Старец Самуил. Да благословит Господь читающего и слушающих эту благодать...

Старец Самуил. Да благословит Господь читающего и слушающих эту благодать… — Лидия Емельянова

Уважаемая Татиана вы сами написали что официально РПЦ отрицает эти книги , вспомните высказывание святых “Кому церковь не мать тому Бог не отец” . Если вы не принимаете учения Церкви то вы сами себя от неё отлучаете . А по поводу что народ не обманешь ‚то из народа мало кто разбирается в догматическом богословии. Если вы желаете то я могу посредством святоотеческих трудов и догматов опровергнуть эти книги и доказать что в них написана ересь ‚только укажите нужное место в книгах какое нужно разъяснить . По поводу чудес почитайте Игнатия Брянчанинова “Аскетические опыты” там он приводит пример что один человек читая “Отче наш” стоял на раскалённых углях ‚но это было чудо не Божие а бесовское, потому что этот человек пребывал в прелести, и в последствии он сгорел.

Так же у Игнатия Брянчанинова по этому поводу есть очень интересный труд ‚прочтите его пожалуйста. Об удалении от чтения книг, содержащих в себе лжеучение.

Опять приношу тебе, верный сын Восточной Церкви, слово совета искреннего, благого. Это слово не мне принадлежит — оно святых Отцов. Оттуда все мои советы. Храни ум и сердце от учения лжи. Не беседуй о христианстве с людьми, зараженными ложными мыслями; не читай книг о христианстве, написанных лжеучителями. Истине соприсутствует Дух Святой: Он – Дух Истины. Лжи соприсутствует и содействует дух диавола, который – ложь и отец лжи. Читающий книги лжеучителей, приобщается непременно лукавому, темному духу лжи. Это да не покажется тебе странным, невероятным: так утверждают светила Церковные – святые Отцы. Если ум твой и сердце ничем не исписаны, – пусть Истина и Дух напишут на них заповеди Божии и Его учение духовное. Если же ты позволил исписать и исчеркать скрижали души разнообразными понятиями и впечатлениями; не разбирая благоразумно и осторожно – кто писатель, что он пишет, то вычисти написанное писателями чуждыми, вычисти покаянием и отвержением всего богопротивного. Писателем на твоих скрижалях да будет един перст Божий. Приготовь для этого писателя чистоту ума и сердца благочестивою, целомудренною жизнью: тогда при молитвах твоих и при чтении священных книг, неприметно, таинственно будет начертываться на скрижалях души закон Духа. Только те книги о религии позволено тебе читать, которые написаны святыми Отцами вселенской Восточной Церкви. Этого требует Восточная Церковь от чад своих.

Если же ты рассуждаешь иначе, и находишь повеление Церкви менее основательным, нежели рассуждение твое и других, согласных с тобою: то ты уже не сын Церкви, а судия ее. Ты назовешь меня односторонним, не довольно просвещенным, ригористом? Оставь мне односторонность мою и все прочие недостатки: желаю лучше при этих недостатках быть послушным Восточной Церкви, нежели при всех мнимых совершенствах быть умнее ее, и потому позволять себе непослушание ей, и отделение от нее. Истинным чадам Восточной Церкви приятен будет голос мой. Они знают, что хотящий получить небесную премудрость, должен оставить свою собственную, земную, как бы она велика ни была, отречься от нее, признать ее, какова она и есть, буйством (1 Кор. 3:19). Земная мудрость – вражда на Бога: она Закону Божию не покоряется, и не может покоряться (Рим. 8:7). От начала таково ее свойство; такою останется она до конца своего, – когда земля и яже на ней дела,

а с ними и земная мудрость,
сгорят
(2 Петр. 3:10). Святая Церковь позволяет читать книги лжеучителей только тем своим членам, которых мысль и сердечные чувства исцелены и просвещены Святым Духом, которые могут всегда отличить от истинного добра зло, притворяющееся добром и прикрытое личиною добра. Великие угодники Божии, познавшие немощь общую всем человекам, страшились яда ереси и лжи, и потому со всевозможным тщанием убегали бесед с людьми, зараженными лжеучением и чтения еретических книг (Житие Пахомия. Patrologiae Tomus. LXXIII, cap. XLIV). Имея пред очами падение ученейшего Оригена, искусного в любопрении Ария, красноречивого Нестория и других богатых мудростью мира, погибших от самонадеянности и самомнения, они искали спасения и обрели его в бегстве от лжеучения, в точнейшем послушании Церкви. Духоносные, святые пастыри и учители Церковные читали писания богохульных еретиков, вынуждаемые к такому чтению необходимою нуждою всего христианского общества. Они словом сильным, словом духовным обличали заблуждения, возвестили всем чадам Церкви скрытую опасность в еретических писаниях, прикрытую великолепными наименованиями святости и благочестия. Но мне и тебе необходимо охраняться от чтения книг, сочиненных лжеучителями. Всякому, не принадлежащему Восточной церкви, единой святой, писавшему о Христе, о христианской вере и нравственности, принадлежит имя лжеучителя. Скажи: как возможно позволить тебе чтение всякой книги, когда каждая, читаемая тобою книга, ведет тебя куда хочет, – убеждает соглашаться на все, на что нужно ей твое согласие, отвергать все, что ей нужно, чтоб ты отвергал? Опыт доказывает, как гибельны последствия безразборчивого чтения. Сколько можно встретить между чадами Восточной Церкви понятой о христианстве самых сбивчивых, неправильных, противоречащих учению Церкви, порицающих это святое учение, – понятий, усвоенных чтением книг еретических! Не оскорбись, друг мой, на мои предостережения, внушаемые желанием тебе истинного блага. Отец, мать, добрый воспитатель не будут ли страшиться за невинного, неопытного младенца, когда он захочет невозбранно входить в комнату, где между съестными припасами множество яду? Смерть души бедственнее смерти тела: умершее тело воскреснет, и часто смерть тела бывает причиною жизни для души; напротив того душа, умерщвленная злом – жертва вечной смерти.
Душу может убить одна мысль, содержащая в себе какой-нибудь вид богохульства, тонкий, вовсе не приметный для незнающих.
Будет время, предвозвещал святой Апостол,
егда здраваго учения не послушают, но по своих похотех изберут себе учители, чешеми слухом: и от истины слух отвратят и к баснем уклонятся
(2 Тим. 4:3, 4). Не прельщайся громким заглавием книги, обещающим преподать христианское совершенство тому, кому нужна еще пища младенцев: не прельщайся ни великолепным изданием, ни живописью, силою, красотою слога, ни тем, что писатель – будто святой, будто доказавший свою святость многочисленными чудесами. Лжеучение не останавливается ни пред каким вымыслом, ни пред каким обманом, чтоб басням своим дать вид истины, и тем удобнее отравить ими душу. Лжеучение само по себе – уже обман. Им обманут прежде читателя писатель (2 Тим. 3:13). Признак книги истинно, существенно душеполезной – святой Писатель; член Восточной Церкви, одобренный, признанный святою Церковью. Аминь.

