А так как освящение храма во имя Воскресения Господня при Константине в 336 году и собор, который установил праздник Воздвижения Честного и Животворящего Креста Господня, были совершены в субботу, накануне воскресенья, то было решено отмечать перед этим праздничным днем особый праздник — субботу и неделю перед Воздвижением.В этот день Православная Церковь приглашает верующих воздать благоговейное поклонение Честному и Животворящему Кресту, на котором Господь наш и Спаситель перенес величайшее страдание ради нашего спасения. Верующие должны воспринимать этот праздник, конечно, не только как воспоминание величайшего исторического события, имевшего место более полторы тысячи лет назад, но как явление промыслительное в отношении к каждому христианину и вообще ко всему человечеству. Явление Креста — это, прежде всего, победа добра над злом, покорение греха, это источник любви, ибо через вольные страдания Спасителя на кресте, через всеславное Его воскресение из мертвых открыты двери райские и новая жизнь дарована роду человеческому. Крест — твердыня святых, свет всей вселенной. Как в доме, объятом тьмой, кто-нибудь зажжет светильник и, поставив его на возвещении, прогоняет тьму, так и Христос во вселенной, объятой мраком, водрузив Крест как некоторый светильник, подняв его высоко, рассеял мрак на земле.
Мы свято и благоговейно должны почитать и почитаем Крест Христов. С раннего детства и до самой смерти каждый христианин носит на себе крест как знамение Христовой победы и нашей защиты и силы. Каждое дело мы начинаем и кончаем крестным знаменем, делая все во славу Христову. Мы крестим пищу, жилища, самолеты, корабли и строения, земли и нивы. Священники крестят подходящих за благословением; мать крестит, напутствуя дитя, сына, идущего на брань; родители — женящихся детей. Отходя ко сну, православный христианин крестит одр свой, произнося молитву: “Да воскреснет Бог, и расточатся врази Его”. Так, во Христе и со крестом, устрояется священноначалие, основываются святыни в Церкви. Так устанавливается в страхе Божием личная, семейная и общественная жизнь верующих.
Однако сегодняшний праздник имеет еще и глубочайшее значение в судьбах всего мира. Крест имеет прямое отношение ко второму пришествию Спасителя, ибо по неложному слову Христа, страшный суд будет предварен явлением знамения Креста Господня: “Тогда явится знамение Сына человеческаго на небе;и тогда восплачутся все племена земная, и увидят Сына человеческаго, грядущаго на облаках небесных с силою и славою великою”( Матф.24, 30)”. Это будет как бы “второе” воздвижение Креста Господня, почему сегодняшний праздник и должен призвать нас к великой ответственности, к глубочайшим размышлениям.
В этот день вспоминается еще одно событие, связанное с Крестом Господним, — его возвращение из Персии после 14-летнего плена обратное Иерусалим. В царствование Византийского императора Фоки (602-610) персидский царь Хозрой II в войне против греков разбил греческое войско, разграбил Иерусалим и увез в плен Животворящий Крест Господень и Святого Патриарха Захарию (609-633). Крест пробыл в Персии 14 лет и лишь при императоре Ираклии (610-641), который с помощью Божией победил Хозроя и заключил мир с сыном последнего, Сироесом, христианам была возвращена их святыня — Крест Господень. С великим торжеством Животворящий Крест был принесен в Иерусалим. Император Ираклий в царском венце и порфире понес Крест Христов в храм Воскресения. Рядом с царем шел Патриарх Захария. У ворот, которыми восходили на Голгофу, император внезапно остановился и не мог двинуться дальше. Святой Патриарх объяснил царю, что ему преграждает путь Ангел Господень, ибо Тот, Кто нес на Голгофу Крест для искупления мира от грехов, совершил свой Крестный путь в уничиженном виде. Тогда Ираклий, сняв венец и порфиру, надел простую одежду и беспрепятственно внес Крест Христов в храм.