“Никто да не читает, сказал священномученик Петр Дамаскин, не служащего к угождению Божию. Если же и прочтет когда что таковое в неведении: то да подвизается скорее изгладить его из памяти чтением Божественных Писаний и из них именно тех, который наиболее служат ко спасению души его, по состоянию, которого он достиг… Противных же сему книг никак да не читает. Какая нужда принять духа нечистого, вместо Духа Святого? Кто в каком слове упражняется, тот получает свойство того слова, хотя этого и не видят неопытные, как видят имеющие духовную опытность”. Святого Петра Дамаскина книга первая, статья о рассуждении. Доброт, ч. 3.

При совершении таинства исповеди положено спрашивать кающегося, не читает ли он книг еретических? Требник.
Ответить »

Канон святому пророку Божию Самуилу, судии Израильскому

Пѣ́снь а҃.

І҆рмо́съ:

Трїста́ты крѣ̑пкїѧ, рожде́йсѧ ѿ дв҃ы, безстра́стїѧ во глꙋбинѣ̀ дꙋшѝ трича́стное потопѝ, молю́сѧ: да тебѣ̀, ꙗ҆́кѡ въ тѷмпа́нѣ, во ᲂу҆мерщвле́нїи тѣлесѐ побѣ́дное воспою̀ пѣ́нїе.

Непло́днѣй мое́й дꙋшѝ добродѣ́телей благопло́дїе и҆зрасти́ти твои́ми моли́твами сподо́би, мꙋ́дре, непло́дныѧ прозѧбе́нїе, ꙗ҆́кѡ да твоѐ восхвалю̀ свѣтоно́сное торжество̀ свѧще́нными, самꙋи́ле, пѣ́сньми.

Разве́рзый дре́вле ложесна̀ са́рры, и҆ а҆́ннинꙋ моли́твꙋ и҆сполнѧ́етъ проѧвле́ннѡ, и҆ непло́днꙋю плодови́тꙋ бл҃года́тїю сотворѝ, самꙋи́ле, ꙗ҆́кѡ ѕвѣздꙋ̀ тѧ̀, и҆зъ неѧ̀ возсїѧ́ти благоизво́ли.

Бжⷭ҇твеннꙋю свѧще́ннѡ ѡ҆мочи́въ, пребл҃же́нне, ѻ҆де́ждꙋ, дꙋ́шꙋ же зарѧ́ми та́йными просвѣти́лъ є҆сѝ дх҃а, всѧ́кой та́йнѣ, бг҃омꙋ́дре, наꙋчи́всѧ, и҆ ꙗ҆́кѡ а҆́гг҃лъ слꙋжи́въ бг҃ꙋ вседержи́телю.

Бг҃оро́диченъ:

Сы́й со ѻ҆ц҃е́мъ, ꙗ҆́кѡ сн҃ъ превѣ́ченъ, въ послѣ̑днѧѧ вопло́щсѧ, сн҃ъ тво́й и҆́стиннѡ бы́сть, чⷭ҇таѧ, всѣ́хъ же сыноположи́въ бг҃ꙋ вѣ́ры ра́ди, рабо́тавшыѧ лю́томꙋ бори́телю.

Пѣ́снь г҃.

І҆рмо́съ:

Не мꙋ́дростїю, и҆ си́лою, и҆ бога́тствомъ хва́лимсѧ, но тобо́ю, ѻ҆́ч҃ею ѵ҆поста́сною мꙋ́дростїю, хрⷭ҇тѐ, нѣ́сть бо свѧ́тъ, па́че тебє̀, чл҃вѣколю́бче.

Высоча́йшїй бг҃ꙋ прилѣпи́всѧ, сла́вне, возлю́бленъ бы́лъ є҆сѝ ѿ негѡ̀, мꙋ́дростїю бжⷭ҇твенною ᲂу҆краша́емь, и҆ цѣ́лостїю ᲂу҆добрѧ́емь.

Житїѐ а҆́гг҃льское на землѝ, самꙋи́ле, показꙋ́ѧ, собесѣ́дꙋющыѧ ꙗ҆́вѣ а҆́гг҃лы и҆мѣ́лъ є҆сѝ, блаже́нне, и҆ ꙗ҆̀же па́че ᲂу҆ма̀ наꙋча́ющыѧ тѧ̀.

Свѣ́тло ѻ҆́ко дꙋше́вное стѧжа́въ, зри́ши вои́стиннꙋ да̑льнаѧ ꙗ҆́кѡ настоѧ̑щаѧ благода́тїю, прⷪ҇ро́къ показꙋ́ѧсѧ вседержи́телѧ.

Бг҃оро́диченъ:

И҆зъ тебє̀ про́йде і҆и҃съ хрⷭ҇то́съ воплоща́емь, и҆ ѡ҆божѝ на́съ пло́ти прїѧ́тїемъ, всенепоро́чнаѧ: тѣ́мже ꙗ҆́кѡ мт҃рь тѧ̀ сегѡ̀ почита́емъ.

Сѣда́ленъ, гла́съ г҃.

Зако́на сꙋдьба́ми воспита́нъ, пома́занїе че́стно ꙗ҆ви́лсѧ є҆сѝ, ꙗ҆́коже а҆арѡ́нъ свѧще́нствовавъ, и҆ просвѣти́въ се́рдце дх҃омъ, ꙗ҆́кѡ настоѧ̑щаѧ да̑льнаѧ прови́дѣлъ є҆сѝ, прⷪ҇ро́че честны́й. хрⷭ҇та̀ бг҃а молѝ, дарова́ти дꙋша́мъ на́шымъ ми́ръ и҆ ве́лїю ми́лость.

Сла́ва, и҆ ны́нѣ:

Въ ржⷭ҇твѣ̀ твое́мъ зача́тїе безсѣ́менное, во ᲂу҆спе́нїи твое́мъ ме́ртвость нетлѣ́ннаѧ, чꙋ́до въ чꙋдесѝ сꙋгꙋ́бо стече́сѧ, бцⷣе: ка́кѡ бо неискꙋсомꙋ́жнаѧ, младопита́тельница чиста̀ сꙋ́щи; ка́кѡ же мт҃и бг҃ꙋ мертвоно́сна мѷроꙋха́ющи; тѣ́мже со а҆́гг҃ломъ вопїе́мъ тѝ: ра́дꙋйсѧ, бл҃года́тнаѧ.

Пѣ́снь д҃.

І҆рмо́съ:

Сѣдѧ́й въ сла́вѣ на прⷭ҇то́лѣ бжⷭ҇тва̀, во ѻ҆́блацѣ ле́гцѣ прїи́де і҆и҃съ пребжⷭ҇твенный, нетлѣ́нною дла́нїю, и҆ спасѐ зовꙋ́щыѧ: сла́ва, хрⷭ҇тѐ, си́лѣ твое́й.

И҆зрѧ́днымъ житїе́мъ свѧщенноꙋкраша́емь, бж҃їѧ зако́ны спаси́тєльныѧ ввѣ́рени тебѣ̀ бы́ша, і҆и҃лю возвѣща́ти престꙋпа́ющꙋ, и҆ милосе́рдаго всегда̀ прогнѣ́вающꙋ.

И҆лі́й жре́цъ, беззако́ннꙋющымъ сынѡ́мъ, ѡ҆сꙋжда́етсѧ, и҆ пра́веднымъ сꙋдо́мъ бжⷭ҇твенныѧ слꙋ́жбы ѿлꙋча́етсѧ: свѧще́нный же самꙋи́лъ, ꙗ҆́кѡ послꙋ́шникъ зовꙋ́щагѡ, неле́стною дꙋше́ю вво́дитсѧ.

Зако́ннымъ ѡ҆правда́нїемъ предстоѧ̀ и҆зрѧ́днѡ, ꙗ҆́коже а҆арѡ́нъ дре́вле, всецр҃ю̀ слꙋжи́лъ є҆сѝ, и҆ закѡ́нныѧ жє́ртвы приноси́лъ є҆сѝ, проѡбразꙋ́ющыѧ хрⷭ҇то́во заколе́нїе спаси́тельное.

Безꙋ̑мнымъ лю́демъ твои̑мъ, самꙋи́ле, не пребыва́ющымъ всѣ́хъ цр҃ѧ̀ въ бжⷭ҇твенныхъ повелѣ́нїихъ, помазꙋ́еши манове́нїемъ бг҃одѣ́льнымъ царѧ̀, ꙗ҆́коже проси́ша, рогопосѣка́юща тѣ́хъ крѣ́пость безꙋ́мнꙋю.

Бг҃оро́диченъ:

Нѣ́дръ не и҆стощи́въ ѻ҆́ч҃ихъ, въ нѣ́дрѣхъ твои́хъ ꙗ҆́коже но́въ млⷣнєцъ восклони́тисѧ благоволѝ, на воззва́нїе, дв҃о, дꙋ́шъ на́шихъ, є҆мꙋ́же зове́мъ: сла́ва, хрⷭ҇тѐ, си́лѣ твое́й.

Пѣ́снь є҃.

І҆рмо́съ:

Нечести́вїи не ᲂу҆́зрѧтъ сла́вы твоеѧ̀, хрⷭ҇тѐ, но мы̀ тѧ̀, є҆диноро́дне, ѻ҆ч҃ескїѧ сла́вы сїѧ́нїе бжⷭ҇тва̀, ѿ но́щи ᲂу҆́тренююще, воспѣва́емъ тѧ̀, чл҃вѣколю́бче.

Оу҆мꙋдри́всѧ дх҃омъ бж҃е́ственнымъ, и҆зъ младе́нства слꙋжи́тель бы́лъ є҆сѝ бг҃ꙋ, є҆ле́емъ, сла́вне, пома́занїѧ, царѝ благода́тїю помазꙋ́ѧ, бжⷭ҇твенными манове́ньми.