В слове на Воздвижение Креста святой Андрей Критский (память 4 июля) говорит: Крест воздвигается, и все верные стекаются, крест воздвигается, и град торжествует, и народы совершают празднество.
История установления праздника: Свое начало и название праздник Воздвижения Честнаго и Животворящего Креста, получил в год обретения св. древа. Так как Крест был обретен перед праздником святой Пасхи, то первоначально Воздвижение Креста Господня праздновали на второй день Пасхи.
В 335 году, когда совершено было освящение храма Воскресения Христова (13 сентября), праздник Воздвижения был перенесен на 14 сентября. Так как освящение храма совершалось собором епископов, прибывших из всех концов Римской империи, то это событие послужило поводом к распространению празднования в этот день Воздвижения во всем христианском Мире.
Иконография праздника: На иконе Воздвижения Креста это чудо изображается по-разному. Иногда изображается не воскресший покойник, но старец в тяжелой болезни, исцеленный прикосновением к Кресту. Так или иначе, сохраняется свидетельство о том, что Крест был опознан совершившимся чудом. Патриарх на площади, при стечении множества народа, трижды поднял обретенный Крест. Этот совершенный патриархом чин, — Воздвижение Креста, составляет основу изображения на иконах праздника и навечно запечатлен в литургическом действии, в церковном обряде совершения праздника. Епископ или старший священник, в монастыре обычно игумен, в сопровождении сослужащих ему священников, выносит крест из алтаря, становится посредине храма и при пении «Господи, помилуй», повторенном 40 раз медленно, совершает осенение храма крестом, склоняясь, как бы погружаясь, в крестную смерть Христову, и вновь выпрямляясь в образ Воскресения.
Воздвижение Креста не есть только праздник обретения Креста, но, по существу, полное и совершенное прославление Креста как спасительного знамени Церкви. И не только видимого Креста, но Креста как силы Божией, содержащей мир. Можно сказать, что Крест утверждает самую основу сотворенного мира. В самом творении мира легла множественность, сведенная воедино, — благословенная печать Креста определяет бытие от самого создания. В начале Бог сотворил небо и землю, видимый мир и невидимый. Мир ангельских чиноначалий, мир осязаемый, телесный, и мир животный, не имеющий духовной, присущей Ангелам природы. И последним, как бы завершительным творением Божиим человека, сочетается духовная природа, сродная ангельскому миру, и природа душевно-животная, подобающая всей животной твари. И здесь можно усмотреть все ту же благодатную печать Креста.
Ангельский мир, получивший в создании иерархически соподчиненное строение, также в самом своем устройстве несет славу Креста. И вся вселенная, от самого начала своего, исполнена этой славой. И Крест, благословение и основа мироздания, был как бы обесславлен и обесчещен грехом, грехопадением человека, породившим распад этого высокого крестного единства вселенной. Человеческое падение стало источником вражды, смерти, распада. И Крест был избран Спасителем как орудие искупления распадающегося грехом мира, как знамя победы над смертью, как собрание воедино мира, поврежденного грехом. Спаситель простер руки на Кресте, чтобы спасти погибшее, собрать расточенное. Крест, источник радости и благословенного единства мира, стал источником страдания и смерти. И вновь избранный Христом во спасение мира становится знамением победы над смертью и венчает Церковь славой на небе и на земле.
Молитвословия Воздвижению Креста Господня
Тропарь предпразднству
Животворящий Крест Твоея благости, Егоже даровал еси нам недостойным Господи, Тебе приносим в молитву, спаси люди и град Твой молящийся, Богородицею, Едине Человеколюбче
.
Тропарь, глас 1-й
Спаси, Господи, люди Твоя и благослови достояние Твое, победы православным христианом на сопротивныя даруя и Твое сохраняя Крестом Твоим жительство.
Кондак, глас 4-й
Вознесыйся на Крест волею, тезоименитому Твоему новому жительству, щедроты Твоя даруй, Христе Боже, возвесели силою Твоею верныя люди Твоя, победы дая нам на сопостаты, пособие имущим Твое оружие мира, непобедимую победу.э
Величание Воздвижению Креста Господня
Величаем Тя, Живодавче Христе, и чтем Крест Твой Святый, имже нас спасл еси от работы вражия.
Акафист Кресту Господню
Кондак 1
Приидите, христоименитии людие, составим похвалу Честному Кресту, на нем же Христос, Царь Славы, руце распростер, возведе нас на первое блаженство, из негоже низпадохом прелестию змиевою. Ты же, о пресвятый Кресте, яко имеяй присущую тебе силу Распятаго Христа, спасай и сохраняй от всяких бед любовно зовущия ти: Радуйся, Честный Кресте, всерадостное знамение нашего искупления.
Икос 1
Ангелов лицы, яко Божии служителие, Крест обстояще, вольную страсть Христа Жизнодавца прославляют. Мы же страданьми Того вечныя смерти избавльшеся, подражая Горним Силам, радостно взываем: Радуйся, Кресте, яко на тебе Христос Бог наш, волею руце распростер, спасение наше содела; радуйся, яко распростершимся на тебе Христом преступление Адама и Евы, простерших руце ко древу запрещенному, упразднися. Радуйся, яко воздвижену бывшу на тебе, аки преступну, Законодавцу, древняя клятва, яже на нас бывшая, потребися; радуйся, яко содеявшимся на тебе, странным таинством род человеческий от тли смертныя свободися. Радуйся, яко Пострадавшим и Умершим на тебе жало смерти сокрушися; радуйся, того ради страдания Бог с человеки примирися. Радуйся, Честный Кресте, всерадостное знамение нашего искупления.
Кондак 2
Видя падших человеков, Господи, Ты вочеловечився, крест и смерть вольно плотию претерпел еси за род наш, да от смерти вечныя избавиши исповедающия Тя, Сына Божия и вопиющия Ти: Аллилуиа.
Икос 2
Разум человечь изнемогает в постижении велия тайны Твоего, Христе, воплощения и вольнаго за ны страдания: како Ты, Бог сый безстрастный, страсть крестную, яко человек, претерпел еси и сие орудие смерти Твоея соделал еси источником жизни и спасения всем благочестно в Тя верующим и хвалебно воспевающим: Радуйся, Кресте, на немже содеяся таинство, от века предопределенное; радуйся, яко на тебе совершися наше искупление, многообразне во образех и сенех предъявленное. Радуйся, яко умерый на тебе Жизнодавец, Кровь и воду источи, имиже грехи наша омываются; радуйся, яко каплями Святейшей Крове Его греховныя струпы душ наших очищаются. Радуйся, Кресте, якоже древо животное, еже есть посреде рая Божия, христианом вожделенный; радуйся, плодами безсмертия умно нас питающий и надеждою Жизни Вечныя малодушие наше ободряющий. Радуйся, Честный Кресте, всерадостное знамение нашего искупления.
Кондак 3
Крест Твой, аще и древо видимо есть существом, но Божественною одеяно есть силою, и чувственное миро выявляемо, умно наше чудотворит спасение, подвизая пети Тебе: Аллилуиа.
Икос 3
Имуще пред очима нашима Крест Пресвятый, святолепным поклонением той почитаем распеншагося ради на нем Спаса Христа, и, лобызая, взываем: Радуйся, Кресте, прославленный послушанием и страданием Христовым; радуйся, возвеличенный возвышением на тебе Сына Божия, Иже весь мир от падения Адамля воздвиже. Радуйся, яко сбывшагося на тебе ужаснаго таинства земли ужасеся и вострепета, аки бы хотящи поглотити законопреступныя; радуйся, яко заклавшую на тебе Агнцу Божию завеса храма раздрася и жертва ветхозаветная упразднися. Радуйся, Кресте, яко распадшуюся под тобою камню, каменносердечнии роди еврейстии неверием от Бога отпадоша, благодати же священства и царства лишишася; радуйся, яко омрачившуся солнцу в страсти Христовой нощь многобожия прейде и свет веры возсия. Радуйся, Честный Кресте, всерадостное знамение нашего искупления.