Непоко́рнѡ пребыва́ющꙋ предре́клъ є҆сѝ саꙋ́лꙋ, безчи̑ннаѧ преложє́нїѧ, самꙋи́ле блаже́нне, бжⷭ҇твенное хотѣ́нїе, и҆ ѡ҆ставле́нїе ꙗ҆́вѣ бжⷭ҇твеннагѡ дх҃а.

Безѕло́бїемъ всегда̀ со і҆и҃льтѧны живы́й, ѕло́е преложе́нїе ꙗ҆́вѣ ѡ҆блича́ше, и҆справлѧ́ѧ ꙗ҆́кѡ свѧще́нникъ бжⷭ҇твенъ, ꙗ҆́кѡ прⷪ҇ро́къ и҆́стиннѣйшїй.

Бг҃оро́диченъ:

Съ на́ми бы́въ за милосе́рдїе сп҃съ, ѿ крове́й твои́хъ свѧще́нныхъ па́че ᲂу҆ма̀, всенепоро́чнаѧ, воплоща́етсѧ, и҆ бг҃ъ и҆ чл҃вѣ́къ, чл҃вѣколю́бецъ познава́етсѧ.

Пѣ́снь ѕ҃.

І҆рмо́съ:

Возопѝ, проѡбразꙋ́ѧ погребе́нїе тридне́вное, прⷪ҇ро́къ і҆ѡ́на, въ ки́тѣ молѧ́сѧ: ѿ тлѝ и҆зба́ви мѧ̀, і҆и҃се, цр҃ю̀ си́лъ.

Сло́во твоѐ, сло́во ѡ҆божа́емо благода́тїю, проѧвлѧ́ше да̑льнаѧ ꙗ҆́кѡ бли́зъ сꙋ́ща, самꙋи́ле прⷪ҇ро́че, сосꙋ́де бж҃е́ственнагѡ дх҃а.

Возвыша́емь высо́кими видѣ̑нїи и҆ дѣѧ́нми, ꙗ҆́кѡ проро́къ и҆ бж҃їй свѧще́нникъ вседержи́телѧ, зако́нными слꙋжє́нїи ѡ҆чища́еши лю́ди, досточꙋ́дне.

Непотре́бствовасѧ саꙋ́лъ, престꙋ́пникъ бы́въ: и҆ бг҃ъ тебѣ̀, вмѣ́стѡ ѻ҆́нагѡ дв҃да кро́ткаго, самꙋи́ле бг҃омꙋ́дре, повелѣва́етъ пома́зати ма́стїю.

Бг҃оро́диченъ:

И҆зба́висѧ ѿ болѣ́зней є҆́ѵа, пренепоро́чнаѧ, безъ болѣ́зни бо ты̀ родила̀ є҆сѝ хрⷭ҇та̀ бг҃а на́шего, стра̑сти всѣ́хъ и҆ болѣ̑зни ꙗ҆́вѣ и҆сцѣли́вшаго.

Конда́къ, гла́съ и҃:

Ꙗ҆́кѡ многоче́стный да́ръ, пре́жде зача́тїѧ вда́нъ бг҃ꙋ, и҆ и҆зъ мла́да томꙋ̀ ꙗ҆́кѡ а҆́гг҃лъ послꙋжи́лъ є҆сѝ, всеблаже́нне, и҆ сподо́билсѧ є҆сѝ предбꙋ̑дꙋщаѧ вѣща́ти. тѣ́мже вопїе́мъ тѝ: ра́дꙋйсѧ, прⷪ҇ро́че бж҃їй самꙋи́ле, а҆рхїере́ю вели́кїй.

Пѣ́снь з҃.

І҆рмо́съ:

Ю҆́ношы трѝ въ вавѷлѡ́нѣ, велѣ́нїе мꙋчи́телево на бꙋ́йство прело́жше, посредѣ̀ пла́мене вопїѧ́хꙋ: бл҃гослове́нъ є҆сѝ, гдⷭ҇и, бж҃е ѻ҆тє́цъ на́шихъ.

Вели́къ тѧ̀ ро́ждшаѧ да́ръ всѣ́хъ цр҃ю̀ приво́дитъ, блаже́нне, моли́твꙋ свѧще́ннꙋ соверши́вши и҆ пою́щи: гдⷭ҇и бж҃е ѻ҆тє́цъ на́шихъ, бл҃гослове́нъ є҆сѝ.

Внꙋ́трь сꙋ́ща хра́ма тѧ̀, и҆ по чи́нꙋ а҆арѡ́ню слꙋжа́ща нбⷭ҇номꙋ влⷣцѣ, бжⷭ҇твеннаѧ бл҃года́ть, сла́вне самꙋи́ле, просвѣтѝ.

Сло́вомъ бжⷭ҇твеннымъ сꙋ́диши, блаже́нне, лю́демъ і҆и҃левымъ, си̑мъ ѡ҆правда́нїе всегда̀ бж҃їе возвѣща́ѧ, и҆ ѿвраща́ѧ всѧ́къ вре́дъ врагѡ́въ моли́твою прилѣ́жною.

Всѧ́кꙋ ве́щь ᲂу҆праздни́въ, сла́вне, твоегѡ̀ ᲂу҆ма̀, зерца́ло дх҃а показа́лсѧ є҆сѝ, вопїѧ̀ немо́лчнѡ: бл҃гослове́нъ є҆сѝ, гдⷭ҇и бж҃е ѻ҆тє́цъ на́шихъ.