Кондак 4
Бурею злобы дышуще и завистию движими, первосвященницы иудейстии скрыша в землю Крест Твой, Христе Боже, да не будет обличением безумие их; но той, яко сокровище драгое, из недр земли возсия, тщанием благочестивыя царицы Елены обретенный и на радость всему миру явленный, с богокрасною песнию: Аллилуиа.
Икос 4
Видевше тогда христианстии людие Честнаго Креста обретение, прославляху распеншагося на нем Христа Бога, “Господи, помилуй”, — взывающе. Мы же ныне, подражающе им, прославляем Крест Его святый хваленьми сицевыми: Радуйся, Кресте, в землю сокровенный и оскверненное грехами наше естество земное освятивый; радуйся, явлением своим из недр земных хулителей воплощения и Божества Христова посрамивый. Радуйся, яко Пострадавый на тебе плотию прия всяку власть на Небеси и на земли, да всех и вся к Богу Отцу приведет; радуйся, яко Умерый на тебе яко человек силою Божества Своего сокруши заклепы ада и изведе оттуда души праведных. Радуйся, Кресте, яко разбойник благоразумный, Христу сраспявыйся, Того исповедавый, тобою, аки лествицею, на Небеса взыде; радуйся, яко и всех отсечением страстей Христу сраспинающихся возводиши в Царствие Небесное. Радуйся, Честный Кресте, всерадостное знамение нашего искупления.
Кондак 5
Господи, при Моисее иногда пророце точию образ Креста Твоего являем побеждаше врази Твоя, ныне же самый Крест Твой имуще, помощи просим: укрепи Церковь Твою и даруй ей победы на враги, да расточатся вси врази Твои, не вопиющий Ти: Аллилуиа.
Икос 5
Честнаго Креста, Христе, действо прообразив Амалика в пустыне Синайстей: егда бо простираше руце, креста образ творя, укрепляхуся людие; ныне же все вещей сбытие в нас исполнися: днесь крест воздвизается, и демони бегают, днесь тварь вся от тли свободися, яко вся Креста ради возсияши нам дарования. Темже, радующеся, вопием: Радуйся, Кресте, оружие Христово страшное, егоже демони трепещут; радуйся, яко силою на тебе Распятаго Христа бесовстии полчища далече прогоняются. Радуйся, яко силою действующия в тебе Божественныя благодати победы на сопротивныя христолюбивым людем даруются; радуйся, яко от тебе, яко высокоросленнаго и многоплодовитаго древа Христова на тебе страдания, плоды жизни и спасения нам произрастают. Радуйся, Честный Кресте, всерадостное знамение нашего искупления.
Кондак 6
Проповедником силы и Божества Христова явися иногда животворящее древо Крестное, егда прикосновением своим воскреси мертваго и к жизни возведе его, еже видевше, мнози от иудей и язычников познаша велию благочестия тайну: яко спасения ради человеческаго, Бог во плоти явился и страсть крестную претерпе, да спасет вопиющия Ему: Аллилуиа.
Икос 6
Якоже древо райское превелие, возвысися на Голгофе Честный Крест Христов, отонудуже во всю вселенную распростре мысленный ветви благодати и Распеншагося на нем: под егоже сению обретают прохладу палимии зноем страстей и хотящии благочестно жити о Христе Иисусе. Темже и мы, благодати Того причастницы, весело взываем: Радуйся, святый Кресте, древом жизни, Адама ради в Едеме насажденным, преображенный; радуйся, новым Адамом, руце на тебе распростершим, миру явленный. Радуйся, яко под сень благодатнаго защищения твоего вси вернии прибегают; радуйся, яко милосердием Даровавшаго нам тебе кающиися грешницы огня геенскаго избегают. Радуйся, Кресте, утешение наше в скорбех и печалех; радуйся, живительная отрадо и помощь изнемогающим в борьбе с прилогами страстей, мира и диавола. Радуйся, Честный Кресте, всерадостное знамение нашего искупления.
Кондак 7
Хотя явити роду человеческому благости и милосердия Своего неизследимую пучину, Крест Твой, Господи, дал еси нам тверда блюстителя и прогонителя демонов. Темже вси мы, иже в Тя верующии, прославляем величие страсти Твоея, благодарно поюще Тебе: Аллилуиа.
Икос 7
Дивны дела явил еси, Господи, Крестом Твоим Честным: распеншуся бо Ти на том плотию, вся тварь изменися: солнце лучи своя сокры, основания земли восколебахуся, ад сокрушися державою власти Твоея и изведе юзники, яже от века содержал есть. Сего ради увязаем той сими песненными цветы: Радуйся, Кресте, яко пострадавшему на Тебе вся тварь сострадаше, яко Творцу своему и Владыце; радуйся, яко силу Того и Божество свидетельствоваху солнце помрачением и земля колебанием. Радуйся, яко Умерый на тебе не удержан бысть в мертвых, но, разрушив державу смерти, в третий день воскресе; радуйся, яко воскресшу Тому проповедь евангельская, от лика апостольскаго наченшаяся, во вся концы земли изыде. Радуйся, Кресте, яко тобою кумирослужение и многобожие языческое упразднися; радуйся, яко тебе ради правая вера во Единаго Бога, в Троице славимаго, по всей земли утвердися. Радуйся, Честный Кресте, всерадостное знамение нашего искупления.
Кондак 8
Странно Бога вочеловечшася и на Кресте распята бывша мысленно видяще, устранимся суетнаго мира, ум на Небеса преложше. Сего ради Бог на землю сниде и на Крест взыде, да тем, аки лествицею, на Небеса возведет вопиющия Ему: Аллилуиа.
Икос 8
Днесь Адам со Евою веселится, предлежащий видяще Крест, имже поражен бысть супостат, иже древле в раи вкушением запрещеннаго плода тех прельстивый и пленники себе сотворивый. Темже и мы, срадующеся праотцем нашим о избавлении от пленения нашего душевнаго, благоговейно воспеваем: Радуйся, Кресте, яко на тебе Пастырь добрый душу Свою положи за овцы Своя и даже до ада сниде, ища заблудших; радуйся, яко Той не презре дело руку Своею, Адама со Евою, но со инеми праведники исхити я из ада, яко из челюстей зверя крепкаго, и в рай всели их. Радуйся, яко на тебе пригвожденному Христу пламенное оружие плещи даде и Херувим, Едем хранящий, отступи от Древа Жизни; радуйся, яко мы, ныне крещением возрожденнии, во Христе новые людие, невозбранно причащаемся райския пищи. Радуйся, Кресте, жезле силы Христовы, от Сиона посланный, имже мы пасемся на пажитех евангельских учений; радуйся, яко тобою невредими сохраняемся от волков душегубных, яко львове рыкающих и ищущих, кого поглотити. Радуйся, Честный Кресте, всерадостное знамение нашего искупления.
Кондак 9
Всяких бед и козней вражиих избави ны, Кресте треблаженный, яко приемый благодать и силу от пригвожденнаго на тебе Христа, Емуже яко Богу и Избавителю нашему благодарственно и хвалебно поем: Аллилуиа.