Бг҃оро́диченъ:

Ꙗ҆ви́ласѧ є҆сѝ неѡпа́льнѡ ро́ждши, пречⷭ҇таѧ, ꙗ҆́кѡ вои́стиннꙋ ѻ҆́гнь бж҃ества̀. тѣ́мже вє́щныѧ моѧ̑ стра̑сти, бг҃ороди́тельнице, попалѝ, ꙗ҆́кѡ ми́лостива и҆ бл҃голюби́ва.

Пѣ́снь и҃.

І҆рмо́съ:

И҆зба́вителю всѣ́хъ всеси́льне, посредѣ̀ пла́мене благоче́ствовавшыѧ, снизше́дъ ѡ҆роси́лъ є҆сѝ, и҆ наꙋчи́лъ є҆сѝ пѣ́ти: всѧ̑ дѣла̀ благослови́те, по́йте гдⷭ҇а.

Оу҆краси́всѧ а҆арѡ́нею ѻ҆де́ждою, во ст҃ы́хъ ст҃а̑ѧ вше́лъ є҆сѝ, же́ртвами, пребл҃же́нне, і҆и҃лѧ ѡ҆чища́ѧ, провозвѣща́ющими закла́нїе а҆́гнца сп҃си́тельное.

По́мысломъ чи́стымъ прїе́мъ зарю̀, самꙋи́ле, дх҃а, ꙗ҆́коже прⷪ҇ро́къ бжⷭ҇твенъ, провозвѣща́еши да̑льнаѧ ꙗ҆́кѡ настоѧ̑щаѧ: сегѡ̀ ра́ди вѣ́рнѡ восхвалѧ́емъ тѧ̀.

И҆збра́нъ дв҃дъ бы́сть въ сынѣ́хъ і҆ессе́евыхъ, ꙗ҆́коже ꙗ҆ви́лъ є҆сѝ, помазꙋ́ѧ того̀ ма́стїю, самꙋи́ле, ст҃о́ю, и҆ взыва́ѧ: благослови́те, всѧ̑ дѣла̀ гдⷭ҇нѧ, гдⷭ҇а.

И҆́же твоѐ соверша́юще торжество̀, самꙋи́ле, пра́вєднымъ собесѣ́дниче, твои́ми моли́твами да ᲂу҆лꙋчи́мъ ца́рство вы́шнее, вопїю́ще: бл҃гослови́те, всѧ̑ дѣла̀ гдⷭ҇нѧ, гдⷭ҇а.

Бг҃оро́диченъ:

Млⷭ҇рдїѧ твоегѡ́ мѧ сподо́би, ми́лостиваѧ и҆ бл҃голюби́ваѧ влⷣчце, и҆ гее́нны и҆зба́ви мѧ̀, и҆ тмы̀ ѻ҆́ноѧ кромѣ́шнїѧ: да вѣ́рою и҆ любо́вїю почита́ю тѧ̀.

Пѣ́снь ѳ҃.

І҆рмо́съ:

Є҆́ѵа ᲂу҆́бѡ недꙋ́гомъ преслꙋша́нїѧ клѧ́твꙋ всели́ла є҆́сть: ты́ же, дв҃о бцⷣе, прозѧбе́нїемъ чревоноше́нїѧ, мі́рови благослове́нїе процвѣла̀ є҆сѝ. тѣ́мъ тѧ̀ всѝ велича́емъ.

Стоѧ̀, ꙗ҆́кѡ слꙋжи́тель, предъ лице́мъ влⷣки и҆ бг҃а на́шегѡ, бл҃же́нне, непоро́чнымъ житїе́мъ ᲂу҆кра́шенъ: томꙋ̀ слꙋжи́лъ є҆сѝ, бжⷭ҇твєнныѧ лꙋчы̀ прїе́млѧ, и҆ проро́чествꙋѧ ꙗ҆вле́ннѣе.

Ꙗ҆ви́лсѧ є҆сѝ ѿ ᲂу҆тро́бы ма́терни, сла́вне, ст҃а́гѡ дх҃а сосꙋ́дъ: свѧще́нною же просїѧ́въ ѻ҆де́ждою, бг҃ꙋ ᲂу҆годи́лъ є҆сѝ, кро́тостїю се́рдца, пребога́те, и҆ по́мысла красото́ю.

Дне́сь па́мѧть твоѧ̀ на́мъ ꙗ҆́кѡ со́лнце, бг҃оно́се, возсїѧ̀ лꙋчы̀ бога́тыхъ дарова́нїй, просвѣща́ющи дꙋ́шы чтꙋ́щихъ тѧ̀, мглꙋ́ же лю́тыхъ ѿгонѧ́щи: тѣ́мже тѧ̀ всѝ ᲂу҆блажа́емъ.

Взѧ́тсѧ ко ѻ҆би́телемъ свѣтови̑днымъ, и҆ просїѧ́лъ є҆сѝ со́лнца свѣтлѣ́йше, ви́диши ꙗ҆̀же ви́дѧтъ прⷪ҇ро́цы и҆ а҆пⷭ҇ли, и҆ всѝ пра́веднїи, ѡ҆божа́емь прича́стїемъ, бг҃одохнове́нне: тѣ́мже тѧ̀ всѝ ᲂу҆блажа́емъ.

Бг҃оро́диченъ:

Тлѣ́нїѧ не позна́вши мꙋ́жеска, нетлѣ́ннаго во ᲂу҆тро́бѣ прїѧ́ла є҆сѝ сло́ва, на́съ и҆стлѣ́вшыѧ и҆збавлѧ́ющаго мно́гими грѣхи̑, стрⷭ҇тїю нетлѣ́нныѧ пло́ти є҆гѡ̀, нетлѣ́ннаѧ є҆ди́на всенепоро́чнаѧ.

Свѣти́ленъ.

Самꙋи́лъ пѣ́тъ бꙋ́ди, пре́жде зача́тїѧ да́нный да́ръ бг҃ꙋ вы́шнемꙋ, ѿ ма́тере всебл҃госла́вныѧ, и҆ царѝ помазꙋ́ѧй се́й, ꙗ҆́кѡ і҆ере́й и҆ прⷪ҇ро́къ.

Сла́ва, и҆ ны́нѣ:

А҆пⷭ҇ли ѿ конє́цъ совокꙋ́пльшесѧ здѣ̀, въ геѳсїмані́йстѣй ве́си, погреби́те тѣ́ло моѐ: и҆ ты̀, сн҃е и҆ бж҃е мо́й, прїимѝ дх҃ъ мо́й.

Акафист собору святых преподобных Оптинских старцев

Шрифт

Акафисты святым

Список акафистов

Общее начало и окончание акафистов Тропари, кондаки, величания святым Каноны святым угодникам Божиим

Кондак 1

Избранным Богом от суетнаго мира, вам, о преподобнии отцы Оптинстии, крест свой благоговейно подъемши и Христу последовавшим верою, яко дерзновенным предстателем нашим пред Господем ныне усердное моление приносяще, с любовию взываем:

Радуйтеся, преподобнии отцы Оптинстии, благодати старчества светильницы.

Икос 1

Ангельскаго иноческаго жития всем сердцем взыскавше, вся мирская пристрастия отвергосте, Богомудрии, и во объятия Отча с любовию в обитель Оптинy притекше, путем тесным и прискорбным до конца дней ваших шествовасте. Сего ради воспеваем сице:

Радуйтеся, на зов Господень радостно притекшии;

Радуйтеся, всем желанием Христу последовавшии.

Радуйтеся, крест свой на рамо восприимшии;

Радуйтеся, паче Господа ничесоже возлюбившии.

Радуйтеся, Христа ради всеконечно себя отвергшиися;

Радуйтеся, Царствия Божия блаженнии наследницы.

Радуйтеся, преподобнии отцы Оптинстии, благодати старчества светильницы.

Кондак 2

Видевше сети диаволъския, аки паучина в мире распростертая, и во глубине сердец ваших восчувствовавше, яко от них человецы токмо смирением спасаются, себе самех в теплой молитве пред Господем повергосте, со умилением взывающе: Аллилуиа.

Икос 2

Разумевше сердцем и умом, яко делы своими не оправдится пред Богом всяк живый, и присно содержаще пред очесы вашими согрешения своя, токи слезныя, единому Господу зримыя, источати не престасте, покаяние души Ему приносяще, Егоже образ показасте нам, взывающим:

Радуйтеся, грехи своя неприкровенны прозревавшии;

Радуйтеся, дар умиления и слез от Господа приявшии.

Радуйтеся, блаженство плача о гресех познавшии;

Радуйтеся, неусыпающую скорбь о них стяжавшии.

Радуйтеся, на земли покаяния проповедницы;

Радуйтеся, на небеси ныне Господем утешаемии.

Радуйтеся, преподобнии отцы Оптинстии, благодати старчества светильницы.

Кондак 3

Силу искупительных страданий Христовых положисте, святии, яко нерушимую надежду спасения, себе самех хуждшими всех человек и никоеяже милости достойных помышляюще, и сего ради со многим смирением и благодарением присно вопиясте Богу: Аллилуиа.

Икос 3

Имуще в сердцах своих Божественный смиренномудрия дар, истинные ученицы Христа, смирившаго Себе даже до смерти Крестныя, ни во чтоже вменисте вся подвиги и труды ваша. Возрастающим бо подвигом, сугубо возрасташе и смирение, емуже дивящеся, глаголем:

Радуйтеся, послушанию и смирению Спасителем наученнии;

Радуйтеся, за смирение Господем Славы вознесеннии.

Радуйтеся, безгневия и кротости смирением достигшии;

Радуйтеся, смирением и самоукорением покой душам обретшии.

Радуйтеся, нищетою духовною обогатившиися избранницы;

Радуйтеся, ваше бо есть Царствие Небесное, нищим духом уготованное.

Радуйтеся, преподобнии отцы Оптинстии, благодати старчества светильницы.

Кондак 4

Бурю страстей, плотию и диаволом воздвизаемую, утоляюще, ум владыку над страстьми пагубными постнически постависте, мужески бо естество понудивше, потщастеся благодатию Божиею хуждшее покорити лучшему и плоть поработити духу, Подвигоположнику Христу пети не престающе: Аллилуиа.

Икос 4

Слышавше глагол Господень, яко Царствие Небесное нудится и токмо нуждницы восхищают е, постом, бдением и молитвою непрестанно подвизастеся и плоть свою со страстьми и похотьми Христови распясте, уставы иноческия нерушимо соблюдше. Темже ублажаем вы:

Радуйтеся, благое иго Христово люботрудно noнесшии;

Радуйтеся, трезвением сердечным духа не угасившии.

Радуйтеся, крепкое хранение устом своим полагавшии;

Радуйтеся, телеса своя нещадно утеснявшии.

Радуйтеся, с телесными подвиги умное делание сочетавшии;

Радуйтеся, в терпении вашем души ваша стяжавшии.

Радуйтеся, преподобнии отцы Оптинстии, благодати старчества светильницы.

Кондак 5

Светоносное имя Иисусово, яко оружие непобедимое противу бесовския рати, непрестанно в сердце с верою носяще, приснотекущий источник благодати обретосте, восходяще от силы в силу и огнь ко огню прилагающе, очищенным смыслом воспеваете Богу: Аллилуиа.