Икос 9
Ветийство всякое земнородных не довлеет к прославлению Креста Твоего, Господи, на немже спасение наше соделал еси; темже, недоумевающе восхвалити той по достоянию, взываем сице: Радуйся, Кресте, яко вознесенный на тебе Спас мира мнози люди в познание Свое призва и до ныне призывает; радуйся, яко возсиявый на тебе, аки на свещнице, Свет истинный вся концы земли светом Боговедения озаряет. Радуйся, яко ныне Восток и Запад Пострадавшаго на тебе прославляют; радуйся, яко и тя, яко подножие Христово, вси вернии, возносяще, прославляют. Радуйся, яко от тебе, яко от неизсякаемаго источника, христоименитии людие обилие благ вечных почерпают. Радуйся, Честный Кресте, всерадостное знамение нашего искупления.
Кондак 10
Спастися хотящим нам и под сень защищения твоего прибегающим, буди помощник, пресвятый Кресте, сохраняя ны от всех зол силою на тебе Распятаго Христа, Емуже яко Богу и Избавителю нашему благодарственно и хвалебно поем: Аллилуиа.
Икос 10
Стена еси, ограждающая нас от бед и напастей, Кресте всечестный, и столп крепкий противу лица вражия, к немуже невидимии борителие приступити не смеют, боящеся взирати на силу Твою. Сего ради с верою ограждаемся святым твоим знамением и весело воспеваем: Радуйся, пречестный Кресте Христов, от нападения духов злобы нас защищаяй; радуйся, от различных стрел их невредимы ны сохраняяй. Радуйся, яко от знамения твоего, с верою благочестно творимаго, вся силы ада, яко дым от ветра, исчезают; радуйся, яко тобою вся крепость их, яко воск от лица огня, истаивает. Радуйся, яко святии мученицы, знамением твоим ограждашеся и имя Христово призвавше, всякий, вид мучений мужественно претерпеша; радуйся, яко преподобнии отцы помощию силы Божества, знамению твоему присущия, бесовская страхования и страстей возстания победиша. Радуйся, Честный Кресте, всерадостное знамение нашего искупления.
Кондак 11
Пение всеумиленное приносим Ти, всечестный Кресте, и смиренно молимся распятому на тебе Христу Богу нашему, Иже дарова нам тебе во отраду и утешение в скорбех, да страстию Своею избавит нас от страстей душевредных и научит благоверно воспевати Ему: Аллилуиа.
Икос 11
Светом благодати Божией, таинственне ти присущия, просвети наша душевная чувствия, Кресте пресвятый, да тою озаряеми и наставляеми, не поткнемся о камень соблазна, но да возможем путем заповедей Божиих правошествовати во всей жизни нашея, воспевающе ти сице: Радуйся, непрестающих чудес Христовых вестниче и милосердия Его к роду человеческому проповедниче; радуйся. Кресте, рода человеча обновление и Новаго Завета Христова печать и утверждение. Радуйся, торжество веры христианския и благонадежный якорю упования нашего; радуйся, святых храмов Божиих украшение и домов благочестивых ограждение. Радуйся, полей и вертоградов благословение; радуйся всех стихий освящение. Радуйся, Честный Кресте, всерадостное знамение нашего искупления.
Кондак 12
Благодать Твою всемощную подаждь нам, Господи, да последуем Тебе, Владыце нашему, вземше крест наш, не гвоздьми пригвождающеся тому, но трудами, воздержанием и смирением, да тако причастницы будем страданий Твоих, от нихже истекают потоцы Жизни Вечныя, напаяющия вся правоверныя, благочестно поющия Ти: Аллилуиа.
Икос 12
Поюще величие твое, всечестный Кресте, восхваляем тя вси, яко победоносный скипетр Царя Небеснаго, нашего же спасения всерадостное знамение, темже и вопием: Радуйся, Кресте, православных христиан державо и несокрушимое их ограждение; радуйся, святителей украшение и всех подвижников веры и благочестия сила и подкрепление. Радуйся, Кресте, от колыбели и до гроба на всех путех жизни нас ограждаяй и по смерти на воздушных мытарствах от духов злобы нас защищаяй; радуйся, яко под знамением твоим почивающии, умершии в вере и благочестии, в последний день воскреснут в Жизнь Вечную. Радуйся, Кресте, явлением своим на Небеси предварити имый славное Второе пришествие Христово; радуйся, яко распеншии Христа и вси невернии узрят тя тогда и горце возрыдают, любящии же Господа, зряще тя, вельми возрадуются. Радуйся, Честный Кресте, всерадостное знамение нашего искупления.