Икос 5

Прозревающе всечасно немощь свою и спасительную, благодатную силу молитвы Иисусовой, николиже престасте творити ю, страстей прилоги тою посецающе и вся козни вражия попаляюще, в безмолвии сердца молитвенное собеседование с Господем таинственно обретше, нас научаете взывати вам:

Радуйтеся, весь ум свой в молитву погрузившии;

Радуйтеся, всецело горе сердца своя имевшии.

Радуйтеся, на молитве ни о чемже суетнем помышлявшии;

Радуйтеся, имя Иисусово неусыпно призывавшии.

Радуйтеся, молитвы сердечныя изряднии подвижницы;

Радуйтеся, вся просимая во имя Господне получавшии молитвенницы.

Радуйтеся, преподобнии отцы Оптинстии, благодати старчества светильницы.

Кондак 6

Предстояще сердцем в молитве пред Крестом за грехи людския страждущаго Господа, рыданием возрыдаете, преподобнии, скорбию о гресех своих снедаеми и неизглаголанною любовию к Искупителю нашему возгарающеся, до конца жития убо трепетно взывасте Ему: Аллилуиа.

Икос 6

Воссиявшу в сердцах ваших свету любве Божественныя, славу земную и похвалы возненавидесте и омерзисте, безчестие же от человеков и всякия скорби отверстым сердцем радостно приемлюще, поношению Христову усердно приобщистеся. Нам убо образ злострадания и терпения показасте, зовущим:

Радуйтеся, язвы Господа Иисуса Христа на теле своем носившии;

Радуйтеся, поругания, яко врачевство чистительное, усердно пившии.

Радуйтеся, от почестей земных всем сердцем отвратившиися;

Радуйтеся, за ненавидящих вас с любовию молившиися.

Радуйтеся, обидящих вас, яко благодетелей, возлюбившии;

Радуйтеся, благодарити Милосердаго Господа николиже преставшии.

Радуйтеся, преподобнии отцы Оптинстии, благодати старчества светильницы.

Кондак 7

Хотяй Господь всем человеком спастися и в разум истины приити, видя ваше благое произволение и труд непрестанный в исполнении заповедей Его, отверзе вам ум разумети пути Своя и оправданием Своим научи вас. Темже сердцем просвещенным выну воспевасте: Аллилуиа.

Икос 7

Дивна дела Твоя, Господи, яко паче книжник вразумляеши рабов Твоих, всем сердцем взыскующих Тя, и открываеши очи их, да уразумеют чудеса от закона Твоего. Блажим убо преподобных Твоих, отцев наших Оптинстих, присно поучавшихся в заповедех Твоих, яже возлюбиша зело, и поем им:

Радуйтеся, словеса Божия, яко богатство много, в сердце сокрывшии;

Радуйтеся, путие заповедей Божиих всем сердцем возлюбившии.

Радуйтеся, всяк путь неправды омерзившии;

Радуйтеся, от пути Господня николиже отступившии.

Радуйтеся, в добрем подвизе уготовившиися и не смутившиися;

Радуйтеся, слово Божие вместивше, мир мног во Христе обретшии.

Радуйтеся, преподобнии отцы Оптинстии, благодати старчества светильницы.

Кондак 8

Странников и пришельцев на земли себе помышляюще, ничесоже от тленных вещей мира сего стяжати себе не возжеласте, да не будут сердца ваша к земли влекома, обаче к единому Богу прилепистеся, чисте возносяще Ему песнь: Аллилуиа.

Икос 8

Всякое плотское пристрастие, от любве Господни отлучающее, вседушно отвергосте, единое на потребу взыскующе. Всегда убо при ногу Иисусову неотторженною приседесте любовию, ко благом житейским сердца не прилагающе и все упование свое на Господа возложивше. Темже похваляем вас, святии:

Радуйтеся, без пристрастий к миру житие свое скончавшии;

Радуйтеся, от земных забот свобождшеся, сладость чистыя молитвы познавшии.

Радуйтеся, твердою верою попечения житейская отложившии;

Радуйтеся, нестяжанием и послушанием пагубныя страсти умертвившии.

Радуйтеся, иноческий обет нестяжания свято соблюдшии;

Радуйтеся, волю свою отсекшии Христовы послушницы.

Радуйтеся, преподобнии отцы Оптинстии, благодати старчества светильницы.

Кондак 9

Вся молитвы ваша и вся силы ваша подвигосте, преподобнии, во еже стяжати чистоту душевную и телесную, без неяже, по словеси Христову, никтоже узрит Бога; темже убо чистым сердцем сподобистеся в раи Господни достойно воспети чудную праведных песнь, зовуще: Аллилуиа.

Икос 9

Воюющии на душу плотская вожделения постом и молитвою укрощающе, помыслом греховным возобладати вами не попускаете, от Господа Бога, единаго власть имущаго побеждати естества чин, дар чистоты и целомудрия приясте. Приимите убо и от нас хваления таковая:

Радуйтеся, благодать Божию в борьбе с плотию смирением привлекшии;

Радуйтеся, труды и лишения возлюбивше, покой телесный отринувшии.

Радуйтеся, постом и всенощными моленьми похоть плоти умертвившии;

Радуйтеся, естества уставы силою Христовою победившии.

Радуйтеся, телеса и души ваша чисты Господеви принесшии;

Радуйтеся, чистии сердцем, Бога в вечнем блаженстве зрящии.

Радуйтеся, преподобнии отцы Оптинстии, благодати старчества светильницы.