Кондак 13
О Пречестный и Животворящий Кресте Господень, всех христиан утешение! Тя ныне предлежаща видяще, возводимся мыслию к распятому на тебе Христу, Емуже и молимся смиренно, да тебе ради помилует нас, грешных, и сподобит в селениих райских воспевати Ему: Аллилуиа.
(Этот кондак читается трижды, затем икос 1 и кондак 1)
Молитвы Честному и Животворящему Кресту Господню
Молитва первая
Кресте Честный, хранитель души и телу буди ми: образом своим бесы низлагая, враги отгоняя, страсти упражняя и благоговение даруя ми, и жизнь, и силу, содействием Святаго Духа и честными Пречистыя Богородицы мольбами. Аминь.
Молитва вторая
О Пречестный и Животворящий Кресте Господень! Древле убо был еси казни позорныя орудие, ныне же знамение спасения нашего присно почитаемое и прославляемое! Како достойне возмогу аз, недостойный, воспети Тя и како дерзну преклонити колена сердца моего пред Искупителем моим, исповедая грехи свои! Но милосердие и неизреченное человеколюбие Распеншегося на тебе смиренное Дерзновение подает ми, да отверзу уста моя воеже славити Тя; сего ради вопию Ти: радуйся, Кресте, Церкве Христовы красота и основание, всея вселенныя — утверждение, христиан всех — упование, царей — держава, верных — прибежище, Ангелов — слава и воспевание, демонов — страх, губительство и отгнание, нечестивых и неверных — посрамление, праведных — услаждение, обремененных — ослаба, обуреваемых — пристанище, заблудших — наставниче, одержимых страстьми — раскаяние, нищих — обогащение, плавающих — кормчий, слабых — сила, во бранех — победа и одоление, сирых — верное покровение, вдов — заступниче, дев — целомудрия охранение, ненадеянных — надежда, недужных — врач и мертвых — воскресение! Ты, прообразованный чудотворящим жезлом Моисея, животворный источник, напаяющий жаждущия духовныя жизни и услаждающий наши скорби; Ты — одр, на немже царственно почил тридневно Воскресший Победитель ада. Сего ради и утро, и в вечер, и полудне прославляю Тя, треблаженное Древо, и молю волею Распеншегося на Тебе, да просветит Он и укрепит Тобою ум мой, да открыет в сердце моем источник любве совершенней и вся деяния моя и путие мои Тобою осенит, да выну величаю Пригвожденнаго на Тебе, грех моих ради, Господа Спасителя моего. Аминь.
Тропари Кресту Господню
Тропарь, глас 4 (Предпразднеству)
Животворящий Крест Твоея благости, Егоже даровал еси нам недостойным Господи, Тебе приносим в молитву, спаси люди и град Твой молящийся, Богородицею, Едине Человеколюбче.
Тропарь, глас 1
Спаси, Господи, люди Твоя и благослови достояние Твое, победы православным христианом на сопротивныя даруя, и Твое сохраняя крестом Твоим жительство.
Кондак, глас 4
Вознесыйся на Крест волею, тезоименитому Твоему новому жительству, щедроты Твоя даруй, Христе Боже, возвесели силою Твоею верные люди Твоя, победы дая им на супостаты, пособие имущым Твое оружие мира, непобедимую победу.
Величание
Величаем Тя, Живодавче Христе, и чтем Крест Твой Святый, имже нас спасл еси от работы вражия.