Кондак 10

Спасти хотяще души своя для жизни вечныя, вся помышления о земнем и привременнем отринусте и Спасителю нашему, заповедь велику о любви учеником Своим давшему, делом и истиною последовасте. Сего ради ближних ваших теплою любовию тогда возлюбисте, Небесному Отцу всех человеков зовуще: Аллилуиа.

Икос 10

Возлюбивше всею душею ближняго своего, Царствие Божие внутрь себе обретосте, темже сниде в сердца ваша огнь попаляяй любве Божия, еюже необыменно насыщающеся, всецело себе в жертву делом любве принесосте. Ныне же и от нас благоговейное пение сие слышите:

Радуйтеся, всех человеков святою любовию возлюбившии;

Радуйтеся, во еже некия спасти, всем вся бывшии.

Радуйтеся, о горестех людских слезно воздыхавшии;

Радуйтеся, всех притекающих в сердцах своих вмещавшии.

Радуйтеся, тща от себе никогоже отпускавшии;

Радуйтеся, души ваша за ближних полагавшии.

Радуйтеся, преподобнии отцы Оптинстии, благодати старчества светильницы.

Кондак 11

Пение молебное приносим вам, преподобнии отцы наши Оптинстии, вашею бо стезею воистину право ходити познахом. Блажени есте, Христу работавшии и вражию посрамившии силу, истинное правило добродетели показастеся всем, Господеви зовущим: Аллилуиа.

Икос 11

Светлыя подвиги ваша похваляюще, преподобнии отцы наши Оптинстии, ублажаем вас, яко славных наставников монахов и чудных собеседников Ангелов ныне на небеси Престолу Божию предстоящих и молящихся о нас, с любовию поющих вам:

Радуйтеся, трезвения непрестаннаго усерднии ревнителе;

Радуйтеся, пламени сердечнаго неусыпнии хранителе.

Радуйтеся, непоколебимии столпи послушания, вся претерпевшии;

Радуйтеся, многими скорбьми в Царствие Божие вшедшии.

Радуйтеся, иноческаго жития равноангельнии подвижницы;

Радуйтеся, добрии раби Божии, блазии и вернии.

Радуйтеся, преподобнии отцы Оптинстии, благодати старчества светильницы.

Кондак 12

Благодати дар испросите нам у Господа, вас, о блаженнии, верно хвалящим. Вонмите воздыханием нашим, слез наших не презрите. Умолите Господа утолити лютыя страсти наша, дати нам плач сокрушенный о гресех наших, да чистою душею и неоскверненными устнами купно с вами сподобимся в раи Господни воспевати: Аллилуиа.

Икос 12

Поюще ныне вас, о преподобнии, хвалебными гласы, вемы, яко не пения устен взыскуете, но подвигом вашим последования, смирения сердечнаго и жития исправления. Темже в покаянии помощи вашея просяще, любовию же подвизаеми, глаголем:

Радуйтеся, добре жительствующих ограждающии;

Радуйтеся, немощных и сирых укрепляющии.

Радуйтеся, падающим руку помощи простирающии;

Радуйтеся, кающимся слезы утешительныя низпосылающии.

Радуйтеся, всем призывающим вас скории помощницы;

Радуйтеся, спасения нашего пред Богом теплии ходатаи.

Радуйтеся, преподобнии отцы Оптинстии, благодати старчества светильницы.

Кондак 13

О преславнии угодницы Христовы, преподобнии отцы и старцы, Моисее, Антоние, Исаакие, Иларионе, Анатолие, Иосифе и Вторый Исаакие, Льве, Макарие, Амвросие, Варсонофие, Вторый Анатолие, Нектарие и Никоне, яко седмь столпов и седмь светильников в Оптинстей обители просиявшии! Нынешнее наше моление услышите и испросите нам у Господа смирение и память смертную, да избавит нас Господь от всякаго зла и сподобит христианския кончины всех вопиющих Ему: Аллилуиа.

(Этот кондак читается трижды, а затем икос 1 и кондак 1)

Молитва

О велицыи угодницы Божии, столпи и светильницы Земли Российстей, преподобнии и богоноснии отцы наши Оптинстии, Льве, Макарие, Моисее, Антоние, Иларионе, Амвросие, Анатолие, Исаакие и Иосифе, Варсонофие, Анатолие, Нектарие, Никоне и Исаакие, по закону Евангельскому Господа Бога всем сердцем и всею душею и всем разумением возлюбившии и всему народу Божию во спасение бывшии; сего ради под покров Пресвятыя Владычицы нашея Богородицы во обитель Оптину, покаявшимся разбойником основанную, притекшии, путем тесным и прискорбным смирения и самоукорения до конца дней ваших ходившии, темже убо благодатныя дары святаго Духа преизобильно стяжавшии; старых и младых, знатных и препростых, мудрых века сего и худоумных, никогоже от грядущих к вам ижденувшии, николиже тща и неутешна отпустившии, но светом истины Христовы всех просветившии и духовно воскресившии, ближних ваших, яко себе самех, возлюбившии и тех в сердце своем вместившии, по словеси Апостола, пророчествующе и назидающе, увещающе и утешающе. Умолите Милосердаго Господа, во обитель райскую разбойника благоразумнаго с собою вземшаго, даровати нам, недостойным, яко работником единонадесятаго часа, дух сокрушения, сердца очищение, уст хранение, правоту деяний, мудрование смиренное, слезы покаяния, веру непостыдную, любовь нелицемерную, мир душевный и здравие телесное, да предстательством вашим сподобит нас Господь добраго ответа на Страшнем Судищи Своем, вечных мук избавляя, и царствия Небеснаго купно с вами да удостоит во веки веков. Аминь.